松記糖水店

營業中

休息中

haha!!元朗開左間松記啦~~~超開心=]因為出親深水埗我就要去食下先安落!!!好啦~~~今日決定要試一試^^今日叫左個咖啡木槺布甸+糖不甩+鮮什果明珠+ck酥咖啡木槺布甸~~~之前睇食評都話個布甸麻麻地...今日食過...好滑好香咖啡味喎...食到個心到都好軟滑!!!推介!糖不甩~~~~好軟好彈牙!又唔太甜!好食!!!!!!!!!!!!!!!!!!!鮮什果明珠~~d生果超新鮮=]d明珠好煙韌!!!!個芒果汁好好味!!!ck酥~~好脆~~~d芒果好甜!!!又有雪糕食!!正!!!!!!!!!!!!!!但係聽我BF講通常下午先有得食!!去到夜晚好多時都賣晒!!!好彩今次係下午黎食姐!!HAHA!d野比起總店貴左一兩蚊到...但係車錢都係返到啦=]一個字~~~~正!!仲有D樓面妹妹都好有禮貌!!!又會逐樣問清楚我地要唔要奶等等...態度滿分!!不過個位都有D偏僻...揸車黎食就一流...因為唔使搵位泊車=]我一定要再黎食過!!!!!!!!!!!!!!!!!!!!!!!!!!!

一直都對松記情有獨宗，中學時代住長沙灣，時時同同學去食，之後搬了入元朗，就少了很多機會去食了，有時經過廟街，一定去食番碗。今日去飲茶時，竟然被我見到有間松記晌附近，眼前一亮，心想元朗總於有松記，飲完茶，雖然好飽也買了一碗幻彩明彩外賣，發現好似貴過廟街嗰街，之前$16，今次$19（$1外賣盒），不過我覺得都抵，因為其他有鮮雜果的糖水，都要二幾蚊。碗幻彩明珠好正，鮮雜果新鮮，鮮芒果甜甜酸酸，醒胃！西米大大粉，好有咬口，不過，撈芒果汁唔夠甜。夏天一碗,感覺涼快

不經不覺, 之前已經打了兩篇關於元朗松記的食評, 本來短期內不再寫了, 但是前天晚上再到這裏吃甜品後的評價跟之前完全不同, 所以決定要再補一篇, 希望對其他會幫襯的網友有參考作用.松記的鮮果類甜品如招牌的幻彩明珠, summer 等均不俗, 但由於之前已吃過了, 所以前晚決定改點其他的種類, 心想應該都會OK, 點知.......竟然出事了 豆花+芝麻糊(熱食)差, 完全唔掂!!! 豆花淡而無味, 沒有應有的豆味, 芝麻糊味道則不夠香, 像即沖產品的質素, 最敗筆的是整碗甜品稀得交關, 像粥水的杰度, 明顯水份太多, 有偷工減料的感覺, 其實這種最普通的中式糖水才最能夠反映出店主的心機及是否足料, 坊間甜品舖眾多, 但這種傳統糖水好吃的可謂少之又少, 以為松記可以破例, 可惜還是一樣!!!糖不甩水準以下, 粉團比較硬不夠煙韌彈牙, 和擂沙湯丸比差很遠, 以後只會吃後者咖啡木糠布甸餐牌上好像很靚, 但一放下來, 不禁嘩嘩聲, 有無攪錯, 完全不是一客布甸應有的外貌, 似沙灘上一堆塌下的散沙多些, 和餐牌上的差得實在太遠, 我們立即向收銀的女子(我特登找她的, 因為按經驗一般的待應妹妹一

之前已光顧過, 今次再來, 客人的數量已經比初初開業時多了很多, 到達時差不多爆場, 幸好還不用等位芒果流璃味道不俗, 西米很韌彈牙, 不過只有芒果一款單調了少許, 如果配雜果的話應該會更好味, 下次改試雜果款式雜果紅豆大菜糕大菜糕好滑，唔會好似佳記咁實;紅豆好多好香;雜果份量都唔錯。非常好味！真好, 以後不用再幫襯那間不好吃, 環境及服務都不好的佳記了

D糖水好平....比起元朗X仔糖水果D真係又平又抵食!雜果杯杯冰好好味,,,不過生果大明珠食到底果陣覺得有D乾..提議落多D花奶,,,,次次食親都有剩!衣家唔使專登出到TW同埋9龍食松記啦!

寫完人家樓下甜品店，才想起已數次拜訪開新的樓下松記糖水，也來一寫它吧! 　向來幾欣賞長沙灣的松記的出品，所以由四川回來不久已去幫襯；新店一般都整潔企理，較特別是門口的投影燈，環境與衛生度是比總店優勝多了，不過食物加價了但水準卻不及總店，兩次經歷總結如下：　Summer($20)-身處炎炎夏日，有那款甜品的吸引力可媲擁有兩球雪糕的Summer? 不過這裡的朱古力雪糕一點不濃，芝麻雪糕會較像真吸引；底層則由芒果醬、大明珠(粉圓)再撈上鮮雜果而成，前兩者沒有問題，幾款蜜瓜、西瓜、芒果等雜果都幾唔甜的，魅力自然大減。　Hello($18)-由涼粉、雜豆、杏仁豆腐、粉圓及芒果汁等組成的糖水甜品，在總店吃時覺得香滑不膩，越吃越想吃；這裡的幾款眉豆、鷹豆、紅豆等則煮得較硬較實，非常填肚，令人吃到一半就不想繼續。　擂沙湯圓($13)-首次嘗試松記的擂沙湯圓，上檯賣相頗為誘人，然而湯圓皮不夠香糯吸引，中間餡芯又欠缺芝麻香(香氣還不如雪糕!)，我認為是很一般的水準。有信心自家製的會更好吃!　雪山($20)-由一球自選雪糕，加上椰汁大明珠、杏仁豆腐等組成；再次選的芝麻雪糕，為本來單調的椰汁味糖水帶來陣陣芝麻

今日完左同學的聚會後決定黎多round甜品糖水, 而聽講呢度開左間口碑唔錯ge糖水舖, 所以決定一試。此店有別於其他係人來人往街道立足的元朗糖水舖, 反而選址係偏僻的角落, 但客源不見稀少, 反而坐無虛席, 亦不斷有人外賣自取。店面面積唔算太大, 坐位也排得密密麻麻, 行走通道亦都相應狹窄。一如慣例, 此處也提供數十款的甜品糖水, 朋友也推介熱門的食物, 但睇到佢出左款新的甜品(咖啡木糠布甸), 作為咖啡迷的我也當然要試試。有落單到枱面都不過是十多分鐘, 可惜好多碗糖水送黎ge時候已經有d倒瀉係碟面, 在追求速度上要求也不能降定。咖啡木糠布甸$12: 外觀的確係吸引, 由一層木糠鋪係面, 而布甸的層與層之間亦鋪左層木糠。咖啡香味仍薄薄的一陣, 奶香反而未有突出。而布甸的body質感確實特別, 我用金屬茶匙都要用九牛虎之力才能挖出一茶匙布甸, 完全破壞布甸係我心中柔滑的感覺。入口感覺究係很乾, 本應由布甸那柔軟來平衡木糠. 但現左body表現失色, 頓時破壞整個口感。而body的質感卻軟硬水準不一, 這是來不切解凍? 導致這樣的口感? 布甸給我的感覺是它不是一個整體, 由一舊舊的木糠球

真係好開心元朗開松記, 我覺得真係開得好好~~ 起碼我厘D九龍人士入到元朗想食個好既糖水都有地方啦!! Yeah~ 唔洗再木去唔好味既B仔啦!!!! 今次第一次食元朗分店既糖水, 梗係要試下招牌貨有冇失準先啦~ 所以點左幻彩明珠同Summer~ 真係好好味~ haha~ 同總店差不多, 冇大分別~ 都係咁多生果, 咁真材實料!! 不過價錢就比起九龍貴啊~ 幻彩明珠要18蚊呢!! 不過都唔會影響到我繼續食的! 環境都唔錯, 枱唔會迫, 可能新開所以都幾整齊, 店員服務質素佳! 下次我一定要食到擂沙湯圓呀!!! 當日太飽食唔到~!!! 好可惜!!!

今晚的 dinner 吃得不夠飽, 突然記得松記在元朗開了分店, 從 Openrice 得知此間糖水舖在出面很有名氣, 人很多, 所以晚上和老婆乘機試它一試.去到還未9點, 已經有不少人, 不過還有空枱, 所以不用等位. 點了 :幻彩明珠 : 很多在這裏留評的人都有試過這款, 整體而言不俗, 份量多, 味道亦OK, 不過鮮果味道比較淡, 不夠鮮甜哈囉 : 名字有些古怪, 但吃落十分好味, 份量也很多擂沙湯圓 : 湯圓很彈牙, 花生粒亦很香, 好吃, 可惜只有5粒, 太少了整體而言, 這間的糖水比起元朗的其他糖水舖如佳記, 汎后有特色, 不會只把生果放在涼粉, 西米露上便算, 而是懂得弄些特別的配搭, 值得加許, 舖內環境及服務亦是最好的, 會再來

久仰松記大名.也遲遲末去嘗試.第六間分店終於來到我居住的地方...元朗開啦...我下定決心盡快試一次 可惜在元朗..我見不到宣傳.找了二日先找到呢間店.原因我覺得一間出名的店,一定在人流暢旺的地方開.可惜我錯左...呢間店的位置好僻靜.可能望少一眼就找不到... 顯出膽色的之處就係舖位...在元朗屹立不倒的B仔.泛后都在大街.元朗很多糖水店生意一般.松記竟然在僻靜位置開新店..仲要沒有宣傳..這様也算是膽色嗎?.還是對自己充滿信心. 我今天証明了.呢間店各方面都優勝,環境因新店的關係燈光十足.坐得舒服.地方乾淨企理牆上有多張出名的糖水相,望落十分吸引... 而店員不止有禮貎.也會為人客用心介绍食物的味道..人客離開時幫手開門,呢點我欣賞的 我點了芒果雪榚涼粉 18元價錢不是什麼跳樓價,但合理芒果雪榚:當然不是日本貴價貨,但食落口.立刻有滑的感覺..之後就有淡淡的芒果香味.內含碎碎的冰粒.消暑一流... 涼粉裝到滿滿,值得讚花奶多於糖水...因奶味十足.... 總括而言.我見証了..松記的成功之道.品質好,價錢平...員工有禮...呢幾點值得學習的.我也明白到為何有呢間松記會這様大膽和

今日路過鳳翔路,發現松記係元朗開了分店,於是入內一試,發現有長沙灣的水準,我同太太叫了兩個甜品,一個係翡翠明珠,另一個係拿乜乜餅,唔記得名,翡翠明珠個juice好正,而個乜乜餅好脆,今日咁熱好好feel!!!值得推介今日去仲有九折咭送,可能新開掛?

地點僻靜左d, 周圍唔見有大肆宣傳/ 派傳單, 早幾日無意經過先知開張, 尋晚兩個人去試了. 晚上十一時到, 都有唔少客人但不用等位.什果西米露 $18 ~ 比較'傑'身同香滑, 因為椰奶同芒汁都多,夠份量! 但honey反而鍾意水感重d, 佢覺得太傑, 好'漏'.什果冰燕 $22 ~ 之前响天悅松記食過, 印象中賣相靚又大碗勁抵食. 所以松記一開必試. 服務員一送上時, 大感失望.......份量沒有滿滿的之餘, 一看冰燕真的好少.....因為製造時先放什果在底, 再放冰燕(即是生果long高d冰燕啦, 同我食過的賣相及份量唔同)......完全失望.新店開張幾日, 水準不及舊舖? 我會俾多一次機會, 遲d試多次啦