松記糖水店

營業中

休息中

之前係元朗松記分店食過幾次, 佢的新派甜品算可以, 但昨晚見少少凍, 想食返熱既傳統糖水, 於是叫左碗熱芋頭西米露, 點知...係我係元朗食過幾間糖水舖裡最難食既一間(有益, 泛后兩間都不錯)她的芋頭西米露, 只是微暖, 但最差的是西米露及芋頭是分開煲的, 芋頭是好整齊的正方塊, 微微煎了, 但有點硬及乾身, 兩樣一齊吃口感好怪, 不似平常食開的口感, 西米露裡完全沒有煲熔了的芋頭, 芋頭因為煎了, 不吸水. (唔通睇得食神多...真係以為瀨尿蝦是但溝埋牛丸度就得...哈哈哈)最令我難理解的是... 我的西米露是$21 (西米露$15 + 芋頭 $6)... 我第一次食竽頭西米露是這樣計算的.... 不幸中的大幸是, 她們沒有分開"西米"同"露"計算。不如松記同客人講, 沒有這個甜品吧...無謂賺少少做壞自己個名

筆者在元朗試過大大小小的糖水店，每一間都各有特色，例如佳記、泛後等等，這些都早已在元朗駐紮已久，而且都已打響了名堂，成為了元朗的特色，但駐紮太久，再加上欠缺求新求變的精神，反而少了一番新鮮感，這是我對於元朗糖水店的感覺。最近才發現松記糖水店在元朗開了分店(雖然有點遲，哈哈... ...)，我知道松記已有二十年的歷史，它是在一九九一年由陳重光先生創立，而第一間的店舖設於深水埗東沙島街，總店在長沙灣元州街， 而且它的糖水很創新，製作也很用心，一直很想去試試，可是由於地方不太就腳，所以就打消了念頭，後來發現原來元朗也有分店，於是便走來試試，滿足一下自己的好奇心，加上筆者早已聽聞其大名，於是便一探究竟。松記的推介甜品是幻彩明珠、SUMMER、開心世界、哈囉等等，由於只有筆者與友人兩個，所以就只叫三樣開心世界給了我很大的驚喜，上面舖滿了各種水果(而且都是新鮮的水果)，而下層是一顆顆牛奶白色的涼粉，但這些又不是白色的涼粉，而是類似布甸質感，它沒有涼粉那麼「挺身」的感覺，但有一點Q，但吃下去又有點像布甸軟滑，而且更有濃濃的奶香，味道很驚喜。幻彩明珠是它的主打，也是店內出名的甜品，雖然它只是一個雜果涼

今晚我哋好早就入元朗食過晚餐, 跟住就捐窿捐罅四圍八卦, 睇定下次嘅目標食肆. 竟無意地搵到呢間松記糖水. 松記聽就聽得多, 食就真係未食過, 好! 就入去試下, 入到去19:30, 只得兩枱客, 都正常嘅, 真係好少人會咁早食糖水囉.聽聞佢哋嘅馬蹄露好出名, 就叫嚟試下, 仲要係起雙飛喎, 一碗凍, 一碗熱 各$13.00, 一碗加芋頭 (另+$5.00). 嚟多個CK酥添 $28.00馬蹄露--雞花夠滑, 馬蹄爽甜, 味道啱啱好. 無論凍熱都一流, 正! 但加嘅芋頭就唔得, 唔夠粉林, 仲係好硬CK酥--由三層酥皮組成, 面頭加球雪糕同埋朱古力醬, 賣相唔錯. 第二層係生果粒同埋啲細粒啫喱狀嘅物體加cream, 最底層係水晶涼粉加cream. 酥皮好脆, 夾埋雪糕食真係好正. 呢間甜品質數都幾好, 價錢又大眾化, 以後又多一個食甜品嘅好地方喇

(First EVER review: please bear with me!)Been back in HKG for more than a month now, have been paying weekly visits to Chung Kee's Yuen Long branch! I have been a fan of their extensive and creative dessert menu since its first few branches in Cheung Sha wan. So happy they have now opened one near my area!BF and I chose to properly end our lunch with dessert (as usual), arrived here at around 2pm and there was no other customers! It is usually busy after dinner. Last week, I had to wait 15 minut

(First EVER review: please bare with me!)Been back in HKG for more than a month now, have been paying weekly visits to Chung Kee's Yuen Long branch! I have been a fan of their extensive and creative dessert menu since its first few branches in Cheung Sha wan. So happy they have now opened one near my area!BF and I chose to properly end our lunch with dessert (as usual), arrived here at around 2pm and there was no other customers! It is usually busy after dinner. Last week, I had to wait 15 minut

今日好開心，in-charge請食糖水，打電話叫外買10碗糖水，職員重複一次order沒有漏單，大家滿心歡喜有飯後甜品，點知送來只有9碗加的士$$，打電話去問仲要比佢地d職員鬧，＂咁而家係咪要我趕走d堂食客出門口，而特別送一碗比返你吖＂你話有沒有咁過份，自己錯仲要咁樣對客人講嘢！更好食都勢係假，決定罷食！唔係得元朗松記一間糖水舖！

終於可以擺脫 b仔/泛后/棉棉冰 食到厭今次又係試幻彩明珠$19蚊 真係幾抵! 而且又係新鮮生果 , 非canned fruit健康好多中午12點幾黎食 , 成間鋪得自己一個感覺好自在只不過食到咁上下有個女staff 係咁係廚房個 " la" 位望我我估佢係想睇我幾時食完等佢可以收碗 &錢定係驚我食完唔俾錢走左去呢總之有d 令人唔舒服就係佢破壞晒食甜品既義意不過overall 都ok

松記那麼出名的甜品店, 我昨晚才第一次光顧元朗分店.桂圓蓮子蛋茶加湯圓 ($27)女友嗜此茶, 我試了二囗, 不覺過甜, 也見用料充足, 雞蛋颇大隻, 應是特大型號, 但不是茶葉蛋, 其餘用料例如蓮子, 龍眼玉不過腍, 而加料的兩粒湯圓軟腍, 若冬天食用更覺脂潤.紅豆沙+豆腐花 ($15)我沒有選推介甜品, 只選較簡單的, 最可借賣相失真, 只怪菜單相片太完美, 紅白中間分界, 名字又有太極二字.使我產生期望, 味道方面, 紅豆沙不錯, 只是没有我喜歡的陳皮味, 找也找不到, 豆腐花一般, 不算很滑, 也許混入了紅豆沙吧.

已經有一兩個月沒有再到過松記了, 今晚再次幫趁, 我們點了熱的紅豆沙以及凍蛋花馬蹄露. 紅豆沙一般貨式, 沒有起沙的質感, 一定唔係煲得很久, 亦沒有陳皮的味道, 最可取之處只是唔太甜漏, 但跟綠林的紅豆沙比起來就相差極遠了. 蛋花馬蹄露馬蹄份量多, 啲馬蹄幾爽口, 唔太甜, 算係咁.

其實我都食過幾次，不過實在太遠啦。最近都要出荃灣，前排先知道松記開到黎元朗，見有時間就過黎食餐甜品吧。由於時間尚早，所以人流唔算太旺。蘆薈清涼爽由三種特別既材料整既甜品，有幾特別？因為除左蘆薈之外，其他既甜品我都唔知係咩黎。不過食落有幾有咬口，口感唔錯既。為左提升口感，加上左咖啡奶。令個甜品更好食。奶皇湯圓另一個幾好食既甜品，幾乎次次都會食既。奶皇湯圓既皮都唔算太厚，食落好有咬口。而且湯圓餡好香，香而不甜。再配上驅寒既薑汁，就算再幾凍，食完都會有種暖笠笠既感覺。CK酥又一得意既甜品，上面有個紅豆雪糕。而下面就有層脆餅，脆餅之下就有水果。食落有幾種口感，創意非常。不過，用雪糕同脆餅一齊食。個味道係最夾既，不過食完真係有滯。但我覺得呢個甜品係最特別，最得意既。呢餐甜品都幾好，價錢又算大眾化。而且選擇都幾多，實有翻兜既機會。

下午三點左右; 我同我妹一齊去左松記糖水(元朗分店)到食xddd正!!!!!朱古力味綿綿冰,夠濃=] 配可可米好夾咖啡木槺布甸都幾香滑,食落有淡淡既咖啡香另外,仲嗌左個薑汁撞鮮奶... 可能本人比較食得辣,食落唔夠薑xddd 店內員工話可以自行決定薑汁多定少~ 因應個人喜好。除此之外,員工服務態度都好好。而且,間舖好乾淨,完全冇污糟~~~價錢都幾合理;; 最重要既係地理環境都唔錯,起碼唔洗對住條多車行既馬路食糖水;) 食得安心,食得舒服=]值得食完一次又一次啦~~~~~~~~

聖誕節當日，與友人慶祝完，再到這間「松記糖水」天寒地凍，我還打算叫左燉蛋，暖暖胃。點知話無晒………後來叫個松記推介的ＳＵＭＭＥＲ，我點左曲奇加朱古力兩種味雪糕。２２蚊不過，食落同睇落，又唔覺得有咩咁特別。都係生果加雪糕，極其普通既糖水。推介何處？２５蚊我朋友叫左呢個。味道同我個個差不多……唔知係咪凌晨啦，侍應態度又麻麻地…

自從松記開了之後, 久不久都會來食, 不過漸漸發覺這兒除了幾款極招牌的甜品如幻彩明珠, 六寶湯丸和雪糕summer等之外, 其他的糖水其實水準只是一般, 幾天前的幫趁又是另一例證.當天吃完晚飯後再次來, 不用等位, 老婆要了鮮什果紅豆大菜糕, 我則轉轉口味, 要了一盅桂圓蓮子蛋茶. 鮮什果紅豆大菜糕份量幾多, 上面個曲奇雪糕幾好食, 生果質素大致上都可以, 不過每次發覺都是西瓜最多, 其他的生果就比較少, 尤其是芒果, 通常只有一至兩條而已. 嚿大菜糕都過得去, 唔太硬, 而且紅豆算多. 桂圓蓮子蛋茶打開時, 有些奇怪, 話明是蛋茶, 發現點解唔係茶色的, 顏色清澈如水, 究竟是蛋茶還是蛋水呢? 尚幸份量和味道都算可以, 蓮子及桂圓肉頗多, 而且唔太甜漏, 但就非常淡口, 絕對唔係正宗的蓮子蛋茶囉!記得松記剛開業時, 先試招牌糖水的時候, 覺得水準是唔錯, 而且很有創意, 吃完很有滿足的感覺, 但現在已經沒有了, 因為原來唔食招牌甜品, 其他的糖水和附近其他的店子分別根本不太大, 我們仍久不久來, 最主要是因為這兒比較清潔, 而且價錢尚算合理而已.

叫左最原始既芝麻糊, 因為本人好鐘意食芝麻糊 但係而家好難搵到間好食既......佢既芝麻糊好香好濃好杰, 但係都幾大碗......我仲加左3粒芝麻湯圓, $3一粒, 都好香好好味另外我朋友叫左芒果玻璃, D玻璃口感好得意, 本身就冇味, 但加左個芒果汁同CREAM汁就幾好~~~第時想食芝麻糊一定黎返呢間!!! 又唔貴又好食!!!

haha!!元朗開左間松記啦~~~超開心=]因為出親深水埗我就要去食下先安落!!!好啦~~~今日決定要試一試^^今日叫左個咖啡木槺布甸+糖不甩+鮮什果明珠+ck酥咖啡木槺布甸~~~之前睇食評都話個布甸麻麻地...今日食過...好滑好香咖啡味喎...食到個心到都好軟滑!!!推介!糖不甩~~~~好軟好彈牙!又唔太甜!好食!!!!!!!!!!!!!!!!!!!鮮什果明珠~~d生果超新鮮=]d明珠好煙韌!!!!個芒果汁好好味!!!ck酥~~好脆~~~d芒果好甜!!!又有雪糕食!!正!!!!!!!!!!!!!!但係聽我BF講通常下午先有得食!!去到夜晚好多時都賣晒!!!好彩今次係下午黎食姐!!HAHA!d野比起總店貴左一兩蚊到...但係車錢都係返到啦=]一個字~~~~正!!仲有D樓面妹妹都好有禮貌!!!又會逐樣問清楚我地要唔要奶等等...態度滿分!!不過個位都有D偏僻...揸車黎食就一流...因為唔使搵位泊車=]我一定要再黎食過!!!!!!!!!!!!!!!!!!!!!!!!!!!