松記糖水店

營業中

休息中

到元朗食糖水， 除了B 仔出名之外， 松記都係一個不錯的選擇！我見到張poster, 好吸引，大大仔字寫了「榴槤來襲」， 我即時叫了一 份榴槤班戟 和 一個 椰皇飄香

來親松記，我只會叫檸檬馬碲露👍🏻 新鮮檸檬片帶出馬碲嘅爽甜，真係無得輸！老公叫左黑珍珠馬碲露，同檸檬差好遠啊👎🏻而家叫糖水，可以$6加一份芋圓，一整碗上，好抵食！不過芋圓就普普通通啦，唔夠QQ呀，反而個薑汁糖水就好夠薑好正👍🏻

第一次去松記 印象覺得應該係食比較中式既甜品 但竟然有西式 紐約芝士蛋糕 好棯身 似係用左好多忌廉 唔夠芝士好結正常蕃薯湯水哈密瓜西米露 太多忌廉 雪糕涼粉朱古力心太軟配綠茶雪糕 心太軟都還可以 雪糕非常稔整體黎講好一般

夜晚同朋友去食糖水10點幾因為出面有位所以坐出面個餐牌好臭之後同朋友點左三個雪花冰一個琉璃之戀雪花冰就還好 我地叫左豆腐味 芒果加益力多味 同埋 芒果味 配料都ok多份量幾好琉璃之戀幾清爽因為出面開到十一點所以隔離台台食完爭我地咁佢就寫住過左十一點會轉返入去仲有成半碟冰未食完 一有朋友食完就不停收 又話要埋左單先 完全冇打算轉我地入去 剩係係咁叫我地食快啲我地都想食快d 但雪花冰咁凍 好難鯨吞最後食剩細細碟嬲嬲地走 然後一行開 個女同事勁燥底勁大力好似掟野咁拎走d野完全係失望

嘩，松記真係好誇張，無論邊度既松記都係咁多人排隊架！外面仲要泊滿車tim，老公今晚揸車車我去，因為約左朋友一齊食∼入座後都發現幾迫，真係背對背，店員要小心翼翼咁攞糖水，坐得唔太舒服，完全係想食完就走既感覺！我叫左紅黑，即係紅豆沙溝芝麻糊，好香既芝麻糊味，佢地份量參半，可能因為芝麻糊始終好大味，所以紅豆沙味就食唔到啦，紅豆唔太林，亦無起沙，差左少少。老公叫0個個我都中意食，西瓜豆腐花，西瓜好新鮮呀！每粒西瓜切成正方形，亦好甜，反而豆腐花就差左d，好散，而且唔夠甜。如果都係元朗，我諗其他店都應該會幾好味，下次可以揀其他∼

剛剛去完伯父家拜年，弟弟忽然想吃糖水，區內最穩紮穩打當然選松記，一定不會難吃，價錢屬實惠。偏愛喳咋口味的弟弟買了哈囉，他奇怪為何有芒果😂我都不知道呢~ 他覺得黑白涼粉蠻清爽，喳咋配料非常豐富，不過味道不太濃郁，可能因為大量食客關係，煮不及故味道稍淡。至於我跟平日一樣吃幻彩明珠，水果一如既往新鮮，唯一挑剔是奇異果酸得要死，我勉強吃下去。大珍珠今晚煮得太過綿爛，沒有彈性，要扣弟。雙親則一人一碗六寶湯圓，他們很滿意薑汁湯，辣得驅寒，正好在這寒夜喝，而且松記都盛得滿滿。綠茶奶黃湯圓很一般，湯圓皮不夠薄身，奶黃冷卻後變成漿，爸爸不太喜歡。芝麻湯圓芝麻味濃香，而且磨得細滑，爸媽都很喜歡。應該是蕃薯湯圓? 媽媽說蕃薯很綿密，正好配合薑汁湯呢。

元朗有許多甜水店，可是只愛這一間好耐無黎，原來加左價，不過都係1-2蚊姐都合理既，用30蚊左右食到都算係平民化！今次叫左個雪山和雪糕杯杯冰雪糕係可以自己揀味，有芒果，朱古力等....雪山入面有滿滿的西米露和白色珍珠和椰汁糕白珍珠都幾軟lum lum，幾好咬，椰汁糕會比較濕潤，比起單獨食更滋潤！而雪糕杯杯冰更是我的至愛！有人會話想冰好傻，只是水整出黎！但是配料是重點囉！冰食落去又唔太負擔，有芒果汁撈撈，更有士多啤梨肉粒醬，令個味道有好多重！最低下有紅豆同椰果令個口感多左！

係元朗同朋友食完晚飯，順便食埋堂水。去到松記門口，已經有d人等緊位，但係我地都係好快就有位坐。打開個menu 見到有幾款都好想食，於是就叫左5樣share 一齊食。同朋友食野既好處就係樣樣想食嘅都可以試d🙈第1樣：summer $29呢碗係有得自選2球雪糕，我地簡左抹茶同曲奇，仲有兩條朱古力條。另外都有好多生果：芒果、西瓜同哈蜜瓜，成個配搭都唔錯，唔會太甜，真係有種summer，涼透心嘅感覺👍🏻第2樣：芒果奶凍 $29呢個奶凍就甜左d，個奶凍本身甜味都已經好夠，但係上面仲淋左層芒果醬，甜上加甜，有d溜，食一兩啖就唔想食。但係奶凍既口感係幾滑嘅，而且奶味重。不過不失啦！第3樣：雪糕杯杯冰 $35睇Menu幅圖係幾令幾吸引嘅，但係真實個賣相就唔係幾令，應該係關個芒果醬事😂但係味道同口感都唔錯，雪糕、芒果醬、冰、紅豆，幾款配料既配合令到口感好豐富，食落又唔會太甜。讚！第4樣：三重心太軟+雪糕 $48呢個食唔到有咩特別，同出面一般食到個d差不多。第5樣：益力多雙色冰呢個我冇食到，但係見到佢個賣相都幾靚整體黎講，松記甜品嘅選擇都幾多，而且配搭唔錯，價錢可以接受，係食糖水嘅好選擇之一😋👍🏻

又到左食甜唔既時候啦💕次次去親元朗都會幫襯呢間又平又好食既糖水鋪 因為太好食既關係幾乎次次去都要排隊今次都唔例外 不過排左10分鐘左右就入得嚕~因爲太多人既關係我地5個都坐得有dd逼 跟著我地就叫左5款甜品share黎食啦我嗌既係雪糕杯杯冰($35)一上枱個樣唔算係勁靚勁吸引可能因為d芒果汁cum住曬d冰既關係😂但係一食落係超級好味 佢既冰加埋d芒果汁同士多啤梨汁一齊食係啱啱好而且酸酸甜甜咁樣好好味 而佢既底部係滿滿既紅豆粒粒 對於鐘意食紅豆既人黎講簡單係恩物💕而冰上面有一球自選雪糕我就簡左朱古力味加埋d椰果同生果一齊食勁夾朱古力味又濃👍🏻之後就係朋友既summer($29)summer呢款甜品係舊款黎但係水準一直都好高我之前次次食呢間都會揀summer😋佢上枱個陣都幾吸睛架因爲都擺得幾靚幾吸引 兩球雪糕加埋滿滿既明珠同生果個感覺好fresh😛而且佢既生果舊舊都大大件又甜仲有我好鐘意食既西瓜哈蜜瓜面頭放左2枝黑白配做裝飾係又平又靚又抵食第3款甜品就係芒果奶凍($29)佢既奶味好濃郁而且加上酸酸地既芒果中和返就啱啱好 食落又香又滑 呢款甜品會比較啱鐘意奶味濃既朋友我就一般般重奶味既但都覺

每次去到松記都會即刻點返個哈囉黎食～ 呢次突然間榴蓮癮起，就試下新野，就點左呢個榴蓮雪糕刨冰不過....都真係幾伏下。開頭以為面頭既雪糕會係榴蓮味，但係個味道十分奇怪，食落好似煉奶味，仲要膠膠地咁。個刨冰直情咩味都無，而且非常粗糙，一啲都唔滑，隔離有D紅豆和椰果，但味道不太配合，好夾硬嚟，而且紅豆好硬，好似唔熟咁！唯一正常少少得返d榴蓮蓉，但整體真係好災難性。下次去松記都係唔好試新野，食返招牌嘅哈囉穩陣啲

一講起老字號甜品店，大家一定會想起「松記」，松記發跡點是深水步舊區，做街坊生意起家。最值得我們欣賞的是分店也有總店的水準。假日時候塞滿了糖水愛好者，人流實在太旺，羡殺旁人，在側的糖水店相形見絀，就算松記排了半小時，也對旁的店鋪不屑一看。可見松記受歡迎程度！什麼幻彩名珠，hello ...通通都是松記招牌菜。我今次品嚐只有平凡但不普通的「芝麻糊」。其實芝麻糊是心機甜點，一點不簡單。品嚐完松記的芝麻糊，滑溜稔口，沒有硬塊，米漿完全混和於芝麻漿中，明顯見到廚師耐心；煮芝麻糊要一面攪拌，一面煮至微滾，否則芝麻糊不會白滑。 我每次去松記也點「芝麻糊」。因為冬天時食用，可以温暖身體。黑芝麻具有烏黑頭髮的效果，㯫説常吃黑麻糊可以令白髮變黑，又可以美顔，營養也豐富。 在這個近年競爭劇烈的市場，松記在口味及出品上提昇質素，留了好印象留給食客。這才是香港人的甜品店。

夏天熱辣辣最爽莫過於食甜品涼爽下，今日同媽咪入左元朗探朋友，之後佢帶我地黎松記食糖水，其實我一直覺得松記吾算我最中意去的糖水店，因為九龍實在有大把比佢更好的糖水店。呢個芒果益力多棉棉冰幾好，吾會太甜都吾會太酸，兩隻味夾埋一齊又幾和諧，不過可以配料得少少選擇，小丸子、黑珍珠都要加錢先有，所以最後叫左oreo碎、大西米，再配焦糖醬！媽咪同朋友share呢個，不過吾記得叫咩名，雪糕面配生果底，普通吾算好impress!

食完飯好似唔係幾飽, 但又唔想再食太多, 所以都係買糖水返屋企食. 天氣凍買左碗傳統付竹蛋糖水$19, 熱糖水好似平D, 碗既SIZE同凍食一樣.一打開有D驚, 真係一碗水既野, 付竹唔係一片片, 係一粒粒, 所以點食都食唔到付竹皮, 係付竹碎. 完全無付竹味, 剩係得甜甜地既味道, 底有少少薏米, 有D咬口.好彩主要既雞蛋有成隻, 夠大隻, 蛋白夠滑, 補番糖水既不足.

倒數完後, 肚子有些空虛, 拖著另一半當然要去甜蜜一番。 多間甜品店都擠滿了剛倒數完的人, 有些小店更早已賣光打烊關門。 這些大時大節, 還是選擇品質較為有保證的松記。 但人群之多, 恐怕要待上半小時吧! 唯有外賣回家最快捷。 多款推介都是綿綿冰, 杯杯冰, 雪糕等生冷甜品, 不吃凍的我, 還是選擇了傳統的熱食, 另一伴亦跟隨我這習慣, 同樣選擇熱食。不用五分鐘外賣便到手, 只是輪候的號碼也沒動過呢!生磨芝麻糊 $21 加湯丸$8打開外賣盒, 芝麻的香味已湧出來。 黑漆漆的一碗, 芝麻糊不稀也不稠, 芝麻磨得很幼滑, 每一口都充滿芝麻的芳郁, 甜度亦是屬於適中類別, 如果芝麻糊再稠身一點會更好味更有口感! 這時候我的婆仔傳統意識又出動, 另外加了湯丸, 取其團圓之意, 不過$8 得兩粒好貴啊! 湯丸皮不算薄, 不過很煙韌很有嚼口, 糯米粉味不是太强。 餡料選擇了不是傳統的芝麻或花生餡, 而是奶黃餡。 奶黃香味不錯, 很幼滑不太甜, 奶味偏重一點, 剛好與芝麻糊取得平衡, 不會蓋過對方的味道。椰汁紫米露 $22食紫米露最開心的當然看見是將椰汁混和後得出來的粉紫色, 可惜椰汁沒有預期的多,

是次是第4次再食，這個雪花冰的chocolates 味道是苦的，很少雪花冰可以做到苦的味道，所以這個糖水成為了我的大愛，再加一點士多啤梨料時，這酸酸甜甜的口感及味道，便是最好味及最特別的，而且配料味道都很足夠