我約咗朋友去了一間名為「桂花小幸」嘅餐廳食lunch ！ 招牌菜有「三盛红燒牛肉麵」，材料包括有腱心牛肉 、牛腩&牛筯）， 用上台灣麵，配上養生清燉牛肉湯，非常好食！ 「三盛红燒牛肉麵」很有台灣特色，肉質鮮嫩，而且多汁，牛腩，肉質鮮嫩，入口即化，湯底濃郁，台灣麵， 硬度適中，掛上香濃養生湯，非常滋味。 古早味滷水拼盤，包括有腱心牛肉、牛肚、雞翼&蛋， 滷水雞翼非常好食，香料同醬油被雞翼吸收晒， 正呀！ 我哋仲叫咗現做煎餃子，即叫即煎，香脆可口，鮮嫩多汁，非常好食。 《仙草冬瓜茶》&《鐵觀音珍珠鮮奶茶》， 兩杯飲品都非常好飲， 仙草冬瓜茶清涼解渴，夏天必叫！

每次踩單車必到科學園打卡& 「Hunkey Dory」食野！ 餐廳好舒服，好寬敞，餐廳提供好多選擇 ，包括all day breakfast、意粉，Burger & Pizza 等等。 大大份嘅《吞拿魚紅石榴蘋果波菜沙律》，鋪滿吞拿魚，沙津菜新鮮，蘋果爽甜，加入酸酸甜甜嘅黑醋，味道至極，頭盤一流！ 超值之選👉《炸魚薯條》， 超大份只係$118，外皮炸得脆口，魚片鮮滑，仲配上香口薯條沙律菜， encore 之選！ 漲卜卜嘅《愛爾蘭健力士牛肉批》， 金黃色，酥皮焗得香脆，打開酥皮見到牛肋肉、薯仔、蘿蔔、洋蔥&西芹等等。 充滿濃郁牛肉味，仲有少少啤酒香味添，好食呀！ 最後叫番杯《Dirty coffee》&《 Fruit Punch》，可以慢慢relax 吓，環境好chill 呀！

今日約咗好友到特色火鍋店食晚飯，餐廳佈置非常特別，充滿懷舊氣息，打卡一流。 第一時間試吓佢嘅主打湯底👉《雞煲翅連鍋底》， 湯底十分足料，奶白色的， 每人有一大碗魚翅，啖啖魚翅，仲雞絲同花膠，啱晒我，滋補養顏！ 魚翅淋上雞湯，Perfect 之極！ 推介小食👉《麻辣涼拌花甲》， 酸酸辣辣，好開胃，好惹味， 份量亦好大份， 花甲肉質爽口，鮮甜惹味，正呀！ 除了特色湯底同惹味小食，仲有多款火鍋打材料，例如招牌三寶丸、肥牛、海鮮同手工餃子等等。 我特別推介👉香濃《美國殼飼肥牛》，油脂分布平均，煮到半生熟， 點上自整醬汁，味道更佳，肉質香嫩而多汁。 總括嚟講整體食物質素好好，環境舒適，逢星期日至四 ，9:00pm後，仲有八折優惠添！

今日同朋友興祝生日，我哋去元朗嘅「燒蝦蝦」食放題，試咗近年新興嘅流水蝦放題，有得玩，有得食，正呀！ 餐廳地方闊躺，主角緊係即夾即燒嘅流水蝦啦，店內有多個蝦缸，店員仲會不斷添活蝦，方便客人夾蝦，非常有趣！ 除了流水生蝦之外， 海鮮區仲有多款海鮮，例如帶子、蜆、生蠔&帆立貝等等。 呢間燒蝦好正，蝦頭仲有蝦膏，蝦肉爽口， 鮮甜無比，果然係生蝦，即夾即烤，正呀！ 每人一條鰻魚，超級好味， 皮脆肉嫩，魚香十足，正呀，可以encore 就好了。 食完海鮮，就燒咗菠蘿，新鮮菠蘿，特別香甜，燒完仲好多汁添！ 除了海鮮外，仲有好多燒烤食物，包括雞翼，牛肉、丸類&菇類&蔬菜等等。 飲品方面有汽水，啤酒& 紙包飲品等等，仲有自整花茶區，非常貼心！ 其實仲有好多自助bar, 包括甜品&小食等等。 總結，每款食物質素都好高， 味道相當好，好抵食， 值得Encore 呀，二條友食足兩個半小時， 真係超級大滿足！

今日約咗舊同事去尖沙咀睇戲， 咁挭係要食埋晚飯先番屋企啦， 大熱天時唔想煮飯！ 我哋去咗《十和田總本店》食晚飯， 十和田位於尖沙咀金馬倫道， 位置十分方便！ 《火炙左口魚裙邊丼》，材料豐富，有超多片左口魚，非常足料！ 左囗魚大大塊，仲要厚切，油脂豐富、魚香味十足、好好食！ 還配上我至愛嘅海膽， 份量都唔少㗎、 好鬼抵抵食！ 三文魚三味壽司， 我比較喜火炙三文魚壽司，三文魚用火輕輕燒過， 鮮甜肥味， 配上有色醋飯， 好夾，好好食！ 炸得香脆嘅《吉列蠔湯烏冬》 炸得鬆脆，非常香口， 烏冬煙韌， 口感剛剛好，整體味道好夾，美味！

今日約咗好友到元朗嘅「老闆火鍋冰室」食火鍋， 首先叫碟小食先👉《椒鹽九肚魚》， 表皮炸得脆卜卜， 仲好熱添，一定係即叫即炸， 魚肉嫩滑，超好食！ 之後叫咗個《胡椒豬肚鮮雞窩》， 材料十分豐富，湯底香濃惹味，以胡椒、酸菜，豬肚&鮮雞等各種香料製成， 湯底十分濃郁， 美味！ 豬肚爽口彈牙，雞件嫩滑，有雞味。最正就係腐竹， 吸晒湯底，好惹味！ 鮮味無比嘅《白鱔片》， 鱔片超高質，啖啖肉，厚切，超好味！ 手打四寶丸拼盤包括有墨魚丸、蝦丸、牛丸&豬肉丸，每人每款各兩粒，份量啱啱好，正！ 仲有鮮蝦雲吞，整體好味呀， 皮薄餡靚，蝦肉爽口，唔錯！ 晶瑩通透嘅《讚岐烏冬》，爽滑彈牙，烏冬吸收晒雞湯精華，真係打邊爐必備，yummy ! 最後梗係要食菜啦👉《皇帝菜》，好新鮮，青綠細嫩! 真心推薦《老闆押水果茶》，超大杯，足足1 公升， 開心share 無問題la ! 水果茶有菠蘿、青檸、蘋果&話梅，又好味又解渴，打邊爐啱晒啦！

今日老朋友生日，我哋去咗荃灣嘅「牛大人台灣火鍋吃到飽」慶祝一番！ 這間人氣爆燈火鍋店已經久仰大名，去到已經爆埸，今次來到，一於試吓佢嘅👉極上和牛吃到飽套餐🙌 湯底有多款選擇，共有九款， 我哋就揀咗《阿嬤養生濃湯鍋》， 仲可以用QR Code落單， 非常方便！ 牛肉都有好多款選擇， 例如牛板鍵、封門柳、一口牛肉粒等等， 當然我哋打和牛啦， 和牛入囗非常嫩滑， 油脂分佈平均，入口溶化， 相當好味！ SRF 極黑牛板鍵，肉味香濃， 入口嫩滑， 好好食！ 仲有非常少有嘅《牛胸爽》，薄薄一片，白色的，入囗爽口彈牙，又係Encore 之選！ 海鮮方面都非常多，有魚，大蝦&沙白等， 我特別推介沙白，大大粒，肉厚，脹卜卜，非常甜美！ 除了多款肉類任食之外， 仲有各式各樣火鍋自助吧，火鍋配料有丸類，菜類&麵類等等！ 飲品方面都超多呀，有汽水，啤灑&自家製台式飲品等等， 台式飲品好特別，記得一定要試！ 大家記得Like & Follow 即送一杯《金鑽愛玉冰》，味道清甜！ 最後梗係甜品時間啦， 可以點Movenpick 或台中仙草凍。整體餐廳食物多選擇，質素高，上菜快， 性價比高，值得Encore !

今日同朋友去咗一間特色小店食晚飯，「HomeLand」位於 大埔東昌街2號地舖，從遠處已經見到！ All day breakfast 嘅《Egg Benedict》，材料超級豐富， 有三文魚、香腸、煙肉、牛油果同沙律等等。 荷蘭醬配上流心水波蛋，非常合拍，切開蛋汁就即湧出，口感香滑， 再配上爽口沙律菜一齊享用，非常滋味。 《明太子海鮮pizza》， 味道濃郁， Pizza用咗薄皮，口感鬆脆，明太子醬十分惹味， 放滿海蝦，木魚碎同紫菜碎，味道好好夾！ 《慢煮紅洒燴牛面额》， 因為用咗慢煮方法烹調， 不但肉汁可以保存，牛肉又嫩又淋， 牛肉帶有香濃洒香， 味道增添不少。 配上薯蓉同蔬就完美啦！

經過元朗千色， 見到好出名嘅《媽咪雞蛋仔》，梗係要食啦！ 一大塊嘅《牛油果朱古力雞蛋仔 $35》，大大粒， 都好飽滿，脹卜卜。 將牛油果打成蓉，加上朱古力，味道超夾。 外層嘅雞蛋仔十分脆口，配上軟滑嘅牛油果餡料，仲有少少朱古力流心效，口感十分豐富。 我喜歡食栗子，所以叫咗《有機栗子雞蛋仔$30》，新鮮熱辣，好好味， 粒粒都好飽滿，仲爆哂餡添，外層脆卜卜，內裡超鬆軟，而且仲好有蛋味， 配上我之愛嘅栗子， 超滿足！ 下次再試其他口味先， 超多口味選擇! 夏天就最啱飲沙冰，《益力多沙冰 $24》，味道清甜， 酸酸甜甜， 好解渴。 《蜜蜂生薑果茶》， 味道新清， 清香蜜蜂，甜甜地， 帶有少少薑味， 幾滋潤 📣購買雞蛋仔&格仔餅，叫任何飲品，仲可以減$4，抵食！

我去咗元朗金記冰室食dinner ! 餐廳位於元朗青山公路潭尾段18號Park Circle峻巒地下117。餐廳環境舒適， 地方寬大， 非常舒服。 香濃惹味嘅咖喱牛腩飯， 牛腩唔大肥， 半肥瘦， 口感唔錯， 咖哩爆得好香， 配上香濃牛肉， 牛腩又腍， 又惹味， 配上白飯， 好好食！ 叫咗《地道霸王雞》套餐， 配白飯又老火煬， 半價可以叫飲品！ 雞肉嫰滑，有雞味， 配上秘製醬汁一齊食， 特別惹味！ 是日餐湯係《幾蟲草合掌瓜煲雞腳湯》， 冇乜味精，味都OK㗎！ 飲品唔派帖啱我👍👍👍 餐牌👇