松記糖水店

營業中

休息中

為何深宵總是餓，食完晚飯總係口痕想食個糖水叫咗個燉椰皇西米露，裏面仲有湯圓兩粒，可以選擇要花生湯圓或者芝麻湯圓，個椰皇係溫熱，食完好潤喉，而且裏面既椰青肉仲可以食埋添👍🏻👍🏻💯另外朋友仲叫咗豆腐花紅豆沙芋圓，試咗朋友嗰糖水兩啖，個豆腐花又真係好滑嘅而個咋喳糖水呢，就係傳統一般嗰啲啦，仲有個糖不甩，我哋揀咗芝麻味黎share，因為我自己都比較鍾意食湯圓，所以糖不甩好啱我胃口，而且又唔算太甜，OK好味呵❤️❤️不過如果要我推介嘅話，我都係最鍾意燉椰皇西米露，食完真係好潤喉

之前幫襯過深水埗，佐敦的松記都覺得味道好淡，服務麻麻今次元朗分店亦唔例外薑汁撞奶滑滑的但薑味欠奉豆腐綿綿冰完全沒有豆腐味但生果鮮甜挽回部分分數蓮子海底椰燉雪梨燉的時間不足像浸在熱水裡沒有很滋潤的感覺

有時晚飯後，想跟朋友多聊一下，便想找間糖水店多坐一下，今天特意走到這間糖水店，以前常吃深水埗的店，在元朗開店後，經常大排長龍！今天剛好來到便有位置，不用等，它裡面不算大，但外面也可放置枱面！食物方面，最多人選擇幻彩明珠跟summer,真的很足料，很健康，可以吃很多水果！今天叫了一個特別的，限定80度甜點，因為上碟是用鐵板，所以一直沸騰著拿到枱面，有熱的鍋夫，生果還有雪糕，很特別！還有叫了一個合桃糊，合桃味很濃，要看個人口味！😊😊

今日喺Yoho嗰邊食完晚餐,就打算行下散下步~順手食多個甜品先再返屋企今晚去左食松記~真係好多野可以揀~中式傳統嘅有, 西式嘅有, 凍嘅有, 熱嘅有~睇左一輪,我地叫左榴槤刨冰($49),椰皇鮮奶燉花膠($63)。椰皇鮮奶燉花膠($63)原隻椰皇上!有一條條嘅花膠~仲有雙色芋圓~配埋鮮奶燉~好滑嘟嘟嘅感覺~好暖胃~如果天氣再凍D,食呢個暖身就最岩喇呢個好正~榴槤刨冰($49)一上枱, 真係好大座山!主要分為3層,最頂係榴槤雪糕,然後係榴槤蓉,最下層係刨冰配椰奶~旁邊仲有大量紅豆, 仲有蓮子同椰果~店門寫明榴槤係採用馬來西亞D24榴槤的~的確, 榴槤好香好綿好食!又係榴槤迷必食~總括, 又一間價錢合理, 真材實料落足料的糖水舖,食得過!

今晚我突然想食四季甜品，哥哥卻想食松記，我唯有將就，松記越開越多，終於開到來元朗，之前都係買外賣返屋企食，今次第一次堂食，來到門口好多人等緊，我哋攞咗籌，等咗一陣諗住走時，老闆突然幫我哋加咗一張二人枱，實在太好了，餐牌實在太多選擇了，我都唔知揀咩，眼花撩亂，鎖定要食榴槤糖水，最後我決定要榴槤雪山，原來係只是一球榴槤雪糕配其他的我都興趣不大，好失望，哥哥原先叫咗芒果斑戟，點知賣曬了，只好跟隔離枱叫雪糕幻彩明珠，好多水果，但西瓜太多了。哥哥說不錯哦。

平時好難得入元朗， 今次入去經過松記糖水， 門口好多人，但姐姐話2位立刻有位，見不用排隊，就入去試下啦。我覺得地點算乾淨，種類有好多! 因為唔係好肚餓，時間又唔係好夠， 兩個人叫左個芒果綿綿冰$44就夠啦。芒果綿綿冰嘅芒果味好假，唔好味。 然後配料選咗爆珠乳酸及紅豆。 紅豆正常好味， 爆珠乳酸只係食咗少少， 因為真係太酸， 一定要有綿綿冰一齊食先得，但綿綿冰唔係好夠。等左10分鐘，5分鐘食完，走得。如果有下次，唔會再叫綿綿冰。

每次吃完晚飯後，總會有另一個胃吃甜品的，今次去了松記吃甜品，由於想吃又熱又凍的甜品，所以便叫了一個鮮果熱包蘇加雪糕，雪糕時曲奇味，不會太甜，另外又有新鮮士多啤梨的配搭，是絕配組合。熱包蘇也不會太甜，即叫即焗，皮脆內軟，令人回味無窮！加上上面的朱古力醬，令人更開胃！

點了一個紫薯芋圓仙草 不知所謂 所有的食材都很不新鮮 一 pat pat 全部吾知隔左幾多個夜晚的芋圓 硬的 仙草冇味 全部一大舊 紅豆雪到硬曬 咬開完全冇紅豆蓉 所有食材都好吾惦，同朋友私語以上這個所謂甜品的評論被店員聽到，本身諗住食埋佢快d走，絕對冇諗過要換或取消，但店員自動走埋來批評本人對甜品的評價及抱著不平，之後店員自己氣沖沖屈機本人只不過想她作取消，之後就自動拿走了在我面前的不知所謂的紫薯芋圓仙草走及勞氣地取消這個甜品，講真如果客人的批評不能接受的，請不要打開門口做生意，完全趕客。(由於事發突然都未來得影相，已經被拿走）🤢🤢🤢🤮真心覺得難食及浪費食材🤮🤮另一甜品 朋友點的杏汁芝麻芋圓，朋友説只有甜味，杏汁芝麻味一點也品嚐不到，芋圓也很硬，真的不明白熱的芋圓都會硬是什麼一回事！以後都不會踏入任何松記糖水！

係元朗食飽飯，就行左去雞地附近食糖水講起元朗食糖水，好多人都會去雞地架啦呢度有B仔，泛后⋯⋯今日就揀左松記，貪佢夠多選擇薑汁撞奶！好好好好薑呀！因為實在太薑，我食左半碗就食唔到啦岩d鐘意好重薑味既人豆腐花杏仁露普普通通，湯圓就 唔推薦大家叫湯圓食啦

食完晚飯想去食個糖水，元朗人首選松記，大家唔係以為仲要去嗰間X仔X粉呀？松記雖然係長沙灣起家，但係佢唔同嘅分店嘅水準都唔會差好遠，味道都差唔多，環境來講都OK舒服，一班朋友坐喺度吹下水食下糖水真係都幾開心㗎，同埋最緊要門口有好多位可以泊車，唔使驚抄牌，食消夜最緊要有位泊車啦！今次食松記食咗榴槤雪糕and榴槤班cake,另外，朋友就食咗鮮雜果涼粉，我個榴槤雪糕同榴槤班cake呢，就唔使講都知道係無敵榴槤㗎啦，榴槤雪糕係少許似雪巴嘅雪糕🍦，班cake方面呢，裏面勁多榴槤肉，鍾意食榴槤嘅真係一流朋友嘅鮮雜果涼粉，中規中矩，水果係新鮮嘅，涼粉就唔係用平時一般嘅黑色涼粉，而係用透明嘅涼粉，就好似冇咗平時嗰種黑色涼粉嘅特別味道，但都好味嘅

悶熱的一天 獨自來松記食個糖水紫薯芋圓仙草凍 芋圓夠煙韌 不過唔係太有芋頭味 紅豆同仙草份量都好足中間舊紫薯茸反而好香好好味wo 如果個底可以多d冰就好喇 $25來講 算好抵食！

我真係見識少，原來甜品都有鐵板燒！起初諗住只係塊鐵板做啅頭，但原來唔係喎！塊鐵板真係燒熱咗架！我嗌咗份鐵板香蕉芝士班戟配雪糕，送到我面前時，服務員叫我小心塊鐵板熱，真係好攪笑，第一眼我見到塊鐵板無煙以為唔熱，點知一擺舊香蕉落口就發現真係好熱架！再試個芝士班戟，原來入面都一樣包咗幾舊香蕉，食落去咸咸哋甜甜哋又幾特別！配埋個朱古力雪糕真係一流！另外嗌咗個芒果西米露，唔算太甜都ok嘅。

同friend打機打到十點幾， 見有啲口痕，附近又有間松記，唔係唔食呀嘛？之前嚟親都係食薑汁撞奶， 今次決定試下新嘢！ 見到佢玻璃上面貼住 榴戀著你， 畀你食倒個字但又好似有啲夾硬嚟咁，不過唔緊要，撞啱我又鍾意食榴槤， 就揀咗佢嘅榴槤班戟加榴槤雪糕同埋榴槤奶凍！佢啲榴槤班戟既餡係真榴槤果肉嚟㗎喎，面頭個榴槤雪糕都好有榴槤香味。 個榴槤奶凍雖然個賣相麻麻地， 但係食落都算有少少驚喜， 佢個奶凍嘅奶味都幾重，面頭放左榴槤果肉， 果肉上面再放咗啲脆卜卜嘅類似可可米嘅嘢， 成個配搭口感都唔錯， 如果榴槤pancake同埋榴槤奶凍要我二揀一嘅話我會揀榴槤奶凍！ 因為平少少吖嘛！

食完飯諗住食甜品… 好自然就諗到松記嗌左個芒果奶凍 $29完全係個製作失敗左嘅樣 連基本奶凍嘅型都冇 一pat野咁以為用啲芒果汁遮住就冇事最後食左幾粒芒果就成碗放棄………

同家人晚飯後揸車去食甜品，1行8人。9點到，都要排隊等一陣，有5個都叫左合桃芝麻糊加芝麻湯丸要32元一碗都幾貴，湯水唔係好甜，覺得唔夠潔，再潔身些好味些，另1個叫杏仁糊加芝麻湯丸，個杏仁都香，但希左少少比較水，要潔返多些就好味。叫左1個心太軟配曲奇雪糕，個心太軟無乜特別，同平時去其他地方一樣，但我鐘意食這個，所以覺得可以。個雪糕唔太可以，雪糕味不重，仲食到入面有冰。另一個甜品係芒果雪糕加3個香脆蜜桃酥皮，這個最好食，個酥皮脆同香口