東歐餐廳

初嚐東歐菜😋🍴餐廳環境別具異國情調🇦🇲🇺🇦🇱🇹🇵🇱每個角落都佈置著東歐風情的擺設🎭主打多款東歐特色美食及甜品🥘🥧羅宋湯更用上紅菜頭、豬骨、蔬菜及酸奶油熬製而成🍲和我們平常喝到的真是大不同🤩服務態度非常好🤗老闆很友善☺️還請我們喝了幾杯不同口味的伏特加🍷🍷

要用心打篇食評俾呢間立場鮮明嘅餐廳裏面充滿特色嘅裝修同服務都好溫暖食咗十樣嘢加件蛋糕人均唔超過四百蚊真係大大力推介俾每位親身試一次💛羅宋湯同平時嘅味差唔多但稀啲淡啲冇飲開會加茄膏嗰種好杰好漿口嘅感覺薯餅同芝士雲吞我自己覺得冇乜特別但個醬有種好歐陸風情嘅芝士口味同我哋平時食日韓嘅芝士唔同特登試咗海鮮蘑菇卷同家常椰菜卷一款係炸一款係蒸兩款都各有特色係平常唔會周圍食到嘅菜式值得一試而肉類方面試咗豬肋骨/鹿肉/鴨胸大推香燒豬肋骨！炆到好似豬軟骨一樣醃料出色我覺得係全晚最好食嘅餸而鹿肉食落口同普通豬肉冇分別佢用咗紅酒去炆又加咗幾粒紅石榴入面有啲薯仔同蘑菇都好食而比較失望嘅係賣相精美嘅蘋果鴨胸可能唔太接受到又鹹又甜嘅味道鴨胸好似唔係全熟嘅感覺所以有啲奇怪當晚仲送咗幾杯俄羅斯嘅vodka 俾我哋有原味檸檬味加侖子同紅苺味好特別店員話係香港搵唔到嘅酒一定要試吓😆而最後食嘅蜂蜜蛋糕都唔錯為我成晚嘅飲食體驗畫上一個完滿嘅句號

去開中環，唔想求其食但又唔想食貴野。朋友介紹黎呢間東歐餐廳。小女孤陋寡聞都唔係好似係食乜。一入餐廳睇裝潢就感受到東歐嘅氣氛，仲有個假窗望住東歐景色。打開menu 先知原來呢度主打烏克蘭菜。咁梗係要試下正宗嘅羅未湯（相傳羅宋湯係烏克蘭傳統菜色，後來俾俄羅斯自稱由佢地發明）。同我地平時飲開嘅羅宋湯完全兩回事，紅菜頭味重，唔辣，而且冇咁鹹。非常香口， 薯味香濃，薯仔切成絲再整成一塊餅半煎炸，所以食到薯仔口感，唔會一咬就散。個醬係菇味嘅醬，唔濃味，點勁多醬都冇遮蓋過薯仔香味，冇味仔大過主人婆，讚！用塊包點芝士，麵包少少脆，裏面又少少軟，似淰左嘅奶鹽梳打餅味，牛舌超厚，但煮得勁淰，入口咬幾野都吞得嗰種，究竟炆左幾耐先有呢個效果？！好正！一睇份量好似好少，但每舊都大大啖肉，同平時食開嘅冇得比！上菜時靚女侍應將一杯點左火嘅vodka  淋上面，十秒後火熄就食得。以為好重酒味，但完全唔會！有酒香但唔苦，味道恰到好處，肉質夠淰，輕輕一切啲肉就離開骨頭，非常好味，又一心機之作

🇺🇦東歐餐廳杜生推薦❗️必嗌招牌芝士焗牛脷盅 🧀🐮.之前去咗東歐餐廳慶祝食生日飯☺️打佢哋電話冇人聽，我哋係喺佢哋fb book架🙈👷🏻‍♀️戴番個頭盔，我哋唔係專業foodie，純粹個人主觀分享🙏🏻👩🏻‍🍳我哋IG絕大部份內容都係會繼續分享homemade food💗.—————————————————————————🍴東歐餐廳📍中環雲咸街63號巴力大廈1樓—————————————————————————1️⃣地道香燒豬肋骨 $198食落有啲中式醬汁嘅感覺，有啲似滷水但冇落藥材🤣都落左好多紅酒，特別係底下嘅肉😂🍷可惜細妹Rach食嘅第一舊肉好柴😕好彩之後嘅肉質都ok2️⃣ 正宗烏克蘭羅宋湯 $68第一下有啲似茄汁味😂🥫飲耐冇咁似，加酸忌廉唔錯3️⃣ 傳統芝士餃子 🥟 $88/4隻一試無妨4️⃣ 招牌芝士焗牛脷盅 $98👍🏻必嗌，牛脷淋得嚟有咬口美中不足係唔夠芝士味（不過好處係我哋其中一個唔食芝士嘅朋友都可以食😂)酥皮比較厚同實，唔係平食龍蝦🦞酥皮湯個啲🙈5️⃣ 馳名基輔炸雞扒 $188一切落去有流心🤩雞滑、有牛油香😧配菜蘋果片凍左，有啲淋，麻麻哋😕7️⃣ 烏克蘭風味蜂蜜蛋糕 $88蛋糕體比較紮實🍰蛋糕裏面有合桃

男朋友約我食東歐菜，間鋪細細地，好容易爆滿，要提前預約先得。我地叫左個火焰骨同燉牛肉。個牛肉真係燉到好入味好有牛肉味。跟住叫左個白飯，佢個飯好似係加左香料佢煲，特別棉軟香。個火焰骨就特別在於真係上台睇到火焰。佢d杯碟都好有特色。

10月尾去咗再幫襯呢間東歐餐廳，今次係第三次幫襯，第一次係幾年前未疫情時，客人冇咁多。依家多咗人識得後，客人多了很多，餐廳分兩輪。我哋食第二輪8點，但因為枱未ready ，差唔多8:30才入座，而餐廳係收10點。建議大家一次過叫曬食物，免得食唔切，不過10點到咗，佢哋都冇趕客人離開嘅。我哋咗好多野，最推介係基輔炸雞扒，紅菜頭鯡魚沙津，芝士焗牛脷，香燒豬肋骨，炆羊肩。每様食物都有水準，而且未試過有失手，價錢都幾抵。值得推介。

首推正宗烏克蘭餐廳🇺🇦東歐餐廳 @ivanthekozakhk 晚市正價餐牌🍽人均$400-500🕰要預早網上預約（都幾full）🥂晚市贈送每人一shot Vodka🫕傳統烏克蘭羅宋湯 $68比起一般嘅羅宋湯足料，多紅蘿蔔。本來冇諗住嗌，但係店員極力推薦，評價一般般😅❤️🫓烏克蘭香煎薯餅 $88好好食！薯餅比一般薯餅硬身，口感比想像中好食，再配搭酸忌廉，一流！店員都唔吝嗇，俾多咗酸忌廉😋❤️❤️🥘招牌芝士焗牛脷盅 $98牛脷盅係成餐飯最推薦嘅菜式！芝士味好濃郁，牛脷唔會太腥，而且炆得好霖。店員一上菜嘅時候，會有塊酥皮喺牛脷盅上面，店員之後會將酥皮一分為四，方便我哋分享👍🏻🍗馳名基輔炸雞扒 $188雞扒一切開有蛋黃流出，好正👌🏻配有自家製烏克蘭薯片，同一般喺出邊買嘅薯片唔同，硬身好多，亦都好趣口👍🏻🍲古法香燒豬肋骨 $198依度菜式要拎定相機嚟打卡😆店員一上菜嘅時候都會叫食客準備相機，一燒啲酒精喺豬肋骨上熊熊燃燒，好IGable👌🏻 但係酒精味略嫌過重，偏苦澀。我唔太接受到個種酒精味。所以如果對酒精唔太好嘅朋友，就唔太建議依道菜🥹❤️❤️🍰烏克蘭風味蜂蜜蛋糕 $88十分好食！佢嘅甜味係蜂蜜味所以比

2年前到訪過一次，之後一直念念不忘東歐餐廳，一直好想再去。難得正日拎咗一日假，早餐都冇食就黎東歐餐廳食平日限定嘅business lunch🙌🏼今次同男朋友叫左兩個set：招牌芝士焗牛脷+香燒豬肋骨。每個set都包左餐湯，是日沙律，主食同餐飲。真係超鐘意以紅菜頭為主嘅烏克蘭羅宋湯！唔會有一般紅菜湯嘅腥味，好好飲！ 而主菜芝士焗牛脷大大啖牛脷香軟好食；另外留意返business lunch嘅香燒豬肋骨係冇專人上菜嘅火燒效果，要火燒記得點正價主菜呀！但即使冇左呢個咗打卡able嘅效果，豬肋骨都係咁軟諗入味食到舔舔脷！唔好以為lunch set細份d唔夠食，係飽到捧住個肚離開架！最後仲送左兩個烏克蘭🇺🇦拼色口罩。希望大家盡快結束戴口罩嘅日子，下次再訪東歐唔洗坐低除口罩先食得野；更希望烏克蘭嘅人民可以唔使再受戰爭之苦，亂世中大家都要平平安安🙏

呢間餐廳應該都好多人食過，主打烏克蘭菜，咁岩朋友生日，就穩間特別嘅餐廳同佢慶祝下。開頭好驚啲野食可能未必岩食，點知原來烏克蘭菜可以係咁好食。因為呢間餐廳實在太受歡迎，如果想食一定要book位，同埋呢到部分嘅侍應係識講廣東話，唔洗擔心溝通問題。1.傳統烏克蘭羅宋湯烏克蘭嘅羅宋湯有別於平時西餐飲開嘅羅宋湯，佢嘅味道偏酸，可能因為佢有落酸忌廉，都幾開胃；佢嘅配料都好多，每一啖都食到紅蔥頭同蔬菜。2.招牌芝士焗牛脷一開頭見到勁細盅，開頭覺得有啲唔抵，點知原來入面有勁多舊牛脷，仲要每一舊都好稔，芝士忌廉醬汁再配埋附送嘅酥皮，味道都好夾。3.傳統蘑菇薯仔餃子比起平時食開嘅餃子，烏克蘭嘅餃子比較厚皮，入面嘅配料主要係薯仔蓉同切碎咗嘅蘑菇，仲要隻隻餃子都好大隻，食一隻其實都幾飽肚。4.馳名基輔烤雞扒如果要用形容詞形容呢餐，我會話好熱氣；呢碟菜嘅主角係一舊圓碌碌嘅烤雞扒，一切開捲住雞扒嘅牛油流哂出黎，充滿牛油香嘅雞扒肉質比想像中嫩滑，外層炸到勁香脆；而佢嘅配料係自家整薯片，比較硬身同埋咸。5.烏克蘭風味蜂蜜蛋糕蜂蜜蛋糕嘅口感好似一件有蜂蜜味嘅木槺蛋糕，每一啖都食到好濃烈嘅蜂蜜味，食完又唔怕好膩。

第一次試烏克蘭菜，味道未必個個鍾意，但覺得菜式幾有特色，無論食材定煮法都係出面好少食到。而餐廳的裝潢風格非常有民族特色，所有的佈置和裝飾令你瞬間覺得自己身處烏克蘭，坐坐下仲有少少家的感覺。所以未去過東歐或未試過東歐菜嘅大家，不妨到訪此餐廳。🍗 馳名基輔炸雞扒 Chicken Kiev ($188) 👅: 84.21 分 餐廳招牌菜！ 炸雞扒外脆內嫩，內藏溶化了的牛油，一切開雞扒，肉汁立馬湧出，自家製薯片都做得非常出色，不過味道偏鹹。🍎 焗蘋果鴨胸 Baked Duck Breast w/f Apples and cranberry sauce ($238) 👅: 75.11 分 鴨胸做得嫩滑，醬汁係用蘋果同紅莓整成，偏稀帶酸，同鴨胸味道不太搭配。🍅 烏克蘭羅宋湯 Ukrainian Borscht ($68) 👅: 83.54 分 除了基本羅宋湯的材料，餐廳仲加咗紅菜頭紅腰豆，令個湯更清甜。🍄 酸奶燉蘑菇 Mushroom in Sour Cream ($98) 👅: 95.33分 推介！ 冇諗過酸奶同蘑菇個味道係咁夾，配埋類似西多士質感的炸麵包，非常好食。🥔 烏克

已經係第三次黎食啦，呢次帶埋屋企人四個人一齊食，可以揀多啲餸黎食。蘋果鴨胸，呢個主菜我超鍾意。炆羊膝超香，肉淋到呢舊骨可拆出黎。芝士蘑菇餃子，第一次叫，原來係四隻，每人分剛好。後尾追加一個酥皮炆牛，個酥餅好香好好食。野飲由於最鍾意飲既麥汽水賣晒，今次叫左蔓越梅果汁同紅酒果汁，都很好飲。甜品叫左莓煎餅pancakes,唔知點解寫左Happy Birthday 😂😂😂都係慶祝年三十啦今次獲安排右門口轉右的房仔，坐得舒服，職員驚我地太遠搵唔到人，間唔中有特登路過門口睇我地有咩需要。下次如果要約人出港島食飯都會再番黎食

香港原來可以食到烏克蘭菜，打卡、拍拖、聚會、chill下都是必食之選！ ✔️充滿特色的環境，東歐風情滿在每一角落，由檯布、掛橙、餐檯紙到餐點四處皆是✔️牛脷超林，入口即化，配上特別嘅酥皮，超級融合✔️牛脷配上蘑菇，令肉食添上爽口平衡嘅感覺✔️基輔雞扒樣子唔似雞扒，一舊炸球，可愛又開心✔️可愛開心嘅基輔雞扒炸球配上薯片，卜卜脆聲音更開心

呢間餐廳save低左好耐，終於有機會去試🤤一入到餐廳已經充滿烏克蘭嘅風味，我地book左18:00個輪，我地遲左5分鐘入去，見到餐廳已經坐滿曬人，所以一定要book定枱呀‼️1️⃣味道✨傳統烏克蘭羅宋湯有別普通嘅羅宋湯，佢嘅賣相比較紅，但係好足料，有紅菜頭同蔬菜，所有材料配埋好match!😍✨招牌芝士焗牛脷盎一黎到係有一層酥皮係上面，侍應會幫我地將酥皮切4份，呢道菜真係極力推薦‼️牛脷好腍，完全唔韌，而且好香肉味😋 配埋芝士食真係好正，芝士有啲蘑菇蓉，仲可以將酥皮蘸芝士黎食，非常好食🥳✨古法宮廷焙鹿肉一開始見到menu寫鹿肉都有啲卻步，覺得食鹿肉好奇怪🥹但係就係見未食過所以叫黎試下，因為真係唔係成日有得食🫢鹿肉俾我想像中好食‼️唔單止賣相好好，佢完全唔羶，仲整得好腍，同埋個汁同鹿肉好match, 黎到嘅時候啲汁仲滾緊，好夠熱！2️⃣服務整體服務質素唔錯，上菜速度快，侍應知道係生日慶祝，都有主動問要唔要加甜品，可以係甜品加「happy birthday 嘅字」，而且仲有烏克蘭人serve我地，食完之後仲送左兩個烏克蘭口罩俾我地😷3️⃣環境環境非常一流！👍🏼 我地今次坐窗邊，所以可以望到大館，而且餐廳嘅佈置

👧🏻😋👅🍽✨終於再訪 質素依然👍🏻😁-東歐餐廳 🇭🇰 中環雲咸街63號巴力大廈1樓 🇭🇰-🇺🇦鋪面細得十一二枱, 枱距離算窄窄地不過卡位都舒服既🇺🇦裝修同餐具有東歐特色, 當然菜式更甚, 職員都不乏東歐人, 仲好 nice!-🫕🐂👅 招牌芝士焗牛脷盅 $98💯上碟時有塊酥皮冚住個盅, 店員會幫手放塊皮落黎剪開少少💯個盅細細地但勁足料, 好多舊厚厚既牛脷, 配上超濃香芝士汁同少少菇, 𢳂上塊酥皮一齊食勁正-🧈🐓 馳名基輔炸雞扒 $188✨炸雞扒一個拳頭咁大, 切開果陣已經爆牛油! 中空既雞扒就係芝士同牛油✨外皮炸脆又夠薄, 中間雞肉好嫩滑✨唔少得配菜都係靈魂, 個薯片鹹鹹地勁香, 脆但唔太油, 食到停唔到口-🧀🧄🥖 芝士蒜蓉包 $56💯有4塊但有人頂唔住係我影相前叼走左一塊🤣💯超級好味…. 芝士同蒜蓉完全融為一體, 個包烘得外脆內軟-🐖🥟 傳統豬肉餃子 $88✨東歐餃子既皮比較軟熟, 豬肉煮到好腍食落口感有啲似吞拿魚😂✨不過本人都係偏好港式餃子🤣 -

之前慶祝聖誕節諗咗好耐餐廳見到有人介紹東歐餐廳諗住未食過東歐菜就試吓點知有驚喜 好好食😋入到去見到啲裝修好靚好似真係去咗烏克蘭咁芝士焗牛舌盅真係必食！好腍好好食芝士味又唔會太搶味配埋個酥皮一齊食好正基輔炸雞扒之前未食過含得意試下一切開好多牛油流出嚟幾香但食落冇乜牛油味🤣伴碟薯片都好好食古法香燒豬肋骨切嘅時候覺得好腍但食落又覺得有啲韌🙈下次應該唔叫呢個烏克蘭風味蜂蜜蛋糕呢個好好食鍾意甜品嘅記得要試