東歐餐廳

中環呢一間傳統烏克蘭餐廳，長期都爆滿，呢一日終於再book到位黎食！餐廳係蘭桂坊再行上去，大館附近，距離地鐵站十分鐘左右；一入到去餐廳裝修好有異國風情，每一件擺設，燈，餐枱以至枱布都好典型既東歐風格。🐷烏茲別克雞肉餃子 $88一客有三隻，比起平時食既餃子大隻好多，餃子皮適中，裡面肉餡滿滿，調味唔會太濃，加埋特製既醬汁，甜酸得黎少少辣，作為前菜好開胃。🐷招牌芝士焗牛脷盅 $98上碟時有一塊酥皮係個盅上邊，店員會幫手拎落黎剪開四份；牛脷份量十足，好入味而且好腍，配合埋芝士汁，蘑菇加埋酥皮一齊食，非常推薦👍🏻🐷馳名基輔炸雞排 $188份量十足，雞排炸得好嫩滑一d都唔嚡，而且充滿住芝士同牛油，雖然好邪惡但忍唔住食完一啖又一啖；配菜既炸薯片都唔可以錯過，炸得香口但又唔會太油。食到最後仲送左兩個烏克蘭國旗既口罩，好有誠意。