東京淺草炸雞專門店 (黃大仙中心南館)

營業中

休息中

見佢個店面企企理理，啲圖又唔錯就入去啦。老老實實，由入坐到賣單戈下都無咩服務可言，加水都無加，叫又無咩反應。但佢都有收加一，真係覺得有點唔抵。食品同飲品都無咩選擇，食物都係炸雞類，飲品得三款乳酸。我叫咗個炸雞飯（竹）同一杯芒果乳酸。成個便當得麵鼓湯係好飲，叫做有應有嘅味。個炸雞配三款醬，每款得勁少，點幾下都無，而且三款都係咸，只係咸嘅程度唔同。個炸雞不得不提，又乾又厚炸粉，基本上係食炸粉加油。炸雞店但炸雞唔好食，咁唯有期望下飲品，飲品個感覺完全係似溝咗水。唔係無味，而係淡而且似飲香精加糖水。所以個人覺得完全唔值。

早前同朋友仔去黃大仙上Training，於是就去左早已聽聞的日文炸雞店。好彩當日早到，等左10分鐘到就入座。今次的目的係挑戰「雞山」—— 炸雞富士山定食！當然我都知我一個人食唔晒，所以我倆就share呢座山。飲品方面，你可以叫職員比杯水你，亦可以叫Drink Menu上的乳酸飲品。咁今次我們就每人一杯白桃乳酸。你都覺嗎？個Feel有D Hea... 至於味道就好一般。「雞山」好快就送到，呢個定食除左20件無骨炸雞外，更有一碗白飯、一碗味增湯及一碟三款的醬汁。先講配角，味增湯係一般都無得再普通的味噌湯。飯係日本飯，煮到好Moist，可以食到好滿足個種感覺。到雞了，皮薄脆口，就算食到尾都仲係脆！雞肉有肉汁又嫩口，真心唔錯！每個餐都會附上一碟醬汁，左面係芝麻蒜蓉醬，呢個醬一早已經比我同朋友仔點曬，係三個入面最巴味的一個。中間個汁係果香鹽味醬，右邊係時令滋味醬(似甜豉油)。總括而言，炸雞係試得過，不過炸雞食得多真係會好Dry，所以建議多幾個人去，叫多個非炸雞的食物share，去平衡下個感覺。

Since they opened, there are endless queues anytime of the day.Finally tried it.The menu layout is similar to Catayu but they serve fried chicken instead of pork.I got the chicken with salty fruit sauce but annoyingly the sauce was right on top of the grassy leeks which made it difficult to mix the sauce or even dip with sauce.All I can say is the chicken coating was mega crispy and that's it, the chicken inside was rather dry and evidently it was frozen chicken.The taste was bland too.

自從韓國炸雞店和烤雞店，在香港開門營業後，韓式雞類食品餐廳突然一下子變成了「雨後春筍」，開到周圍都是炸雞店、烤雞店、甚至炒雞店，有上有落，亦有開（業）有結（業）。韓國雞類食品餐廳在香港蓬勃發展的同時，食客彷彿突然忘記了，其實日本也有屬於自己的炸雞餐廳，而且食法跟韓國可以很不一樣，只是日本炸雞店現在這一刻，還未在香港成為時尚飲食風氣而已。日本炸雞店相對韓國炸雞店而言，廚房製作炸雞的時間，沒有韓國炸雞店預備食品時那麽長時間，好像我今次在黃大仙中心南館的新開日本炸雞店「KARAYAMA」，點了一客有六件炸雞的定食，再加一個極醬汁雞髀肉，連一杯芒果乳酸飲品，全程都只是用了不過廿分鐘時間。但是不知道為什麼我站在「KARAYAMA」外面人龍排隊，人龍總是停滯不前。或許是因為食客在餐廳內享用炸雞的時候，總會因為太過享受日本炸雞定食的味道，渾然忘記了時間，忘記了還有很多人在店外等候他們。期間我還無意中看見了，有三個操日本語口音的人，在店內其中一張檯處，正在享用「KARAYAMA」的二十件「炸雞富士山定食」。跟很多餐廳一樣，日本「KARAYAMA」都要靈活處理，和解決排隊人龍的問題，其中一個最好解決方法

只有日文和拼音的炸雞店，餐牌上自稱東京淺草炸雞專門店。一早已看到其他食家，在這間炸雞店進食的照片，看來好像挺吸引，但是上次來到黃大仙，又忘記了試這一間炸雞店，去了食那新式的上海菜。今次，碰巧下午有空，來到黃大仙，就醒起可以吃這間炸雞了。想不到，中午大概一時許，人流竟然不太多，一去到就可以直接內進，還要坐四人位，之後有一對母女搭枱。點了一個，之後慢慢坐着等候。桌上有筷子、沙律醬、牙籤，看來非常企理。究竟，為何南蠻有炸雞🤔？本港也有一些食肆，明明是日式，但是名字也有「南蠻」兩個字🤔。據太陽報所搜集資料「16世紀，葡萄牙船隊到日本貿易，西班牙人晚了很多年始與日本交流，當時的日本人看不慣這些異國人的樣貌及服飾，稱他們為南蠻人。這個貶義稱呼沿用至今，具南蠻特色的食物就是南蠻料理。」味噌湯我一向不喜，其實無論日本的麵豉湯，又或者味噌湯，我也不太喜歡，因為我覺得一味死鹹，這兒的味噌湯也算是有點誠意，因為有兩塊豆皮。結果，炸雞以鐵板呈上。底下有不少椰菜絲，以及洋蔥絲。所謂的他他醬，其他的炸雞店非常之求其，隨便用個沙律醬，就咁擠出來就當作是他他醬，混合炸雞，呈上給客人。這兒的製作非常認真，在他他醬之中，

早排聽聞有日本炸雞新開，俾佢金黃色嘅雞件深深吸引，於是就約埋朋友一齊炸雞盛宴。雞全部都係雞～～排隊等位嘅時候已經俾櫥窗嘅模型引到我地口水都流埋，但因為係食晏時間，等位嘅人好多。大概20分鐘之後終於排到我地啦! 入面座位唔多，大概坐到3-40人左右，大部分都係4人枱，如果一班朋友一齊黎可能就要分開枱坐啦。一開始吸引我地嘅係炸雞山!!有足足20件炸雞，鐘意大擦炸雞嘅朋友們一定可以爽過夠呀!!但因為朋友想試下唔同醬料風味，於是我地分別叫左幾種款式嘅定食，有飯有湯有雞有醬!一定非常滿足呢～而且每張枱上面都有提供無限量麻醬，方便加落椰菜絲上面。我地分別叫左鐵板南蠻他他醬炸雞定食、KARAYAMA定食(梅) - 4件、鐵板七味山椒炸雞定食，一共有12件雞。點餐之後唔洗10分鐘定食就陸續送到啦，先試下我最鐘意食嘅南蠻醬，有啲失望嘅係蛋同醬撈唔勻，所以一舊有沙律醬味，一舊就得蛋黃，但炸雞咬落非常脆口，脆皮超薄!!咬落去一口脆脆嘅雞皮上面，雞油香慢慢滲出嚟，肉質亦好嫩滑，而且重點真係有肉汁㗎!之後就係炸雞定食，有提供3種醬汁，秘製芝麻蒜蓉醬、果香鹽味醬同時令滋味醬，朋友一致認為蒜蓉醬最香濃惹味，而其他兩

中午兩點去食真係試到真章，平日啲餐廳壞習慣出曬黎，之前以為佢排曬隊咁，啲野食最少都入得口，點知可以差成咁，請我都唔會再去。先講野食，餐牌係冇野可以選擇，全部都係炸雞加個醬，單人計價錢由60-100左右。第一次食，所以叫左個最基本既四件雞定食，成個餐都係唔熱既，啲雞食落又乾又硬炸左好耐，菜絲又鞋又乾，個飯一舊舊咁，杯白桃超甜但係冇桃味。成個餐你叫我出價我最盡俾HKD30。好彩之前多人時冇排隊，如果唔係真係食到火起。連最基本清潔都做唔好，地下倒左油咁，真係冼死人。

黃大仙中心翻新之後，開左好多新既餐廳，哩間我原本唔太想食，因為冇咩可以揀，清一式炸雞，但係屋企人話想食，所以就叫左幾件炸雞外賣返屋企慢慢食～～清一式炸雞套餐😂😂既然要食，當然唔可以淨係食炸雞啦，雞亦都要試下，不過一般般～～期待已久既炸雞，我原本以為好大件，點知得半隻手掌咁大，但係都要13蚊一件，好貴😭😭我地叫左個極醬汁，雖然雞件又細件又貴，但真係好好食😱😱😱哩d真係叫估你唔到🙈🙈雞件多汁鮮嫩，外脆內軟，配埋個醬汁簡直一流👍🏻👍🏻真心可以去試下，讚讚🤗

終於去左東京淺草炸雞專門店KARAYAMA之前一直都好想食佢嘅炸雞山但毒毒嘅我冇人陪 唯有自己去自己一個緊係食定食就算於是就叫左Karayama定食(梅)有四件炸雞 炸雞炸粉夠薄真係啖啖肉架 食2件已經飽左😂其實佢有3個醬 個人覺得鹽醬比較好😗整體上 值得一試嘅😋_________________________裝修環境：✨✨✨✨✨服務態度：✨✨✨✨食物質素：✨✨✨✨(5個✨為滿分)價錢：$59________________________唔信我嘅可以自己去試試😂地址：黃大仙中心南館地下G6舖

打住過江龍既旗號，未開張已經吸引左唔少人，開左張就排長龍今日一點幾兩點左右嚟到，都要係門口排隊入，排左15-20分鐘就入到，都算快他他醬炸雞定食($65)，炸雞好脆又juicy，配埋他他醬好夾幾好味Karayama定食($59)，唔同價錢可以揀4/5/6舊雞。右下兩件就係額外加既極醬汁香脆雞脾肉。啲雞其實都係一樣，只係配上唔同既醬汁。karayama定食會配三款醬料，我只係記得有個係蒜既相對較好食，其他都只係一般點晒啲醬可以問佢拎過個每個定食都配飯、湯同埋嘢飲😁可惜我覺得炸雞同飯唔係好夾，最後無食晒啲飯。同埋太多雞，食到有啲寡，都食唔晒嘢飲嗌凍檸茶，都係正常味道~最後埋單每人90蚊左右。可以嚟試下，但我又唔覺得特別好食/難食🤔試下無妨既~

又係見到推介，又說是過岡龍，又剛好在附近！就入了去試下是否真的那般美味。本人偏愛吃親子丼，所以見到就點了這個，價錢是不包飲品的，略嫌偏貴。食物來了時，看得炸雞是剛炸起不是凍冰冰乾淨淨的，這點值得讚。但當放入口後，第一感覺就是無什麼特別，除了熱辣辣之外！可能這一切只是媒介的吹虛，一種宣傳手法吧，令大家有所期待。。。

我哈日、不哈韓，即使是早前大家瘋吃韓式炸雞的日子，我還是愛吃日式炸雞。因此、黃大仙呢間開了不久的「Karayama」日式炸雞過江龍連鎖店真的挺啱我口胃。之前兩次午飯時段來太多人之下決定放棄，這次差不多下午三點左右來到，結果不用等便能入座。簡單來說，此店基本上只有日本唐揚炸雞這食物，只是款式略有變化而已。我選了$69有五件炸雞並包飯及味噌湯的Karayama定食（竹）。買相都唔錯，而且雞件比想像中大件。老實講D雞雖然不算爆汁，但亦不嚡口，雞皮夠脆身，以連鎖店來說水準算挺好了。隨雞而來的還有秘製芝麻蒜蓉醬、果香鹽味醬及時令滋味醬三個汁，當中個人最喜歡果香鹽味醬，不過即使不點汁的話雞肉亦夠味。伴雞肉的椰菜絲好新鮮又夠爽，但不像日本店子般可任添，單點要加十元。加多$9要隻雞翼，倒較為普通，下次可以放棄。整體而言此店價錢唔算貴，水準唔錯兼離我家不太遠，應會再次幫襯。

屋企最近新開左間炸雞，次次經過都見到好多人排隊，又見到好多雜誌都推介，今日終於見到佢人少少就去咗試呢間淺草出名既炸雞，呢到可以選擇嘅套餐唔多，全部都係以雞為主打，但係就有唔同味道列如鐵板七味花椒炸雞,香炸雞翼，芝麻蒜蓉白髮蔥炸雞，果香盬味白髮蔥炸雞等等.................最後心大心細點左鐵板南蠻他他醬炸雞同定食梅(提供3款醬汁)， 每個餐都有白飯同埋味噌湯， 份量一個人啱啱好， 個人認為值得推介他他醬炸雞，唔會太油膩同埋D他他醬有D 似沙律醬但帶酸，相當開胃,而美中不足嘅係冇乜蔬菜。

一行兩人去左醫肚，見到呢間新開嘅炸雞店話曬佢係新開，加上喺網上面都有介紹👍所以平時經過都有好多人排隊，但係今次竟然冇人排隊，所以就把心一橫入去試下佢係米真係咁正😤舖面唔算大， 所以等候時間較耐，想試嘅朋友真係要俾啲耐性等下喇🙆我地叫左兩個餐，分別係滑蛋炸雞丼同埋 4 件雞嘅定食嗰定食有 3 款 吾同嘅醬料，食落會有吾同嘅感覺，好好食件件炸雞都好有份量，好 juice，即叫即炸，食落又吾會好 heavy 因為佢有啲椰菜喺側邊， 大大減低左油利嘅感覺每張枱都有一枝芝麻醬，可以加落啲椰菜到，咁就吾會食落口淡淡😋

依間炸雞店新開無耐，條龍已經好長，識簡梗係等熱潮過後，再加平日黎食，所以中午等幾分鐘就到我。落單好快已經到，MENU 有8個餐，不外乎炸雞炸雞同埋炸雞，所以簡左最CLASSIC 既四件炸雞餐好熱 外極脆(係硬身既脆) 仲有D 汁，食個時要小心整親，雞件係無骨既日式炸雞，都幾大舊，食食下都飽。中意炸雞既你可以黎試下。 都唔錯，食完有D 熱氣。