東京淺草炸雞專門店 (黃大仙中心南館)

營業中

休息中

呢間日本嚟嘅過江龍每一次經過門口都見到好多人食，今次難得有人請食飯，我當然唔會放過呢次機會啦！未到食飯時間鋪頭門口已經好多人，唔早過食飯時間少少去排隊我諗真係到8點都未有得食。餐牌上面全部都係炸雞，不過係唔同味道嘅炸雞。一場嚟到當然要試下聽聞係香港限定嘅鐵板三味山椒炸雞定食，另外仲左最基本嘅KARAYAMA (竹）定食。一心諗住鐵板三味山椒炸雞定食嘅三味山椒應該唔會太辣，日本野本身都唔會真係好辣。呢個食落比想像中辣左少少，味道我覺得有d似譚仔嘅土匪雞翼加辣版。土匪雞翼味炸雞，幾特別。而且炸雞炸得皮脆肉嫰，唔錯啊。至於KARAYAMA 定食對比之下好似失色左少少，可能因為鐵板三味山椒炸雞本身好惹味，再食KARAYAMA就覺得味道有d淡，因為佢只係有三種醬汁分開上用來點雞食，如果唔點醬只食炸雞感覺又真係有d乾，如果將炸雞點三式醬佢提供嘅醬汁又好似唔係好夠汁。講到尾，炸雞都係要多醬汁先好食嘅！炸雞係整得幾出色，不過對女仔嚟講炸雞再加飯真係有d飽，其實淨係食飯同埋雞已經飽到上心口！

第一次試食 是買外賣 但買回來吃時 覺得女子一般 心想可能堂食會好啲 之後決定去試一次堂食 查過收十點 九點半去到 佢話已經截咗單 問他們不是收十點的嗎？ 他們說收十點 但九點半截單 結果一場空 但還是不死心 之後決定找次趕在九點半前的 九點十五分去到 佢又話已經截咗單 我再問不是九點半才截單嗎？ 他們說九半是截外賣單 堂食已經截咗 再問他們咁堂食幾點截單 他們竟然話沒定 看多不多人 有時八點幾就已經截單 好似呢啲 似住自己人氣旺 喜歡就接 不喜歡就不接的店舖 我決定以後都不會再去光顧！

小人，友人和日食朋友再度携手出擊，今次邁向和式炸雞。日食朋友的介紹下，小人是熱烈期待的。芝麻醬加蒜蓉，自是香上加香之作，誰也搶不了誰的風頭，淋在幼細如絲的蔥絲帽子上，和著炸雞以及日式飯，香口得太過份了！蛋似水般軟滑，卻又不會煮到流質，配合炸雞另一精彩之作！重頭戲炸雞定食來了，炸雞的粉是厚了點，不過有味，小人絕不介意。外貌似乾，吃下還有雞味；每個餐都有白飯及味蹭湯，唯一較失色的是味蹭湯太淡，不夠味。吃後友人和日食朋友又唔記得字但又按捺不住大聲地當街當巷唱著：熱烈地彈琴熱烈地唱歌聲……個個喜氣洋洋……洋溢四方~😩

每次經過都會大排長龍既炸雞店今天星期日早上1130竟然仲有幾張吉台馬上問店員可否入座眼見隣台的人都在等食物上台再看一看廚房 原來只有一人所以相信都要等一陣子先有野食啦所以先點杯凍檸茶邊飲邊等今日我地點了果鹽白髮蔥炸雞: 炸雞十分香脆及肉汁四濺,味道有小許5香粉及胡椒似的加埋棷菜及大蔥香甜可口完全沒有油膩既感覺。他他醬炸雞:炸雞非常香脆肉味濃及肉汁很多。加埋酸酸的他他醬一起食十分開胃。如果喜歡吃炸雞既朋友可以來試試。不過最好就早啲來就不用排。 我地食完12點走人時,店外已見2行人龍。

開店至今人頭湧湧，要數黃大仙中心人氣食肆，非此店莫屬。挾日本過江龍之名，加上香港各大雜誌宣傳加持，又佔盡黃大仙地鐵站上蓋商場地利優勢，開張時必然出現誇張人龍。剛過去週日下午3時終於慕名一試，只等了5分鐘就可入座。店員算是有禮，但安排客人坐位表現欠佳，店外不設電腦取票拿位，店員不懂預先詢問等候人士人數協調店內已結帳的座位，反之待收執清潔妥善，尚要等幾分鐘才淡淡然出來問人數多少，明顯經驗不足。本人一人用餐，點了一份“梅定食”(即四件炸雞定食)配白飯及味噌湯。炸雞的確名不虛傳，外皮香脆肉質細嫩，沒有任何骨位，配以三款特製醬汁，各有滋味，但原味不加調味也好吃。吃至第三件時感到非常熱氣與飽膩，未必想再來吃。白飯香軟；味噌湯不過不失。店員只奉上一杯清水予客人，怕熱氣的食客要另叫餐飲或外出飲涼茶呢。名不虛傳，可以一試，但不必Encore。黃大仙以街坊消費居多，此店隔數間食肆就是KFC，保持人氣與否，且看日後造化！

呢間日式炸雞店7月尾新開張聽聞在日本最高紀錄日賣1萬件炸雞等我試下係咪真係咁好食6點左右去到吾洗等位睇下餐牌有咩食先全部都係炸雞其實如果提供埋小食仲好平衡下炸雞嘅肥膩感例如:沙律，涼拌菜有Take out menu堂食menu有8個餐可以選擇分別有定食，鐵板，丼仲可以+$8配飲品呢個滑蛋炸雞丼都ok炸雞份量幾多食之前已經預左會熱氣加左滑蛋食落又吾會太dry炸雞口感仲係脆嘅配埋他他醬，生菜絲雖然雞肉係滑嘅但整體比較dry食到第3舊已經有d食吾落後記:食完出黎已經排曬長龍店面比較細食飯時間要預左排隊半個鐘以上

11點幾誤打誤撞情況下黎左呢間新開過江龍日本炸雞店！見無乜人緊係試左先😆* 他他醬炸雞定食 ----- 炸雞4件，配椰菜白飯味噌湯！他他醬係蛋沙津醬d friend, 炸雞炸到脆身,每一口聽到沙沙聲！但炸到口感偏乾硬,但肉質算ok, 唔鞋口,可以中和下！不過食得多個口會乾🙈 加$8 要汽水！*Karayama 定食（竹）-----炸雞5件,跟3個醬汁 （芝麻蒜蓉, 果香鹽味,時令滋味) , 其他配菜跟上面一樣！芝麻蒜蓉味道最正！好特出！Ps: 食到半路差不多11:45開始多人，不過店舖不大所以注定要排隊😑再Ps: 唔知係咪太早雪唔切...汽水無放入雪櫃,淨加冰都唔夠凍🙈唔夠爽！

睇報紙介紹黃大仙開左間日本好出名嘅炸雞專門店，收工特登去黃大仙試下，勁多人排隊，大約8點左右就截隊，好多人等得太耐，中途走左。我同男朋友見一場黎到就決定等落去。我地叫左2 款炸雞， KARAYAMA定食（梅）即係4件雞加3款醬汁，我鐘意果香鹽味醬，咸咸地又香，雞肉表皮炸得好香口，肉質好嫩滑，基本上餐牌都係炸雞加入不同調味料，再配合飯同味噌湯。而男朋友叫左個七味山椒，雞肉就比較辣，香味更重跟餐的飯係珍珠米，飯香同有嚼口感。可能岩岩開業，我覺得入座安排未算理想，由於排隊形式，商場負責人為左唔影響其他人， 條隊分開左幾個地方排，容易令人誤會隊尾位置。其外，炸物都係香口食物，而餐廳炸雞雖好食，但用1個鐘排隊，我就覺得唔係好值。希望餐廳可以改善排隊情況，如派票，可讓等候者在附近行街。

呢間炸雞店喺7月尾嘅時候開張，據聞係來自日本東京淺草。自問去過淺草好多次，都未見過呢間舖。冇所謂啦，最緊要啲炸雞好食。星期六下晝三點幾，呢度都要等位。我只係路過，口痕買咗外賣返屋企食。有兩種炸雞同一種炸雞翼，我各要一件外賣。香脆雞比肉（$12/件）+手羽先（$9/隻）：坦白講件頭有啲細，雞比啖啖肉，炸粉唔會過厚，肉汁都夠juicy。不過相比之下手羽先有骨咬下，炸粉更薄更脆。極醬汁香脆雞比（$13/件）呢款即係加左醬汁嘅雞比肉，比較下都係原味好少少。如果以個人喜好黎排序，我最鍾意係手羽先、香脆雞比肉同極醬汁香脆雞比。

8號風球咁快就走，3號落波就已經開始排隊，3點員工就返嚟開舖！大約排1個鐘就有位。店舖面積很細，上一手其實係便利店，廚房都佔差唔多三份一面積，設計簡約，亦有日本人駐店。21-23號有優惠！指定3個餐全部$50!🤤 加凍飲$8 。等大約五至6分鐘就有，上菜很快，炸雞上枱夠熱，食落外脆內juicy !! 可蘸三款醬汁包括芝麻蒜蓉醬、果香鹽味醬和季節性醬汁！完全不會覺得油膩👍🏻 另外24號會推出其他口味！日本都有優惠¥500 ,平hk $15但都好抵食🤤🤤今日25號又再嚟食，今次唔使排好耐大約10分鐘已經有位，當時排嘅時候大約下午三點半左右。今次叫了他他醬炸雞set$65 （4件） ,嗰醬同炸雞配合得好好，但係我覺得今次炸雞較為乾身無我頭一次食咁juicy ，個醬食兩件已經好滯！但我都推介呢個👍🏻另外叫了一個滑蛋炸雞丼$55 （3件雞），呢個冇味噌湯配。個飯就一般般，唔係唔好食，但唔係話下次好想再叫嚟食嗰種(你應該明我講咩😅)另外分別兩次都叫咗杯凍奶茶，唔係特別好飲😂我食飯嘅時候都有兩枱人都叫咗個炸雞山$199/20件，有一枱有五個男仔每個人都叫咗個餐，另外再叫咗20件雞，親眼見到佢哋K.O

在報紙介绍看到又多人又好吃的炸雞，很想吃，就在看完醫生去吃叫了炸雞定食和凍檸茶咬了一口炸雞，口感很好，然後試醬汁，因為太少，沒有特別感覺，於是全部倒在雞上，😋😋非常好吃，但最後2件沒有😥，可惜…炸雞的味道一流，但有些太乾了，可惜味噌湯👌， 白飯好吃，最近在其他同價餐廳吃白米飯一般服務生nice, 餐廳太小了，只有幾張桌子，可能就是要等很久的原因，我在11點到，就馬上有卓子希望他可以在港島區開分店。多D人可以吃到，基本上很enjoy今天的中午餐檸茶一般，希望他有些日本的飲料

What is it about fried chicken that makes it one of the world's most popular dish? Be it from the US, Korea, Taiwan, Japan, etc ... fried chicken is the one go to item that most people covet for the deep fried feeling of love.Karayama is a chain of restaurants from Japan. Much like how Yoshinya brought the fast food beef donburi to the masses, Karayama brings you karaage. Japanese fried chicken. Now they have opened their first branch in Hong Kong and in Wong Tai Sin's Temple Mall.As boyfriend l

來自東京淺草的過江龍炸雞店剛巧在它開業後數天經過黃大仙實在沒有不試的理由晚市的時段即時六時多已來到也十分多人要排大約45分鐘才可進入而且只可排隊，不設派籌建議想搶先試的朋友早些來/買外賣先試的是有三款醬汁的炸雞定食炸雞外脆內軟，肉質鮮嫩質素相當不錯至於醬汁方面特色是有的只是盛載的盆太淺很難把整件雞沾滿醬汁再來是鐵板七味花椒炸雞相比之下這個較有特色黑椒沾滿在炸雞的雞皮內一咬下去濃烈的黑椒味便滲滿了整個口腔這味道並非在炸雞上灑上調味料可比擬的若果接受到辣的話鐵板七味花椒炸雞絕對值得一試總括而言炸雞味道相當不錯特別是香港限定的鐵板七味花椒炸雞可是整個餐牌除了炸雞還是炸雞吃下數件後便開始覺膩要靠加上桌上的芝麻醬撈飯來撐下去對於愛嚐鮮的香港人只怕大家試了一兩次後便會開始熱情冷卻了

日本東京淺草人氣炸雞喺香港開業，頭三日仲有優惠(其實都係平幾蚊)，就好似一蘭啱啱開咁，引來一大班人黎排隊，由商場入面排到商場出面，目測百幾人，喺商場出面排太陽曬住好熱，點知排到商場入面個冷氣廢廢地，都係好熱，排左差唔多個半鐘，終於入得。餐廳好細，10張枱唔夠，40個位都冇，怪唔之得要等咁耐。新開張期間有三個餐揀，兩個減4蚊，一個減10幾蚊，梗係食減10幾蚊嗰個啦！坐低叫左無耐，好快就有得食。呢個係餐廳嘅招牌定食，四件雞，配三款醬料，有蒜蓉、辣辣地嘅芝麻蒜蓉、同埋甜甜地鹹鹹地嘅醬油，味道都OK，但食得出好重味精。炸雞份量都OK，味道一般，冇咩特別，略嫌炸粉太厚，但食到最後覺得食到個口好鞋。短期內都唔會再嚟。

早兩天路過看到新炸雞店からやま快將開業附近地區炸雞早就吃膩了所以特意和家人來吃剛好是開業的第二天有特別優惠不收加一也有輕輕減價不過人龍長到一個點，直出商場外面，但家人堅持堂食結果總共等了2小時多才能入到舖內如果難吃會立即崩潰點菜速度快，店員非常有禮貌，上菜速度都很高炸雞上檯熱辣辣，看上去不太油，應該是完全不油一咬下去「咦，又幾有肉汁幾juicy！」每件雞咬開都有blingbling效果！而且雞皮不會一咬就整塊剝落，讚！個人比較喜歡定食，有三種醬，不過最好吃還是店家主打的極醬汁，帶點蒜味惹味香甜另一個米色醬味道很淡，紅色醬味道像是泰色酸甜醬～家人吃的丼飯味道比較濃，喜歡濃味的朋友可以一試另外，我們還加了兩件雞以為不一樣，原來都是定食雞，不過極醬汁那個味道很濃香蒜味，都幾惹味！開店第一至三日都未有傳說中有20件雞的富士山炸雞定食供應想買一大份炸雞狂食，就要等7月24日之後嚕～希望到時仍然可以保持水準！