東京淺草炸雞專門店 (黃大仙中心南館)

營業中

休息中

呢間炸雞店喺7月尾嘅時候開張，據聞係來自日本東京淺草。自問去過淺草好多次，都未見過呢間舖。冇所謂啦，最緊要啲炸雞好食。星期六下晝三點幾，呢度都要等位。我只係路過，口痕買咗外賣返屋企食。有兩種炸雞同一種炸雞翼，我各要一件外賣。香脆雞比肉（$12/件）+手羽先（$9/隻）：坦白講件頭有啲細，雞比啖啖肉，炸粉唔會過厚，肉汁都夠juicy。不過相比之下手羽先有骨咬下，炸粉更薄更脆。極醬汁香脆雞比（$13/件）呢款即係加左醬汁嘅雞比肉，比較下都係原味好少少。如果以個人喜好黎排序，我最鍾意係手羽先、香脆雞比肉同極醬汁香脆雞比。