杉玉 (沙田中心)

營業中

休息中

其實佢進駐沙田之後一直好想試，但次次想去都大排長龍無計啦，同埋佢有時係有位但唔放人入去！今次咁啱接近黃昏5點半，買完嘢見無乜長龍就過去望吓，點知等了5分鐘就入到lu~比起壽司郎，咁杉玉其實係裝潢靚啲坐得舒服啲，同埋好日系，但我個人來說都幾鐘意壽司郎的car位，重點係迴轉壽司courier過嚟好開心講返今次叫咗啲咩:1) 天婦羅盛合-有魚有蝦有茄子，炸得好好味，擺盤都好骨子，又有2款鹽任君選擇！2) 炙灼燒芝士-三文魚、熟蝦、玉子飯唔係白飯，係有味飯，不錯, 每款都好好味好香，用了車打芝士，係邪惡但好吸引3) 茶碗蒸(基本上去親壽司郎都叫)賣相已一流，同埋好保温，個蛋好滑, 也有好多豐富饀料，如:蝦、肉碎、帶子、三文魚籽，好味！4）炸串合盛有5串, 炸得啱啱好，包括﹕炸蝦、蔬菜、兩串魚、鵪鶉蛋5) 三文魚壽司, 因為油份夠太好味, encore多碟整體來說很好，服務也周到, 但係都比較鐘意壽司郎很多款式。\(≧▽≦)/

呢間仲係試業緊嘅壽司郎居酒屋，整體而言，全部刺身都好新鮮，亦好肥美！特別推薦嘅反而係熟食，哈哈！首先有茶碗蒸，我每次去日本餐廳都一定會叫茶碗蒸（如果有嘅話），呢到嘅茶碗蒸啲蛋好滑，亦都十分清甜，可能因為入面真係超足料！第二係大根天婦羅，第一次見到大根天婦羅，個白蘿蔔本身已經係煮到入哂味嘅關東煮白蘿蔔，再裹一層天婦羅炸皮，外脆內軟，好好味！不過可能因為試業關係，所以壽司上嘅選擇唔多，期待會有更多菜式！同埋感覺CP值中上，唔算貴，但質素再比壽司郎高！

基本上無服務可言，食完又無人收碟，但又一路上菜，成枱都係嘢。叫加茶又加得一半，茶又淡而無味。唔食生嘢基本上無得選擇，即係唔適合帶小朋友去。食物都ok,但真係唔值呢個價錢。寧願去後面板長好過，起碼正頭正路多選擇。

呢日經過見到原來以前麥當勞個位變左呢間居酒屋，就決定去試下！等左10分鐘左右就入得。呢間係用qr code落單。叫左壽司郎名物卡達拉娜原來居酒屋係sell 服務，服務員會直頭喺你面前燒埋比你睇，都幾正。之後叫左個雜錦天婦羅，炸得幾好食，仲有兩款鹽俾你點。有蝦，魚，茄子。叫左啲壽司，例如黑松露帶子，烏魚子蝦，仲有橙色嗰個唔記得左個名。唯一有深刻印象係個黑松露係一塊塊好大粒，都幾正！之後叫左蜆肉烏冬，好細份，但味道唔錯。又叫左個蜆肉湯烏冬，一般，都係好細碗。呢個唔知咩名堂，好油，一般，點麵包食，麻麻地，又係有蜆，哈哈。呢個手卷都幾好食，大大份，好滿足！塊紫菜都好脆呢個應該係成晚最好食的，啲魚生幾新鮮，尤其係塊toro總結，食一次夠，唔平，啲食物尚算ok，幾特別，唔知點解睇到個餐牌揀唔到想食嘅野

呢日收左工就約女朋友去沙田食晚飯，裝修真係幾靚，同壽司郎係完全唔同level。個日我地唔係好餓，而且我地食量好少。女朋友點左3貫壽司(甜蝦，油甘魚，魷魚)，同2貫壽司(中吞拿魚腩x2)，女朋友就話幾好食。而我點左並玉盛合(中吞拿魚腩，吞拿魚，三文魚，油甘魚，魷魚，熟蝦，帆立貝，玉子)，我覺得整體黎講算好食，魚夠新鮮，係好食過壽司郎。我仲點左茶豌蒸，裡面係好多料嘅，而且好熱辣辣，但個問題係佢份量實在太少。杉玉其實個定價係偏貴，為返一舊壽司係$10以上，我估正常人食應該會埋單$500以上，我覺得呢個價錢會有更好嘅選擇。

之前Lunch time經過見只有1,2枱客，今次下午茶時間完全無人，好奇心驅使下走入去試。。。好彩無令我失望😋💛所有壽司飯本身已經有淡淡醋味，無需任何醬汁下都好鮮甜味美❤️🍣炙燒海膽牛油安康魚肝壽司 ($30)安康魚肝多到一啖食唔哂🫣微微燒香質感，口感細膩綿滑唔腥，配上少許甘香嫩滑海膽同醋飯，入口即溶感又解魚肝油膩🤤🍣超滿足炙燒芝士 ($33)三文魚 / 油脂分佈平均，肉質肥美味道鮮甜熟蝦 / 爽口彈牙，嫩嫩鮮甜玉子 / 厚切大大塊，甜甜地蛋味濃🍣 超滿足吞拿魚($33)我最愛嘅吞拿魚，3種食法都👍🏻❤️吞拿魚 / 無筋啖啖魚香，味濃質感軟生拌吞拿魚軍艦 + 蔥花吞拿魚軍艦 / 魚蓉細滑口感綿綿加上油脂鮮香🥰🍣王道3貫 ($30)油甘魚 / 入口即溶滿滿魚油香味，肉質幼滑鮮甜蔥花吞拿魚軍艦 / 一樣正常發揮，幼滑鮮甜🥰🍣並玉（盛合）($88)包括呑拿魚、三文魚、熟蝦、魷魚、玉子等8款壽司，全部正常發揮新鮮鮮甜👍🏻👍🏻🍜乾海老蜆肉拌烏冬 ($38)內有：櫻花蝦、蜆肉、菜苗一上枱就已經好香海鮮味雖然係拌烏冬但帶有少許湯，湯底非常濃厚鮮甜🤩蝦味好濃而且creamy得黎唔油膩👍🏻烏冬煙韌彈牙又掛

餐廳最近喺沙田新開星期三放工經過見排隊人數唔係好多2位大約等15至20分鐘左右就可以入內餐廳裝修走日本風 座位都算闊落可惜我凳無背靠 唔算太好坐餐廳用網上落單餐點選擇有一品料理、壽司同飲品每款價格～$40-60 唔貴份量唔多 可以多叫幾款嚟試一品料理選擇都幾多1）三文魚籽配蘿蔔蓉三文魚籽都新鮮好味 唔會好鹹但份量有啲少 多啲就更好蘿蔔蓉係一粒粒爽口嘅 比較似蘿蔔碎平身有醬汁調味 酸酸地幾開胃2）炸串合盛$48有5串剛剛炸起的炸串 個人覺得好抵食分別有：兩串魚、一串細細的炸蝦、一串蔬菜、一串鵪鶉蛋味道ok 炸得唔錯 唔會好厚粉點炸串汁幾好食我哋另外叫左個天婦蘿汁嚟點😆呢碟下次再嚟可以encore3）三文魚籽軍艦正常 沒有很驚艷4）炙燒壽司組合三文魚好食 鯖魚正常 星鰻反而腥腥地呢碟普通5）壽司set(唔記得咗叫咩名啦）正常發揮 可以一試全部ok過關 無筋 唔腥 都新鮮中拖ok鮮 三文魚好食 赤貝好爽 沙甸魚都唔錯6）甜蝦 + 熟蝦正常發揮 都不錯吃7）鯛魚湯蜆肉拉麵食完壽司再食返碗熱辣辣的拉麵 一流湯鮮味 蜆肉出色 好新鮮拉麵正常水準整體表現唔錯總結：都唔錯 但唔會好驚艷壽司種類比壽司朗

居酒屋裝潢富有日本風, 環境光鮮, 乾淨企理, 座位舒適, 唯射燈照射下, 倒有點熱。試業期間營業時間由15:00開始, 人流不多, 不用排隊, 但店員安排客人入座, 思考該安排客人坐那裡需時過長, 理解試業的必要。入座後, 店員即提示用膳時間限時100分鐘, 截單時間為時限前20分鐘。客人可以QR Code自行點餐, 十分方便。1) 期間限定: 吞拿魚蓉蕎頭海苔包 $202) 王道3貫: 油甘魚, 吞拿魚, 葱花吞拿魚軍艦 $303) 卡達拉娜 $284) all + 10%點了期間限定的吞拿魚蓉蕎頭海苔包, 大大件, 壽司飯已有醬油調味, 吞拿魚蓉入口軟綿, 紫菜脆口, 蕎頭味道不重, 爽口增添口感, 這款壽司確實美味, 值得推介。王道3貫可於指定壽司款式中選3款, 我選了油甘魚, 吞拿魚和葱花吞拿魚軍艦。壽司飯已有醬油調味, 與壽司郎的壽司不同。卡達拉娜是我必點的甜品, 店員會在客人面前火燒卡達拉娜, 之前會詢問客人想燒焦的程度, 由於沒有概念, 正常燒便可, 怕燒得久會有焦苦味道。這裡的卡達拉娜質感與壽司郎的不同, 這裡的質感似cream bulee, 質地較軟身, 底部有雲呢

見到新開張，又未試過，經過見到好多人等，環境亦不錯，就試一下了，等左1個鐘終於有位。裏面環境OK, 食物選擇唔算多，叫了壽司發覺塊紫菜勁淋，好似放左好耐漏哂氣咁，好耐冇試過咁煙韌既紫菜🤨到了最期待想食既海膽到了，水汪汪的海膽，第一下覺得又係放左好耐出哂水咁，真係唔敢食，即刻叫侍應換過碟，或者取消呢碟唔要了。最後侍應換過另一碟給我。服務是正常的，沒有特別好或差。其他食品都好一般，甜品個心太軟，同朱古力蛋糕沒有什麼分別，焦糖奶凍是全餐最好味的食物，壽司郎既食物質素，選擇亦較多，性價比高，呢間? 試一次就夠，失望😔😔

第一次試壽司郎居酒屋整體嚟講嘢食Okay，價錢抵食但想投訴嘅係一坐低就嗌咗2份超滿足天婦羅盛合（訂單記錄有mark）然後等咗40分鐘後開始分別問咗3個員工跟單3個員工都係咁意講句會幫你跟就影都唔見咗問到第4個員工仲要喝返我哋轉頭話你等一等啦跟手同佢解釋完咩事先灑冧話即刻幫你睇吓然後先話俾我哋知原來一路都漏咗單（換句話講前面嗰3位員工都冇幫手問廚房）最後食個天婦羅都等咗成個鐘先食到😂等得太耐想叫人加茶又係嗌咗3個人等咗25分鐘15分鐘先有人加望吓周圍都有好多吉枱啲員工都唔係特別忙應該唔會再嚟第二次

今次第一次黎沙田分店，食物飲品其實無大問題，同灣仔店質素一樣！但沙田分店既員工真係要再培訓一下！ 灣仔店都去過5-6次，不論下午或夜晚去用膳，灣仔店員工既態度及招呼都正常！但沙田店好似入左間MK local偽日式餐廳咁！ 門口大大張紙寫住9點最後入座，8點都未到仲見門口10個人都無，但拎位部機已經話暫停！入到去有個W字頭既女店長，完全唔笑咁話無walk-in! 成個餐廳得佢一位員工係將個口罩帶向下巴，可能就係想俾我見到佢臉部所流露既「真性情」啦！除左我之外，跟尾仲有另一個男客人入去問有冇位，個位W字頭女店長又響門口趕客，仲同個男客人嘈左兩句！還好當日收銀個妹妹態度友善，我朋友話都無乜人等仲有幾張枱無人坐，再入去問個妹妹佢就話可以有機會入到去，叫我地等一下，所以真係唔洗15分鐘就有位啦！所以好想杉玉既管理層睇到呢個post, 一啲態度咁差嘅員工，真係要再培訓，或者唔好再俾佢企喺門口啦，好趕客！我係杉玉同壽司郎粉絲，真係唔想見到一個咁嘅員工影響咗成間公司個brand!真心！個位店長對客嘅態度咁差，都唔方對其他同事會好得去邊！

沙田最近開咗壽司郎居酒屋，見到佢哋開張試業$36有3件大拖就諗住去試吓，點知原來一早已經賣晒(´๑•_•๑)不過一場嚟到就試吓啦～🍽食物佢哋嘅壽司選擇同壽司郎比較感覺差唔多，不過就多咗啲特色小食/菜式，所以我都講吓有邊啲印象特別深刻～👉🏻杉玉薯仔沙律 $48 6.5/10相信嚟得食嘅都會嗌呢個薯仔沙律，造型好得意，影完相之後就將佢倒落個碟到撈勻食，薯仔沙律球由甜薑、海苔粉、蝦乾包住，入面仲有流心蛋，不過調味偏鹹，鹹到餘韻係帶少少苦味👉🏻霧鎖玉龍藏仙山 $68 6.5/10個名好似好架勢，原來係鰻魚玉子同山藥泥一齊蒸，甜甜哋，但係冇乜層次，所有野嘅口感都好淋🫣唔係我中意嘅口感⋯👍🏻乾海老蜆肉拌鳥冬 $38 7/10蝦乾加蜆肉有淡淡海鮮味，烏冬質感彈牙，而且蜆肉數量都唔少～我哋揀左幾款自選壽司，講吓邊啲都值得試試：✨炙燒海膽牛油安康魚肝壽司 $30炙燒左嘅壽司好難唔好食🤭海膽鮮甜，安康魚肝係第一次食，但係完全冇怪味，可能都係被海膽嘅鮮甜蓋過咗～整體口感綿密✨圓鰭魚魚子醬赤蝦壽司 $38魚子醬鹹鮮味十足，赤蝦係一向嘅肉厚爽彈，放埋一齊估唔到咁夾，咬爆魚子醬仲會增加口感～✨炙燒昆布漬鰈魚鰭邊壽

等了又等，終於3月17日正式開張！試業期間開下午3點至10點今晚八點幾先去排隊，等咗10分鐘就有位，發現入面好多位，只係侍應執唔切，所以要等一下。見到Menu好開心，因為食物價錢大部分都只係20幾蚊到40幾蚊，非常之抵食，份量唔多可以食多幾款！超滿足天婦羅盛合$38有蝦、魷魚、番薯片、茄子配有兩款鹽炸得好脆口，新鮮！超滿足炙灼燒芝士$33三文魚、熟蝦、玉子飯有味，上面用埋車打芝士，唔使點豉油都夠晒味王首三貫$30同嚴選兩貫$30大件新鮮！中吞拿魚腩同池魚都有驚喜！杉玉特製南蠻炸雞$42味道偏鹹，不過都好大件，配合個特製沙律醬，還好！ 鯛魚湯蜆肉拉麵$38鯛魚湯偏鹹好多蜆肉，拉麵爽口彈牙大啖滿足茶碗蒸$28入面好有驚喜，有蜆、蝦、肉、帶子、三文魚籽，配超滑蒸蛋！要Encore!特選檸檬梳打酒$38啖口之選卡達拉挪$28在你面前燒個焦糖，好正！個芝士條就唔洗講啦！朱古力心太軟配忌廉$28輕微留心，有忌廉中和返個心太軟甜味，唔錯！

杉玉開咗新店喺沙田當然要去試下！18:00去到排隊攞飛，排第4張枱。10分鐘左右就入得😊落單果個店員好有禮貌，加分！點餐後好快就上枱☺️呢個豆腐唔算濃味豆腐咬落去好滑天麩羅炸得幾好，不過無蘿蔔蓉就好似差啲海膽軍艦個海膽都算新鮮呑拿魚壽司係用醋飯好正！全部都好好味！尤其舊肥美大魚腩啲油膩出晒嚟！茶蒸蛋好滑、好鮮味本人最鍾意呢個忌廉蟹肉可樂餅勁香！勁脆！

路過見到新開業，急不及待入去餐廳。餐廳裝修整潔，地方闊落 感覺舒適。點餐後坐左5分鐘 ，連續有2個女侍應送錯食物 去我張枱 ，要我同佢地分別講 無點呢個菜 佢地再睇張單先恍然大悟。 點左杯酒 ， 用餐期間 有個男待應話幫我加熱水 點知佢加左落杯酒入面！！我即刻叫停！佢都知倒錯杯，我遞起加左熱水的酒杯，最離譜係佢問我係咪唔要！個男待應想當冇事發生，真係好離譜同過份，低級錯誤！ 最後我自己要求佢換過杯酒俾我 ！真係期望越大失望越大，待應嘅質素差，食嘢過程中不斷打攪你，一邊食緊野但係又話要收隻碟 侍應唔知係咪太得閒不斷搵嘢做白忙一場，令客人無法安靜地吃飯 😑😑唔會再幫襯冇下次 唔會推介朋友嚟食！