杉玉 (沙田中心)

營業中

休息中

杉玉居酒屋第二分店 - 沙田店🏠朋友之前係網上預約咗晚餐時段，早咗15分鐘到，同職員講我地到咗之後就安排入座喇~ 😃 店內裝修環境不錯，座位舒服。睇餐牌揀食物時發現杉玉居酒屋比起其他出面嘅日式居酒屋食物款式較少...壽司款式一睇就自然諗到係壽司郎嘅壽司...炸物串燒小食款式唔算多...最後嗌咗壽司🍣、刺身🐟、炸池魚🐟、天婦羅🍤、蜆肉撈烏冬🍝、魚肝壽司🍣、鹽荔枝清酒特飲🍹~ 如果鐘意食肝臟嘅質感，魚肝壽司會好啱你😃。食物質素不錯，不過不失~ 特飲有驚喜，味道適中，酒味唔會過多亦保留到荔枝嘅味道👍🏻👍🏻 多啲嘢食選擇就會更加好喇~~😃

近排成日去沙田先發現原來杉玉開到黎新界，作為壽司郎既居酒屋相信品質會有啲保証。餐廳裝修幾企理都算闊落，唔會太逼太嘈都ok舒適，自助落單又好方便整體感覺非常良好。佢哋既壽司感覺上同壽司郎差唔多，不過就多咗啲特色小食🔸海上鮮島睇好多食評都話一定要order，有三文魚腩，甜蝦，魷魚，中吞拿魚腩，吞拿魚蓉，外加三文魚子和鱘魚子，視覺同埋個肚食完都會好滿足🔸杉玉號絕品舟盛即係刺身船啦，有唔同款式既魚生每樣有兩至三件左右，特別係三文魚子多到可以撈飯食，係略嫌刺身味道上未算突出，似未解夠凍帶少少雪氣🔸大啖滿足茶碗蒸入面有蜆、蝦、雞肉、帶子、三文魚籽，依個茶碗蒸真係好滑味道亦十分唔錯，好食到我叫左2個😂要講好食就一定唔算係，值得一讚既係sake都可以揀份量，可以試下唔同清酒亦有好多佐酒小食俾你揀。如果三五知己想小酌怡情chill吓，依度都幾

見依家上網預約終於有位我地就去食晚餐講真食壽司朗都食到厭就應該黎呢度呢度嘅選擇同種類多好多媽咪唔太鐘意食魚生所以一家黎呢度就最好我地order咗都幾多野由烏冬、天婦羅再到佢d唔同嘅小食呢個吞拿魚他他係ok嘅不過會expext本身已經調味所以食個時冇味又有d怪玉子燒就不過不失唔想食咁多生野就order呢個薯仔沙律都幾好味係expect唔到嘅味道有d紫菜、薑同脆脆食落幾得意又好玩呢個魚子壽司幾有趣賣相其實都嬴咗味道就其實都係小型魚生飯咁

今日終於去食想試好來既杉玉可能唔系食飯時間去 所以唔洗排隊我地大概4點幾到 個場有一半都空左好快就入去左 員工都好好服務仲會介紹野食俾我地我地兩個人 一個叫左158既壽司套餐 一個叫左108既壽司套餐仲有茶碗蒸 忌廉蟹肉可樂餅 飛魚子蘿蔔蓉同埋魚子醬壽司 🍣茶碗蒸個高湯濃過壽司郎好多 👍加上有飛魚子 好好食😋忌廉蟹肉可樂餅炸到岩岩好 又足料第一次食飛魚子蘿蔔蓉 口感唔錯食魚子醬壽司就好普通 不過本人冇乜點食過魚子醬 所以唔識分😂兩個人埋單總共478都算可以既 一試無妨 😃唔會話好食到再試 但普通食飯都可以😌

OpenRice內search到呢間餐廳，本身經過見到門口咁多人，心諗應該要等位了，結果等咗5分鐘都冇就有位。入到嚟先知原來係壽司郎嘅居酒屋，店員都幾熱心地推銷本月嘅精選，唔知係咪因為要追KPI呢😂

從波想過壽司郎杉玉壽司選擇咗少，多數油炸食物也有幾款早已售馨的熱門壽司😣😣救命🆘油炸食物極油，應該不夠溫度去炸或用萬年油😯😑今日5點多到店，店內鬼幾枱客人，但服務員行來行去多次都無主動加茶😓大部分服務員走埋一邊狂傾偈💬嘩，真是無想過咁差😣😣😣食物價錢和質素不成正比，難食，價錢又貴又無咩選擇😢😢😮‍💨好失望😞也不會再光顧，希望大集團收集下意見改進下。

沙田中心和好運中心商場近排重新裝修和進註新的餐廳食肆。今日來這間也是新進註的是壽司郎高級版叫「杉玉」，店舖內裡裝修很有日本風感覺，木色系列給客人好舒服溫暖感，在此吃飯特別輕鬆。杉玉御膳～～～每日數量限定Omakase握壽司5貫、刺身盛合、天婦羅盛合茶碗蒸、小品料理（3款）$148一整盤色彩繽紛琳瑯滿目很吸睛呀！握壽司很大件又鮮甜，天婦羅炸得很香脆，而小品料理一點都不會馬虎，很滿足啊！天婦羅•壽司定食(8貫）$88這款也是很豐富，熱辣辣新鮮即炸的天婦羅很鬆化炸粉薄薄的不會過厚，還附上海鹽和抹茶粉點吃，很認真和講究，壽司8種不同款色更有一款啱你口味。壽司•湯烏冬定食(10貫）$98而喜歡吃烏冬的就要點選這個啦！烏冬煙煙韌韌很有咬口又彈牙，湯底很清甜又清澈。炙燒鯖魚壽司配醃蘿蔔與忌廉芝士 $28用上特製煙燻效果店員送上時，在客人面前打開呈現朦朧煙燻感覺，很有噱頭而炙燒鯖魚壽司很鮮甜美味還有煙燻味道感覺很正。鹽漬吞拿魚壽司配圓鰭魚魚子醬 ＄35這款鹽漬吞拿魚壽司加了圓鰭魚魚子醬味蕾感覺即時提升。免焗芝士蛋糕配莓果醬 $35這款甜品做型很精緻又好吃，酸酸甜甜的吃完咸點再來一份美味甜品真的很完滿啊

自己一個人食晚飯，想飲少少酒，又想食日本嘢，本身想去元氣，但係因為裝修，所以去咗對面嘅杉玉。一次兩個人其實唔使等位。一坐低就叫咗清酒，茶豆，茶碗蒸，淮山拌吞拿魚，海上鮮島。除咗茶豆煮過頭其他都好食。之後，再encore，叫咗炙燒海膽牛油鮟鱇魚乾壽司同埋池魚骨脆餅送酒，次魚骨好大碗，同清酒好夾，我嘗試要求攞啲蛋黃醬一齊食，可惜嗌兩次都冇，有啲失望。總括嚟講，係一間可以久不久坐低食吓飯嘅港式日本居酒屋。

#港女覓食到沙田聽講壽司郎喺沙田開咗居酒屋—杉玉，今日係第一次去食🤤即刻睇下佢同壽司郎有咩分別啦杉玉屬於居酒屋🏮可以散點如炸物、前菜、壽司，而壽司可以單件點/1 set 3件，set組合可以自己隨心配搭想食嘅款式，唔使驚好似平時食嘅固定set餐咁食到啲唔想食嘅壽司🥺相比起自己一個人去壽司郎，點嘅壽司多數以2件為主，咁就好快食飽左。今日因為我一個人去食，樣樣都想叫啲嚟試，結果就散點左個偽定食出黎啦🤭食到好飽✨ 大啖滿足茶碗蒸 $28茶碗蒸滑捋捋仲滑過我塊面呀，入面配料好多有蝦有魚籽有蜆有雞肉，壽司郎茶碗蒸一向必點‼️✨ 炸吞拿魚心頂 $38見到個名咁特別，即刻落單點黎食，原來係藍鯨吞拿魚心臟嘅稀少部位炸黎食‼️食落口感十足，煙煙韌韌😳就好似雞軟骨咁，當然雞軟骨脆口啲✨ 炸芝海老手卷配飛魚子(期間限定) $34 其實就係炸蝦，放咗喺舊飯上面😑食落去OK，係唔知點解塊紫菜已經淋左，可能本身已經放耐左，咁就爭啲啦✨ 超滿足炙燒【三文魚/海鰻/鹽醋漬鯖魚】$30 ✨嚴選2貫🍣三文魚&中吞拿魚腩 $30壽司基本都好食嘅，但如果係多一個伴，我會揀食壽司郎啦🥸因為同朋友可以點多啲唔同嘅壽司，實行壽司放題咁

呢間杉玉開咗一排都仲未試過，今日lunch time就過咗嚟食😆呢度星期六日都有lunch set，不過相對選擇唔多，缺少熟食，如果唔食魚生嘅朋友仔就可能未必啱食喇～我哋坐喺卡位位置，枱面嘅空間相當闊落😆我叫咗呢個每日限定嘅杉玉御膳 ($148)😋嚟到果然好有驚喜，本身睇餐牌都見到佢好豐富，嚟到嘅時候份量更加嚇一跳🤣首先想讚一讚佢個茶碗蒸，除咗大家見到嘅蜆之外，其實下面仲有少少海鮮，鮮味十足👍🏻三款小品料理好有心思，有薯仔沙律、鯖魚同埋玉子，製作完全唔hea，尤其是個魚整得幾好食😋五件壽司唔算好特別，但感覺好新鮮，唔知點解帶子只係俾咗半塊，感覺有少少寒酸😂而四款刺身都相當新鮮，每款有一塊～另外最驚喜嘅係天婦羅竟然都幾多，而且個炸漿厚到啱啱好，食落口唔油膩又香脆，有魚、魷魚、番薯同埋茄子☺️而男朋友就叫咗個炙燒海鮮丼 ($98)😆雖然呢個排場冇我嗰個咁勁，但係佢都話呢個算唔錯，份量足料，有三文魚、鯖魚同埋油甘魚，油香都幾豐富，唔錯嘅😆佢仲叫咗一件藍鰭大吞拿魚腩 ($30)，油香係夠嘅，不過有啲筋就爭咗少少～我哋都叫咗一個鹽燒油甘魚鮫 ($48)，呢個份量唔算好大，味道都正正常常～第一次食比

又黎沙田開飯, 諗左一陣, 突然想食日本野, 醒起沙田中心有間新開張日本餐廳，又未試過，變來試下, 原來佢係壽司郎居酒屋, 今晚6點半就到餐廳, 門口唔駛排隊,我就直接入去餐廳, 一入到去餐廳員工唔知係度做咩, 冇人理我, 跟住有位員工行過黎, 我就話兩位,佢都依然冇表示我可以入座, 但我見入面好多位, 等了等, 第2位員工先帶我入座,睇黎佢地帶位安排要快小小, 唔好晚飯時候又唔係話好多食客, 都咁慢, 有待改善.一坐底就提醒客人用膳時間為100分鐘,ok, 明白的.睇完餐牌好似好多野可以點, 但又唔知點咩好,冇咩話特別推介既食物, 決定點特約盛合, 貪佢有幾樣魚生壽司, 唔駛諗, 咩都可以試下味道想講一講, 豉油好咸, 壽司一點豉油, 蓋過了新鮮魚生味, 本人就唔太喜歡日本壽司豉油太咸, 魚生都新鮮既, 但就冇咩特別驚喜, 其他地方都食到之後叫了天婦羅卷, 紫菜好食, 但又天婦羅蝦比較多粉, 琳哂, 都係一般見隔離枱叫了油漬三文魚, 加了芝麻, 第一次食, 食落覺得好油, 我個人麻麻地, 就咁魚生好啲再黎叫三款魚生壽司, 感覺都ok ga整體而言, 普普通通, 又唔係抵食

之前經過幾次都話試業3點先開，今日經過見到，即刻同老公入去試吓。我地叫左個每日限量嘅「舟盛丼」（HK$128)+「10貫壽司&茶碗蒸」（HK$158)，味道就一般般，但勝在性價比高（有啲餐百零蚊就食到）。有時想平平地食下日本嘢，呢度係唔錯嘅選擇。溫馨提示：驚自己唔夠飽，可以落單時免費升級做大盛。

同朋友去完1田血拼💸，諗下食咩好， 熱㷫㷫梗係想食啲涼浸浸既野， 碰下運氣去杉玉👀👀，可能今日係平日同埋大家去曬拼搏， 有位耶～ 職員見我地一袋二袋🛍️，安排4人坐位～ 舒服😌對手， 即時QR落單～玩味壽司梗係要點～魚子醬壽司：鹹/肉/微酸 係有層次口感草球： 杉玉薯仔沙律 外層草樣係有偏鹹 需要撈一下吃既，😂我朋友先吃曬塊草皮話乜草地咁鹹既茶碗蒸：是我必點項目，滑滑口感，仲要內裡配料不少⭕️～ 今次仲點左湯麵類有驚喜😍朋友唔酒既，無得一到就來杯啤酒🍻，而呢個價錢食居酒屋係開心既～

杉玉係一間標準到不能再標準嘅日本野。Lunch time，$98 有十件壽司+一碗仔拉麵，十分正常+合理嘅價錢，甚至其實算ok抵。抵嘅原因自然離唔開佢嘅質素，其實都ok。$98十舊壽司+有五隻蜆嘅拉麵呢盤野最令我震驚嘅係，碗拉麵居然有味！佢真係有D海鮮嘅腥味，注意！非貶義！起碼唔似出面其他cheap日本野好似滾水嘅湯咁。嗰5隻蜆居然都ok，size算係咁又有D味。十舊壽司，起碼舊飯係沾過醬汁，睇落高級D左，不過其實舊飯嘅味道毫無特別。魚生正常水準啦，其實我佢D質素覺得好過壽司郎(?) 此純屬個人意見。PS 間野真係冇乜人食，D枱又ok分開，如果你突然想食日本野，又想平平地食，佢不失為一個選擇！

today, I tasted some of the finest sushi dishes in hong Kong in sugidama. This restaurant has given itself as a delicacy to enjoy. I had first tasted the egg. the egg tasted much more smooth, with the skimming of the top layer sliding in your mouth as you chew our the individual pieces of salmon roe contained within. The egg inside also contains various seafoods such as clam and shrimp, all help to add onto the taste of the egg.next came the main course which is very nicely decorated sashimi in