春水堂 (希慎廣場) (已結業)

透過Openrice apps 買珍珠奶茶終於唔使排長隊！👍🏼朋友介紹用呢個apps 好方便，有時仲會有快閃優惠。今次第一次試吓用呢個apps 响春水堂落單買三杯嘢飲。落單時，仲可以寫要求，例如走冰，微糖等。我哋三個人喺預定時間到餐廳，餐廳亦已準時預備好我哋嘅訂單。一如以往，已經有一條隊等買外賣。我哋三個慶幸用Apps落單，唔使排隊。✌🏼用apps 落單跟平時排隊買嘢飲水準無異。特別喜愛春水堂嘅珍珠茉香奶茶。茉莉茶底比坊間還要香、奶茶夠滑、珍珠極為彈牙。疫情下，去唔到台灣，都可以去春水堂當去了台灣一趟。

員工態度奇差：本人於2020年8月10日下午二時十分左右到 銅鑼灣希慎hyson plaza 春水堂午飯, 叫了兩碗麵 及飲品，稍後一名約五尺十一至六尺高，戴眼鏡的男侍應生， 態度粗暴地放低兩碗麵，我叫他畀個碗仔我， 毫無反應如是者叫了第三次，你目露兇光答： 咪攞緊囉，我話點解你咁冇禮貌嘅，你都唔答我， 跟住佢用兇惡嘅眼神望住我， 之後我再有要求 亦無理會我，一肚氣。

作為珍珠奶茶die hard fans, 每逢見到有珍珠奶茶嘅地方，都忍唔住要買返杯🤤.自從春水堂喺香港開咗店，已經幫襯過好多次，因為佢地嘅珍珠奶茶真係好好飲呀😍今日路經希慎見到呢昌開咗無耐嘅春水堂，又去食吓先 ! .佢地珍珠奶茶唔會一陣奶精味，奶茶茶底濃度、甜度啱啱好，飲落首先感受到奶茶嘅香滑，然後淡淡嘅茶香慢慢飄出嚟，加上有咬口、甜度剛剛好嘅珍珠，完美💯.除咗飲品，仲食咗小食同魯肉飯，個人大推甘梅地瓜同鹽酥杏鮑菇，充滿台灣嘅味道! 魯肉飯亦係必食之一，魯肉肥瘦比例適中，食落有油香，配合粒粒分明嘅白飯，而家諗起都想再食呀!

在銅鑼灣做運動，諗唔到食咩，見到春水堂唔係太多人就行左入去！Order 完野食之後，朋友想叫杯野飲，但又驚飲唔哂想要外賣杯裝，點知員工話枱面唔可以放外賣野🙄又唔係其他公司的飲品，有咩問題🙄另外佢個牛肉麵，啲牛肉好淋，淋到好唔似食緊牛肉，我唔係太喜歡口感，下次應該唔會再試

今天午餐繼續台灣之旅。先來一碗「迷你魯肉飯」，白蘿蔔漬清甜爽口，只怪我太心急，一口便吃完了，很想多吃兩三塊。魯肉碎和醬汁調校得很入味，配合香軟的白飯，微甜醒胃，如果醬汁多一點就更好了。雖然整碗飯份量不多，但我覺得在炎熱的天氣下，還是不要吃太多！之後來一客飯後甜品「花生三沾小麻吉」，這個名字非常可愛。麻吉原來是黑糖麻糬，外面裹著黃豆粉，乍看好像松露朱古力，裏面是Q彈的麻糬，韌得來不黏牙，配以鮮奶油或和芝麻粉 ，吃了一粒後便欲罷不能。這道甜品將這個台灣之旅劃上完美的句號，要返回公司工作了。

因為疫情關係，不能飛去台灣，實在太掛念台灣，所以唯有與友人一起去春水堂吃飯，當自己飛了一轉台灣。我點了功夫麵，麵條比一般的粗，很有咬口，配合肉燥和芽菜， 十分好吃，但可能由於麵條太粗的關係，有點飽肚。友人點了麻油麵線，她覺得味道不錯。另外，我們點了烏龍豆乾作為小吃，豆乾原本應該沒有什麼味道，但蘸上了由烏龍茶泡製的醬汁後，味道竟然十分配合，沒有一點違和感！我們也點了一道甜品：珍珠熔岩蛋糕，蛋糕質感比較厚實，鬆一點像戚風蛋糕會比較容易入口，香滑的忌廉配以彈牙的珍珠，確實減低了蛋糕的厚實感。最後，我們點了香醇奶茶，奶茶果然是春水堂的招牌菜之一，茶味香醇濃滑，一飲就上了癮！希望我們下次真的可以飛去台灣，食當地的春水堂啦！

喺台灣度食過春水堂覺得好好食，所以有日收工之後約埋朋友一齊去食銅鑼灣春水堂食晚餐🍽我哋兩個人叫咗兩杯嘢飲同埋兩碗半筋腩牛肉麵🍜半筋腩牛肉麵非常足料，食到最後都仲剩返好多肉未食哂，牛筋牛腩亦炆得好夠淋，真係超好味😍胚芽奶茶同珍珠綠茶同好味過一般手搖店好多，值得一試🤩

食過台灣間春水堂幾好食，專程黎銅鑼灣食lunch，想睇下香港係咪都咁好食，但都幾多人等位，都等咗起碼半個鐘。 叫咗蕃茄牛肉麵、珍珠奶茶同一個小食。個人覺得蕃茄味可以再濃啲，同埋麵嘅口感唔太好⋯⋯都成接近一百蚊碗，呢個質素有啲失望。正常水準～ 不過不失～珍珠奶茶就保留到台灣春水堂精髓，係幾好飲，珍珠比平時街外嘅珍珠細啲，但口感軟硬適中，有口感，個人好鍾意～ 整體黎講，有啲貴，唔太抵食，建議黎飲野好過食野😂😂😂😂

我次次行過都好想食，但次次都排晒長龍🤨🤨，今次五點幾條隊唔係好長，排四五張枱就有啦😉😉，所以決定排下食下。同表妹兩個人，叫咗一個細滷肉飯、珍珠招牌紅茶雪糕吐司，同埋一杯檸檬蜜凍飲（share 食）。滷肉飯好好味（熱辣辣），紅茶雪糕唔錯咼😚😚。如果下次要食都係呢啲時間嚟食就最啱啦。

手工麻香麵線（$48)一放低，個樣真係好靚，對佢充滿期待。一擺入口，完全唔係想像中嘅味道，完全唔得。麻油唔香，撈埋d 西芹粒同薑碎，滲出淡淡嘅苦味。d 薑仲要起渣。加埋兩舊好硬嘅西蘭花同好普通嘅鹵蛋，成個combination 真係不得了。千奇唔好比佢個靚樣呃左。麻辣涼伴牛筋（$48)個調味幾好，幾香。可惜d 牛筋切得好碎好碎，有青瓜絲咁碎。好好地一條牛筋就咁嘥曬。鹽酥雞（$48)當我對呢間野就黎絕望時，呢個鹽酥雞就挽回少少分數。放入口幾鬆脆，d 雞肉幾冧，咬落去有d 汁。好過平時去開嘅台灣餐廳。魯肉飯（$28)d 魯肉肥瘦適中，有d 肉鬆，幾好食。不過魯肉比得太少。呢個ok 啦番茄蜜凍飲 ($36) & 紅豆鮮奶茶（$35)番茄蜜非常推介，唔會死甜，微微嘅番茄酸味，仲有少少花香，成個配搭好好。紅豆奶茶都幾好飲。結論：真心唔明點解條隊咁長。食野就不會有下次架啦，幫襯飲品就ok 嘅

📍 春水堂📍 銅鑼灣 • 希慎廣場3樓317-319號舖想試試《春水堂》好久了～這晚來到Hysan Place的分店，雖然還是要排隊，可是蠻快就可以入座了～價錢相比台灣的話肯定是比較貴，但是在香港，甚至銅鑼灣區，算是很便宜的了！而且味道十分十分好，強力推薦！珍珠奶茶 ($32)他們說《春水堂》是「珍珠奶茶」的發源地！當然要點一杯來嚐嚐！點了少糖，可是對我而言還是稍微甜了一點點。茶味滿濃的～特別喜歡他們的珍珠！珍珠較小顆，口感Q彈有嚼勁(♡´౪`♡)鹽酥雞翼 ($38)雞翼皮香脆惹味，肉質肥嫩而且充滿肉汁，熱呼呼的好好吃！！功夫麵 ($53)是味道很香的肉燥乾麵～本來應該還會配芽菜的，可是我們走了～魯肉飯 ($28)魯肉肥瘦均勻，帶有豬油香(o^∀^)配上肉鬆，整體味道偏甜。珍珠鐵觀音雪糕吐司 ($58)這個好特別！值得一試喔！（記得要把肚子留空間喔！這個蠻飽肚的～）法式吐司煮的稍微脆身，搭配茶味香濃的鐵觀音雪糕、珍珠、軟滑的忌廉還有黑糖醬，完美的甜品💯（味道對我來說偏甜）-Menu:

春水堂為左整靚自己個 open rice 個 profile，我想整返個牛肉麵系列，春水堂當然係榜上有名啦。今次 lunch 來到銅鑼灣既春水堂，佢地個環境係 open area。依家 d 高檔少少既商場都係咁即格局啦，無計，土地問題。條路窄，如果整埋封閉式既話，就好似行超市咁。言歸正傳，我同我同事叫左兩碗招牌牛肉麵。春水堂既牛肉麵係用香港人平時食既牛展。即係用來滷水，切到一塊塊，好薄個 d。呢度既牛展超厚，而且好淋。我唔係好識煮野食，但係我估佢係煮左好耐。牛肉湯好濃味，唔覺有味精。我差唔多飲曬成碗都唔覺口渴。麵質林林地，有少少粉粉地既感覺，唔係日本拉麵彈牙個種，我個人鍾意食 d 硬麵。蔥同酸菜可以俾多 d，可以更加香。點左杯最傳統既珍珠奶茶，珍珠細細粒，唔似普通 20 幾蚊有 d 趙頭又帶 d 唔熟既珍珠，又會癡牙既。淡淡地，配返個濃味既牛肉麵，幾好。最後，價錢有 d 貴，一碗麵同珍珠奶茶連加一就 125 蚊一個人，都幾貴，性價比中間啦。

黑洞久唔久就想飲呢間珍奶同甜品而家疫情關係 唔使點排隊就有得入座😚-🔸珍珠茉香奶茶（ $34 ）每次唔叫呢款就係叫珍珠鐵觀音奶茶🤣不二之選 夠晒專一🤓珍珠size偏細粒 但份量十足黑洞覺得叫微糖都夠 而且茶味仲出d😬-🔸黃金香酥雞（ $48 ）炸雞口感的確幾酥脆🤔調味唔太重 唔會太咸⭕️配滷肉飯當餸食 吾錯-🔸金沙芋泥丸（ $48 ）黑洞私心必食推介‼️芋泥饀甜味天然一咬仲有流沙效果🤩夠晒邪惡-🔸滷肉飯（細-$28 ）細細碗過下口癮飯面鋪有肉鬆 畫龍點睛😛-🔸珍珠熔岩蛋糕（ $58 ）黑洞試過幾款甜品 呢款最值得encore😏軟綿蛋糕淋上黑糖 再加上大量黑糖珍珠中間切開仲有忌廉😯肥到核爆黑洞鍾意🤪-P.s 嗰日行街見到雅蘭中心準備開新舖真係見到都興奮😍-

我好少食台灣野㗎！一來好怕煎煎炸炸，二來成日形住唔夠飽肚，今次嚟春水堂我自己係有任務要做！嘿嘿，就係為左佢個黑糖珍珠蛋糕，唔好話喎！我真係未試過嘀有珍珠嘅野食，咩珍珠pizza 果嘀太激進，我想溫和嘀，就由蛋榚仔入手。睇開我嘅食評就明白我一定又係唔知睇咗嘀咩，俾人導咗嚟！當然我亦不負眾望係喺IG，睇人貼圖啦！我本身真係諗住齋叫蛋糕，食野去第二間！但我朋友話春水堂係台灣果間真係超好食！叫我係度食埋，咁...是旦啦！叫咗魯肉飯，杞子烏雞米粉，麻辣牛筋，芋頭奶黃炸丸子。先講魯肉飯！嘩！好濕呀！我好憎食軟飯，濕到好糊...但佢地話嘀肉醬好食，我做唔到咁愛恨分明，一pat 咁，我只可以講整體難受之後呢個杞子烏雞米粉，我有少少期待㗎！你聽下個名幾養生！覺得好補囉！緊係飲咗個湯先！係好飲㗎！有少少藥材味，加上烏雞，好清甜！不過煲湯雞鞋就梗㗎啦！同個米粉都係淋咗少少。個麻辣牛筋好好食呀！佢呢個牛筋有嚼勁！夠香夠麻！如果大碟嘀就好啦！呢個芋泥奶皇丸子有驚喜！芋泥滑身唔太甜，入面香香奶皇流心！出面炸皮亦夠薄！太意外嘞！當然要飲佢出名嘅珍珠奶茶，唔太甜，奶香滑，茶味清新！珍珠細細粒，煙煙韌韌！果然名不虛傳好

話說我地個日係銅鑼灣食左一間唔好食既餐廳 之後我未食飽 我地就決定黎春水堂食D小食 終於開心翻🙊🙊·魯肉飯 $28想食呢個好耐架啦 成日係IG見到大家影D相影得好靚 好似閃令令咁 超吸引😍😍黎到我地個碗又反而無咁有光澤 但係原來佢係有超多肉鬆 個口感好好 食落超級滿足🥳而且佢D魯肉係夠撈曬成碗飯 開心😌·黃金地瓜條 $33呢個望落勁吸引 所以雖然我男朋友話佢無咩胃口 我都係嗌左🤭🤣佢炸得超好食 而且D番薯好甜 完全無嗌錯🤤🤤·愛玉檸檬綠茶 $32呢個其實係另一日我地係東涌行完山飲既 超好飲同埋解渴 拍得住我地鍾意既清玉翡翠檸檬茶🍋而且佢D愛玉超級滑 我地嗌左微糖走冰個甜度就岩岩好啦 我自己覺得唔會超酸阿 大家唔洗驚😏😏·📍銅鑼灣軒尼斯道500號希慎廣場3樓317-319號舖📍觀塘觀塘道418號創紀之城五期apm一樓L1-1號舖📍東涌達東路20號東薈城名店倉2樓286號舖📍沙田沙田正街18號新城市廣場3期3樓A332及A363A號舖📍馬鞍山鞍祿街18號MOSTown新港城中心(4期)L2層2141號舖