春嬌越南河

營業中

休息中

經過餐廳門口，職員推介新出嘅火鍋，諗住試下就嗌咗。話就話$168兩人火鍋，份量仲少過快餐店啲$7x一人火鍋，得細細碗粉絲，要另外嗌飯，每碗$15，講真味道唔係難食，但食完好似無食過嘢咁，真係無辨法接受。最大嘅問題係火鍋8點正上，等咗半個鐘個湯都無滾過，個火細到乜咁，每次落餸都至少要等幾分鐘先食得，等都等到燥。見肚餓諗住嗌啲小食食住先，結果嗌手撕雞又話無，嗌通菜又話無，最後嗌小棠菜終於有啦，但上到嚟係生菜！？仲要職員每隔一陣就過嚟關心吓個火，得閒又搞下個火，既然都知道個問題，咁點解唔可以一次過俾個好啲嘅方法去解決個問題？成個火鍋好似從來無人嗌過咁，咩都未準備好就推出嚟，希望餐廳可以做好啲計劃，非常失望。

🕰️用餐時間：20:00-20:45 👥人數：2人這間越南小店位於銅鑼灣外圍，所有找位子不難。下單要掃瞄QR code點餐，餐廳有提供wifi，介面亦易於使用。 我們點了2份主食+2份小食，沒要飲品。網紙蝦春卷湯檬 (可選金邊/檬/粉) ($50) 那層網紙又薄又脆，加上蝦熱辣辣、慢乎乎的，這個春卷真的超讚的！雞絲扎肉湯河 (可選金邊/檬/粉) ($52)雞絲、扎肉絕不吝嗇!😆越南脆炸蝦餅 ($46) 蝦餅4-5片，配料很足！旁有2粒小小的炸番薯~💜馬拉盞炒通菜 ($42)另外，桌上有3款調味粉。*設加一服務費

「志明與春嬌」同埋「春嬌與志明」（其實都係同一系列嘅電影）喺數年前深得民心，如果冇記錯總共係有三集，三集都睇過晒，有啲情景去到依家依然歷歷在目。喺銅鑼灣嘅加路連山道，利園二期附近，竟然都開咗一間越南餐廳叫「春嬌」😆 真係咁啱得咁橋。自己叫咗碗雞絲扎肉湯河，雞絲嘅數量比我想像中多！雞絲都幾乾身，補充蛋白質最佳時候😆雞肉味濃厚，因為系雞絲，所以冇脂肪部分👍🏼扎肉口感結實，同平時食戈啲好似有少少吾一樣，但無可否認嘅一樣野就系扎肉喺越南菜黎講可以佔住一個重要嘅位置。散叫咗一份脆炸扎肉，扎肉份量都幾多，同埋每塊都好大塊😆質感好潤潤，食落都滿足的。春卷真系我每次去越南餐廳都會叫嘅菜，春卷入面好似系有啲雲耳絲、蘿蔔絲等等，本身吾算話好著重健康，啲料其實我系麻麻哋🙊但系春卷炸得幾香口👍🏼香口得黎又吾會話好油膩，好食啊😋另外一碗系招牌春嬌火車頭，話得系招牌就緊系要試吓🤤入面有花膠、牛肉、牛腩、牛丸，以$68呢個價錢黎講真系超值！花膠系超大條！對女士黎講真系恩物呀😍滑嘟嘟好正~生牛肉牛味濃郁，越式嘅生牛肉真系永遠系皇道😁牛腩好軟稔好入味，牛丸好彈牙。第1杯飲品系龍眼水，喺出面飲得太多珍奶、水果茶乜乜乜，喺

專程去試試‘春嬌’係來自越南嘅特色餐廳，發現呢度選擇多而且平，💖竟然發現在銅鑼灣區，有驚喜主菜：「馬拉盞通菜扎肉飯」抵食越南菜之選，扎肉同通菜都好香又惹味，無渣夠爽口，味道較得啱啱好，惹味得嚟又健康食唔停口「網紙蝦春卷」炸得好香脆，網紙白𠽌𠽌好特別，一咬落去酥軟軟加埋鮮蝦，必點嘅菜👏🏻「咖喱香茅豬扒飯」熱辣辣食，塊豬扒勁有份量，大過手板✋🏻加埋黃咖喱汁勁濃椰香，配飯食一流呀龍眼水勁足料喎，飲落好似媽咪煲一樣正👍🏻

喺銅鑼灣閑閑哋食個晏都要$100啦但係竟然比我同男朋友發掘到一間性價比超高嘅越南菜我哋叫咗兩個小食一個係炸扎肉 其實我都係第一次食因為其他店舖好少見 食完發覺其實有啲似午餐肉都幾特別第二個小食我哋就叫咗炸越南春卷呢個仲有生菜配埋一齊所以唔會太油膩之後我同男朋友各自都叫咗一碗越南河男朋友就叫咗一個火車頭佢話都幾特別味道唔錯 入面有魚肚係其他舖頭食唔到嘅 都唔錯㗎而我就叫咗個生熟牛肉湯河啲牛肉呢個價錢來講都十分唔錯埋單都係$200咋真係好抵

這天在銅鑼灣逛街，先吃頓豐富的午飯，就在這家應該開了不久的越南食店吃吧。小食點了一客串燒及蝦餅。牛肉串燒串燒烤得相當出色，入口一咀嚼後肉汁四溢，再佐以其他調味粉，更加惹味。越南脆炸蝦餅雖然是炸物，但是每口都帶蝦鮮味，口感彈牙實在。春嬌火車頭河粉牛肉肉質稔滑新鮮，沒有很多筋腱，不會太韌口。另外，麵還有其他材料，沒想到竟然找到花膠，整塊大大片的，相當煙靱有嚼勁。湯底方面，牛肉湯清甜，令人食指大動。話梅鹹檸七消滯解渴，鹹鹹甜甜的飲品，每口都帶帶鹹檸味道。

首遇超大花膠配火車頭～～～週末訓到豬咁 之後食一個美味午餐 簡直係我同大舊最喜愛做嘅事 今個週末 訓飽飽之後 我哋就去咗銅鑼灣呢一條好多嘢食嘅街覓食～～～有一排冇黎 發現佢開咗好多新餐廳 而呢一間春嬌望落裝修好特別 而且人流頗多 感覺應該唔錯 望一望餐牌價錢都唔貴 啱曬慳家嘅我哋～～～睇完餐牌之後 我哋叫咗春嬌火車頭湯檬 椰青 (凍) 春嬌豬肉粉包(4件)同碳燒豬頸肉 呢度係用掃qr code自助落單嘅好環保而且都幾方便 ～～～春嬌火車頭湯檬 ：清清甜甜嘅湯底 多瘦少肥 而且牛味濃郁嘅牛肉 仲有牛展同埋完全係估你唔到嘅花膠 每一樣配料都非常好食 尤其係花膠 真係第一次見火車頭有花膠 個花膠仲要超級大塊 好彈牙 完全係必叫之選 ～～～春嬌豬肉粉包(4件)：個皮說不上好薄 但係質地好煙韌 鍾意澱粉質感嘅我好鍾意 大舊都話好味 加埋佢哋自家製嘅越南魚露汁就啱啱好～～～碳燒豬頸肉：相對其他兩樣食物 等得耐少少 但係都唔會太耐 而且慢工出細貨 豬頸肉好滑好嫩 好多汁 又唔會好油膩 好耐都未食過咁高質嘅碳燒豬頸肉 估唔到會係小店度食到 一啖豬頸肉 一啖椰青 呢個配搭實在係非常正～～～春嬌 (銅鑼灣

今日收工想食啲酸辣既食物就唸起泰國菜同越南菜 最後決定左試下呢一間 雖然呢間地方偏遠 不過都好近銅鑼灣既「糖水街」😂😂😂用QR code落單的～內河生牛肉湯檬粉 $55牛肉都有好多片 湯底偏清淡口味🤔 牛肉肉質偏淋身熱龍眼水超濃龍眼味😱 裏面亦都有好多龍眼肉 熱飲幾好 唔會太甜！雞絲扎肉湯金邊粉 $52雞絲有少少柴 扎肉幾好食 反而呢配個麵多好多😂😂酸辣鳳爪$52酸酸辣辣 走清爽路線既酸辣鳳爪🤣話梅金桔茶正正常常

到過越南多個城市，最愛就是胡志明市的地道美食！現在沒法旅遊，就來一個越式午餐小店位於加路連山道，裝修充滿越式風情，牆身掛滿一頂頂越南漁夫帽和越式擺設甫坐下侍應便放下一個專屬二維碼讓我們用個人手提電話瀏覽電子菜單及下單！既環保又可自己控制點菜節奏各式湯粉附青檸辣椒，可選檬粉、河粉、金邊粉或撈檬！亦可按個人口味挑走配料！河內生牛肉金邊粉湯頭清甜，牛肉軟嫩香茅豬扒湯檬的豬扒充滿份量！香茅味十足， 肉質鬆軟又不失嚼勁餐飲龍眼水甜度適中很滋潤，轉凍飲只須加$2脆炸札肉共六片，炸至香脆，而未有油膩感！配以蔥油口味更佳炭燒豬頸肉配上酸辣汁惹味又開胃

今日放假，就相約朋友去銅鑼灣行街兼食個午飯。還記得幾年前同佢一齊去過越南，而家諗返都好想再去。我哋就不約而同話想今日不如就去食越南野，回味下當初。所以經上網搜查後，就去咗一間叫「春嬌」的餐廳，名稱都頗為特別，決定一試！春嬌火車頭金邊粉$68呢度嘅湯底係牛骨湯底，味道非常濃郁，清甜。配菜多不勝數，有牛丸，牛肉，牛腩，炸豬皮等等，更有珍貴的花膠，吸收晒湯底嘅精華，非常入味。配以芫荽，蔥，炸蒜等香料，香氣十足！好欣賞呢度嘅牛肉片，夠大塊之餘而且一點都唔鞋，非常鮮嫩，牛味濃郁！蔥油烤牛肉撈㩚$52識得越南野當然要食㩚粉，試一試它的招牌醬汁。醬汁酸酸甜甜，味道配合得剛剛好。這裏的牛肉真是出色，烤牛肉有炭燒的味道，很香口！我很喜歡配上的青瓜絲，食落更有爽脆口感，增加層次！越南脆炸蝦餅 $46當然又點少得蝦餅，蝦餅份量大得驚人，味道不錯，有彈牙口感。炸粉亦炸得酥脆。小食旁邊會有兩個甜薯，當個小甜品食，不錯！網址蝦春卷$36這個蝦春卷不過不失，炸得酥脆，配上泰式酸辣醬，惹味可口！茉莉花茶食完咁多酸辣野，飲番一啖清新茉莉花茶能減低膩感之餘，更可清一清口氣！哈哈！

今日同朋友尼到銅鑼灣dinner,我真係比較少尼港島，衣間餐廳可以話係減肥首選，而且真係好抵食，兩個人都係200蚊到我叫左食越南野必點既招牌春嬌火車頭，有花膠！估佢唔到，都只係68蚊，花膠又係好大舊，牛肉好大塊，仲配埋青檸同辣椒，湯底好清，我揀左湯檬，好大碗，整體尼講好好食，大食仲可以加底，又可以揀加荷包蛋朋友叫左雞絲扎肉湯檬，好足料，香料都好多，好正宗，女士可能要少粉叫左杯熱龍眼水，竟然可以走甜，岩曬要減肥既我，好多龍眼肉！朋友叫左珍多冰，少甜既甜度岩岩好，而且好大杯仲叫左碟馬拉盞通菜，辣辣地，都大碟銅鑼灣尼講衣個價錢食到晚餐真係好抵，選擇都幾多，飯面都有

經常過嚟銅鑼灣，一直都冇嚟過呢個位置，原來呢度除咗車房都有好多唔同種類嘅餐廳，由銅鑼灣地鐵行過嚟都係7-8分鐘，附近全部係高級商業大廈及餐廳，但呢條小街上主要係地道特式餐廳，見佢價錢唔貴，晚市$50 起，裝修幾有特色，順便食埋飯才回家。咖喱牛腩飯，咖喱唔會好辣，亦唔會有太多椰汁味，食落都有層次感，牛腩炆得幾淋幾入味。香茅豬扒碎上，佢哋選用薄身豬扒，但仍然好淋身，好嫩滑，味道唔會太鹹，亦唔會太肥。豬肉粉包係我最鍾意嘅越南小食之一，感覺正宗，粉皮薄身亦唔會好易穿，一啖一件，好滋味。越南脆炸蝦餅，蝦肉結實彈牙，大大件再切細，每件都好厚身，有咬口，食到蝦肉鮮味。加上一杯正宗越南咖啡，好懷念上年聖誕節去胡志明市，希望可以快啲去旅行。

呢間越南餐廳，係銅鑼灣利園直落個條，店內裝修幾靚。 叫左2個teaset, 好抵食。烤牛肉牛骨湯檸：湯底好濃牛味，飲完d湯唔口渴，但烤牛肉就比較碎，如果揀撈檸可能會好d｡生牛肉牛骨湯檸：生牛肉好嫩，唔碎，真係好似係越南食到既一樣

今天剛好經過銅鑼灣，在OpenRice上看到這間專食越南野的店舖，裝修很有越南風格，所以前來一試。我們點了生熟牛肉湯粉、網紙蝦春卷河粉、春嬌豬肉粉包、越南炸脆蝦餅、龍眼水和越南咖啡。生熟牛肉湯粉這個生牛肉肉質偏鬆軟，入口有肉味，牛肉有中上水平，湯麵方面也不錯，湯飲得出明顯是沒有味精的，但有酸酸甜甜的味道，非常好食！推薦程度：⭐⭐⭐⭐⭐（必吃推介）網紙蝦春卷河粉這個蝦春卷外層鬆脆，內裏有芋頭和肉，非常好味！推薦程度：⭐⭐⭐⭐春嬌豬肉粉包（四件）這個粉包比起其他越南店舖的粉包少很多油，吃起上來不油膩，而且裏面的餡料也不錯。推薦程度：⭐⭐⭐⭐越南炸脆蝦餅這個炸蝦餅比想像中更出色，原本以為是平平無奇的蝦餅，他是吃上去肉感豐富，蝦🦐味口感非常濃郁。不用點醬汁已經十分出色。推薦程度：⭐⭐⭐⭐⭐（必吃推介）而龍眼水和越南咖啡也非常出色，特別要讚一讚龍眼水的龍眼不是罐頭龍眼，所以更有龍眼味和健康，咖啡亦好易入口，加了煉乳是越南的特色！推薦程度：⭐⭐⭐⭐⭐（必吃推介）

嚟之前我睇過網上嘅評論，附近街坊話俾我聽嘅嘢。整體評語唔係幾好，我作為本環嘅銅鑼灣食神，當然要去睇一睇乜嘢料真係俾我估中，有時網上寫得差，唔代表係事實，有時網上有人想X索佢都有機會。入到去經理好有禮貌，整體環境都尚算舒適。重點呢附近已經冇乜平民價錢食館。同日本呀好多發展左個地方好唔同，香港食飯都算幾貴，當然呢間係OK平，糧尾都唔覺得有壓力！說實際水準對得住價錢，反而我想講嗰杯椰汁冰好濃郁可以一試！我食檬粉又唔鍾意食雜料，佢哋個系統都好貼心，可以俾我逐樣刪除！總之啦我今次食過，一定唔會中伏！可以一試