春嬌越南河

營業中

休息中

銅鑼灣區美食林立, 每次搵食我都有選擇困難症, 今次來到位於加路連山道既春嬌食越南菜。店舖牆身掛上多種越式擺設, 裝修得充滿越南風情。餐廳係採用手機掃QR CODE自助落單, 操作方便簡單。咖哩香茅豬扒飯 $58 - 豬扒是薄切, 醃得好入味, 而且已切好, 方便客人食用, 咖哩汁夠香濃, 撈飯食一流。- 餐飲配了 熱龍眼水, 很清甜, 解喝潤喉。雞絲扎肉撈檬 $52 - 雞絲乾身, 配上清爽既青瓜及紅蘿蔔絲, 再加魚露同食, 口感及層次好豐富。- 餐飲選擇了 熱茉莉花茶走甜, 雖是用茶包沖的, 但茉莉花味濃, 食完濃味既越南菜, 再呷一口茉莉花茶, 感覺口腔清新舒服。網紙蝦春卷 (4件) $36 - 反而令我有點失望, 春卷雖炸得香口, 但入口略嫌太油 。

視察考路試既路後，係附近醫肚。加路連山道呢帶好多食店，見好想念越南菜就入店內食食。越南火鍋 做梗減價$138牛三寶：有牛肉片，牛肉糕同牛丸。其他仲有白蘿蔔，蝦，白菇，蕃茄，豆腐，檬粉同粟米。兩個人食都幾夠，特色係個帽子火鍋超有新鮮感。最正就係個湯底，真係越南牛河個湯底。。我地仲點左兩款小食，網蝦春卷同埋蝦餅，份量同味道都唔錯。最後餐廳更送上糖水，係紫米露很yummy餐廳裝飾好靚好地道，員工親切有禮。

我去過越南多次，品嘗過越南不同的美食，但越南打邊鑼，我還是第一次嘗試，朋友推薦銅鑼灣春嬌正宗越南餐廳。餐廳裝修得幾有越南風格，墻上掛有越南畫及擺設。三重牛魔王火鍋：食料有手切牛肉、熊本一口和牛粒、醬爆貢丸、菇、蘿蔔、蕃茄、豆腐和栗米等，牛骨湯底是用牛骨、蝦米及多種香料熬製成的，口感鮮甜，熊本一口和牛粒，油脂分布均勻，牛香味十足，口感豐富，齒夾留香，蔬菜也相當新鮮。越式小食春嬌豬肉粉包：面頭酒滿葱油好香，粉包夠薄好滑，點酸甜醬幾開胃。馬拉盞炒通菜：馬拉版蝦醬鹹香帶點微辣夠水準。飲品咸檸七：甜中帶咸潤喉。總體感覺不錯，無論是服務、食材、口味、性價比，值得一試。

天氣轉冷，周末去銅鑼灣時代廣場shopping 逛街，突然好想吃火鍋，朋友提議去銅鑼灣加路連山道9號地鋪春嬌吃越式火鍋。火鍋經常吃，但越式火鍋是第一次嘗試。春嬌頂級鮮氣火鍋牛骨湯底，如仲意冬陰功湯底加$18蚊就Ok啦。火鍋料有：大蝦、牛肉、熊本一口和牛、醬爆貢丸、菇、蘿蔔、蕃茄、豆腐和栗米等幾多料嘅。牛骨湯底清而不濁，食材新鮮鮮，最好味的是牛肉，肉質嫩腍，夠牛肉味，貢丸彈牙。越式小食綱紙蝦春卷：鬆脆香口。飲嘢$38蚊一個椰青啱曬了與火鍋是絕配下火。服務員也非常熱情有禮，整體感覺好暖心！

星期六經過銅鑼灣，去完Time Square 逛逛，差不吾多到lunch時間，諗住去Times Square後邊的小街發掘好嘢食。點知俾我哋見到有間新開嘅越南餐廳，價錢樽唔錯添。．入去覺得裝修好整齊，同埋好耐冇旅行想食下久違了嘅越南餐。其實lunch set真係好抵，有多款飲品選擇😋我哋叫咗椰汁冰同埋綠茶，大杯又解渴🍹《生牛肉河粉》其實個牛肉河粉好大碗，除了個河粉真係好滑好幼細，好似係越南食緊咁，值得推介。其實個湯底好有層次感，好多料，裏面有好多洋蔥痛紫蘇葉，正😌《扎肉湯河》有好多扎肉喺湯面，同樣用料十足，最緊要果粉好幼細好滑，湯底有好多越南嘅herbs , 食落大大碗，感覺好滿足。豬肉鬆粉包非常飽肚，用料十足絕無欺埸，如果個皮簿d更好炸蝦餅個人非常喜歡食蝦餅，這個菜式個人非常推介，好有蝦味

Can u believe a seafood pot for two for just $168?With the scallop and beef from japanI am just amazed by the portion when servedIt covered the entire tableLove the scallop It’s fresh with very firm flesh Shrimp balls are spongy and full of umamiFeel free to add the spice provided There are a number of choice and I love the garlic spicy flavour A little bonus at the end with free Black glutinous rice coconut sweet soupJust perfect to wrap up the night

越南嘢食得多 越式火鍋你又食過未😂 話說今日行過銅鑼灣 見到呢間越南餐廳門口大大個牌話有火鍋食🙈 見到個帽子火鍋好吸引 天氣又凍凍地 不如又試試咩玩法😏.▪️春嬌頂級鮮氣火鍋$168火鍋既Setting係2人份量，材料包括：日本帆立貝、新鮮虎蝦、手切牛肉、熊本一口牛、醬爆牛丸、彈牙蝦滑。除左以上食物 原來仲有白蘿蔔、豆腐、蕃茄、粟米。一上碟已經見到成頂帽咁既火鍋 ，側邊放滿左火鍋料，中間就係打邊爐既湯底😋 食材新鮮又多料 以呢個價黎講仲抵食過吉xx食火鍋（當然要有2個人Share) 另外牛肉好正 可能係越南餐廳 平時整開生牛肉河 所以牛肉質素都好好👍🏻.▪️越式炸春卷$34 食完火鍋叫返個炸野食下 擇左春卷 果然無失望。脆口又多料，4大件3x蚊 合理價錢。.其實餐廳好似主打食越南河 不過我又中意試新野😂下次正正式式嚟食碗河粉先得😋

火鍋（$138）十埋個碗出去粉，尼個價錢一般般呀、個炸春卷皮脆芋泥餡料好味道呀、個玻璃蝦（$58）有6只、點埋醬汁、個味道唔錯架、甜品紫米露糖水都唔錯如果加少少水就更好

越南菜通常都係生牛肉河粉，米紙卷，但越式火鍋唔知大家又試過未呢？今次黎到銅記，搵到間越南鋪食，佢有個帽子火鍋都幾特別。呢間店係用手機落單，幾方便。係個火鍋黎之前，叫左份手撕雞食下先，麻醬同青瓜感覺好清新，多埋芝麻，啲雞肉一絲一絲好正。呢個帽子火鍋特別在啲食材已經圍繞住個湯鍋，只要一水滾就可以一野轟佢地落個湯鍋度，就咁睇呢個份量都好多。我地仲叫埋咖哩牛腩，連埋薄餅，啲咖哩椰香味濃，點埋薄餅吸哂啲咖哩汁，一啖啪入口，呢種味覺衝擊真係咪話唔過癮。幪粉臨尾落湯鍋，煮熟左之後我仲溝埋咖哩汁，有另一翻風味。呢度啲飲品都唔錯，可以一試。食完個火鍋，過下癮都唔錯，無諗到越式火鍋原來都幾得意，下次黎又再食過先。

餐廳有唔少越南出名嘅小食 同湯粉麵三重牛魔王火鍋 牛骨湯底 $138咁帽子火鍋就係 中間係湯 鍋邊就係配料 咁配料都幾多 有鮮蝦 牛丸 蘿蔔 豆腐 牛肉 菇同粟米 湯底係牛骨湯 算係比較清嘅湯底 好合我口味 牛肉既質素都唔錯 有牛味 又唔多筋 但份量唔算多 牛丸就比想像中好食 彈牙又多汁 其他嘅配料都正常 火鍋有跟一碗檬粉 整體來講覺得份量偏小 但味道唔差玻璃生蝦(6隻) $58生蝦幾新鮮 蝦肉幾爽口 醬汁係辣中帶麻 食完覺得幾開胃 網紙蝦春卷 $36外皮炸得香脆 又唔會好油 裏面餡料有香芋同蔬菜 整體味道好夾 點埋泰式辣醬嘅話就令到味道更加有層次六點過後需要加一服務費

禮拜五晚收工去咗銅鑼灣行街，見到呢間越南菜鋪頭裝修幾有特色，相信味道應該幾正宗，所以就入咗去一探究竟😆鴛鴦春卷撈檬 （7/10）撈檬係我每次去食泰國菜都會嗌嘅野食，除咗我真係好鍾意食之外，仲因為佢煮法簡單，好少中伏，安全之選🙊。而呢間餐廳嘅撈檬水準正常，值得一讚嘅係春卷夠熱夠脆☺️香茅雞翼金邊粉 （7.5/10）同撈檬一樣，呢間嘅湯金邊粉不過不失。而雞翼真係好出色，雞翼係岩岩煮好，層皮微炸到脆脆地，肉質多汁同幾嫩下，值得推薦😆珍多冰 （3/10）珍多冰係出乎意料地失望，太甜同埋好重陣椰漿味，絕對唔值得加錢飲🙅🏻‍♂️泰式生蝦 （7.5/10）生蝦都幾爽口，絕無半點腥味，配上辣椒同蒜頭一齊食真係無得輸☺️唯一要彈嘅係呢間餐廳嘅辣椒真係好辣，要自己清理一下嘅辣椒籽再食會更好🙊紫米露 （7.5/10）紫米露係餐廳免費送嘅，枱枱都有。雖然係免費，但絕對無偷工減料，足料之餘味道仲幾好😋———————😋味道：7/10🤵🏻服務：7.5/10💰抵食：7.5/10⏳排隊時間：0分鐘

今日嚟到銅鑼灣尋寶呢呢條街都幾多食肆嘅今日就試下一個我未試過嘅越式火鍋啦都幾特別佢嗰啲餸呢係放喺外圍嘅 冬天就真係要試下個火鍋啦好新鮮呀越南吳火鍋第一次食今日叫咗個168蚊嘅春嬌頂級鮮氣火鍋 湯底好鮮甜 應該用新鮮牛骨呢牛仔嘅如果鍾意食辣嘅朋友就可以揀冬陰功湯底 有兩隻好大嘅扇貝 牛肉同埋 牛肉粒 仲有蝦膠 好抵食呀.真係暖笠笠呀 冬天啱曬另外叫咗一個越式蝦餅做小食配埋個甜酸醬真係好開胃 嘢飲呢我就叫咗個大嘅新鮮椰青 嘩真係好大個呀好抵佢仲要幫我開埋飲完之後仲可以掛埋裏面啲嘢肉嚟食添 鋪頭裝修感覺乾淨店員都發十分親切有禮嘅 我覺得好舒服

這一帶齊集不同國家的餐廳，最近途經這條街，新開了一家越南餐廳，裡面環境裝潢蠻有心思，有各種越南特色的佈置，食物正宗。只要掃描一下QR code就可以下單了，方便而且不用擔心漏單。越南菜式有小食、飯、麵，連火鍋也有，很適合牛魔王的愛好者。春嬌豬肉粉包：第一次吃這款越南傳統小吃，蠻特別的。粉包的外皮白色帶點透明，口感像腸粉皮軟軟且煙韌，包裹著豬肉，豬肉餡料壓成肉餅，混合其他食材一起煎得油香。上面灑了炸蒜及葱油，額外可以蘸一點甜酸醬。沙嗲串燒：肉類有豬、牛、雞肉，三串起，可以任意配搭，蠻貼心的。我挑選了全雞肉。雞肉串表面烤得有乾身，肉質卻保留肉汁。沙嗲帶濃郁的花生醬及椰香風味，蘸醬吃能更提升肉香。雞絲扎肉湯粉：牛肉湯底香濃，加上各種香料，生洋蔥、蔥、香葉、炸蒜等。雞絲不多，但是麵條及扎肉的份量卻很多，還額外加了一隻荷包蛋。

銅鑼灣南華會附近有條街都幾多嘢食，今日咁岩去開銅鑼灣，一於試下位於加路連山道嘅春嬌越南菜。一坐低就叫左佢哋店嘅新菜式二人海鮮火鍋$168 加$18轉冬陰功湯底，同埋泰式生蝦刺身。泰式生蝦刺身好新鮮，醬汁好惹味，夠辣同酸，讚！鍾意生蝦刺身嘅朋友必點👍🏼二人海鮮火鍋賣相吸引，有帶子、肥牛、牛肉粒、海蝦、墨魚滑、牛丸、蘿蔔、粟米、蕃茄、草菇、豆腐、檬粉。個爐一上我哋兩個都”哇”咗一聲，因為個賣相都幾吸引，一水滾我哋已經忍唔住勁飲個冬陰功湯😄夠香辣！海鮮火鍋嘅帶子同蝦都好新鮮、生牛肉、牛肉粒同牛丸都好有牛肉味，蘿蔔好清甜，熱辣辣即刻烚起別有一番滋味，估唔到越南野都可以咁樣玩下新花臣，最後食埋個冬陰公湯煮嘅檬粉，大滿足！鍾意食越南野又鍾意打邊爐嘅朋友可以一試，推薦！

前一陣子和同事外出食晏，在公司附近找到一間越南小店，便進去會一會「春嬌」😂-這間小店的風格很有越南風味，從特色漁夫草帽、竹制燈罩、牆上的掛畫及小擺設都能看得出來👍🏻店內提供多款越式主食、小食和飲品，總有一款啱口味😋落單是用手機掃QR code，操作方便快捷👍🏻-1️⃣春嬌火車頭湯粉 $68坦白說，這次是我第一次在火車頭湯粉裏面吃到花膠，而且是非常大塊，確實是有驚喜🤩除了花膠，裏面還有牛肉、牛腩和牛丸，每種都很新鮮，而且牛味重，啱哂愛牛一族🤤-2️⃣香茅豬扒蔥油飯 $56兩塊豬扒不但大塊，而且香茅味很重，可見店家在醃製上花了不少功夫👍🏻在豬扒面上放了不少蔥油和炸蒜，除了增添香味，也增加了視覺上的效果🤩隨餐的日本蕃薯和青瓜也有解膩的作用👍🏻-3️⃣香茅雞翼(5隻) $48炸成金黃色的雞翼非常吸睛🤤跟豬扒一樣，香茅味道很濃，非常惹味😋只有5隻，真的不夠喉😂-4️⃣柚子苿莉茶(熱) $14跟餐價吃了一些炸的食物，最啱係配番杯茶解膩👍🏻柚子和苿莉的味道相輔相成，茶香、順口，很值得推薦👍🏻-5️⃣越南咖啡(熱) $14跟餐價正宗的越南咖啡味道稍甜，這讓我回想起在越南時嚐過的味道，很令人懷念😍