影片
更多
2020-10-20
48 瀏覽
經常過嚟銅鑼灣，一直都冇嚟過呢個位置，原來呢度除咗車房都有好多唔同種類嘅餐廳，由銅鑼灣地鐵行過嚟都係7-8分鐘，附近全部係高級商業大廈及餐廳，但呢條小街上主要係地道特式餐廳，見佢價錢唔貴，晚市$50 起，裝修幾有特色，順便食埋飯才回家。咖喱牛腩飯，咖喱唔會好辣，亦唔會有太多椰汁味，食落都有層次感，牛腩炆得幾淋幾入味。香茅豬扒碎上，佢哋選用薄身豬扒，但仍然好淋身，好嫩滑，味道唔會太鹹，亦唔會太肥。豬肉粉包係我最鍾意嘅越南小食之一，感覺正宗，粉皮薄身亦唔會好易穿，一啖一件，好滋味。越南脆炸蝦餅，蝦肉結實彈牙，大大件再切細，每件都好厚身，有咬口，食到蝦肉鮮味。加上一杯正宗越南咖啡，好懷念上年聖誕節去胡志明市，希望可以快啲去旅行。
咖喱牛腩飯，咖喱唔會好辣，亦唔會有太多椰汁味，食落都有層次感，牛腩炆得幾淋幾入味。
香茅豬扒碎上，佢哋選用薄身豬扒，但仍然好淋身，好嫩滑，味道唔會太鹹，亦唔會太肥。
豬肉粉包係我最鍾意嘅越南小食之一，感覺正宗，粉皮薄身亦唔會好易穿，一啖一件，好滋味。
越南脆炸蝦餅，蝦肉結實彈牙，大大件再切細，每件都好厚身，有咬口，食到蝦肉鮮味。
加上一杯正宗越南咖啡，好懷念上年聖誕節去胡志明市，希望可以快啲去旅行。
張貼
