春城銅鍋米線

營業中

休息中

早幾日收工，同Foo 走到後面街食春城銅鍋米線。步行一兩分鐘就到。餐廳用QR code 下單，好方便。餐廳有各款醒胃酸菜飯同即叫即滾湯飯，睇到餐牌都有啲心動想食。不過，最後揀左昆明媽媽推介既蟲草花椰子雞米線同招牌春城銅鍋米線。再加幾款小食，食到舔舔脷。蟲草花椰子雞米線$60加$8 轉雞髀加$12有竹笙加$18新鮮蠔仔超級大碗，未食都聞到好濃郁嘅椰子雞味。湯底入口舒服健康，有家既感覺，有蟲草花、紅棗、木耳，感覺既滋補又養生。食材份量都幾多，一邊食到見底都仲有蠔仔，飽滿得來又新鮮，無腥味。竹笙浸透左湯中精華，每條都肥粗多汁，爽口又入味。用$8轉雞髀果然係無揀錯。雞髀肉嫩好味，柔軟質地口感佳。招牌春城銅鍋米線$36$7 加金菇$12 竹笙$16新鮮牛肉用銅鍋做器皿，賣相吸引。材料相當足，食完好飽。肉碎、芽菜、腐皮、酸菜、木耳絲、甜酸菜等配料都唔少，一整鍋滿滿既。大中小辣度自由揀。新鮮牛肉都要一讚，剛熟既狀況，入口柔軟，口感細膩。秘製雞翼5隻$33 肉質嫩滑，夠入味，咸甜適中，食完一隻又一隻。炸脆脆蝦膠豆卜3粒$22外層鬆脆可口，一咬就碎。蝦膠柔軟中帶濕潤，保留少許水份令整體不乾身。大大件，好

🌸 招牌春城銅鍋米線 （麵底💰36）湯底濃味足料，基本湯底配料有肉碎、芽菜、腐皮和酸菜等，可選清湯或辣度，酸酸辣辣很惹味💕另外可加自選配菜如丸類、雞翼、香炸豬扒等～炸豬扒一大塊也很足料！肉質酥軟味道不錯✨米線用銅鍋盛著，有特色🌸 紫菜蠔仔肉碎湯飯 （💰62）很鮮味！也很足料，蠔仔比預期多而且帶鮮不會有腥味，配上紫菜和肉碎等令湯飯更鮮甜！同樣可依個人喜好選辣度💁🏻‍♀️🌸 炸脆脆蝦膠豆卜 （3粒💰22）外皮炸得酥脆，蝦膠彈牙✨🌸 爆漿紅糖糍粑（3粒💰20）糍粑皮軟而且煙韌，中間是流心紅糖，不會太甜💕

喺旺角睇完戲，順便喺附近睇吓有咩好嘢食，俾我食到一間好好味嘅銅鍋米線！唐揚炸雞件自家製嘅唐揚炸雞件外酥內嫩，表皮金黃酥脆，雞肉鮮美多汁，出色！炸脆脆蝦膠豆卜呢碟色澤金黃既炸脆脆蝦膠豆卜外層酥脆，內裡的蝦膠彈牙，十分之推介！秘制酸菜腩肉荷葉包呢個包真係好好食！入面夾住醇厚的腩肉，油而不膩，醬汁微辣，再加埋酸菜、芫荽和腐皮，層次好豐富。紫菜蠔仔肉碎湯飯湯頭鮮美，蠔仔鮮甜，整體好好味！招牌春城銅鍋紅薯粉銅鍋keep住個溫度，最啱天氣凍嘅時候食！加上紅薯粉囗感Q彈，酸菜提味，非常開胃。鱈魚豆腐星星型啲鱈魚，睇得又食得！豬肉腐皮卷外皮酥脆，內餡豐富！叫主食仲可以跟餐叫野飲，好抵食！

呢排天氣凍凍哋，最啱就係食米線，貪佢碗湯暖胃得黎又滋補😆今次就同友人揀左呢間春城銅鍋米線，本身係想試銅鍋嘅，點知自己揀錯左🫠店員都有提及銅鍋嘅特色就係可以保持食物的溫度和鮮味，確保所有嘅精華都可以讓客人食到🙌每碗米線配料不同，亦可以自行選擇加辣，相當客製化👍小弟就叫左海南胡椒豬肚雞米線，湯底黑胡椒同胡椒粉嘅味好強烈，呢個湯名乎其實夠曬驅寒🔥仲要有埋肉碎配料，食落好有層次👍雞肉嘅部份好嫩滑，真係有雞味👍豬肚份量都唔少，足足有6～7舊，口感煙韌，夠厚身🙌友人食嘅係蟲草花椰子雞米線（轉雞脾），湯底充滿椰子嘅香同雞湯嘅濃，蟲草花、紅棗等配料更增添多一份甜味👍雞脾食得出無雪味，夠曬大舊嫩滑，米線本身夠煙韌，所以食落口感分明🙌女士想係冬天滋補下就一定要試下呢個小食方面，爆漿紅糖糍粑一咬開淨係feel到2隻字：好熱🥵內餡一咬即刻爆曬出黎，黑糖嘅甜味配埋煙韌嘅脆皮真係食到停唔到口👍 炸脆脆蝦膠豆卜一咬入口已經爆汁，蝦嘅份量好足，唔會食到成口粉👍蝦膠好彈牙，內餡充滿蝦味，脆得黎又唔會太油膩，恰到好處，配埋甜酸汁更有層次，真係好推薦大家試下🙌大推總結：整體湯底出色，米線煙韌，各樣都係水準之上，特別係小食，

蟲草花椰子雞米線🐥$60 （$8 加雞髀）呢間野自從食左第一次之後 就幫襯左唔少次😋 老實講淨係試過呢款米線 因為次次黎都忍唔住食呢款 但如果係好鐘意飲椰子雞湯既人一定會好鐘意 🤤🤤 佢個湯底帶有好濃既椰香 🥥用上新鮮既蟲草花同紅棗 雞件轉左雞髀十分軟滑 仲有好多雞件 而米線軟硬適中 整體黎講性價比一流 算係無可挑剔 如果呢個湯底轉左做拉麵🍜一定會爆紅呀！

本身喺朗豪坊出嚟，諗緊晚餐食咩，行緊去油麻地方向，就見到呢間米線。記得之前上網有見人提過呢間米線，係用一個銅煲上枱好特別，於是就行咗入去。餐廳職員好好禮貌，會安排座位，枱上有QR code可以自己落單，同時亦都有實體版Menu，呢樣嘢好值得讚賞。不過如果想自選米線，佢限咗一定最少嗌兩個餸，如果想嗌一個餸就要嗌佢set好咗嗰啲，呢樣嘢就唔係咁好。我嗌咗個酸酸辣辣米線，湯底有啲普通。其他餸都正正常常，冇乜特別，不過如果下次經過都會再去試吓其他湯底。

一直都好想試呢間銅鍋米線，但平時經過呢度都見好多人排隊就放棄咗…… 今日睇完戲見時間尚早就即管過嚟碰碰運氣，好彩 early dinner 無咩人，等咗一陣好快有得入座~😋 農鄉蕃茄銅鍋米線 ~ 揀咗自選雙拼，餐肉 + 雪花肥牛，蕃茄湯好濃好好味，d餸又好足料，而且米線煙韌度適中，係我鍾意嘅口感！最重要係佢用銅鍋可以 keep 到溫度，女仔食野比較慢都唔怕 🙈🙈😋 炸脆脆蝦膠豆卜 ~ 係呢度嘅招牌菜，初初都怕叫5粒食唔晒，但一食係停唔到，豆卜真係炸到超級鬆脆，好好味，絕對係誠意推介！店員都好好，麻煩佢加醬都即刻加俾我 😊

❣️位置喺朗豪坊附近，主打昆明酸辣米線，呢度嘅米線特別之處係用銅鍋嚟上碟，所以米線一定夠熱，食嘅途中都覺得碗米線keep住好夠熱👍🏻 嚟呢度一定要試佢哋嘅豬扒酸辣米線，非常好味😋 湯底夠濃，食落超級開胃，豬扒非常鬆軟入味🥢 價錢抵，值得再嚟🙌🏻 食晏時間都多人，有機會要排隊👀🌟豬扒酸酸辣辣銅鍋米線🍜 🐖$52酸辣湯底配上足料米線，有配料有肉碎，腐皮、芽菜、酸菜、木耳絲、甜酸菜，非常滿足😋 豬扒即叫即炸，份量十足，炸得鬆脆酥軟🐷🌟蟲草花椰子雞米線 🥥 $60 (轉雞髀加$8）湯底奶白色澤，椰味十足，非常濃郁，切雞嫩滑，配料有蟲草花、紅棗、木耳，啱晒唔食辣嘅人🐓

這間茶餐廳的招牌銅鍋米線🍜絕對值得一試。銅鍋能很好地保持湯底溫度，即使吃到最後，湯底仍然滾燙，保留了最佳風味。我選擇了酸辣口味,對愛吃辣的人來說或許稍嫌不夠辣，中辣可能會更合我的口味。配菜方面，大量的酸菜、木耳和芫荽為湯底增添了不少酸爽味道，加上份量可觀的雞肉和墨魚丸,整體口感非常不錯。另外，我還點了蝦膠作為小食，炸得酥脆可口，建議可配上泰式辣醬食用。▪️招牌春城銅鍋米線 $36▫️雞肉 $9▫️墨魚丸 $9▪️炸脆脆蝦膠豆卜 (5件) $35

平時都好鍾意食米線 ，見到旺角呢間米線都好多人排緊，原來係即叫即煮同埋用銅鍋好有特色於是吸引左我入去食！涼拌芥末魚皮魚皮爽口彈牙，芥末味亦都好香豬扒酸酸辣辣銅鍋（BB辣）湯底酸酸辣辣都幾開胃，至於辣度個人認為唔算好辣，容易入口 豬扒炸到香脆內嫩，又juicy，而米線都好多下，完全係好滿足爆醬紅糖糍粑一咬落口啲紅糖醬流哂出嚟🤤煙煙韌韌好有口感！真係好好食整體黎講價錢唔貴，比其他酸辣米線更有驚喜！米線控必試😋

米線真係超鍾意食😻今日第一次黎到呢間用銅鍋裝住既米線鋪頭，感覺上用銅鍋裝住更加熱辣辣同惹味🤪👉🏼招牌三鮮銅鍋米線 $61先講湯底先，包左肉碎、芽菜、腐皮、酸菜、木耳絲、甜酸菜，而三鮮既餸係腩肉、豬潤以及螺旋藻，可以揀清湯或者香辣，我地揀左小小辣，辣得黎唔會好多油，香香地幾入味🤪👉🏼春城麻辣銅鍋米線 $61呢個係先叫湯底再自選兩餸，我叫左雞肉同埋蠔仔🦪，好少米線鋪有得叫蠔仔，蠔仔既質素都唔錯，唔會重腥味，都大粒😙👉🏼爆漿紅糖糍粑 $20/3粒有做到爆漿感覺，煙煙韌韌、食落暖暖的☺️👉🏼炸脆脆蝦膠豆卜 $35呢個叫左大size，總共5粒，外皮超級香脆，一咬已經好吸引，而入面係比較厚實既蝦膠，大大啖滿足😆

偶然去旺角食薯粉，入咗呢間餐廳都幾好食。春城麻辣湯紅薯粉 小辣成碗碗都係熱辣辣，個銅鍋係熱辣辣咁樣上，配上爽脆嘅蓮藕，係夏天嘅消暑好食品秘製滷水雞翼超入味嘅滷水汁，成隻雞翼都好Juicy。

米線關注組今次去咗旺角覓食🤭喺朗豪坊睇完戲想醫肚，行過隔離街幾步路就到啦👍🏼🌼 自選雙拼米線 招牌春城鍋銅鍋米線 (小辣) 米線用銅鍋上夠晒gimmick底料有肉碎/芽菜/腐皮/酸菜/木耳絲/甜酸菜湯底濃郁，食完碗米線唔會頸渴呢間米線基本要叫兩款配料，最後我揀咗墨魚丸/豬潤/豬肉腐皮卷值得一提嘅係豬肉腐皮卷炸到脆卜卜唔油膩🌼香炸豬扒荷葉包 （$46）即叫即整嘅荷葉包 一碟有兩大件，賣相一流外表睇落好似台灣刈包但包身比刈包薄同香軟帶微甜，秘製醬酸酸甜甜，味道有啲似千島醬新鮮炸起嘅豬扒好大塊，豬扒內裡軟淋易咬，配上一塊超級酥脆嘅腐皮，口感超級豐富；一啲都唔油膩。配料仲有多到滿瀉嘅芫茜🌿非常推薦俾鍾意食芫茜嘅朋友唔鍾意芫茜嘅朋友都有其他款式可以選擇⚠️沒有用餐優惠

經常到呢間餐廳因為太近我讀書的地方 今日分享下他的食物質素每一次都相同的蟲草花椰子雞米線$60這次帶來朋友他order了海南胡椒豬肚雞米線$66👉🏻蟲草花椰子雞米線超級好吃，回吃多次超級濃郁的椰子湯底 喜歡椰子的不要錯過有大量蟲草花和木耳雞件滑溜 完整可惜份量不夠嚴格來說，有點少由於最近低碳飲食我加$12把米線轉菜心底和譚仔相比貴，譚仔只是加幾蚊他只有菜心底，沒有其他蔬菜選擇菜心份量也不算多 大量粗菜心根 葉反而很少朋友點的海南胡椒豬肚雞米線，他說OK胡椒豬肚夠辣

放咗工自己一個人唔知食乜好，諗起有朋友話呢間米線好好食，就專登去試下，結果係完全冇後悔 🤩🙌🏻 🔸炸脆脆蝦膠豆卜呢個超·好·食！外面炸得好乾身好脆口，入面啲蝦膠唔會死實實，係勁彈牙 😍 點埋泰式辣醬一齊食，超like 👍🏻👍🏻👍🏻 鍾意到問店員知唔知喺邊度入貨 😂 諗住可以係屋企自己整嚟食 🤣 然後店員話俾我知係舖頭每日新鮮包嘅 😲🔸酸酸辣辣銅鍋米線最少揀兩個配料，就揀咗香炸豬扒同埋豆卜 😋 米線煮得岩岩好唔會硬，叫咗小辣好好食！豆卜冇雪櫃怪味，豬扒好腍好入味又唔會太乾身，而最驚喜嘅係碗米線嘅配料，酸菜！一食入口微酸，咬落去好脆口，咬多兩咬仲食到甜味 🤤 好正 😍今餐食得好開心 ❤️ 除咗啲嘢食好味之外，啲侍應嘅服務態度又好好，好落力解決客人嘅疑問，呢一點要讚 👍🏻 另外要小心個銅鍋 😂 真係好熱㗎 🤣🤣