春城銅鍋米線

營業中

休息中

終於試到傳說中嘅銅鍋米線！旺角呢間「春城銅鍋米線」🍜由昆明媽媽主理，一入門口就聞到酸辣香氣攻鼻👃，仲有懷舊冰室 feel 裝修，啱晒鍾意重口味又貪新鮮嘅米線控～🍽️🌟 招牌豬扒酸酸辣辣銅鍋米線 🍜🔥 真・銅鍋上枱熱到「滋滋聲」，保溫一流，食到尾都仲滾燙！🔥酸辣湯底，酸得醒胃，辣得過癮，配料有芽菜、腐竹、韭菜、肉碎鋪滿面🥬，炸豬扒厚切唔鞋口，醃到入味，邪惡到想追加多塊！😋🌟 炸脆脆蝦膠豆卜🦐💥 即叫即炸超燙口！🔥豆卜釀入彈牙蝦膠，外層炸到金黃香脆，點埋甜辣醬，咬落「咔嚓」聲響徹全場！🔊🌟 凍咸檸七喜🧊🍋 懷舊指數爆燈！💡咸檸戳爛撈勻七喜，鹹甜交織仲有粒粒檸檬肉🍊～ 除咗旺角之外，尖沙咀都有分店㗎 ！

行過見到呢米線幾特別，係用銅鍋裝住，咁樣又可以keep住熱辣辣，都幾有創意又有特色，呢度食物款式都幾多，有主打嘅米線飯，有飯，有不同嘅小食，我地就叫咗幾款試吓。秘制雞翼滷得好入味，味道啱啱好，唔會太咸，雞肉好嫩滑。炸脆脆蝦膠豆卜豆卜入面釀滿晒蝦膠，外面炸到脆卜卜，而入面d蝦膠好爽，好新鮮。招牌豬排酸酸辣辣鍋米線塊豬排好大塊，食落都幾嫩，唔會柴，而銅鍋裝住米線，保持熱辣辣，唔會咁易涷，個酸辣湯好惹味，加埋酸菜同木耳增加口感。牛肉紫菜蠔仔肉碎米線份量都幾多，大大碗，牛肉好嫩，紫菜吸收晒湯嘅味道，好正，而蠔仔粒粒都脹卜卜，都好鮮味。涷檸茶涷咸檸七

🌟🍴 【旺角 • 春城銅鍋米線】 🍴🌟 📍 旺角砵蘭街175號地舖🍖🥟🍟🥚🍰🍲🍇 • 🥪🍓🍤🍪🍜🍡🍹 香煎墨魚餅 🦑：外脆內軟，墨魚香濃，煎得金黃誘人，每一口都充滿海鮮風味！👍涼拌芥末魚皮 🐟：魚皮爽脆，芥末微嗆帶點清新，開胃又解膩，超適合夏天！🌿牛肉蠔仔紫菜肉碎米線 + BB辣 + 豆卜 + 螺旋藻 + 竹笙 🍜：湯底濃郁，牛肉嫩滑，蠔仔鮮甜，BB辣夠勁！豆卜吸滿湯汁，螺旋藻和竹笙增添層次，超滿足！🔥豆漿 🥛：純正香濃，簡單卻暖心，完美搭配米線！😊招牌海南胡椒豬肚雞米線（雞髀） 🍲：胡椒香氣撲鼻，豬肚軟糯，雞髀肉質鮮嫩，湯頭溫潤順喉，暖胃又養生！🐔🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 300✨🥢🍣🍕🍜🍴🍰✨

我第一次遇到啲咁嘅情況🤷🏽‍♀️話說我嗌咗招牌銅鍋米線, 見到配菜有酸菜同甜酸菜, 我兩樣都唔食, 所以喺手機落單我照道理應該會有兩個選項寫住「不要酸菜」同埋「不要甜酸菜」先啱係咪？點知去到手機落單嘅時候就淨係見到「不要甜酸菜」, 冇「不要酸菜」嘅選項, 反而無啦啦多咗個「不要芫茜」嘅選項, 我原本諗住問, 後來我覺得可能揀「不要甜酸菜」代表唔要任何酸菜所以就冇問, 加上我都唔食芫茜所以我兩個選項揀曬。然後上菜嗰陣個碗裏面仲有酸菜, 我就問的職員話我明明揀咗「不要甜酸菜」點解仲會有酸菜, 佢就同我講係照單落☹️喂大佬鬼唔知你照單落咩？🙄 而家個問題係我明明兩種酸菜都唔要, 你又要逼人哋用手機落單, 但係冇提供曬兩個選項畀我, 加上實體menu冇講明碗米線有芫茜, D人唔睇手機落單都唔知碗米線原本有芫茜, 咁有問題嘅想點？講到好似我冇睇清楚咁😑😑😑最後個職員先勉強話重新幫我去煮過個湯底, 啲餸就照留, 話倒曬好浪費, 我唔介意所以就妥協咗, 但係我想講如果你一開始嘅手機落單系統整好啲嘅話咪唔使唔會造成浪費囉🙄🙄🙄

🫕雲南風味的銅鍋米線，獨特的銅鍋烹煮方式和濃郁湯底，基本配料包括酸菜、豆芽、韭菜和炸醬，♨️鍋身會有D燙手，食既時候要小心D 。🐷炸到金黃酥脆既豬排，咬下去會發出「脆脆」聲響。內裡肉質保持鮮嫩多汁，醃製入味但唔會死鹹。‘-‘-‘-‘-‘-‘-‘-‘-‘-‘-‘-‘-‘-‘-‘春城銅鍋米線📍地址 : 旺角砵蘭街175號地舖🏰環境: 7/10🙇🏻‍♂服務: 7/10 💰價位: 中價⏰用餐時段: 午餐‘-‘-‘-‘-‘-‘-‘-‘-‘-‘-‘-‘-‘-‘-‘#為食控 #hkfoodie #hkfoodalog #hkfood #foodiehk#食好西 #人氣美食 #豬排 #旺角 #米線

鍾意食米線嘅我成日都會去試新野，到處發掘有冇好食米線！咁岩做完Facial經過見到好似幾得意，用銅鍋裝米線，就入左去試。🍜自選酸酸辣辣銅鍋米線 $45 💫7/10自選蘿白、豬潤兩餸。首先湯底好濃惹味，酸味夠，米線爽彈都滑身，浸埋落湯底係夠味。湯底仲有D肉碎、芽菜、腐皮、木耳絲、甜酸菜，最欣賞佢個甜酸菜，真埋米線一齊食更加開胃！蘿白好大一舊食起上黎唔太方便，但夠淋清甜冇咩渣。豬潤煮得幾好食，爽脆得黎夠軟滑，唔會好粉。雞翼入味都夠腍，肉算幾滑身。另外叫左個星星鱈魚豆腐，出黎係非常普通魚蛋咁。🌟總結：價錢抵食，正正常常，酸辣湯底唔算太驚艷，路過絕對可以一試。

員工服務態度極差，尤其是企收銀那個女人，我哋未食完就趕走人，食緊嘅時候我哋叫咗個外賣，外賣都未到，就話出面好多人等緊，叫我們在門口等外賣，最好笑係個外賣佢放低咗杯外賣飲品喺我哋枱，唔知想點，我哋拎返俾佢， 佢話俾個袋我哋叫我哋自己袋住佢？？？其實嘢食都未到齊就趕人走係咩玩法😂之後我哋企出去等外賣，佢又直接叫我哋企後啲，冇任何禮貌可言，點解今時今日香港服務行業會變成咁？食物方面一般，啲蠔仔好少，得3-4粒，同埋有啲腥，米線太硬，炸雞冇味，肯定冇下次

同朋友做完嘢過嚟旺角食小小野諗住食經濟啲 朋友叫左招牌腩肉牛丸酸辣米線不過不失啦 不過味精就一定係重架啦食完要係咁飲水我叫左口水雞飯 係好香口惹味嘅 送飯一流不過食完真係要飲好多水環境就一般啦 茶餐廳最基本嘅衛生只係地舖 周不時有烏蠅飛入嚟有少少影響囉坐位就有少少迫 始終寸金尺土唯有食完就閃或者下次叫外賣啦

在旺角朗豪坊商場附近，午餐時間客人蠻多的，還好不用等太久便能入座。招牌春城銅鍋米線：剛上的銅鍋米線很燙，熱氣騰騰的。米線和配菜的分量很足。炸脆脆蝦膠豆ト：還追加了ー份小吃，滿滿的蝦膠十分彈牙，配著泰式辣醬一起吃，很解膩，可惜炸得稍微乾了一點。

招牌春城銅鍋米線，點了柴菜、雞肉以及雞肉，味道尚可，略嫌偏油以及咸，最可惜以及可怕是食到尾聲時，食到有煙頭，是一枝內地品牌藍金色的煙頭，感到可怕及反胃，要如何惡劣的衞生情況才會有煙頭。 我立即帶同該碗有煙頭米線回到店舖，店員表示煮過碗新比我，我已沒有信心再食了，店員退錢給我。

過去食過本港唔同店既雲南米線，唔覺得太有動力會醒起食佢，反而會諗左食其他廣東菜，日本野，西餐，泰國越南菜等等，呢排天氣凍，對日本野熱情少左，想食熱野，揀左呢間bookmark左好耐但未試過的餐廳，叫左招牌的雙併銅鍋米線，試原味點都最穩陣，湯底味道同米線好夾，唔辣啱我，仲要有木耳芽菜唔咸既炸菜底，加上配料揀左雞肉同生菜，好暖胃而令我留肚，消化兩個小食，就係專登入餐廳試既脆卜卜蝦膠豆卜，配埋泰式甜辣醬好夾，蝦肉好彈牙反而唔似蝦膠，個紅糖糍粑不得了，平時某d上海菜食過既，同呢個有唔同，佢唔會甜到漏，軟糯感剛好，呢2個小食一定要留肚消化。

久仰春城銅窩米線大名，今日終於出開旺角可以試下佢平日夜晚7點幾到舖頭已經坐滿9成，好好彩有得直入，遲多少少已經要等位除咗銅鍋米線外，佢哋仲有撈米線、椰子雞米線、餸飯等等，我裝到隔離枱，其他米線就算有湯都唔係用銅鍋裝，咁第一次食緊係食招牌銅鍋米線，影相都靚啲啊嘛🤣湯底我揀咗BB辣，相較雲XX嗰啲米線舖，春城嘅湯比較清淡，唔會咁重口味同油膩，我自己口味上就覺得可以再濃多少少；另外用銅鍋裝好keep到食物温度，喺冬天食食到最尾幾啖都仲係熱👍餸我嗌咗螺旋藻同肉眼筋，螺旋藻係好嘢嚟，係可以降三高、增強免疫力嘅超級食物；我本身都唔知咩係肉眼筋，根據Google「肉眼筋是豬扒底部一小塊白色的筋，通常一隻豬只有三至四兩肉眼筋。」聽落好矜貴，食落又唔曳，應該話幾好食喎，本身仲驚會唔會好似鋸扒咬到筋位咁靭但完全唔係，食落仲有啲爽口，口感介乎普通豬肉同豬頸肉之間，好食！試咗同行一塊牛𦟌都唔差，好大塊厚身，不過調味略嫌清淡除咗米線外仲嗌咗碟小食 炸脆脆蝦膠釀豆卜，外面嘅豆卜炸到完全脆身唔會食到平時豆卜嘅口感，反而變咗一個好鬆化唔係硬脆嘅炸皮，入面嘅蝦膠好粉紅色，證明唔係撈咗好多粉去打，仲有好多粒粒蝦肉勁彈牙，

我第一次食春城，係同事帶我去，因為大家都鐘意食糍粑一試 經常有心癮想再食春城既糍粑係我暫時食過最好味，糍粑外皮柔軟，咬一啖，內餡流心香甜，煙煙韌韌其次另一個小食炸脆脆蝦膠豆卜 一樣好出色 豆卜包住滿滿的蝦膠，即叫即炸， 外脆內嫩，鮮蝦風味濃郁，搭配香脆的豆卜，好好味，推薦春城銅鍋米線 叫左豬排豬腸米線份量十足，要讚讚佢既豬排，好鮮嫩米線配料有肉碎、牙菜、腐皮、木耳絲、甜酸菜等等湯底濃郁， 味道不錯餐廳裝潢簡潔乾淨整體是值得回訪

✨雞肉牛𦟌銅鍋麻辣小小辣米線+熱檸水用個銅鍋上可以keep 住熱辣辣🤩冬天就一流 湯底唔算好有麻香味 叫左小小辣好似又太少（平時譚仔5小）雞肉都嫩同有雞味嘅 不過就有雞皮🫠 牛𦟌都有好多塊 味道唔錯 ✨豬扒菜心海蝦寶撈米線+凍齋啡豬扒超級大塊！好鬆軟 不過可能有嗱過🤔 但都幾好食嘅 推介試下 海蝦寶我覺得就冇乜特別🤔 外層又唔係炸得香脆 內裡唔係好彈牙米線都幾煙韌嘅 整體黎講都唔錯👍🏻 要搭枱但座位都唔逼嘅 自助落單好方便味道❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️💔💰午餐人均～$73（唔洗+1）

最近天氣寒冷，自然想食米線暖暖身，上星期發現呢度係一個唔錯嘅選擇☺️到訪當日叫嘅係招牌三鮮銅鍋米線，米線質地軟韌適中、湯底亦夠濃郁，我自己覺得點 BB 辣嘅味道啱啱好，而且好鍾意豬膶嘅厚度，食完真係暖晒😋 令我有驚喜嘅仲有酸菜腩肉荷葉包，荷葉包裡有滿滿嘅芫茜、香脆嘅蜜餞腐皮同好 Creamy 嘅腩肉，既惹味又唔會好膩👍🏻 推介俾鍾意芫茜嘅人士💚我見隔離檯客人食嘅湯飯同黑糖糍粑都好吸引，下次會再來試試☺️