春城銅鍋米線

餐廳：春城銅鍋米線地點：旺角砵蘭街菜式：雲南米線餐牌：醒胃酸菜飯、即叫即滾湯飯、昆明媽媽推介、自選雙拼米線、小食推介、飲品。招牌春城銅鍋米線 $37成個銅鍋熱辣辣上枱。米線滑溜，配有肉碎，芽菜，腐皮，酸菜，木耳絲同甜酸菜，材料豐富有口感。湯底可選辣度，我叫左唔辣，都好夠味。農鄉番茄銅鍋米線 $36農鄉番茄銅鍋米線就有好香甜番茄味，仲食到好多甜酸菜，芫荽同生菜。都可以叫辣呀。自選左以下材料：新鮮牛肉 $16新鮮牛肉份量唔少，好嫩。五香牛展 $16五香牛展有好幾塊，唔錯。新鮮蠔仔 $16新鮮蠔仔有好多隻，超滑唔腥。五香牛腩 $16五香牛腩有好幾件，算淋而且入味。叫左兩款小食。炸脆脆蝦膠豆卜 $25呢個價錢係三粒，可以叫五粒。炸脆脆蝦膠豆卜炸得外皮香脆而入面蝦膠好彈牙又鮮味，配甜酸醬非常開胃，墊有生菜解膩。爆漿紅糖糍粑 $20呢個價錢都係三粒，可以叫五粒。爆漿紅糖糍粑熱辣辣上枱，皮好薄脆，而入面果然有爆漿紅糖，味道甜甜地唔會太甜，口感外脆內軟糯，係一道唔錯既甜品。凍檸檬可樂 加$12凍檸檬七喜 加$12罐裝汽水另配大大杯冰，仲有四片檸檬，解渴夠凍。今餐食到飽飽，銅鍋米線果然唔錯，小食都幾好，主食價錢好平。餐廳裝修光猛，平日午市滿座。…查看更多

又去左食春城銅鍋米線，佢地食物真係好味🤤今次帶左另一個朋友一齊去食，朋友都話正😝聽店員講，原來尖沙咀都開左分店，鍾意食米線嘅朋友又多一個地方啦🥰香煎墨魚餅呢個餅外脆內嫩，墨魚味道濃郁，咬落去有一種鮮甜嘅海味，搭配上特製嘅醬汁，真係一絕，令人一口接一口，完全停唔落口🤤炸脆脆蝦膠豆卜餐廳招牌小食👍外面炸得金黃酥脆，裡面嘅蝦膠鮮嫩，豆卜嘅口感亦好滑，咬落去有一種滿足感，真係好適合當作開胃小食😋招牌海南胡椒豬肚雞米線米線滑順，湯底清甜，胡椒味道適中，豬肚同雞肉都煮得剛好，鮮嫩可口，整碗米線食落去非常暖心，特別適合寒冷嘅天氣☺️鹵水牛展雞翼酸菜飯朋友試左佢地嘅飯，飯粒分明，鹵水味道濃郁，牛展同雞翼都煮得非常入味，酸菜嘅清新感亦為整個菜式增添咗層次感，都唔錯👍📍 春城銅鍋米線 (旺角)旺角砵蘭街175號地舖📍春城銅鍋米線 (尖沙咀)尖沙咀厚福街6號地舖#滇菜 #人氣米線 #旺角美食 #尖沙咀美食 #招牌胡椒豬肚海南雞米線 #春城銅鍋米線 #必食推介 …查看更多

平時食米線都食得多啦，最近聽朋友講話旺角砵蘭街有間好特別既米線店，叫做「春城銅鍋米線」，決定去試試！呢間店位置好就腳，行兩步就到，最大特色係用銅鍋裝米線，熱辣辣好耐都吾會凍，仲keep到米線彈牙既口感，聽落已經好吸引🚶‍♂️.酸酸辣辣銅鍋自選雙拼米線 ($37 + $32)第一款叫既係酸酸辣辣銅鍋自選雙拼米線，鍋入面有肉碎、芽菜、腐皮、酸菜、木耳絲同甜酸菜，份量多到嚇親，米線好彈牙，湯底酸辣得黎吾會太嗆，岩岩好！另外加左紫菜（$7），好香脆，入口有陣陣海鮮味；香菇貢丸（$9），彈牙多汁，菇味好濃；最正係秘製雞翼（$16），鹵得超入味，外皮香滑，肉質嫩到一個點，食完真係想再encore！🍗🔥.招牌豬扒酸酸辣辣銅鍋米線 ($54)第二款係招牌豬扒酸酸辣辣銅鍋米線，$54真係抵到笑！鍋入面同樣有肉碎、芽菜、腐皮、酸菜、木耳絲同甜酸菜，湯底酸辣夠開胃，但主角絕對係果塊豬扒！大過隻手，厚身又juicy，咬落好香口，肉質軟嫩得黎帶點咬勁，仲要分湯上，切好晒比你食，方便到爆！真心推介，呢個豬扒真係食過返尋味！🐷🥣.爆漿紅糖糍粑 ($20)甜品就叫左爆漿紅糖糍粑，$20一客真係平到喊！外層炸到金黃鬆脆，咬落去軟糯Q彈，入面既紅糖漿咬完即爆出黎，甜而不膩，暖笠笠好滿足！小小一粒，食完仲想再叫多份，甜品控一定愛！🍡😍.脆炸炸蝦膠豆卜 ($25)第一次見咁特別既配搭！豆卜包住蝦肉，炸到外層好鬆脆，入面係結實既蝦肉，粒粒分明，口感好有層次感！仲配埋甜酸醬，酸甜得黎好開胃，呢個小食真係驚喜之選！🦐😋.龍鳳可樂 ($12) 同凍奶茶 (+$6)飲品揀左套餐優惠價既龍鳳可樂（$12），冰涼涼好refreshing，解辣一流！另外加左凍奶茶（+$6），茶味濃郁，奶香順滑，甜度岩岩好，配酸辣米線真正，飲完好relax！🥤…查看更多

Fafafoodblog為食花太郎 春城銅鍋米線 🍴爆漿紅糖糍粑 3 粒 20 蚊紅糖糍粑好香🍴炸脆脆蝦膠豆卜 3 粒 25 蚊蝦膠好新鮮彈牙 有d豆卜整碎左一齊炸好香脆 點d甜辣醬都ok好食🍴蟲草花椰子雞米線 小辣 61 蚊🐥蟲草花足料 椰子雞雞肉嫩滑 米線好爽口 個湯底麻辣得黎幾香甜🍴招牌豬扒麻辣米線 54 蚊 🐖豬扒大件香脆 湯底麻辣幾香濃 轉左做薯粉粗身好彈牙入味#米線 #豬扒 #蟲草花 #薯粉 #椰子雞 #豆卜 #雞脾 Score 平均分< 7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#春城銅鍋米線 旺角砵蘭街175 號地下~~~~~~~~~#fafafoodblog #為食花太郎 #fafafoodblog旺角====================…查看更多

呢間尖沙咀嘅米線舖，近近地旺角都有一間，無論午市定晚市都好受歡迎呢間signature在於，用銅鍋裝住米線，鎖住溫度唔易變凍，裡面嘅米線浸咗一排仍然彈牙冇變糊三鮮米鮮有腩肉、豬潤同螺旋藻，腩肉好有層次好厚肉，豬膶超爽彈唔會沙大量螺旋藻配肉碎、芽菜、腐皮、酸菜、木耳絲同甜酸菜，成個湯底辣辣地好惹味豐富要飽肚嗌湯飯就最實際，呢碗飯超多蠔肉，仲有幾大片牛肉啖啖飯都充滿芫荽同肉碎，更有肉香同蠔鮮香，雖然多飯唔使加錢，但唔使嗌都已經勁飽唔出去TGIF慳嚟嘅錢，可以追加吓小食，一定一定要食呢個脆蝦膠豆卜用豆卜包住蝦膠，啖啖蝦肉勁新鮮彈牙，豆卜脆到講唔出聲另外墨魚餅都煎到金黃色好靚仔，塊塊都好大塊，口感又有彈性又有啲綿，墨魚香好出，點酸辣醬食好開胃跟餐加錢有好大杯鹹檸七，狂篤鹹檸，喺杯底勁爆汁，睇落好juicy要解辣大胃就試吓飲豆漿，都係大大支好夠飲…查看更多