星海．譽宴 (鱷魚恤中心)

營業中

休息中

今日休假同屋企人去咗APM隔離的鱷魚恤大廈二樓星海・譽宴飲下午茶。入到酒樓有種雍容華貴的感覺，黑色主調配上紫色閃閃花天幕，一邊有珊瑚同熱帶魚金魚缸，令一邊有落地玻璃可以看到戶外場地，真係好適合婚宴之用。有好多特色點心選擇。鮑魚燒賣久唔久豪一次，鮑魚好吸睛，色澤好靚，炆得夠淋好入味，值得一試。鮮蝦帶子鳳眼餃蝦餃就食得多加咗帶子比較少食，多咗分口感同鮮味，餡料豐富，啖啖蝦肉。墨汁金箔蝦餃皇賣相好豪氣，墨魚汁蝦餃皮， 加上金箔，餡料除咗有滿滿的蝦外，仲加咗黑松露，增添了黒松露香。金梨咸水角一個梨形的鹹水角賣相好可愛，餡料就在梨的下半部非常飽滿。X0醬石窩煎腸粉上枱時已經熱辣辣香噴噴，仲有沙沙聲，加咗好多配料，例如係芽菜，蔥，XO醬去炒所以咁惹味。香脆八味豆腐完全做到外脆內軟，外皮炸得啱啱好唔會太過火，入味得來又唔會太鹹。脆皮燒腩肉外皮十分脆，不過稍為偏鹹。金沙蓮蓉包包質地軟熟，餡料有蓮蓉蛋黃，食落有蛋香。楊枝甘露超級多料，好香濃，有椰香，值得推介。飲下午茶。

本身都有去鱷魚恤中心飲茶, 今日就去左星海, 整體食物不錯, 食物溫度剛剛好.腸粉夾起不會散開, 雖然只有六件, 但味道以經可以補足.煎腸粉的木頭車裝飾亦不錯, 而且不會太燶, 不會太淋夾不起.蝦餃亦不錯, 夾起不會散開夠爽.褔建炒飯足料, 但較濃味, 配料也非常足夠.另外裝修亦不錯, 真是如名入了星海.總體來說這間星海比鱷魚恤中心其他茶樓好.服務上面, 人手比鱷魚恤中心其他茶樓充足, 而且服務質素亦佳.位於鱷魚恤中心2樓, 很多人坐升降機可以行樓梯, 節省時間.

約咗朋友觀塘見面，一齊去品茗，好多人逼爆，电梯停係2樓，我哋即時出去，呢間叫譽宴嘅酒樓，集團式經營，我去過已結業嘅北角分店飲茶，等咗半小時先有枱。侍者帶我哋入去房仔，果度有張好細嘅兩人枱，但可以望到外面街景。呢度茶價$10／位，兩個人叫咗大約七碟点心。呢類集團式酒樓，一啲都唔平，多數交行貨，味道差唔多，点心得三件，重好細件，真不知所謂最差就係呢个鬆糕，同我係另一間酒樓食嘅一樣，交嚟嘅行貨食到差唔多，先發現有張特價点心纸，就点咗棉花雞同炸雲吞，棉花雞啲魚肚幾厚，係咁多点心中最好食嘅，不過，都係果句，味精重，炸雲吞雖說唔同春卷樣，但食落其實都係一樣嘅脆皮。總結：先講環境，地方大，但唔夠氣派，衛生亦一般，其次服務，我哋係房間，侍應除咗開茶都唔入嚟，傳菜又唔落到單，要叫食物唯有走出房揾人最後食物質素同價格，集團式經營，味道差唔多，呢間質素真係唔多好。整體食物味精比較重，價錢就以出品來論，個人認為偏高，唔怪得之前好幾間分店，而家剩得四間。

由於爸爸節正日不在香港，唯有提前為他慶祝，在我的經過精心挑選下，最後來到「星海．星海薈」開餐。中菜廳店地非常大，以海鮮為主題，深藍色作主調，感覺時尚浪漫，更特設 50 呎海洋生態水族長廊，配合型格時尚的設計，營造一股海洋主題的獨特氣氛，絕對是一個非常不錯的婚禮場地。說實，這個中菜廳是bff大力推介給我的，她說這裏的小菜相當不俗，不但鑊氣夠，而且食物質素高，價錢亦相當合理。川貝海底椰燉鱷魚肉花膠湯燉湯的味道非常好，燉湯配料豐富，感覺真材實料，湯底鮮甜清潤，帶有濃濃的肉香，有清熱滋陰，潤肺止咳及養顏功效。上湯澳洲龍蝦伊麵底爸爸愛吃海鮮，就點了上湯澳洲龍蝦給他，個人一直偏愛上湯煮法，就是覺得這樣才能吃出龍蝦本身的鮮味，送上來時賣相一流，龍蝦大大隻，入口啖啖肉，肉質鮮甜爽口，細緻Q彈，非常新鮮；而伊麵吸收了滿滿的龍蝦精華及上湯，口感濕潤而不糊口，滿分推介！古法沙薑雞有別於一般蒸雞，沙薑雞是用上沙薑同蒸，所以味道更豐富，雞香味份外濃郁，雞肉細緻入味，肉質嫩滑不粗鞋，點上沙薑醬汁提鮮，味道會更好。竹笙羅漢齋平日大魚大肉，就來一個羅漢齋平衡一下，羅漢齋用上不同的齋菜材料，如紅蘿蔔片、菇菌、雲耳、竹笙

觀塘區鱷魚恤中心有很多間酒樓，朋友說這間星海坐得較為舒服，而且整齊乾淨，今日一於一同去吃下午茶！到達時果然見到酒樓很寬敞，大廳方正，難怪見到台上有結婚佈置設計得美輪美奐。而且見到有戶外花園，確實是結婚擺酒的號場地！點心都算多樣化，除了有下午茶特價點心，又有不少新派點心，我便叫了健康的上素腸粉，食落清清地，味道不錯。墨汁金箔蝦餃皇也很特別，賣要俾❤️，鮮蝦大隻。鮑魚燒賣，鮑魚有咬口义燒酥熱辣辣夠香口，餡料多咬落有汁很久未吃過灌湯餃，絕對冇失望T，湯夠鮮味餃子又夠多料胡椒豬肚湯龍龍的胡椒味，我們都很喜歡豬肚，又爽要比💯炸豆腐做得很好，熱辣辣揸得非常香脆，而且都幾大碟，食完想再食！

係附近使完野 想食點心黎左呢到 因為呢到本身係婚宴場地， 所以都好靚而且坐得特別舒服 食左幾樣點心都好好味呢個蘿蔔絲酥賣相好得意，個酥皮好脆之餘一啲都唔油膩～ 鮑魚燒賣隻鮑魚都好大隻好吸引～ 粒燒賣爽口彈牙，上面隻鮑魚本身都整得好入味，而且一啲都唔韌～ 蒜蓉蒸扇貝個蒜蓉好好味，因為整得好惹味～ 個粉絲仲要吸曬所有味喜歡蒜蓉不容錯過！呢個灌湯餃好大隻，食落啖啖肉，個湯都好鮮甜，忍唔住飲曬啲湯最後食埋呢個叉燒酥，餡料豐富之餘仲滿足埋想食香口野既願望！

Family Dinner time🍽 The Starview💫..同屋企人食飯，中菜係常見既選擇。黎到觀塘樓上一間富麗堂皇既中菜酒家🥢，集團式經營，可作婚禮👰🏻‍♀️🤵🏻‍♂️ 及宴會場地💐，室內以粉紫元素帶華麗氣派亦設戶外露天空間開揚舒服🍃，鬧市中難得一見呢！食物方面：供應高質點心及粵菜。🔸鐵板白胡椒煎焗澳洲龍蝦 $598🔸川貝海底椰鱷魚肉燉花膠湯 $98 /位🔸大澳啫啫芥蘭苗 $138🔸紅燒皇子乳鴿 $68場地大樓底高，真係毫無壓迫感，同家人邊吃飯邊聊聊近況感覺都不錯，呢晚點選左近期新菜式試一試！龍蝦🦞 十分大隻多肉飽滿且肉質彈牙，走油後既配上極重白胡椒香帶微辣，一款惹味菜式。湯品揀左燉湯🍲，滋潤足料。啫啫芥蘭🌱 以鐵板形式上保持溫度，以肉碎蝦干洋蔥帶出甜味同樣好下飯🍚，飯都食多幾碗呢！最後係家人愛吃既乳鴿🦆，蘸點醋吃不失為一款餐前小吃好選擇。最後吃個紅豆沙，微甜而不膩亦帶沙。..××××××觀塘開源道79號鱷魚恤中心2樓

喺觀塘飲茶 都有好多選擇坐得舒服 場地開揚 食物質素高 加上呢度嘅裝修好新淨 場地好乾淨有漸變色光線嘅天花 真係好靚 魚缸係好長圍繞着全場 見着啲魚仔游嚟游去 呢度更加特別嘅係有戶外證婚場地 亦好適合搞百日宴 宴會 全場都可以望到stage叫咗好多嘢食埋單都只係百幾蚊位 有特色造型精緻嘅點心 : 蘿蔔干絲天鵝酥基本嘅點心都做得好食 : 鬆化脆麻花 , 潮式蒸粉果, 蜜汁叉燒腸女性滋補同埋鍾意食嘅 入味 : 蟲草花棉花雞, 藥膳鳳爪主食炒得鬆軟 ：菠蘿雞粒炒飯必叫 ： 脆皮燒腩肉懷舊香港特色 : 韭菜豬紅日式燒汁茄子

朋友們湊巧地都在觀塘下班，於是找了這間別有氣派得酒家，吃一餐高質中菜。環境簡直一流，裝潢華麗，樓底高，座位寬敞，感覺在這裡舉辦婚宴一定十分適合。朋友先叫了一瓶啤酒，配上小吃花生，好好舉杯暢聚。先來到小菜，青瓜伴海蜇，青瓜爽口入味，海蜇彈牙有口感，甜甜酸酸，非常開胃。之後有主菜沙薑雞，份量也相當驚人。雞肉嫩滑，外皮充滿沙薑味道，不同部位切割分明大細均一，十分惹味。再來今晚主角，上湯澳洲龍蝦，可以選擇伴上伊麵或粉絲煲，我們選了傳統的伊麵底。龍蝦體積不小，應該有斤半重，每塊蝦肉爽口彈牙，非常新鮮，蝦味在口腔齒甲流香，十分滿足。伊麵伴上上湯，非常掛汁，硬度適中，不會太稔易碎，而家分量相當足夠，滿分。接著有川貝海底椰鱷魚肉花膠湯，十分足料，花膠爽滑，海底椰滋陰養生，配上鱷魚肉對氣管相當好，湯頭清甜，每人一盅好好保養身體。最後當然有傳統陳皮紅豆沙畫上完美句號，不太甜又有醒胃陳皮味，美味！

同屋企人食飯多數都去酒樓~ 最近試左間位於觀塘既星海薈，質素相當唔錯，價錢相宜，屋企人都大讚好味又抵食😆 我地一行3人叫左幾個餸，每款都份量十足，食到要打包走添😂 下次有家庭聚會必定會再黎encore呀~星海薈位置方便，就係apm隔離既鱷魚恤中心2樓，佔地全層，環境非常闊落！比起傳統既酒樓，呢度既裝修更有時尚感，樓底夠高，天花吊飾簡潔高貴，牆邊仲有一排珊瑚同熱帶魚，賞心悅目！店員服務好好，態度友善，不時主動加水﹑換碟，值得一讚👍🏻♢ 🥣川貝海底椰燉鱷魚肉花膠湯 $98呢度有多款滋補湯水，我地叫呢碗湯試下，唔係度度都有架🤭 湯頭清澈入味，唔少得鱷魚肉同花膠，非常足料！♢ 🐖脆皮冰燒腩肉 $68燒腩仔肥瘦均勻，好出色，必試呀🌟 外皮燒到脆卜卜，同時保持肉質軟腍，配埋芥末口感更豐富！♢ 🦞孖寶 ‧ 澳洲龍蝦上湯伊麵 $568孖寶超抵食✅ 必點！成碟龍蝦超巨型，多件龍蝦肉，連蝦頭﹑蝦尾都一齊上菜，超震撼❗️龍蝦目測都有斤半重，啖啖肉鮮甜爽口。上湯龍蝦汁配伊麵簡直絕配🤤 餐廳仲落左唔少芝士提味，醬汁沾滿每條伊麵，令人食指大動~♢ 🐓孖寶 ‧ 醬汁烤燒脆皮雞 (半隻)熱辣辣﹑新鮮烤起既脆皮雞，雞皮燒

約咗好耐嘅 #飯聚 呢晚終於成行😉 難得人齊，梗係要食好啲啦🤤 可能大家都知我對 #中菜 同 #海鮮 情有獨鍾，朋友就建議去 #星海 · #星海薈 試吓佢哋嘅 #小菜 同 #上湯龍蝦，話味道都唔錯㗎🤤 既然朋友都比like，梗係要試吓啦😉餐廳以紫色為主調，天花佈滿閃令令嘅水晶燈飾，好吸晴呀💕 服務員知我第一次嚟幫襯，叫我一定要試吓佢哋個 #瓦罉煎焗大魚頭，#小秘書 離遠已經聞到一陣 #爆葱蒜 嘅香氣，燒熱嘅 #瓦煲 放上金黃色嘅 #大魚頭，魚頭炸到脆香，配埋啲葱蒜一齊入口，非常惹味🤤 朋友話知我呢排做嘢辛苦，仲特登叫咗盅 #川貝海底椰燉鱷魚肉花膠湯 比我補一補，一上枱見到大大舊 #花膠 喺面，未食落肚已經夠晒滋補🤭 而且啖湯真係唔錯㗎🤤另外我哋又叫咗個 #上湯龍蝦 配 #脆皮雞 套餐，#龍蝦 啖啖肉，碟底嘅 #伊麵 剛好索晒啲龍蝦汁，好鮮味🤤 而隻 #雞 都做得唔錯，皮脆肉嫩嘅口感，啱晒我哋呢班食肉獸🤭 最後我哋加咗個 #西蘭花炒帶子，大大粒嘅 #帶子 同 #西蘭花 確係天作之合，菜式清淡得嚟又不失海鮮嘅鮮味🤤 仲諗住食埋粒帶子就收手嘅我… 點知服務員仲細心到裝咗幾碗 #紅豆沙 出嚟請

難得放假同屋企人到觀塘APM行完街就到隔離鱷魚恤中心飲返個下午茶先，今次就黎到星海. 星海薈，入到酒樓有室內和室外，環境華麗寛敞好適合在這裏舉辦婚禮🥰餐紙上亦有多款小菜及點心選擇，價錢好合理👍點心拼盤有燒賣、粉果、蝦餃和黃金糕等，熱辣辣即叫即蒸，樣樣都好新鮮好好食🤤原隻鮮蝦腸，這款點心是用新鮮的蝦肉製成，口感鮮甜彈牙，非常美味。蜜汁叉燒包，這款點心的叉燒餡料非常入味，而且甜度適中，不會太甜。包子皮薄而有彈性，口感不錯。黑椒金錢肚，黑椒的味道好突出，醃制得好入味。鮑魚燒賣，這款點心中的原隻鮑魚非常鮮甜，燒賣皮薄而有彈性，豬肉同蝦比例適中。蜜汁叉燒酥每次去酒樓必點的點心，外皮鬆軟，叉燒甜甜地味道一流。鮮蝦炸雲吞外皮炸至金黃色好香脆，蝦肉爽口，加入甜酸醬味道更加提升。

帶位阿姐態度惡劣， 欺負d 婆婆伯伯等位時，在旁邊見到短髮帶位阿姐，對阿婆阿伯態度極差，趕客咁，唔識尊重人，大家都唔駛對呢間酒樓有好大期望。本身間酒樓嘢食都唔係特別好食，而家加上職員態度惡劣，本身係依頭附近返工，平時間中都會同同事嚟飲茶。 今日同班同事一齊見證呢間酒樓職員的態度，所以我同埋d 同事，都決定以後都唔會再幫襯佢。希望之後再有人想去呢間酒樓嘅客人，如睇到我呢篇評論會有定心理準備先，以免有同樣遭遇。

Happy Friday，同一大班同事去飲茶，上到去已經見到人頭湧湧，好彩同事醒目一早book定位，所以一上到去已經有位唔使等！今次我哋叫咗燒賣，蝦餃，牛肚，春卷，牛肉腸，蝦腸，蝦米煎腸粉，石鍋炒腸粉，叉燒包，燒腩仔，鮮竹卷，口水雞，鳳爪，最後再叫咗個肉絲炒麵。見到蝦餃黑色嘅，好特別即刻食下，同普通蝦餃分別唔大，不過個皮就再煙靭一啲，餡料嘅下就彈牙爽口好食！口水雞都有驚喜！個石鍋炒腸粉就係因為聽到隔籬枱，吱吱聲，好大香味，好似好好食，咁所以就叫咗，味道係唔錯，不過啲腸粉比較林左啲。叉燒包鳳爪，同埋其他點心質素都好好。炒麵亦都好夠火喉，炒到脆卜卜，好好食！

星海．星海薈 📍觀塘開源道79號鱷魚恤中心2樓今晚同屋企人來食晚餐🤤見佢地出左新龍蝦菜式🦞一於試下。鐵板白胡椒煎焗澳洲龍蝦 $598大大隻澳洲龍蝦🦞～有成斤半重非常厚肉～肉質彈牙配製白胡椒汁好香濃～用左鐵板上～保持到龍蝦嘅熱度上碟時新鮮熱辣～😁✨值得一試。黃金海皇炒飯 $128 係鹹蛋黃蝦仁炒飯～做到飯粒🍚粒粒分明好香鹹蛋黃味😋。脆皮冰燒腩肉 $68 來酒樓一定要食燒腩仔外皮香脆～肥瘦均勻🤤配埋芥末～非常惹味。七味脆豆腐粒 $48酥脆下皮包裏住滑緻豆腐炸粉做到非常好～✨裝修好有氣派～樓底高～配埋天花燈同埋現場裝飾♥️非常岩擺酒搞婚禮👰🏼🤵🏻‍♂️👏🏻而且店員服務好好～會主動幫手換碟、加水#星海星海薈 #星海 #星海薈 #酒樓 #擺酒#婚宴場地