星海．譽宴 (鱷魚恤中心)

營業中

休息中

Happy Friday，同一大班同事去飲茶，上到去已經見到人頭湧湧，好彩同事醒目一早book定位，所以一上到去已經有位唔使等！今次我哋叫咗燒賣，蝦餃，牛肚，春卷，牛肉腸，蝦腸，蝦米煎腸粉，石鍋炒腸粉，叉燒包，燒腩仔，鮮竹卷，口水雞，鳳爪，最後再叫咗個肉絲炒麵。見到蝦餃黑色嘅，好特別即刻食下，同普通蝦餃分別唔大，不過個皮就再煙靭一啲，餡料嘅下就彈牙爽口好食！口水雞都有驚喜！個石鍋炒腸粉就係因為聽到隔籬枱，吱吱聲，好大香味，好似好好食，咁所以就叫咗，味道係唔錯，不過啲腸粉比較林左啲。叉燒包鳳爪，同埋其他點心質素都好好。炒麵亦都好夠火喉，炒到脆卜卜，好好食！