影片
更多
2023-04-27
742 瀏覽
同屋企人食飯多數都去酒樓~ 最近試左間位於觀塘既星海薈，質素相當唔錯，價錢相宜，屋企人都大讚好味又抵食😆 我地一行3人叫左幾個餸，每款都份量十足，食到要打包走添😂 下次有家庭聚會必定會再黎encore呀~星海薈位置方便，就係apm隔離既鱷魚恤中心2樓，佔地全層，環境非常闊落！比起傳統既酒樓，呢度既裝修更有時尚感，樓底夠高，天花吊飾簡潔高貴，牆邊仲有一排珊瑚同熱帶魚，賞心悅目！店員服務好好，態度友善，不時主動加水﹑換碟，值得一讚👍🏻♢ 🥣川貝海底椰燉鱷魚肉花膠湯 $98呢度有多款滋補湯水，我地叫呢碗湯試下，唔係度度都有架🤭 湯頭清澈入味，唔少得鱷魚肉同花膠，非常足料！♢ 🐖脆皮冰燒腩肉 $68燒腩仔肥瘦均勻，好出色，必試呀🌟 外皮燒到脆卜卜，同時保持肉質軟腍，配埋芥末口感更豐富！♢ 🦞孖寶 ‧ 澳洲龍蝦上湯伊麵 $568孖寶超抵食✅ 必點！成碟龍蝦超巨型，多件龍蝦肉，連蝦頭﹑蝦尾都一齊上菜，超震撼❗️龍蝦目測都有斤半重，啖啖肉鮮甜爽口。上湯龍蝦汁配伊麵簡直絕配🤤 餐廳仲落左唔少芝士提味，醬汁沾滿每條伊麵，令人食指大動~♢ 🐓孖寶 ‧ 醬汁烤燒脆皮雞 (半隻)熱辣辣﹑新鮮烤起既脆皮雞，雞皮燒
星海薈位置方便，就係apm隔離既鱷魚恤中心2樓，佔地全層，環境非常闊落！比起傳統既酒樓，呢度既裝修更有時尚感，樓底夠高，天花吊飾簡潔高貴，牆邊仲有一排珊瑚同熱帶魚，賞心悅目！店員服務好好，態度友善，不時主動加水﹑換碟，值得一讚👍🏻
♢ 🥣川貝海底椰燉鱷魚肉花膠湯 $98
呢度有多款滋補湯水，我地叫呢碗湯試下，唔係度度都有架🤭 湯頭清澈入味，唔少得鱷魚肉同花膠，非常足料！
♢ 🐖脆皮冰燒腩肉 $68
燒腩仔肥瘦均勻，好出色，必試呀🌟 外皮燒到脆卜卜，同時保持肉質軟腍，配埋芥末口感更豐富！
♢ 🦞孖寶 ‧ 澳洲龍蝦上湯伊麵 $568
孖寶超抵食✅ 必點！成碟龍蝦超巨型，多件龍蝦肉，連蝦頭﹑蝦尾都一齊上菜，超震撼❗️龍蝦目測都有斤半重，啖啖肉鮮甜爽口。上湯龍蝦汁配伊麵簡直絕配🤤 餐廳仲落左唔少芝士提味，醬汁沾滿每條伊麵，令人食指大動~
♢ 🐓孖寶 ‧ 醬汁烤燒脆皮雞 (半隻)
熱辣辣﹑新鮮烤起既脆皮雞，雞皮燒得香脆，充滿油脂香氣，雞肉亦夠嫩滑。好耐無食過咁正既脆皮雞，推薦大家必試🤭
♢ 🥬蝦籽海參鮮菌煲 $158
咁足料大煲先$158，普通酒樓都要呢個價錢，更何況呢度環境咁高質😂 煲仔熱辣辣送上，醬汁香氣逼人！海參大約有十幾件，仲有大量蝦籽、雜菌﹑雜菜，用料絕不馬虎。
食到咁飽，最後仲有紅豆沙糖水送，果然貼心😝 最後我地3個人都食唔哂，店員仲幫手打包，服務一流！星海薈質素唔錯，菜式多選擇，酒水價錢都合理，整體都高CP值，最岩家庭聚會👍🏻✅
張貼
