星海．譽宴 (鱷魚恤中心)

營業中

休息中

同屋企人喺附近買完廚具之後，啱啱好係下午茶時間，想飲茶食點心，於是嚟到鱷魚恤中心嘅星海．星海薈。職員都好貼心，見到我哋帶埋小朋友，安排咗係窗邊嘅位置。店內環境開揚，落地玻璃出面仲有户外嘅婚禮場地，中間有大舞台位置，適合大型宴會同酒席。我哋食飽飽之後充滿滿足感呀！😋😋✨點心拼盤每款點心都有兩件，有蜂巢黃金糕、菜苗餃、燒賣等，一次過試齊四款 😚✨春風得意腸傳統腸粉皮包住入面脆卜卜嘅蝦肉，超正呀～✨蜂巢脆芋盒以芋頭做餡料嘅蜂巢脆芋盒，即叫即炸，外皮香脆，內餡包滿住芋泥，美味可口。✨蜜燒黑豚肉黑豚叉燒燒得啱啱好，保留到本身既肉汁，肉質嫩滑。✨鮮蝦帶子鳳眼餃好似小船咁嘅鳳眼餃，包住鮮蝦同帶子，再以蟹子點綴，食落煙韌爽口。✨瑤柱花膠灌湯灌湯餃飽滿多汁，餃皮厚薄適中，仲有鮮甜嘅肉餡，味道鮮甜。✨蒜茸蝦春卷✨燒味湯粉

最近去過鱷魚恤中心既星海出席朋友既婚禮 呢到既環境同一般既中菜好唔同少少似水族館咁既感覺 而佢既舞台用左超多花花既設計成個感覺好型格而食物都好唔錯 所以今晚係觀塘拎完野就過黎食多次晚餐佢既菜單都好多野揀而家當季既大閘蟹餐 連晚市點心都有 不過我發覺佢做緊推廣既菜都好吸引 所以叫左招牌白胡椒蟹 見到好吸引 黎到仲吸引 因為用鐵板上 黎到出晒煙 而且勁香 胡椒蟹好大隻 淨係個蟹鉗都咁大隻 味道方面 胡椒味好香 但唔會好辣 蟹肉好鮮甜 蟹殼脆卜卜 非常新鮮 佢仲有d 七里香 同 洋蔥一齊炒 味道會更豐富 更有層次古法沙薑雞 黎到仲熱既 沙薑雞醃左 食落咸咸地好惹味 雞肉都幾滑 兩個人好快就食晒成隻 川貝海底椰鱷魚肉燉花膠湯呢個湯好足料 飲落好滋潤 秋冬飲呢個岩晒真材實料$98 其實唔貴喎 原籠蔗糖馬拉糕一籠有8舊 用左蔗糖特別香 但食落唔會好甜 兩個人其實食唔晒 仲可以打包做聽日早餐 最後 店員問我地要唔要糖水 好耐冇試過中菜仲會送糖水送既係紅豆沙 夠沙 唔太甜 食完好滋潤呀

打完網球去觀塘吃晚餐。這家酒樓的内部裝修高貴時尚，天花有星海，很有特色，設有舞台，場面偉大，適合舉行婚宴及各類宴會。餐前小食花生一碟15元，花生香脆，帶點咸味。川貝海底椰鱷魚肉燉花膠湯98元，花膠彈牙，燉湯的味道清甜。鐵板白胡椒煎焗澳洲龍蝦598元，是用鐡板盛載的，有吱吱聲響，香氣四散，龍蝦肥美鮮甜，醬汁惹味，配料主要是包括白胡椒和紫洋蔥，味道層次豐富，色香味俱全，很滋味。古法沙薑雞一隻特價118元，大大隻，雞油甘香，雞肉嫩，吸收了沙薑汁，很惹味。蒜茸炒菜心88元，份量比預期為多，菜心粗身，口感軟腍，中央位置特別甜。茶介每位15元。奉送紅豆沙，味道正常。

星海．星海薈 📍觀塘開源道79號鰐魚恤中心2樓好耐系無飲茶🫖今日去左星海．星海薈 飲下午茶👏🏻😋店內裝修好有氣派配埋天花燈同埋現場裝飾設計😍現場環境好靚🥳非常岩擺酒搞婚禮👰🏼🤵🏻‍♂️👏🏻系個禁舒服嘅環境用餐🥢認真唔錯👍🏻樓底高現場即使人多你都唔會覺得擠迫😆空間感好夠我地叫左多款點心～點心都系即叫蒸👍🏻相當高質來食下午茶☕️有多款優惠‼️慢慢食嘆下茶而且款式選擇多✅除咗手工點心之外仲有不同嘅炸物、粉面、甜品🔸點心拼盤 ～ 一次過食到幾款點心跟有蜂巢黃金糕、菜苗餃、潮州粉果及蜜籽燒賣皇各2件蒸點🔸時菜鯪魚球 🔸軟滑牛肉腸 🔸蟲草花棉花雞 🔸蜜汁叉燒包 🔸豉汁蒸排骨 🔸醬皇蒸鳳爪 粉面🔸豉油皇炒麵 🔸燒鵝米粉炸物🔸脆皮咸水角 🔸蜜汁叉燒酥 🔸香煎蘿蔔糕甜品🔸養顏姜汁糕 🔸松化脆麻花 整體來講～食物認真唔錯😋#星海星海薈 #星海 #星海薈 #酒樓 #擺酒#hkkol #hkfoodie #foodiehk #like #follow #lobster #龍蝦 #燒肉 #豆腐 #炒飯 #咸蛋黃 #婚禮 #婚嫁 #美食 #宴會 #聚餐 #點心 #婚宴場地 #wedding #觀塘美食#

🍂秋風起，終於到食大閘蟹嘅日子啦，今次由我呢個尊人拆蟹俾另一半食，佢就爽啦星海薈嘅星級大閘蟹套餐超吸引，有南非鮑魚、大閘蟹、蟹黃翅/ 川貝海底椰花膠燉鱷魚肉湯、蟹肉雲腿扒豆苗、脆皮鴿、蟹粉小籠包、薑汁九層糕、黑糖薑茶，勁勁勁想食😍😍不過呢日食唔到太多，所以散叫返，下次一定再食🥢蟹粉小籠包💰$36一食爆多汁，食嘅時候要小心，好多蟹粉超正🉐🦀紫蘇蒸大閘蟹💰$128約五両重，好大隻，啲蟹黃勁靚勁黃🧄蒜蓉粉絲蒸大元貝💰$36/隻好鐘意海鮮，平時自己都有整，出街食別有一番風味，多蒜多油香口好多，元貝大大粒🉐🦞上湯澳洲龍蝦💰$498送伊面～超鐘意龍蝦伊面，次次有都會食，龍蝦新鮮肉質爽口😍勁好食，推薦🌽粟米鮮龍躉斑塊💰$178第一次食堅係靚魚整嘅粟米斑塊，用上龍躉魚肉，好有質感好有魚味，粟米汁稠度味道剛好🚩星海．譽宴 (鱷魚恤中心) (觀塘) @the.starview_ubanquet 📍 觀塘開源道79號鱷魚恤中心2樓

  為老友慶生當然不可以求其！他愛吃中菜，於是選了於觀塘 鱷魚卹中心2樓的 『星海。譽宴』坐得舒服又近地鐵非常方便。  不久前來過這裡參加婚宴，場地裝修富麗堂皇 氣氛浪漫，特別是欣賞他的魚缸設計很有氣勢，當晚菜式味道不錯 印象良好 ！ 酒樓推出多項優惠價套餐 經濟實惠 ，也有高級顯貴商務宴客套餐等。 豐儉 由人！我們選了两份抵食套餐，秋風起嚐滋味 ！酒樓正推出有大閘蟹套餐，也點了两隻淺嚐一下。大閘蟹  128元/隻賣相靚仔！五両重。今年第一次食，特別滋味！雖然不是頂角糕，但一打開蓋鮮香樸鼻！蟹肉質地細緻幼嫩，蟹糕甘香柔滑非常滋味！ 孖寶  優惠價 298元清蒸珍珠龍躉仔 配 蒜蓉粉絲蒸元貝皇 (四隻)龍躉仔有十多両重大小剛好，時間掌握得恰到好處，蒸得肉質好嫩滑鮮甜。蒜蓉粉絲蒸元貝皇  ( 四隻 )元貝爽彈，粉絲吸收了蒜蓉和元貝的鮮味和蒜香特別鮮甜惹味！孖寶 優惠價  258元紅燒豆腐斑頭腩煲  (例) 配  醬汁烤燒 脆皮雞 (半隻 ) 滾滾熱的上枱，份量足！豆腐和斑頭腩都滑脫脫！醬汁味道調得非常鮮真是滋味無窮！這個菜真是特別好餸飯。脆皮雞皮層色澤閃亮香脆醬油味鮮濃， 烹製得肉質好嫩滑

好耐冇和屋企人一起飲茶了，終於大家都得閒，一起去觀塘星海·譽宴。觀塘站B3出口，步行1分鐘，鱷魚恤中心2樓，易搵方便。餐廳裝修好有特色，靠牆裝有魚缸，缸內有好多觀賞魚，天花燈飾好有設計感，仲有婚宴舞台，好靚。整個餐廳好大，座位好闊落，坐的好舒服點心都是即叫即製，食材都好新鮮。蛋撻是酥皮的，蛋味好濃。蝦餃皮薄，晶瑩剔透，蝦大新鮮。燒賣肉味濃郁，味道都不錯。黃金膏、蒸排骨就覺得一般啦。我最推薦的是叉燒酥，酥皮鬆脆、層次豐富，餡料香口，甜鹹適中，平衡的很好，口感好好，好鍾意。魚皮爽脆，有小小辣。九肚魚就炸的好好，但底味不夠。上餐都好快，吃的很滿意，值得再去。

之前來過星海，星海薈，環境十分不錯，剛好朋友想食中菜，便和好友一起去吃晚飯。餐廳十分大和寬敞，還有一個大大嘅舞台，非常適合婚宴。古法沙薑雞 $118嫩滑的雞肉與辛香的沙薑結合在一起，帶來獨特的風味。雞肉口感鮮嫩多汁，而沙薑的辛香味道則在口中綻放開來，令人回味無窮。鐵板白胡椒煎焗澳洲龍蝦 $598上菜時鐵板滋滋的響聲，店員淋上醬汁時一陣白煙昇起，馬上傳出陣陣的香味撲鼻，龍蝦鮮嫩的肉質經過煎焗，搭配惹味的白胡椒，辣辣的，彈牙又濃郁。川貝海底椰燉鱷魚肉花膠湯 $98這個湯最適合現在的天氣，秋季精選，湯內無花果為湯品增添了一絲甜味和清香，鱷魚肉的鮮嫩與花膠的滋補相得益彰。美味又養生。金銀蒜班球籠仔蒸飯 $168蒸飯以蒸籠為特色，金蒜的香氣和白蒜的辛辣完美融合，為蒸飯帶來了豐富的味道。魚肉不腥又嫰滑，米粒軟糯，完美地吸收了蒜香和魚肉的滋味，每一口都讓人愛不釋口。最後還有紅豆沙送，清香又甜美，滿足了我們的口腹之欲。

好耐冇同屋企人一齊去飲茶，其實主要係因為做慣夜貓起唔到身🤣🤣🤣所以今日就同佢哋一齊嚟飲下午茶，揀咗一間位於觀塘鱷魚恤中心嘅酒樓，地點好方便好易搵。一入到嚟就被酒樓好華麗嘅裝修風格驚艷到了，成個感覺非常之嘅Fancy💫💫屋頂嘅裝飾物好有藝術feel，加上有一個用鮮花裝飾嘅舞台，感覺上好適合搞婚宴🥳🥳 除咗平時食開嘅蝦餃燒賣腸粉之外，我哋仲試咗佢哋幾款新出嘅點心🥧，味道都唔錯嘅。其中懷舊蛋撻仔係好耐冇食過嘅港式蛋撻，同葡式蛋撻唔同，佢嘅蛋撻皮唔會好似葡撻一層層咁，而係酥皮整嘅，食開葡撻，間唔中轉下口味都唔錯👍🏻媽咪最鍾意佢哋嘅叉燒酥，外皮整得好酥脆，入面嘅叉燒餡亦好香！下午茶嘅價錢都幾抵食，價錢仲要比早茶平少少添，蝦餃燒賣等於點心好多都有一籠四隻，性價比都幾高㗎 ！除咗點心之外，仲可以嗌一啲小炒，令我幾驚訝嘅係茶市竟然都有得食，椒鹽九肚魚，而且質素一啲都唔差，有大排檔質素，但係價錢又相對嚟講平啲添！

之前陪朋友婚宴試菜，發現星海的環境非常優雅和華麗，而且食物質素好高。位置近觀塘地鐵站，地點非常方便！好適合舉行婚宴👰🏻‍♀️🤵🏻‍♂️舞台設計精美，樓底高，用上優雅紫同閃亮銀，好似星海，浪漫感UP！旁邊大型魚缸為宴會增添了一份特殊的氛圍。✪ 紫蘇蒸大閘蟹 ⌫ 又係大閘蟹嘅季節啦！當然要叫返隻大閘蟹止下癮😍大閘蟹約五両，蟹肉質地鮮甜。最正都係濃郁的蟹黃，見到都垂涎欲滴😋！✪ 蟹粉小籠包 ⌫見到迷你蒸籠上枱已經急不及待打開。剛剛蒸起的蟹粉小籠包，好香。包子皮薄而有彈性，內部填滿了濃郁的蟹黃湯汁和鮮美的蟹肉。每一口都充滿了鮮甜的蟹味。✪ 晚市孖寶F餐 ⌫ 我地選擇了孖寶F餐，有上湯澳洲龍蝦伊麵同古法蒸蝴蝶斑。澳洲龍蝦鮮美彈牙。伊麵有彈性，沾滿上湯！古法蒸蝴蝶斑鮮美，肉質滑嫩，加上豉油汁，簡單又美味。.【 星海 】📌觀塘開源道79號鱷魚恤中心2樓

8月26日星期六晚上，職員為我們送上食物，期間 職員攪拌我們的食物，把我們的肉掉在桌子上，並嘻皮笑臉地說：「哎呀，我整跌左你哋舊肉。」隨後便撿走。之後，職員去收銀處和在坐其他員工聊天，幾位女同事同一時間看向我們桌子。當天的顧客人數不多，女職員也是站着無所事事，周圍看和發呆，幾位女同事也在閒談。

星海我有聽過但未去過.原來觀塘係有.所以同咗屋企人去飲下午茶試吓!食物方面:蒸嘅點心叫咗⚪️蝦餃.鮑魚燒賣.黑松露野菌餃蝦餃爽滑彈牙又大粒!燒賣配搭鮑魚又靚又好食!野菌餃好香黑松露味而且皮薄料多好食!香口煎炸嘅叫咗⚪️蜜汁叉燒酥.蘿蔔千絲天鵝酥.蒜茸蝦春卷三樣都好食.而我最鍾意食叉燒酥😋入口鬆脆叉燒肥瘦適中.甜甜地好好食!另外再有叫咗⚪叉燒腸粉.瑤柱花膠灌湯餃一如既往叉燒好食腸粉好滑.灌湯餃好多料口感好豐富👍🏻小食叫咗⚪️滷水鵝掌翼.花雕醉雞翼滷水汁好香好惹味.醉雞翼酒味好重但唔會過多.過多同浸得耐會令到雞翼變苦!整體方面: 地方好大好靚.一入去就見到個啲燈好華麗.個枱佈置得超靚.仲有戶外草地可以證婚.超適合婚宴.影相一定好靚.所以我飲完茶都有過去打卡超出片👍🏻而點心全部都係即叫即整熱辣辣.賣相令又好食😋過幾日中秋節.岩哂一家大細一齊食👍🏻

放工來到觀塘星海 - 觀塘和媽媽吃飯，我是第一次來這家中菜廳吃飯，甫入店內，就被天花的紫色花海吸引住，氣氛浪漫非常。遠望去就是中央大舞台，零柱位大廳，加上特設 50 呎海洋生態水族長廊，深藍色的主色都予人時尚典雅感，非常適合舉辦婚禮宴會。餐牌上有多款新品，除此之外，亦有孖寶等廚師推介選擇。上湯澳洲龍蝦伊麵底龍蝦非常大隻，而入口啖啖肉，肉質新鮮爽口，細緻Q彈；而伊麵吸收了滿滿的龍蝦精華及上湯，口感濕潤而不糊口，滿分推介！ 川貝海底椰燉鱷魚肉花膠湯燉湯夠足料，味道清潤鮮甜，花膠滑捊捊，帶有點點黏稠感，鱷魚肉的味道有點像豬肉，令整個燉湯的味道變得鮮甜有肉香，潤肺止咳一流。 古法沙薑雞沙薑雞肥美多汁，肉質嫩滑，雞皮軟滑甘香，吃時加點沙薑醬及蒽油，味道更鮮更好味。 乾扁粉絲蝦煲鮮蝦與粉絲一向都是perfect match，而這個乾扁粉絲蝦煲，煲內放有大量鮮蝦，肉質Q彈爽口，粉絲煮得非常乾身，入味之餘，又帶有蒜香及蝦鮮味，媽媽吃後讚口不絕。埋單時，待應為我們送上紅豆沙糖水，感覺超窩心。

中秋節臨近一於同家人，去食中秋節晚飯，#星海．譽宴 位置方便鄰近觀塘地鐵站。其佈置華麗，且樓底高，無柱無遮擋視線，枱與枱間嘅空位都算多，所以都唔會太迫夾。以紫藍色燈光。仲有養D海水魚添。就好似置身於海洋當中。餐牌內有多款選擇，小菜，海鮮，一應俱全。✨️ 川貝海底椰鱷魚肉燉花膠湯-$98內有雪耳、無花果、花膠、瘦肉等等。飲落清甜順喉，帶點海底椰香味，簡直是滋陰潤肺嘅湯水。✨️ 古法沙薑雞-$118原隻雞，肉嫉白滑，唔似冰鮮貨，現時半價都唔洗，值得一試。✨️ 鐵板白胡椒煎焗澳洲龍蝦-$598上菜時已經嗅到好濃嘅白胡椒味，白胡椒味跟龍蝦肉很配，龍蝦外款肉質厚肉彈牙，每一嚿都啖啖肉，唔只淨係得個殼味道鮮美。無論口感同味道都一流。總結，觀塘星海．譽宴 水滾茶靚環境正，外面仲有座位供應，確實系家庭聚餐及婚宴嘅好地方。📍星海．譽宴 (鱷魚恤中心)觀塘開源道79號鱷魚恤中心2樓

「星海」鄰近觀塘港鐵站，經連接的商場通道便可到達，地點非常便利。擁有漂亮的天花燈飾，特長的水族魚缸，還有舞台設置，裝飾得浪漫優雅。✨️ 川貝海底椰鱷魚肉燉花膠湯今日開會時間長，感到喉嚨乾乾的，想喝點燉湯滋補一下。這個川貝海底椰鱷魚肉燉花膠湯正合我意。燉湯足料，滿滿椰香，花膠充滿膠質，燉湯味道甜美順喉，喝下令人感到舒服。✨️ 鐵板白胡椒煎焗澳洲龍蝦整隻澳洲龍蝦放在鐵板上，隨着職員把白胡椒醬汁淋在龍蝦上，濃郁芳香的香氣頓時撲鼻而來。約斤半的澳洲龍蝦肉厚，肉質爽口，味道鮮美。味鮮的龍蝦配搭惹味的白胡椒醬汁，真的非常美味。✨️ 古法沙薑雞雞香味濃。沙薑醬的獨特香氣和味道，令雞肉更添美味和香口，也令雞肉吃起來更嫩滑。這個古法沙薑雞風味極佳。✨️ 楊枝甘露冰凍的芒果奶露中有芒果粒、柚子肉和西米。柚子肉含微酸帶甜的味道，在不甜膩的楊枝甘露中，甜酸相間，給人帶來清爽。✨️ 紅豆沙店員送上飯後甜品 - 紅豆沙。紅豆入口軟腍，清甜中帶一股果皮香，令人滿足。這裏交通便利，真的是適合婚禮或宴請親朋好友的地方。朋友說他將於中秋節跟家人在這裏吃飯，被他提醒，中秋節快到，我也要快快來訂座。