星林居酸辣米線餐廳

營業中

休息中

今日嚟係下午茶時間 大概3點左右去到唔洗等位直接入去食 但係呢個時間都有唔少人係入面 繁忙時間應該一定會大排長龍🥵➿小鍋米線 🍜 豬紅$45（小小辣，正常酸，少米，芽菜，韭菜，芫荽）等左差唔多15分鐘就有得食😗一上到枱見到成座山咁高嘅菜 真係第一次見🤯😱 嚇親我勁鐘意食菜嘅朋友 呢度絕對滿足到你😚🤣豬紅好入味，唔會好腥，處理得好好👍🏽有差唔多5-6件好多 建議大家可以一試🤗好彩嗌左少米😮‍💨，如果唔係都好驚會食唔曬，啲配料已經好多😌🥹米線🍜好滑好順口，一條一條咁食唔停口😆酸辣湯真係好正🥹食唔到辣嘅我食少少辣都完全食到 唔使加嘢飲🧃 因為想試食埋佢啲肉碎😂所以先嗌左辣湯底😗如果唔多人絕對會再來食多一次 真係好好食🤤

今日去開尖沙咀，想簡單食啲嘢，就諗起星林居嘅米線！食lunch 時間黎，都要預番啲時間，出餐時間比較耐。星林居嘅米線比較酸，我自己就食開小酸，就覺得啱啱好，嗌左兩個餸，雞翼同肥牛，已經勁大碗。

好耐沒有食過這麼高質素的米線，星林居一直都係非常之出名食小鍋米線嘅店舖，所以今次就係佢哋嘅午市時間去咗食，整湯底小窩米線要$35 ，加咗個$15嘅肥牛，湯底非常之濃郁，有超多配料，例如芽菜，肉碎同埋韭菜，碗麵嘅份量都非常之大碗，反而送嗰一方面就唔係好多，肥牛只係得大概兩至三天，雖然係有少少貴，但係佢個湯底就真係幾唔錯，無論係酸定辣都非常之適中，唔會話俾任何一邊凌駕住，而且呢一間舖頭位置非常之多，即是午餐嘅時間都唔會話好多人

第一次寫食評，因為依間野真係好唔掂，唔想有人再受害好耐之前幫襯過依間，感覺都ok。點知今次食返就出事。我同女朋友叫左一個小鍋米線小辣同一個過橋米線小中辣，睇落好似好大碗， 點知啲配料係凍嘅，唔知煮左幾耐。個湯底就一般，有d油。點知食完返緊屋企我已經肚痛，疴左一次。女朋友仲嚴重，又疴又發冷發熱，個肚好似俾火燒咁，成晚唔舒服🤢第二朝起身我同女友都仲有疴，我就無咩事，佢就仲有唔舒服。經過依次之後，唔會再幫襯依間野👎🏼

服務態度好差，點完嘢食好耐先到，仲要埋漏單😭明明嗌咗奶茶，仲要話呢度冇賣奶茶==點知最後都係送咗上嚟。啲嘢食仲要係凍嘅，希望以後啲食物質素同服務態度會有改善。

味道唔錯嘅米線係彈牙個種，有口感湯底係酸酸地，算幾開胃米線都算份量大價錢尖沙咀來講算正常但衛生情況有待改善..食食吓有隻蟲飛咗落我碗米線到🤢🤮🤮同埋食完肚痛。。

星林居係尖沙咀好多年了，最鐘意係佢既酸同辣都可以揀程度 (通常其他米線店都只係可以揀幾辣)，同埋可以多茜多蔥唔駛加錢，岩晒我呢啲鐘意食莞茜蔥既人🤪米線超足料，湯底好飲，多酸好正！不過咁多年黎次次黎都加左少少價😂 今次叫埋杯凍檸茶要$70 落樓但係我之後都會繼續去食！

冇食星林居好耐，記得以前好多遊客，特別係韓國同大陸遊客。依家入去待應有禮貌左，有得比我揀位添，而坐都坐得舒服左，又唔洗趕住走。個米線好大份，個湯好入味，但係唔會覺得多味精。$50度食到三個餸，尖沙咀平價高質之選！記得一定要食炸醬，係必叫！

蘿蔔 $10 魚皮餃 $7 腐竹 $6 明火小鍋米線 $35( 小中辣 / 普通酸 )$58好味指數：9/10好耐冇食仍然keep到水準，必叫嘅一定係蘿蔔，冇渣仲要係超級鮮甜，應該係有用糖水🫠浸過，另外腐竹嘅份量都好多，魚皮餃亦都唔會好淋，外皮爽口彈牙。我最鍾意❤️係佢嘅芽菜，韭菜，芫荽，蔥都會比好多，呢啲份量差唔多等於你個🍜面底，所以非常飽肚，個湯都好入味又夠辣，真係我嘅最愛。😍😍😍紫菜 $6 生根 $7 蟹柳 $7 肥牛 $15明火小鍋米線 $35( 小小辣 / 小酸 )$70好味指數：9/10另一半👨🏻因為食得唔辣，所以揀咗少少🤏🏽辣再加少酸，紫菜生根🌕浸咗啲湯之後更加入味，蟹柳🦀正常發揮，而肥牛🥩都唔會鞋口，其實個份量都幾大碗，叫咗少米線都食唔晒。欣賞呢間鋪頭任何辣度酸度有好多個唔同嘅程度俾客人選擇，可以揀最適合嘅程度配合返你嘅口味。🫡

中學回憶的米線店　已經很多人都聽講過在尖沙咀地鐵站附近店舖很大　但店員真的很少　人手嚴重不足麵條只能選擇米線　不過湯底和配料有選擇湯底偏甜　小鍋米線有肉碎等另外我們都點了多芽茜韭蔥真的比外面很多小店都多　我很愛豬軟骨大塊有厚度　咬下去有口感有腌製的　味道入味　不會很鹹大腸普通水準　火雞腎挺大塊　有爽口感冬菇不好吃　有個奇怪的味道

一人係尖沙咀要快快手解決晚餐，比地下既招牌吸引了食碗酸辣米線，鼓起勇氣行了三層樓梯到訪 先發現原來有電梯😂 好吧 唯有當餐前先消化一下🫣餐牌選擇密密麻麻，第一次黎真係要研究下寫法，點了一個小鍋米線配豬軟骨，最欣賞下面口味選擇任你揀 小酸小辣要乜配菜唔洗開口叫😆 連煮久都有得揀米線上枱了 莞茜蔥芽菜等等師傅比得好大方 湯底係睇得見既香濃 米線滑溜不會過熟過爛 不愧為曾經得獎米線配料豬軟骨同樣出色，炆得肉軟冧 骨都輕易咬開 可惜十五蚊配料只得一舊豬軟骨🙈米線不附送餐飲 一杯再加十幾蚊🫣

【#酸辣米線 】#星林居 自小都唔鍾意食米線，因為覺得佢好淋，不過自從N年前友人帶我去依度食，「 肉隨砧板上」之下，慢慢令我對米線改觀😄依度係車仔麵式，一個麵底再加餸，以前係$30而家要$35起標。無論揀咩餸，我都一定會揀小辣，小小酸，多蔥多芫茜🤣 酸辣度同配料可以選擇👍佢係堅大碗， 芫茜堆到成座山咁高🤣麵底又夠多，唔係好肚餓真係食唔晒，近兩次幫襯都食剩🤐小辣小小酸啱晒我口味，湯底飲落好開胃醒神👍 試過有一次叫小酸，已經有少少 酸到揦喉🤔 米線底唔會好淋，未至於爽口，除非同芽菜一齊食🤣點解我最後先講餸呢？因為我最欣賞佢既地方已經講晒😂 食咩餸真係冇乜心水，今次叫豬紅 （$6）同牛筋丸（$7），丸類得兩粒🤤味道都可以既☺下晝三點幾都有唔少人來食，不過千祈唔好當下午茶去食，因為真係好大😄推介指數：7/10星林居酸辣米線餐廳尖沙咀金馬倫道14號金輝大樓3樓埋單：$488月結餘：$565@foodiehck2022 #港飲港食平靚正 #酸辣 #米線 #尖沙咀美食 #大大碗 #抵食 #芫茜 #豬紅 #牛筋丸

位於尖沙咀的樓上人氣米線店，店已屹立在尖沙咀多年，憑著明火烹煮的酸辣湯底以及豐富的配菜底而馳名。店內格局與平日的米線店不同，燈光較為黑暗，很多卡位座位，窗邊掛滿一列霓虹燈，播放著歷代的流行歌曲。米線：明火小鍋米線配料：豬紅、紫菜、火雞腎、墨魚丸、腐竹辣度：小辣酸度：非常酸上湯濃香惹味，湯底有大量酸菜、芽菜、韭菜，肉碎。而麵上佈滿葱花、芫茜。酸主要來自醋，酸中帶甜。米線很掛汁，不過如果米線硬一點，會更有煙韌有口感，可能浸在滾湯久了變腍。紫菜及腐竹吸盡湯底精華，而且紫菜有助提升鮮味。火雞腎爽彈。豬紅沒有異味或腥味，質感滑溜。米線：明火小鍋米線配料：豬紅、豬大腸、牛𦟌辣度：小中辣酸度：非常酸份量同樣相當大份，底下也是很多豬肉碎。湯集鹹香辣味道，激發味蕾，雖然是小中辣，但是入口時嗆辣，很過癮。配料比米線還多，豬大腸厚肉；牛𦟌炆得入味且軟稔。

平時都有見下人講呢間米線好好食，今日咁岩黎開尖沙咀就黎試一試佢😆😆😆野食紙都多選擇，價錢方面都叫正常明火小鍋米線小辣$35豬皮$6 -白色嘅豬皮無味一啲都唔好食蟹柳$6 - 正常野蟹子包$10 -正常明火小鍋米線小辣$35豬紅$6 -好入味👍🏻雞翼尖$6 - 個滷水味超級入味，好好食最重要嘅係個湯底味道好味👍🏻但個米線好唔掂，煮得太稔…好難食！真係浪費左成碗米線如果唔改善呢個問題都好難會令到人番去再食

在尖沙咀想食一些比較簡單又飽肚的食物，星林居一定是不錯的選擇。一張點餐紙入面豐富的食物選擇就可以滿足了你的餓！一碗小鍋米線再配上多款足料食材，CP值非常高。🔺明火小鍋米線($35)：一碗粉裡面已經有酸菜、芽菜和韭菜。不喜歡的朋友可以直接在在點餐紙圈上特別要求，完全由自己決定，不怕尷尬。而且本身米線的份量都頗多，食量比較細的朋友可以少米。推薦加餸：🔺豬紅(+$6)：豬紅的味道香濃而且結實又彈牙，份量大概有6-7粒左右🔺炸醬(+$7)：炸醬好味，有點微辣又有點麵醬的鹹香，肉粒不會太零碎又有足夠醬汁🔺豬大腸(+$15)：厚切豬大腸有咬口，盡收滷水汁和湯底的精華，非常入味