星星 Pho Cha

營業中

休息中

💛星星 Pho Cha·石鍋拌飯$63 l 星星酸辣味炸雞餐盤$78其實我一開始係俾佢個炸雞餐吸引嘅 因為好少餐廳lunch time都會有炸雞餐😈不過最後我覺得佢個石鍋拌飯好食啲🤣🤣佢個石鍋拌飯入邊係超多配菜 撈完之後係真係每一啖都會有配菜 口感好好🤤而且佢嗰石鍋好夠熱 而且係真係有飯焦🤩之後佢個炸雞其實都好有誠意嘅 佢係真係有好幾舊 而家係新鮮炸起既 超級熱辣辣 不過佢就全部都係雞胸嚟嘅 食落柴少少 唔算話好juicy🙊📍佐敦文英街18號文英樓地下

價錢貴、出品耐、服務員及老細態度差、差、差。 如果你唔好彩係堂食舖買佢外賣舖有賣的款式，堂食舖D職員係唔會話你知，價錢貴左、等嘢食耐左不特止，當你發現外賣舖有得賣嘅時候，職員同老細都會話［點解要話你知］，咁樣做生意都仲企得住嘅，真係祝你好運😡😡😡

一間本身我自己都好想去試吓嘅韓國餐廳，一去到嘅時候就比呢個牛肉餐盤吸引住，真係非常之大！重點嘅係呢一度真係非常之豐富，有勁多配菜，有泡菜，菠菜，茄子，蘿蔔絲，芽菜！真係好友韓國嘅風格，隔離仲有一個好重胡椒味嘅湯！牛肉飯嘅份量好多，而且呢度嘅牛肉真係好正！

逐所周知港女都鐘意食韓國野既，今日就黎到企敦覓食😏星星pho cha位置呢就啦算就腳既一邊既鋪面就負責外賣，另一邊鋪面就負責堂食既。入到去主要就外藉既員工黎但都可以用廣東話溝通既。今日就同好朋友一齊叫左星星芝士炒辣雞🍗🍳($188) 同烤牛肉紫菜包飯 ($68)，當係lunch set咁叫加野飲可以唔使正價都幾好😍芝士辣雞有好多入味雞似同洋蔥年糕撈埋，雞肉juicy 年糕煙un，認真唔錯。 點埋佢旁邊同粟米溶為一體既芝士，小小辣好味得黎拉絲又可以打卡。 仲有2粒太陽蛋比你撈中間既紫菜飯，好味好味。紫菜包飯係我見過最足料既韓食店，目測牛肉魚糕青瓜醃蘿蔔等等成7-8樣餸，又包得實，十分好味。總括，除左地理位置唔太就腳，食物質素唔錯唔錯值得encore😋

之前去隔離舖頭買便當比較多，覺得食物質素ok，而且份量又夠大，但係上次黎買外賣，等左45分鐘，今次黎買外賣，足足等左70分鐘有多，建議大家好唔趕時間、又唔肚餓，純粹想食韓國嘢，先至好黎呢度買外賣，因為出餐凌亂，毫無秩序可言，你愈叫得多，就愈等得耐，出餐，並唔係根據大家買嘅先後次序去俾你，你叫得愈少野，佢反而煮左先。。當你叫嘅外賣食物未齊，而又咁岩有其他人嗌左同一樣嘅嘢食，員工會喺你嗰袋度，拎出嚟俾佢先，如是者，你叫4樣野，都會等40分鐘。。Food Panda嘅單又會快過你出餐，如果有客人發爛渣，又會拿拿聲俾左佢先，不停見個員工左袋搬右袋，搬出搬入，搬黎搬去就係咁，今次叫左6樣嘢，等左70分鐘，不停見佢放入袋，又拎番出黎，而且，訂單內容錯誤，我地唔食牛嘅，俾左2樣牛肉我地，無附送泡菜，乜都無，以後都唔再食。

收藏咗好耐嘅一間韓國餐廳起香港要搵一間高質又抵食嘅韓國餐廳真係唔易不過見呢間口碑好所以試試位置比較偏僻 入到去感覺好韓式 成個牆都係明星相🙈但係坐位就比較逼Menu選擇多到揀唔落手 基本上咩韓國嘢都有😍有set或者散叫 見佢啲份量都幾大▶️牛肉餐盤 ($58)超豐富 勁多配菜 有泡菜 有芽菜 菠菜 茄子 白蘿蔔絲 仲有啲甜甜地嘅花生🥜全部都醃製過 非常惹味另外仲有一個湯 超重胡椒粉味 但係食食吓就覺得佢清😂因為其他野太濃味佢個牛肉先最正🐂份量驚人 多過啲飯 炒埋洋蔥同芝麻粒 超級香味道上係非常韓式燒烤味 幾正宗肉質唔算好淋 但係佢唔會好多肥膏 多數係肉👍🏻雖然間中一兩舊係全部根咁 但係個人覺得好抵食 出面其他餐廳肉嘅份量係佢1/3佢連白飯都好食 珍珠米口感 軟硬適中唔會好擎天乾 底部配上牛肉汁🍚好好食😋▶️原味傳統烤飯卷 ($48)一條有11件左右 呢個係同朋友分享嘅每件切得薄身 入面材料豐富 有紅蘿蔔 菠菜 醃蘿蔔 蛋皮 火腿 菇 佢層飯都比較少 所以唔會好heavy味道上就比較淡啲 但係口感唔錯👍🏻材料好爽口-真係非常推薦大家試！勁高質嘅韓國餐 可以話係暫時食過最有水準最正宗嘅一間🌟全

星星Pho Cha @seng_seng_pho_cha 一間份量好多既隱世韓國餐廳~🇰🇷4個人叫左…星星蛋捲 勁厚身,好大一舊👍🏻~有芝士,紅蘿蔔,蔥..食2舊已經飽左..真係好足料…😆😆韓式豬手依個一般般,未夠淋同入味…但堅多肉🙈烤牛肉紫菜包飯平靚正,爆多料~勁豐富!係韓國既味道~好味!甜辣炸雞一般般..有雞肉有dd乾~個人比較鍾情橋村炸雞..😆😆鐵板洋蔥牛仔骨唔錯唔錯~都好多肉同埋算Juiciy 水冷麵👍🏻👍🏻正常野～唔錯4個人都食唔唒..最後差唔多3/4隻豬手要拎走..好飽既一餐，都幾抵食～

追開Kpop，係bubble到見到鍾意既idol分享今日食左海鮮煎餅，搞到口痕都好想食，一於就約三五知己去食韓國嘢喇😜我地一行四個人，叫左個原味紫菜包飯、海鮮煎餅、芝士炸雞同烤牛肉拌飯。本身以為唔夠食，諗住食完一round再叫多小小，後尾冇叫到都食得好飽🤪🤪一定會再幫襯！一開始就比多幾款小菜我地，泡菜就梗係唔會少，仲有豆芽，豆角，蘿蔔等醃菜，不過我地除左泡菜全部都唔鍾意😂😂又唔係話小菜難食，係我地本身就對醃菜麻麻。首先講左個海鮮煎餅先，真係好大一張餅🫓！切開左8塊😋四個人一人兩塊啱啱好夠分，餅邊煎得好香脆，超級超級超級超級香，咬一啖餅面又好香軟，餅上面既蔥都煎曬啲蔥香味出黎，有一兩個紅椒都令到成張餅多小小顏色搭配，見到都胃口大開😆😆個餅本身都夠曬味，所以中間既醬汁都冇點點過，點左小小試左下覺得好鹹，就咁食原味既更好味，下次一定會再嗌黎食！原味紫菜包飯都好正！平時係出面小店買既紫菜包飯都唔平，但成一半都係飯，今次食呢個紫菜包飯飯得薄薄一層，唔會話食唔到飯既口感但都唔會太多飯令到搶曬餸料既風頭😋都會再encore😆😆芝士炸雞🍗好多芝士，上檯之後熱辣辣，夾一舊就拉起絲，芝士味好濃好香，口水都

7.30入座，d嘢食到9.00都未嚟齊🥲隔離都走埋，我哋吹極都未有，真係永遠都唔會再嚟食叫咗個泡菜湯，係我地飲過最難飲嘅泡菜湯（泡菜+胡椒粉嘅水嚟）炸雞其實只係炸皮，d肉兩啖就冇曬不過海鮮煎餅味道都不錯拌飯就不過不失冇乜味道，要自己另外加好多辣椒醬先有味炸蝦壽司就幾好食，d飯好有麻油味一開始伴菜都幾好食，尤其係d蓮藕，食曬伴菜就開始期待食嘢，點鬼知等勁耐d嘢都未嚟🥲叫咗五樣嘢，一個上完食埋，等起碼15分鐘下個先嚟，千祈唔好再嚟🥲

蛋捲呢個有啲估佢唔到雖然好普通嘅一個餸但係佢又好好食其實只不過係芝士雞蛋茄汁但係至少我喺出邊都冇乜點見過同埋煎蛋唔會難食芝士炒年糕年糕份量好少，我都係食咗一至兩舊就已經冇晒不過佢就有埋辛辣麵，但面嘅份量都好少喎點解好似我嗌左唔知自己食咗啲咩咁嘅韓國嘅紫菜包飯真係冇得輸加埋炒牛肉夠晒嘢未招牌芝士炸雞啲雞係返炸嘅真係有啲老但係個皮就好趣嘅，不過始終好明顯食得出係翻手個底有好多粟米其實本身就好好食但係冇辦法佢真係痴住晒喺個盤度而且冇人service ，唔係話想做港女只係呢一個餸 ，佢又有芝士就有粟米其實我哋唔熟手真係完全食唔到啲粟米。甚至啲芝士都會黐埋係個盤道我覺得可以上菜嘅時候問吓我哋需唔需要幫手或者教下我哋啲小技巧本來仲有叫咗個牛肉拼盤但係實在等得太耐全部野都食晒先至到結果就冇要。仲有海鮮煎餅都係 ，我哋已經食飽佢先至到我哋又唔好意思唔要，呢一樣野真係好失望囉仲有佢啲前菜泡菜等等全部都有浸好奇怪嘅味道我真係麻麻哋同埋overall我覺得佢有少少劣食呢個價錢唔應該係依一個質素啲人嘅態度又唔太好

晚餐時份係佐敦搵野食見到呢間menu好似唔錯於是入左去同朋友兩個人叫左個細嘅「土豆豬骨煲」加兩個飯佢一黎就上小菜 有泡菜 芽菜 薯仔絲等等 份量仲要唔少 味道又好食 即刻好期待個煲點知之後就出事了等佢個煲足足等左45分鐘…一開頭等左4個字 見隔離枱野食都黎齊 於是追左一次個煲 個staff答我地未有未有 好啦咁繼續等但最後已經等左40分鐘都未有 開始覺得唔對路 就問佢係咪煮緊 已經等左8個字 心諗如果未煮不如我地轉其它野食點知個staff係到笑笑口同另一個staff講「40 minutes wo cooking cooking lah」已經肚餓又等到開始唔耐煩嘅我聽到呢個語氣真係不滿左 好啦最後過幾分鐘個煲終於到豬骨份量唔少 好似有5-6舊每舊都有肉食嘅 但味道就真係一般 豬骨完全無湯嘅味最shock嘅係成個煲嘅「土豆」竟然係得兩舊！仲要係兩舊都好細舊！真係呆左埋單個煲係$258 仲有收服務費唔可以話好貴 但好抵食又稱唔上 不過計埋服務同等嘅時間的話就真係不了

友人冇啦啦話不如今日去食醬油蟹佢想食左好耐🥲 即日出發講完打電話去問今日有冇醬油蟹，ok行得呢間可以同韓國嘅媲美， 呢度啲staff都係講韓文架😂😂連裝修都好vintage,有齊靚仔poster🤭似足韓劇啲小餐館架！ ✨醬油蟹 (1隻$198 2隻 $383）配飯蟹超鮮甜，多膏又多肉，入口一啲都唔腥😋😋👍🏻👍🏻，配飯食超好食，好滿足 記住唔好食太急，蟹都幾寒要之後飲啲熱野/薑茶，2個人食2隻係有啲太多🤭建議3-4人share 幾抵食， 尖沙咀韓國街1隻都好貴，所以甘睇都幾抵🤩呢間仲有醬油蝦添✨all day set - 燉牛肋骨湯+炸醬飯餐盤 $138因為食完蟹少少凉，簡啲湯類個人舒服啲含住粒紅棗有好啲😂 牛肋骨就稍遜色，之前食過一間尖沙咀嘅甜得嚟好入味，呢間就偏清，牛肉冇咁腍身但肉質仍然嫩滑入味；炸醬配麵好食啲，味道偏鹹😕小菜好好食同埋都幾大碟😂一食泡菜唔係百佳買嘅味道就覺得件事好韓國😂最後出嚟個陣已經開始有人龍要等位，最緊要係見到有韓國人等，證明味道都ok正宗😍

諗起韓國嘢，好多時候都係食韓國烤肉🍖 今次呢就試下特別啲嘅韓式料理 - 星星見到個名就諗起以前嘅一套韓劇"來自星星的你"，門口見到星星除咗有堂食之外，隔壁成個鋪位亦都有做外賣，好適合買返公司或者屋企食。以韓式料理來講，佢嘅份量相當豐富，一次過可以俾你試到唔同嘅韓國醃製小菜，每款都非常吸引，唔係純粹當擺盤咁用😲。今次我哋嗌左炸雞同埋呢個好好食嘅牛肉紫菜包飯，未食落口已經見到佢好足料，對比起出面可能只有少少牛肉同少少牛蒡包起嘅飯團，觀感已經攞好高分🤩 份量亦都唔少，加加埋埋都差唔多有10夠飯團咁多，食落去唔會太乾而且牛肉味都好出，最後仲有個海帶湯可以濕下口添！下次經開想食韓國嘢又可以多個選擇喇！喜愛程度： ⭐⭐⭐⭐

因為住在附近，有時室友想吃韓食就試了兩次。價格不算便宜，但是沒有任何一樣食物是好吃的。。因為太難吃了所以才來寫食評。炸雞肉特別少，還是反覆油炸過的，75蚊5塊三指大小的炸雞，就是那種吃了一塊不想再吃第二塊的炸雞，吃不到肉，而且很硬。泡菜餅全是麵粉，那麼厚的泡菜餅我也是第一次見。海鮮麵用的是辛拉麵的面，一般都知道不是，應該是黃色的類似玉米麵的滑溜的面，辣湯也是偏鹹的湯。拌面全部坨在一起，感覺放置很久了，攪拌分開花了很久。雞蛋捲也是超級鹹唯一還ok的就是隔壁2店的豆腐了是我在hk吃過最難吃的韓料店。作為一個在韓國待過1年的人來說真的是完全不推薦，因為對於我來說完全不ok。。

📍星星 Pho Cha📮佐敦文英街18號文英樓地下.唔知餐廳同「來自星星的你」有無關係, 但每次提起呢間餐廳都會令我諗起果首主題曲😛畢竟呢套當年紅極一時既韓劇, 基本上行街都成日係唔同既鋪頭會聽到.餐廳位於佐敦最多野食既位置, 細細間坐到30人左右, 黎之前最好book定位, 唔怕黎到無得食呀嘛.星星拼份炸雞 HKD158食韓國野一定要點炸雞啦, 今次揀左甜辣配原味炸雞🍗份量唔算好多, 2個女仔都食得晒, 推薦當然係甜辣炸雞啦, 雞件炸完之後沾埋甜辣醬, 再係上面灑上芝麻, 層次豐富得黎仲好開胃, 真係食完都仲有啲唔夠喉芝士蛋卷 HKD98另一個item又食親韓國野必點既蛋卷🥚雞蛋, 蔥花, 茄汁, 沙律醬, 呢個配搭真係點整都好味, 酸酸甜甜, 仲有好多芝士係入面, 非常邪惡😈真露啤酒塔 HKD128食炸雞配啤酒是常識吧🍻愈黎愈多韓國餐廳有Soju mix Beer既tower, 呢間亦都係其中一間比較早期已經有serve既餐廳🤫3枝啤酒溝1枝真露, 完美比例, 有酒味得黎唔會太濃味, 岩晒第一次接觸燒酒既朋友仔.服務一般, 勝在食物夠地道, 令你好似置身於韓國既小店一樣, 一邊聽著