星星 Pho Cha

店員態度十分之差、上菜好慢 ，等咗1.5小時叫佢跟進吓 佢反你白眼。菜式不夠正宗，係菲律賓人打理的韓國菜，完全冇韓國街的味道 。泡菜餅只有泡菜同埋一條蔥，炸雞皮很厚，泡菜湯太酸。 total叫咗五碟菜 淨係嚟咗三樣 （六個人食三碟餸) 埋單$750我諗佢哋唔憂做 唔建議大家信啲Foodie講走去食…查看更多

📍星星 Pho Cha (佐敦)佐敦文英街18號文英樓地舖這家韓國餐廳，實在是一次極度失望的經歷，必須分享，以免他人踩雷。首先，餐廳的空間非常狹窄，儘管我已經提前訂座，但安排的位置也是非常擁擠。服務生都是印菲籍，廣東話完全聽不懂，英文也不太流利，點餐時完全雞同鴨講，上菜的速度極慢，慢得讓人無法忍受。✨芝士炸雞炸雞竟然用鐵板上，內有大量粟米，搭配實在讓人難以理解，炸雞不脆口，雞肉亦不嫰。✨海鮮蔥餅賣相不吸引，口感不香脆，海鮮量少到可憐，配菜卻多得驚人，有紅蘿蔔和紅椒，紅椒裡面竟然還有籽，吃得滿嘴辣椒籽，雖然我很能吃辣，但完全出乎意料之外，從未吃過海鮮蔥餅會是辣的。✨韓式牛腸粉絲豬腸整鍋的味道除了鹹就是鹹，牛腸和粉絲都散開不完整，牛腸的味道還帶著苦味，讓人無法接受。這家餐廳食物質素極差，服務也不盡人意。————————————————————整體用餐體驗✨味道(1/5)✨環境(1/5)✨服務(1/5)✨性價比(0/5)…查看更多

差差差差差服務很差，淨係識催上菜慢，俑員多質素普通，吾值一吃員工用中文答我吾識，就企係到玩電話夠鐘交枱就催，野食一樣一樣上不值一試，員工中英都吾識淨係識企係到玩電話…查看更多

waitress 中又唔識 英又唔識， 落單混亂叫左3樣野 等左1個鐘都係上左一樣， 期間催左2次，完全no reply , 不停做外賣單， 堂食果d 就係到等，依間絕對係我去過服務最差既餐廳， 澳牛都好過佢…查看更多

今次去食飯，真係有啲驚喜！ [💗] 首先講下 泡菜餅，外皮煎得香脆，泡菜味唔會太酸，啱啱好，配埋少少醬汁，真係一啖接一啖。燒牛肉都唔錯，牛肉切得厚薄適中，燒得香口又唔乾，肉味濃郁，配飯一流。講到湯品， [💯] 土豆豬骨湯（小）真係暖笠笠，豬骨炆得好腍，土豆吸晒湯味，飲落去好有家嘅感覺。配埋一碗白飯，簡單但滿足。 飲品方面，梨汁清甜解膩，食完泡菜餅飲一啖真係舒服；青蘋果汁就比較清新，酸酸甜甜，幾適合配燒牛肉。 整體嚟講，呢餐食得好開心，味道有層次，價錢都合理。最鍾意係佢哋每樣菜式都做得有心機。下次會再嚟試其他菜式，希望有更多驚喜！ [🤭]  ------------------------------星星 Pho Cha(香港)地址: 香港佐敦文英街18號文英樓地舖…查看更多

今日專程嚟到佐敦呢間新開嘅「星星Pho Cha」，聽講佢哋嘅韓式部隊鍋同炸雞好出名👀！餐廳走簡約木系風，燈光柔和，超啱情侶或者三五知己嚟chill吓🍃。Menu主打fusion韓菜，由經典部隊鍋到創意紫菜包飯都有，今次就試咗人氣Top 5菜式～🍊濟州漢拏柑橘汁 $48一啖飲落去！柑橘清香爆炸💥，仲有粒粒果肉，酸甜冰涼即時解暑🌞，好似去咗濟州島咁～🍇提子汁 $42冇人工甜味！天然提子香氣好突出，仲有微微果酸平衡，配炸雞一流👍。🍗芝士炸雞 $128邪惡度爆燈💥！雞件炸到金黃脆卜卜，咬落「咔嚓」聲，入面肉汁鎖到實！淋上濃郁流心芝士醬🧀，鹹香拉絲視覺效果滿分📸。🍙飛魚子紫菜包飯 $98驚喜位係飛魚子多到瀉🤯！每啖都「卜卜」響，紫菜脆到似食薯片，包住醃蘿蔔同青瓜，清爽口感平衡炸雞油膩感～🍲部隊鍋(小) $168份量夠3人分享！湯底用鮮雞熬製，微辣中帶甜🌶️，仲有午餐肉、年糕、泡菜、腸仔同即食麵🍜。最正係加片芝士熔喺湯面，掛湯力MAX💯！💬總結：性價比高嘅韓式小店！特別推薦芝士炸雞同部隊鍋，食材新鮮之餘，店員仲好主動加湯換碟👏。想試嘅朋友建議早啲嚟，晚市好快滿座～📍星星Pho Cha地址：佐敦白加士街101號地舖⏰營業時間：12:00-22:00…查看更多

要食正宗韓國菜，唔一定要去尖沙咀。佐敦呢間餐廳都係由韓國人主理㗎！✨LA牛排骨$198想食韓燒又懶得自己燒，揀呢個就最啱🤣。醃得好入味，味道甜甜哋，而且肉質好腍，感受到經典韓式醃肉蔬果enzymes嘅威力。有送埋包肉嘅生菜🥬。✨牛肉蘑菇火鍋$258我哋揀咗味道最溫和（+完全唔辣）嘅一款火鍋🍲。係我哋最鐘意嘅瘦牛。湯底好清甜，越煮越有菇菌鮮味。✨海鮮蔥餅$108薄薄哋煎到金黃色，裏面仲保持到濕潤。魷魚同蝦都唔少㗎。佢哋仲有唔同嘅韓國酒。想揀款易啲入口嘅，可以試下香蕉米酒🍶。…查看更多

第1次以片皮鴨方式品嚐豬手，既有創意又特別，我想這是老闆對中華飲食文化的其中一種喜愛。餐廳整體有地道韓國小店感，走著溫馨蝸鋪的路線，款式不多，但種類齊全～一盆𝟯-𝟰人份量！食法如食片皮鴨，取而代之為酸蘿蔔、三色椒、蒜頭及豬手，之後沾上麵豉/蜜糖芥末醬，的確提升清新與解膩，整體主要突出酸蘿蔔味，豬手肉質尚腍豬皮彈牙。除左一片片牛肉外竟然有豬皮！令整個口味多一份層次之餘有咬口，重點湯唔油膩湯底用上香濃牛肉汁，多種瓜菜好多料，有紅棗、蒜頭、白蘿蔔、紅蘿蔔…肉汁有甜又惹味，排骨燉到軟腍之餘有嚼度，如果排骨份量增右就更好～…查看更多

召集鐘意食韓國菜既朋友仔，位於佐敦既人氣韓國小店星星 Pho Cha開業多年一直深受歡迎，貼地裝修仿如置身於韓國小店一樣，Menu選擇都好多，今次叫左幾款味道都好有驚喜一坐底會有韓國餐前小食，泡菜、芽菜等酸酸爽口好開胃辣牛腸牛肚湯 ＄298必點之選! 叫左小份份量都好多，牛腸牛肚爽口彈牙，湯底香濃，另外仲有豆腐同粉絲索曬湯汁大滿足，十分下飯辣螺肉拌冷麵 ＄18螺肉爽滑有咬口，冷麵滑溜，加上辣醬及各式蔬菜清新開胃，值得一試韓式蘿蔔包豬手 ＄288食韓國野當然唔少得豬手，肥瘦均勻富骨膠原，餡料仲有洋蔥、甜椒等，加入韓式蘿蔔和醬汁一齊食，鮮美層次感豐富飲品方面有多款韓式汽水，仲有各式啤酒同燒酒，邊食邊飲正…查看更多

一去到先知原來柯士甸咁多嘢食😲成條街都係睇落不錯嘅餐廳舖頭✨揾日得閒可以再黎過🫶🏻餐廳仲有勁多韓星海報, 望住車銀優aka靚仔食飯真係賞心悅目😌播住韓國電視台真係有種去咗韓國嘅feel✨❣️土豆豬骨湯本身就係為咗依個黎食✨ 맛있어요✨( btw 希望依句oishiiii 韓文係啱嘅🙏🏼) 3️⃣個人嗌細嘅都已經more than enough👌🏻一入口: 係辣喉嚨唔係辣條脷ehh~係韓國嘅味道✨🫶🏻好濃郁+好味, 撈飯/麵真係好鬼正😋而且排骨勁多, 都有4,5嚿大排骨. 雖然有🌶️logo 但係都唔太辣, 啱晒我想食又食唔到辣嘅小廢柴🫶🏻💰細258/大358❣️星星酸辣味炸雞炸雞一到…wow~咁大嚿的嗎😧已經開始驚食唔食得晒😶‍🌫️ 酸辣味一入口係陣好熟悉嘅味tho又係醒唔起係咩😥不過是好味的😋肉嫩皮硊酸辣味足🍗💰88❣️海鮮蔥餅海鮮味其實真係唔重, 見到有魷魚/章魚, 但係味道就唔太明顯. 外貌就係加厚版嘅酒樓薄罉——厚罉👌🏻應該有人會覺得麻麻地, 不過個人口味真係幾鍾意佢陣麵粉+蛋味😹🥚所以都pretty nice for me✨💰108…查看更多

琴晚同朋友去佐敦食飯，竟然發現呢間隱世韓式大排檔！😍成間舖頭天花板掛滿星星燈✨，四面牆都貼滿BTS、Blackpink海報，仲有勁多韓星poster，完全係K-pop迷天堂啊～🇰🇷💕🐥玫瑰醬燉雞 $258呢道菜真係幾特別，用咗玫瑰醬做base🌹湯底飲落去帶有少少奶香😚又唔會太膩。雞肉煮得好入味，仲有啲煙韌嘅年糕同埋菜配搭，全部都吸晒啲醬汁，食落去層次幾豐富🤤🐟炒碼粉絲$138粉絲上面鋪滿青口、大蝦、魷魚圈，仲有啲我叫唔出名嘅貝類🤣 湯底辣辣哋好惹味，粉絲煮得啱啱好，唔會太淋，索晒啲海鮮精華正到爆🦀花蟹魚糕火鍋$238呢個火鍋係當晚嘅亮點之一💯用花蟹煮嘅湯底令到佢個湯底好鮮甜😋仲加咗魚糕、年糕、泡菜同埋唔少蔬菜🥬湯底辣味唔會太重，飲落帶少少清甜，越煮越好味。最正係啲花蟹啖啖肉好食：❤️❤️❤️❤️🖤抵食：❤️❤️❤️❤️🖤…查看更多

話說尋晚同老best去左間由韓國人主理既餐廳度食飯吹水之餘仲收到份勁可愛既手信，開心仔😘我地坐底冇耐，剩系餐前配菜都已經上左有泡菜、醃蘿蔔、蝦米西蘭花、蓮藕、菠菜、芽菜同魚片，款式豐富又惹味，食哂都已經飽左3分1🫶主菜食左：⬇️⬇️✨L A 牛排骨✨$198外焦內嫩既牛排骨肥瘦均勻肉汁多，切到細細嚿咁入口好方便😌而且份量比我想像中大，3、4個人share 都絕對冇問題😉感覺幾抵食❗️✨豆渣土豆豬骨湯✨$298大大嚿既豬骨足足有五大件，件件都煮到軟軟腍腍勁入味，醬香味美有風味👍🏻👍🏻至於加入左韭菜、芽菜、菜乾、紅蘿蔔、薯仔等配料既湯頭鮮味濃郁，呢個天氣飲番碗，成個人都暖哂😌✨泡菜餅✨$98外脆內軟既煎餅混合泡菜爽脆既口感層次豐富，食起嚟辣辣地咁超香口💕✨提子汁✨$18 X2🌟星星 Pho Cha📍佐敦文英街18號文英樓地舖#佐敦 #韓國菜#韓國美食#韓國的味道…查看更多

烤牛肉紫菜包飯絕對拍得住韓國食既好豐富，牛肉、黃瓜、紅蘿蔔絲、雞蛋絲、青瓜、蟹柳同泡菜, 灑上靈魂芝麻!!! 每舊都好大舊仲要唔會好易散開, 值得讚賞👍🏻豬直腸雖然佢唔係烤牛腸, 但想講份量好足!!! 連埋菇類絲、洋蔥一同炒完放鐵板, 好keep到溫度係少啲地方食到咁足料又岩口味既烤腸LA牛排骨用鐵板上枱既牛排骨店員會幫忙剪開, 牛排骨底墊滿洋蔥同蔥花, 牛排骨本身已經滿滿燒烤醬而且好入味😍搭配韓式醬油、生蒜、青椒等配料夾生菜包起黎食, 每一啖都好滿足!! 我個人會包埋泡菜一齊更加原汁原味🧃甜米汁呢款真係要正宗既韓國餐廳先有得叫, 解辣得黎清爽, 大推呢款飲品…查看更多

📍佐敦《星星 𝙿𝚑𝚘 𝙲𝚑𝚊 》 ⇰𝙶𝟽 芝士泡菜炒飯 $𝟷𝟹𝟶 勁邪惡𝚌𝚘𝚖𝚋𝚘😈 滿滿嘅拉絲芝士結合泡菜嘅酸辣，每一啖都勁濃味同充滿層次感，好夾～ 溫馨提示芝士要快啲撈埋食，放一陣就會結埋一齊🤣 ⇰𝙰𝟷𝟷 星星各式炸雞套裝 $𝟷𝟿𝟾 一個炸雞套餐有齊薯條、煎餃同埋炸雞🍗 一次過滿足你三個願望🤣 三樣食物味道都甜甜地，新鮮熱辣，而且搭配多種醬料，口感豐富🙂‍↕️⇰𝙴𝟷𝟺 人參雞湯 $𝟷𝟻𝟾湯頭濃郁，雞肉燉得軟嫩，好香人參味，而且湯已經有調味，仲有煲到冧晒嘅糯米，配上一碗白飯，撈埋整成湯飯，超好味‼️勁飽肚暖胃之選，一飲落去成個人都暖哂～🍲味道：𝟽/𝟷𝟶 性價比：𝟽/𝟷𝟶 …查看更多

最近好想食地道嘅韓國嘢，但係香港已經越嚟越少。記得幾年前有去過佐敦近柯士甸附近食過呢一間韓國小店，好夜去都好多人幫襯。前排好想再去食，但唔知係咪因為疫情之後，明明嗰幾條食街以前勁旺，但係依家成條街都靜咗好多🥲好在依一間屹立多年的韓國餐廳仲依然喺度！而且仲要係韓國人主理～裝修依然好似去咗韓國嘅大排檔一樣，仲要唔係播韓國MV係播韓國嘅綜藝節目！真心好似去咗韓國咁-餐前配菜🥬🥒前菜十分豐富！包括泡菜、青瓜、菠菜、蓮藕、芽菜、南瓜和土豆絲。每一樣都具有獨特的風味，相信全部都係自家釀製！尤其是泡菜同土豆絲，酸辣適中，開胃又讓人想多吃幾口。-芝士泡菜炒飯🍳炒飯上面仲要配咗一隻橙黃色嘅燶邊蛋🥚極多粟米同埋芝士🥹芝士好濃郁，再加埋紫菜，口感豐富，每一啖都可以食到好多芝士好正，讓人一口接一口！-醬油蟹（送飯）🦀一隻醬油蟹唔使$200，性價比黎講好高！我哋叫咗兩隻，冇腥味，醬汁幾符合香港人嘅味道～而且蟹膏都幾多！讓人忍唔住想食多啲飯🍚-土豆豬骨湯🥘入面有大量嘅京蔥，洋蔥同紫蘇葉等。一開頭飲嘅時候味道偏淡同清澈，之後卻富有層次感～個人認為要等佢煲耐少少，裏面嘅土豆唔介意嘅話整碎佢會令到成個湯更加好味。而豬骨肉質鮮嫩，而且有五大嚿，唔鍾意食骨嘅我都幾鍾意！好適合寒冷的天氣-覆盆子酒🍷依度酒類都有幾多款，而且仲可以叫韓國啤酒Tower! 但係竟然有覆盆子酒就想試吓嚟到個杯好得意，係兩個心心💕 覆盆子酒清新可口，酸甜適中，讓人心情愉悅～…查看更多