影片
更多
2022-09-04
276 瀏覽
去完新開嘅M+，附近圓方嘅餐廳貴夾唔好食，忍住餓咁求其行去佐敦希望揾間平平地塡下肚就算。就咁聽個名會以為係越南野，不過其實係韓國野。店員大多唔係香港人，不過講廣東話佢地都聽得明。上網再查先知我地誤打誤撞去左間黃店，仲要食物質素唔錯。可惜去到已經冇午餐下午茶，要單點。聽隔離枱話炸雞唔好食，好彩冇叫到。前菜比嘅泡菜都幾好食，夠脆又辣。食開嘅紫菜包飯都係伏，日式嘅飯卷求其加翻啲麻油就叫係kimbap，所以本身都對佢冇咩期望。友人要左烤牛肉拌飯($88)，味道係想像中嘅味道，唔算太大驚喜，不過夠熱辣辣。要左泡菜呑拿魚紫菜包飯($78)，本身以為唔多，但上到黎有成條咁多，頭尾都比埋你。食落味道好有層次，泡菜包住罐頭呑拿魚，再加上紫蘇葉高質，饀多飯少又夠實淨，食完就飽哂。單點價錢係偏貴，如果食午餐set會扺好多，食物質素唔錯，下次有機會都會想再食。順便仲可以去附近買布丁包食。
就咁聽個名會以為係越南野，不過其實係韓國野。店員大多唔係香港人，不過講廣東話佢地都聽得明。上網再查先知我地誤打誤撞去左間黃店，仲要食物質素唔錯。
可惜去到已經冇午餐下午茶，要單點。聽隔離枱話炸雞唔好食，好彩冇叫到。前菜比嘅泡菜都幾好食，夠脆又辣。
食開嘅紫菜包飯都係伏，日式嘅飯卷求其加翻啲麻油就叫係kimbap，所以本身都對佢冇咩期望。友人要左烤牛肉拌飯($88)，味道係想像中嘅味道，唔算太大驚喜，不過夠熱辣辣。
要左泡菜呑拿魚紫菜包飯($78)，本身以為唔多，但上到黎有成條咁多，頭尾都比埋你。食落味道好有層次，泡菜包住罐頭呑拿魚，再加上紫蘇葉高質，饀多飯少又夠實淨，食完就飽哂。單點價錢係偏貴，如果食午餐set會扺好多，食物質素唔錯，下次有機會都會想再食。順便仲可以去附近買布丁包食。
張貼
