星星 Pho Cha

營業中

休息中

lunch time帶飯帶到悶,就約同事去佐敦食個韓式lunch,好耐無食比D誠意早小小出去😆因為呢間星星lunch都真係好爆完全乜都唔記得影,因為太多選擇,只係諗食咩都諗咗成10分鐘,人就係貪心樣樣都想試下,但結果都係揀咗樣穩陣嘅辣炒豬肉set🤣一嚟到大碟到不得了,其實我都係見有咁多前菜認唔住叫佢,不過不失嘅午巿套餐,豬肉比較硬,但價錢算平,所以就唔會有咩覺得失望咁囉,咁鬼大份都係60左右,過下口穩算係咁啦

去完M+肚仔餓，就順道去渡船街附近覓食。四點幾五點呢個尷尬時段唔少餐廳都落左場又未做晚市，行行下見到星星仲開就random入去試試，點知有驚喜。先登場嘅係LA 牛排骨，鐵板上吱吱聲，牛排骨脂肪比例剛剛好，唔算太多骨，份量多四個人每人都食到3-4大塊，加蒜頭泡菜整生菜包食超惹味，一下子就撫慰左空洞嘅肚仔。配Hite 韓國啤酒好爽～芝士海鮮炒飯超邪惡，芝士一路撈一路可以拉絲，係視覺享受。章魚粒為海鮮炒飯增添左不少口感，食下食下已經有八成飽。好耐冇食過人蔘雞湯(半隻)所以order嚟過下口癮，半隻雞唔多但個湯係重點，明明有d飽而且仲有個年糕鍋都覺得要加碗白飯+ $10撈雞湯先心熄。人蔘雞湯仲可以count做午市套餐，+ $5就有樂他咖啡，好抵。星星現做辣炒年糕 (細)一d都唔細，一上碟就知道一定食唔曬，炒年糕走甜辣風，而且有好多魚糕，最後我地KO左3/4好叻，飽到dinner都skip左~環境雖然比較迫但性價比高，非local侍應姐姐態度好好，係個唔錯嘅選擇。(P.S. 我朋友一個星期之後encore左一次)

💛 #佐敦 #星星phochaWeekend去咗佐敦行吓，順便食吓好嘢😚 朋友介紹呢間「星星Pho Cha」韓國菜，佢有好多食物選擇，仲有啲lunch/ dinner set😚 啲餐全部都勁大份，CP值爆燈！🐣🐙 海鮮豆腐辣湯 + 烤雞肉 餐 （$118）🐮🍜 燉牛肋骨 + 炒粉絲 餐 （$118）我哋叫咗兩個餐，原來超級大份😆！ 每個餐都有七款韓國小菜，包括泡菜、芹菜、芽菜、蘿蔔、菜等同埋白飯，起重量級😆 雞肉份量都好多😋 海鮮豆腐辣湯少少辣，勁多海鮮仔，有蝦、八爪魚等等，豆腐就大大舊又滑，鍾意😋 燉牛肋骨係我最鍾意！甜甜哋又軟腍度適中，好味☺️

✔️韓國魚板湯✔️韓國烤牛肉套餐✔️海鮮泡菜辛拉麵 ✔️韓國海鮮嫩豆腐鍋 ✔️韓式泡菜手工花枝鮮蝦煎餅 ✔️韓式炸雞 半斤✔️百香果氣泡水 /瓶.👉🏻泡菜花枝鮮蝦煎餅🍤薄脆餅皮每一口都吃得到海鮮，沾上韓國黃醬很開胃，韓國烤肉套餐有牛/豬肉可以選擇，還會附上海苔飯和一大盤生菜泡菜，飽足感十足！韓國魚板湯高湯熬煮到乳白色🤤，魚板口感不會過於軟爛，韓式炸雞🍗只用雞腿肉，肉質蠻嫩還🈶️附脆薯和年糕🥰，百香果氣泡水🍹加入純百香果粒打製而成，喝來酸甜清爽，韓國海鮮嫩豆腐鍋🌊海鮮配料蠻豐富，湯頭喝來順口，現在還有活動點鍋類➕就多送一隻蝦姑呦🦐！

————————————————————————星星Pho Cha地址：港鐵柯士甸站 A 出口, 步行約4分鐘G/F, Man Ying Building, 18 Man Ying Street, Jordan秋天的螃蟹🦀肉質鮮嫩甜美，蟹黃蟹膏更是香醇飽滿，這家的醬油蟹價錢相宜🤑，十分新鮮，值得一試！🟠推薦食物🔹醬油蟹🦀($198)：螃蟹十分新鮮，肉質鮮嫩甜美，蟹黃蟹膏更是香醇飽滿，最後直接將紫菜白飯加進蟹蓋與蟹黃攪拌別有一番風味，入秋必食😍🟡不推薦食物🔹Food Tray 海鮮大醬湯+炸豬排🍱 ($138)：炸豬排酥脆但十分乾，炸得太脆太硬，麵衣太厚，豬排份量相對較少，而海鮮大醬湯稍遜色，海鮮份量堪憂，只有幾隻蜆，味道不過爾爾，主要是豆腐，味精過足以致於吃完飯感到口渴🤪🟠員工Ok全程接觸機會較少，不用等待很久🟡環境溫馨的小店，店面有很多韓國明星照片，星星燈元素也很多🌟飯桌空間有限，左右離得非常近🟠總評分（7/10）💰$200/person#ezukokofood #ezukokojordan #ezukoko佐敦 #ezukokoaustin #ezukoko柯士甸 #ezukok

第一次行到去門口，以為只做外賣，但原來堂食喺隔離過幾個鋪位，好彩之後準備去嗰間餐廳喺星星堂食鋪位嗰個方向兩個定食望落去，好似唔係好多，但一向大食嘅我都食唔哂🙃 大醬湯比泡菜湯好飲，下次再去時我會問下可唔可以轉大醬湯先值得一提係個芝士豬肉餅，真係幾好食😋仲見到隔離檯食醬油蟹，下次去都要試下先💁🏻‍♀️泡菜湯+燒牛肉定食 $138💁🏻‍♀️海鮮大醬湯+燒豬肉定食 $138💁🏻‍♀️芝士豬肉餅$138

閒日都會見到好多人排隊食，入面連侍應都係講韓文，所以通常都係指住個餐牌落單。所有野都係即叫即整，所以等嘅時間比較長。醬油蟹2隻 $383★★★★☆醬油蟹2隻，每隻1開4件連蟹蓋，味道上唔差，同喺韓國當地食嘅差唔多，味道上幾入味有啲啲偏咸，唔需要再點汁食。肉質方面都鮮嫩，但隻蟹真係太細隻，唔算多肉，蟹膏都唔係多，食完唔夠候。點醬油蟹會跟個一碗飯，入面有紫菜同蛋，因為隻醬油蟹唔算肥美，如果加蟹肉落去撈飯唔太夠味道，就咁單食會好啲。芝士炸雞$138★★★☆☆一上見到個賣相就覺得幾正，因為有巨量芝士同粟米，食開韓國野就知道芝士同粟米係絕配！呢個醬汁再加埋炸雞真係非常之邪惡。芝士味唔算好濃，唔太流質，難D依附係炸雞到，每食一啖炸雞Ｄ芝士就會食哂，一路食一路跌啲粟米，食得有啲狼狽。炸雞太大件，如果細番小小會好啲，但勝在熱辣辣即炸，外皮做到金黃香脆。入面肉質唔算好嫩滑多汁，嫌佢啲雞肉冇咩味，似冇醃過喺炸之前，只靠個芝士醬唔太足夠。水冷麵 $83★★★★☆味道幾清新，如果個湯底可以再凍啲會更清爽！麵質軟硬度剛剛好，入面亦有啲酸蘿蔔、雪梨、青瓜做配菜，有咬口之餘又清新。另外會附上芥末醬，加都未加真係兩個

💫聽朋友介紹一定要嚟試試這家韓國嘢😌但唔好意思，我應該唔會再去😂唔知點解坐到咁逼咁多人幫襯😅地點頗為偏僻，是韓國人的聚腳點，附近還有幾間食肆，可能會遇到Oppa🤭叫咗醬油蟹順便試試醬油蝦🦀🦐d醬汁ok，但感覺蝦蟹都浸得唔夠入味，差少少🤌朋友話第一次去食d蟹好多膏，今次冇乜🙁炸雞…不知所謂…我食唔到吐返出黎😐炸粉太多太多，全部都係榎歰歰嘅雞胸肉，乾噌噌吞都吞唔落去😟豬腸粉絲豬骨湯，賣相略為核突😂臘腸衣包住d粉絲，煮唔霖呢就好似食生粉，煮熟曬就會爆出嚟仲核突🤣最後碟炒魷魚好啱請老細食🤪都係辣嘅🥵📍星星 Pho Cha 佐敦文英街18號文英樓地下🚇柯士甸站A出口（步行約4分鐘）#foodiehk #foodie

星星Pho Cha🌟 泡菜炒飯(辛奇炒飯) 💲5️⃣3️⃣完全唔辣 入面夾雜住細細塊既泡菜 上面亦灑滿紫菜 但如果加埋午餐肉既話會更加香🤤 個人認為味道偏淡 個擺盤好似去咗韓國食嘢咁 而且餐盤上仲有6款拌菜 味道不錯 配埋炒飯有唔同既口味 不過食完最後見到個碟有好多油🥴人參雞湯+星星炒粉絲💲1️⃣1️⃣8️⃣呢個餐超級豐富 唔單止有多款配菜 佢仲有韓國炒粉絲同大大碗既人參雞湯 加埋隻荷包蛋 見到都已經食慾大增🤤每啖雞湯都有好香既雞味同淡淡既人參味 隻雞仲要好嫩滑 其實就咁食都已經好好食 不過你仲可以選擇點鹽食 去加重佢個味道 但因為佢始終係雞湯所以點都會有少少油喺面 另外雞裏面包住啲米飯 令到個湯好有口感😍個粉絲就正常發揮唔會太油膩 佢每個餐既份量都好多要用埋裝甜品個胃去食🙃<><> <><> <><> <><> <><> <><>味道：👍🏻👍🏻👍🏻👍🏻環境：👍🏻👍🏻👍🏻推介：👍🏻👍🏻👍🏻👍🏻<>&#

來之前已經看到這家店好壞評參半，但對韓餐還是有一定興趣，於是踩大雷和友人兩個人各自點了一個118的餐盤，食材質素都一般。首先是涼菜的炒芹菜，已經發黃，根本不是新鮮芹菜的色澤，不知道擺了多久。然後是湯裡的豆腐，酸味嚴重，懷疑儲存不當導致。最後是炸雞，我不瞭解為何都是雞背，祇有肋骨，鷄肥油，炸皮，和一些不知名圓柱狀類似內臟的東西，是讓客人瞭解雞的結構嗎哈哈。至於雞肉，祇有幾口。所以慎重考慮是否光顧此店。

平時唔點食韓國野既我， 我覺得佢好有韓國既味道 連店員都係講韓文。 唔講真係以為自己去左韓國佢既炸雞我覺得係出色既，我地4個人叫左咁多野都好飽食唔哂，價錢都比較親民 唔會話好貴相反，因為炸醬麵我地因為放得耐先開始搞佢。 佢凍哂 所以搞唔郁 變到好難食，如果親熱整 搞暈佢，相信會好食好多。環境主要用銀色為主，不過我覺得因為枱同地方唔平行 所以會搖搖下 呢個有改善既空間 。佢搖搖下 主要問題係會令到杯入面既水 倒瀉。佢個煎餅 相對出色，而且泡菜都好正宗 食物比較大份

< 星星 Pho Cha >呢間算係幾正宗又抵食既韓國野🇰🇷 菜式種類多又唔貴 不過walk-in 等位就預左20mins+啦幾多人去食嫁 而且餐廳比較細 坐得都比較逼🤔 入面都幾多韓國人食-海鮮蔥餅 $108好大份呀 海鮮都算俾得多 無平時食煎餅個陣油膩感 係偏厚實既 簿簿地既pancake咁啦🥞 味道都幾好 有個魚露定汁點下～星星單人餐 $138抵食之選✨ 好多種配搭既set！一大堆前菜又有湯同飯或者麵 都係啲大路既韓國野啦 炸醬麵海鮮麵咩年糕個啲🤣 值得讚下係個參雞湯 幾入味 d雞算滑🐔-📍星星 Pho Cha佐敦文英街18號文英樓地下

係佐敦既呢間《星星》有兩間連住既舖位，一間做外賣，一間做堂食。今次晚市堂食，兩個人叫左一份雙拼炸雞（原味拼酸辣），一份原味紫菜包飯，一份芝士炒年糕。每枱客人都會包免費一份前菜，都係例牌個啲涼拌芽菜，菠菜，泡菜；前菜略嫌味道較淡。炸雞大大份，但有啲失望，雞肉較乾，冇肉汁，原味炸雞更加係冇味；酸辣味就太甜，完全唔辣，下次唔會再叫。紫菜包飯餡料好多，飯都包得好好，唔會一夾就散哂，調味方面如果多返少少麻油就prefect!最出色係芝士炒年糕，份量非常多，入面仲有麵同魚片糕，芝士味十分濃，基本上每一啖都會食到好濃芝士味。年糕質地都煮得好好，唔粉，好軟糯，好食！

💛星星 Pho Cha·烤豬肉拌飯$88 (午市$63)呢間我哋之前已經食過幾次㗎喇 不過我通常都係食佢個石鍋拌飯 今次試左呢個我自己更加鍾意😍😍佢既拌飯配料超多 撈完之後係真係每一啖都有配菜 口感好好 而且我最鍾意係佢呢個入邊有好多紫菜 撈埋好好味🤤🤤之後佢個辣醬係甜甜地嘅 唔會話太辣 之後個個豬肉都完全唔會柴🐷😌😌·#rbyeat#rby韓國菜#rby💛#rby佐敦·📍佐敦文英街18號文英樓地下

去完新開嘅M+，附近圓方嘅餐廳貴夾唔好食，忍住餓咁求其行去佐敦希望揾間平平地塡下肚就算。就咁聽個名會以為係越南野，不過其實係韓國野。店員大多唔係香港人，不過講廣東話佢地都聽得明。上網再查先知我地誤打誤撞去左間黃店，仲要食物質素唔錯。可惜去到已經冇午餐下午茶，要單點。聽隔離枱話炸雞唔好食，好彩冇叫到。前菜比嘅泡菜都幾好食，夠脆又辣。食開嘅紫菜包飯都係伏，日式嘅飯卷求其加翻啲麻油就叫係kimbap，所以本身都對佢冇咩期望。友人要左烤牛肉拌飯($88)，味道係想像中嘅味道，唔算太大驚喜，不過夠熱辣辣。要左泡菜呑拿魚紫菜包飯($78)，本身以為唔多，但上到黎有成條咁多，頭尾都比埋你。食落味道好有層次，泡菜包住罐頭呑拿魚，再加上紫蘇葉高質，饀多飯少又夠實淨，食完就飽哂。單點價錢係偏貴，如果食午餐set會扺好多，食物質素唔錯，下次有機會都會想再食。順便仲可以去附近買布丁包食。