明記麵食

營業中

休息中

呢間旺角車仔面堅！首先湯底 醬汁是油係精心醃製濃得黎香忍吾住飲左兩啖！ 各種車仔料中上級別 , 雞翼尖豬皮魚蛋冬菇！尤其係 大腸清得乾淨 勁林勁入味， 豬紅， 軟身勁滑殊一聲就吸左入口，墨魚丸勁新鮮咬到有墨魚彈牙既肉。 再加上没有皂水味既粗面 吸哂d 汁！ 呢間明記麵食真係冇得輸。食食食！ p.s. 環境係勁hea 嗰d 似咸豐年車仔面既感覺

買完了龜，剛才吃的通粉早已消失，不想太飽時，吃碗車仔麵最好。明記位處火車站跟花園街之間，店子很細，座位一般都是「面壁思過」，連同街外位都不過十個，主打的都是舊式風味，品種選擇不多，但基本上水準都是不俗，人家畢竟是老字號，正好是在下最喜歡的風味。可能就近購物點，自由行人數頗多，懂門路或湊熱鬧的客人都不少，所以往往要等位。麵條底選了粗麵，因為可以沾多點湯，又有嚼口；水魷是白灼，另外要求浸泡一下醬油，會入味得多，用的是阿根廷貨色，很爽口彈牙又肉厚，好味；菜是通菜，甭說什麼新鮮了；豬紅很滑溜，很少地方有正宗豬紅了。車仔麵曾伴著在下渡過學生時代的日子，但如今政府處處打壓，美其名改善環境，但似乎是本末倒置，執法不力能怪誰？入舖只會令成本上升，一碗麵可不便宜，當年大家捱世界的日子已不復見，所賺的還不是轉個方式，通通入了有錢人手中。

見到唔使等位，衝左入去。明記係傳統車仔麵格局，地板裝潢碗筷陳列都有歲月痕跡，鍾意懷舊可以一去。今日食左邪惡三餸（牛肚、蘿蔔、豬腸）米食物：三樣都鹵得好入味！尤其牛肚連埋牛筋，喺香港呢個勢利講快速、高回報既地方，坊間難得有店咁好心機去炆淋佢，入口好似啫喱咁～骨膠原！蘿蔔一睇個色就要食，淋、無渣，雖然唔算清甜，但入口即溶。豬腸係肥腸，色唔係深，不過都入味（可惜當日有舊整得唔乾淨）。由於老板舀湯好似配方咁溝左幾樣，色濃但清甜，有味精，但唔太重，飲左好多都唔會過份口渴。環境：對於懷舊控呢講係一流，香港仲有幾多地方坐木材高櫈仔、用公雞碗，自閉食自己既地方？服務：全自助零服務，不過聽到人客怕辣但又想食辣魚蛋，老板二話不說俾唔辣魚蛋加辣汁，細心！感受到以前互相幫助既情懷！價錢公道，好食，難以挑剔。辣椒醬係是拉差，配料一流，但麵都係桂林夾啲。

有時候見車仔麵檔九千幾樣食物，但客人都只係點三幾款，明記就係一個好例子。位處旺角火車站天橋底，但店內座位不多，而且經常滿座。店內可點的不多，牛腩及豬腸常吃，今次先來水魷，是阿根廷貨，爽脆可口，浸一浸醬油先食，十分惹味；豬紅滑溜，很少地方食得到，配上粗麵底，份量恰到好處，再澆點辣椒醬，簡單而美味。

小小的一間店舖，應該經歷不小，今日就試試魚蛋粉，很有風味的器皿。大家不要要求好衞生，始終是經典老店。味道不錯，湯底不咸，魚蛋彈牙，味道不錯，而且食完不太喝，應該不太多味精，okok

明記麵食的位置是在火車站行出天橋.幾分鍾就可達呢間店.環境很簡單.枱只係一塊板.椅是沒有背的.椅排得密密麻麻,什有壓迫感.枱的底部是放店主的貸.環境雖簡單,但客人卻源源不絕.車仔餸也是傳統的.我眼看麵只有油麵,幼麵.米粉,餸只有大約八至十款,點了菜,不足2分鍾就可以開餐.四餸米粉,豬腸,豬紅,牛丸,通菜,米粉,加汽水36元,豬腸:是粗的一種,入口很有彈性.肥膏亦不算多,所以香味不足,但鹵汁亦入味.越咬越香口.豬紅:好正.非常滑身.根本不用呑,味道又滑又香.推介.牛丸:大大粒,彈牙,口感好.但牛味不算重.是來貸的.不可強求,通菜:新鮮份量多,又乾淨.菜味濃郁.吸了湯底鹵水汁.味道更夾.更好味.菜對健康好.要食.湯底不建議飲.鹵水汁會過鹹,喝完一定口喝,但建議加辣醬,味道更佳.埋單36元,服務雖冷淡,食物不俗.價錢都合理.應有下次.

四月九日 (星期一)來到復活節的最後一日假期轉眼間四天假又完了，下次再放長假就是五月份的北京之旅，期待中…這數天老公仔都要上班，他的復活節假期一早就完結，真可惜在他上班前，到金魚街買燈膽給龜龜，還一起吃"最後午餐"!突然想到了這家位於旺角花園街(即魚街附近)的明記麵食這家不太起眼的小店其實一直都很有人氣，附近的食店換了幾次，它仍然能夠生存至今一碗廿幾元的車仔麵，加上不足十個位的小店，又憑著什麼來生存? 真的是要一試才知朋友Y曾經提及過這裡的豬紅，令她一試難忘有別於一般的車仔麵檔，豬紅是幼切的，很薄身吃落散發出豬紅的香味和一點羶香，果然是這裡的招牌作品不過，豬腸就略為韌，且味道偏淡豆卜很大粒，吸湯力強，很不錯牛丸大大粒，肉質尚能保持爽口但牛腩卻較死實，咬起來沒有彈性，味道一般坦白說，車仔麵檔的餸菜較普通，沒有火花如果能入上些少創意(如紅磡的蒙麵)，就會令人留下更深印象無論如何，在旺角區，吃到廿多元的一個午餐實不容易，這裡算是難能可貴

舖位非常細少狹窄，條路只可以側身比兩個人行過，肥啲都唔掂。店內只有面壁位四五個，有街邊面壁位兩三個。師父非常啖定地、柔柔地煮理佢既車存麵，跟其他車仔麵檔衝衝忙忙，急急急既感覺非常不同。真的給我一種很舒服、歇一歇、可以慢慢嘆個靚麵既感覺，正。放工未食 lunch，行街行到太肚餓，搵極幾條間一間麵檔都無 ﹗好采幸運女神照住，終於發現到間麵檔，即刻衝入去醫肚啦 ﹗車仔麵都照殺 ﹗估唔到食到好野喎 ﹗牛筋蘿蔔豬大腸菜芯粗幼麵雙併，只有牛筋供應，沒有牛腩的啊 ﹗牛筋炆得入味又棉滑嚥靭，好好味 ﹗蘿蔔帶酸又有渣，Bad ﹗放棄 ﹗大腸爽口又彈牙，好食 ﹗菜芯啲葉爽嫩，但莖部唔夠熟，好生呢，食唔到要放棄 ﹗粗幼麵雙併，師父耐心地慢慢將麵烚好，軟硬適中，又爽口彈牙。而且用既麵係較一般車仔麵檔既蛋香濃，好喜歡 ﹗再加上甜美可口濃郁既湯底，正呀 ﹗要飲多幾啖。

呢間明記～由我媽個代做到呢家～仍然迄立不倒！！我媽媽以前成日都幫親！到呢家仍然起花園街迄立不倒既車仔麵檔！嘩～個到既豬紅真係一絕！湯汁正！好好食架！外表都係廿年沒變呀！好好珍惜！由於我唔食牛。我媽話個到既牛筋同豬腸豬皮好好食呀～～～大家都去食下啦！我上次豬紅+冬古+粗麵=$17咋~~價錢合理！:其實呢家出得街食都唔係好避免到味精呢樣野！最重要係佢處理食物製作既過程。普通車仔面你沒特別要求話要辣定你既送有牛既話～都係水喉開出黎既滾湯但明記次次都會俾埋Ｄ精華俾你，佢次次都咁整～每日都要整成幾千碗。當你叫哂送～佢就會用佢既”詞斤”(--->我唔知點叫佢呀..)係唔知點～起Ｄ格仔都個到”不”幾下～～個到又”不”幾下～～不落你碗野到！日日咁"不”。真係怕老闆身體有問題．．．．．．．起到寫食評～希望佢都要注意身體啦！！!同令大家認識呢間明記。我真係諗唔起邊到可以再食返明記既豬紅同佢次次都咁好味既湯底！

明記車仔麵位於旺角花園街很多年，外貌古老，分明就是海洋公園香港老大街要找的感覺。小店可以迄立不倒，一定有過人之處。難得經過就要重溫舊味了！店鋪依舊，桌面只有橙色辣椒醬，點了油麵、牛丸、豬皮、牛筋、大腸，湯底清而不油膩，牛丸彈牙爽口，豬皮牛筋入味，大腸沒有恐怖肥膏，油麵是最襯車仔麵的選擇。最重要係食完無口乾感覺，證明味精欠奉。外貌依舊，味道依舊，感覺依舊，怪不得可以吸引新知舊雨，抵抗時間巨輪，老闆要繼續加油呵 ~~~

其實偶爾也會到旺角逛街，時常也來去匆匆，一直也沒有留意到此店，看到此店的食評，特意試試。愛吃車仔麵的我，瘋狂點了豬大腸、豬紅、蘿蔔、魚蛋和菜來配幼麵。豬大腸咬下很稔，煮得很入味；豬紅的確如網評所以的「從沒吃過如此滑的豬紅」；蘿蔔亦做得出色，同樣夠熟夠稔夠入味；魚蛋以為會在相比之下遜色，怎料彈牙亦有魚蛋香，是我喜出望外的，真的抵讚。而菜亦是高水準之作，爽口葉嫩，煮的時間剛好。食店亦有心思，地方不多，在枱下特設儲物格，方便食客擺放物品，good ar！有機會會再吃的！

沒有吃早餐的我，下午立時衝出旺角找吃的，真的未有細想吃什麼了，甫下了車，見到有檔車仔麵，見店內有不少食客，就快先來吃碗麵才算。店家有齊車仔麵的主打餸，豬皮魚蛋蘿蔔牛筋豬紅大腸，最後要了豬皮、蘿蔔及大腸，另也點了生菜及本人很愛吃的鹵水翼尖，麵當然點了例吃的油麵，最後也着店家下多一點辣汁。雖是一碗嗱喳麵，但是都是慣了要喝口湯，由於下了不少辣汁及腩汁，湯喝起來都幾稠味道幾濃，不過比起老銅的榮記及新記都未算是太濃味，而辣度就於我而言仍是不太辣，接下就來口麵，順滑腍得不過份又不油膩，以油麵來說就是不錯的了。至於本人點的餸菜又如何？蘿蔔清甜無渣，不過是屬於爽口派，沒有被煮至軟腍；生菜很是爽口，雖然沒有菜的青甜，但至少不會苦澀。雞翼尖也足足有至少五隻，雞翼尖口感方面是硬了一點，而且又唔夠味，很明顯是鹵得不夠入味吧；豬皮是有咬口得來，都吸了不少湯，其味道都是靠個湯，但以其質感而言，可說是煮久一點，再吸多點味，腍一點更好吃。每次吃車仔麵也會要大腸，此店的大腸煮得彈牙有咬口，內部的肥膏仍不少，塞住在腸璧內，擠滿了不少香潤的脂肪層，吃起來香嫩，油香滿溢，個人認為是是日多款配料中，這大腸真的可說是最為棒的了。

在貴網寫到三千大關,好些朋友問我,會不會繼續寫下去?我答:會,繼續,但應該要開始轉一轉方向.在貴網寫了十幾年,你說沒有感情,就是呃你,但深感空間始終有限,在未來的日子,會將重心放向另一邊了.廿多年前首次來到花園街"明記"吃車仔麵,那時候因為家弟在附近上學,不時走過來.記得當年吃個車仔麵,十塊錢也不用.味道嘛,那個時候,怎懂得說不?有得吃,已是一種福份.進化到今天廿一世紀一零年代,車仔麵的配料多得令人眼亂,反而忘記了車仔麵原有的風味,是日再次來到明記,門面廿多年如一,還是這樣簡陋.車仔麵的材料,只是最基本的魚蛋,豬紅,豬皮,豬腸,蘿蔔,菜,魷魚等等.麵條也是幼麵粗麵,當然沒有出前一丁.好些人會覺得很單調,但這是真正車仔麵的原貌,現今在香港,像明記幾十年不變的車仔麵檔,恐怕已賣少見少.粗麵彈牙,沒有鹼水味,咖厘魚蛋彈牙,可惜咖喱和魚蛋同床異夢,不過咖喱汁實在惹味,豬紅滑得直入喉嚨,蘿蔔味道甜而不苦,豬腸處理得很好,完全沒有臭味,而且很肥美.湯頭混合了咖喱汁,濃甜惹味得一乾而盡.這一碗外表平凡的車仔麵,不是什麼天下美味,是少年時候品嘗過的古早味,唯一與當年的不同之處,就是價錢,現在吃四"送"

我真的不明白為何明記不是米之蓮的三星店，豬紅豬腸可是徇香港一絕哦～特別是豬腸在其他店沒有可能吃到的味道，而豬紅可真的太滑了，希望明記可以保持水準而且不用受貴租之苦！

記得以前吃真是推車仔小販賣的車仔麵,企喺街邊揸住隻大湯碗就地正法.外賣可惨了!那時發泡膠碗並未盛行,是用兩大張油紙捲成窩形包埋加個背心膠袋便算!回到家裡要再倒在碗中吃.配料也就是來來去去八款再加菜而已(因當時車仔多數是八小格裝餸,一大格用來淥麵淥菜)想不到這種舊格式風味到現在還有,當然也有進化.起碼是入了舖及有簡單的地方可坐.是選擇困難症者佳音!不用在幾十項剔紙仔上花腦筋.清清楚楚一目了然.豬皮,牛筋,豬紅,大腸,蘿蔔及油麵,偏向深色的湯底沒沙爹醬沒咖喱汁(甚至沒有匙羹供應)但吃起來卻非常討好,所有配料也不是以重蒜頭重醬料去炆煮,整碗麵也油份不多.牛筋炆得入味質感有點像吃蒟蒻.豬皮味道略淡可以炆得再軟淋一點.豬紅----很少吃到這麼滑溜的豬紅!可用筷子輕力夾起不易散,幼滑程度如吃啫喱.大腸----清理得乾淨羶味不重,軟淋中帶點咬口.蘿蔔----顏色有點像日本的關東煮大根,吃起來軟淋味道帶甜,但老了一點有少許渣.這店食物的味道正正就是當時街邊檔簡單的味道.車仔麵好吃的蘿蔔會聯想起車品品,而好吃的豬紅則會聯想起這裡.