明記麵食

營業中

休息中

禮拜日諗左好耐都唔知食咩好, 本來諗住同女友去永合隆食佢最鍾意燒肉飯啦, 點知佢話唔想食呢d野喎, 可能睇完新聞啦, 驚有cancer呱, 於最乎佢話不如去呢度食車仔麵, 我直頭精神唯之一振, 因為呢度係師傅至愛喎, 梗係好啦!入到去好好彩唔多人, 唔使等就有位, 於是乎一碗要左幼麵, 牛丸, 豬皮同埋豬腸, 另一碗就要幼麵, 生菜, 豬皮, 豬紅, 牛肋同埋豬腸! 二話不說, 師傅第一啖就飲啖湯先, 頭啖湯呀嘛, 相當醒神, 正呀; 生菜感覺好乾淨, 好爽口, 配埋個湯底好好味呀; 豬皮依舊超爽, 好入味, 好咬口, 正; 豬紅又唔會一夾就散, 仲幾大舊幾滑下, 好有口感, 再加埋d辣椒醬直頭一流呀; 牛肋超腍超入味; 豬腸又腍又大舊, 好好味; 仲有牛丸又係好鬆好腍, 一d 肋都冇, 得呀; 幼麵就唔使講喇, 唔會太硬又唔會太腍, 好, 加埋辣椒醬直頭正呀, 又係冇得頂呀!食飽之後, 師傅就好滿足咁走喇! 埋單$44, 真係抵食到顛呀! 唔知幾時又會再去呢? 師傅我大膽講句呢度都可以算係車仔麵之皇!

地方淺窄，環境嘈雜，但經典車仔麵湯底別處難求，豬皮、大腸、魷魚、豬紅、蘿蔔的味道均屬只此一家，絕無分店！幾位煮麵師傅當中，以不苟言笑的長髮哥哥煮的麵最好味，他配搭調味料的分量最好。唯一缺點是麵餅細得驚人，我吃兩個還嫌不夠。但它的粗幼麵實在超靚，一點梘水味都沒有。如此水準，如此價錢（通常$20以下），難怪永遠排長龍。

經過花園街,心思思又幫襯這裡車仔麵今次點了粗麵,魷魚,豬紅及豬腸粗麵比上次油麵的份量還要少魷魚-可能用鹼水之類處理過,唔硬,好爽豬腸-比上次肥,無咁好食豬紅-依然好滑

舊同事介紹過好食排隊就到本人時,老闆突然加醬油等調味料心涼了一節,怕食物不夠入味麵量好少,所以見到幾位女士都要雙份麵豬腸-都ok入味豬紅-好滑,好味蘿蔔-入味之餘,吃到蘿蔔的甜味如果不是遇著剛加調味料,相信更好味

話時話車仔麵真係食左好鬼多間, 硬係冇咩邊間夠呢度好味道! 真係食左16年有多, 佢地味度依然冇變!而有d由有食到冇喇! 好似以前有牛肚食, 而家冇左喇>_<! 先講湯底, 好味到不得了, (不過一定有d味精)但係佢依然吸引到我, 我覺得佢簡直係成個車仔麵靈魂! 有粗麵, 幼麵, 油麵同米粉, 不過我最鍾意食幼麵, 絕對冇(簡)水, 正呀! 就一定要食豬紅, 豬腸, 豬皮!豬紅唔會一夾就散, 仲幾大舊下, 非常有口感!豬腸唔識得形容, 一個字, 正呀!豬皮超爽, 入味, 好食!仲有加d咖喱汁, 配埋辣椒醬, 一流!其他如蘿蔔, 魷魚, 牛肋同豆腐都係好好味! 冇得頂!講講下又想去食喇! 地方就一般, 不過就真係好有車仔麵feel囉! 最衰就係收工收得太早, 晚上8:30後都冇好難有得食架喇!

係旺角讀書咁耐，大大話話都試左好多間車仔麵，呢間都係食過最好食。每次經過都好多人排隊，所以到最後都打消左念頭，不過...今日終於可以品嘗到湯底較清配埋腩汁剛好，食完唔好喝。豬腸爽勁香...掂，豬紅大大塊...有口感，蘿白好入味無渣，豆卜...好味！雖然間店細細間，食完真係快閃，不過如在花園街附近，小妹極力推薦這間，真係好味過佢斜對面轉彎位果間^^"

呢間車仔麵, 我同一班中學同學幫襯左佢十幾年, 係我食過最好最抵食的.精選為:蘿蔔, 超入味兼無渣 豬腸, 勁好 魷魚, 好大條, 又多鬚.佢個咖喱汁同辣醬都好出色仲要係好平, 20蚊左右一大碗, 唯一弱點就係坐位好窄同埋衛生環境一般

琴晚突然好想食車仔麵橫豎要去旺角記起每朝經過呢頭都見到坐滿人今日一於黎試下叫左豬紅,蘿白,豬腸粗麵朋友仔要左牛筋腩,豬腸同魚蛋油麵豬紅係又長又薄身既唔同平時見到一粒粒O個D好滑口蘿白入味豬腸唔太肥但有少少"壓"味試過朋友仔既牛筋幾淋又入味魚蛋無乜特別不過個粗麵底份量真係少左D點完"送"後佢會加湯加腩汁又加左咖哩魚蛋既味少少辣幾野味不過以三"送"一麵16蚊都係抵既哥哥仔好有禮貌不過地方真係好細食完要即走佢正正係O係弼街對住上新世紀天橋底