旬彩火鍋

營業中

休息中

尋晚就去咗食呢間日式火鍋放題 位置勁方便我，因為係megabox 姐而價錢都唔貴，最貴既set 都係$398 不過！已經係日本黑毛和牛！！ 🤩🤩一人一鍋，可以自己揀鍾意既鍋底，而加湯，出面可以自己fill 我呢就要左個壽喜燒湯底，甜度適中，唔會太甜！配上靚靚既牛肉 🤤🤤 就啱啱好啦而揀好餐同湯底，佢哋會每樣肉類都上 比你食住先，而且亦會介紹返邊種打邊種，方便你之後encore 而叫得呢個餐，黑毛和牛當然係重點啦！你望到佢油花好靚！更重要嘅係 佢次次黎既水準都好穩定！🤩🤩🤩 我哋都食咗好多份 至於其他肉類，我就推介牛板腱，相對無咁肥，肉味會比較突出 ，平衡下口腔既油膩感 另外，仲可以叫啲壽司黎食，雖然款式唔多，但係好食架！ 另外，呢度既飲品都好出色！竟然有自家製既花旗蔘蜜，鴨舌香檸檬茶等等！ 😎😎呢個真係值得一讚！至於甜品方面，有西瓜啦、蛋糕仔、雪糕、仲有可以自製刨冰corner !!

任食火鍋壽司放題$158起，最貴套餐$398！$398呢個餐比上一個價格相差$160，就係多左日本黑毛和牛！牛味真係唔同啲，係有性價比既。其他幾款肉就係爭啲，但都唔差，賣相都靚。不過我唔知點解明明我每款叫一碟，拎完野飲同調味料，枱面上已經每款比左兩三碟我！真係「受寵若驚」～一人一鍋可以各自選唔同湯底，八款選擇之中，香港限定的柚子貝柱湯最為特別，聞到柚子清新香味，但飲落又唔會好酸。日式火鍋湯底都幾清，所以我會去自助吧拎啲蘿蔔，豆腐等加入湯底，越煮越甜。手機落單除左肉，就只有壽司，雲呑，蜆及魚麵，還有額外付費食材如生蠔等。個魚麵都有驚喜，口感彈牙。除左超過三十款自助火鍋料，熟食有燒物及炸物，飲品有幾款茶及汽水櫃，甜品除左雪糕雪條，仲有豆腐花同自助刨冰，多款配料任加！我覺得個大阪牛乳雪糕幾好食，口感偏軟綿，有點似土耳其雪糕。

日本過江龍，首家海外分店，晚市120分鐘火鍋放題最平$158，呢個價錢真係算平，一共有4款套餐D. 日本黒毛和牛 $398一人一鍋，分別揀咗昆布及旨辛湯底，昆布清清地，唔錯～ 旨辛微辣，相對惹味啲！呢個餐最吸引一定係日本黒毛和牛，另外仲有美國SRF極黑牛、牛板腱、肥牛、精選牛肉及西班牙栗豚，頭盤分別每款肉兩碟，之後都可以任加！日本黒毛和牛，油脂分佈幾平均，肉質軟嫩，有少少爽口嘅感覺，點少少麻醬仲好味😋自助區有蔬菜、丸類及一般火鍋食材，亦有幾款熟食，飲品除咗一般罐裝飲品，仲有橙汁、香水檸檬茶等等雪糕除咗雪糕櫃入面有嘅，另外手機落單仲有幾款韓國雪條，朱古力雪條幾好味手機可以order壽司及火鍋配料，一定要食蜆，新鮮冇沙，好飽滿！

去了香港名物IKEA逛街後，選了一家日式火鍋放題店。選了最好的旬彩春夏限定 $398/位 放題晚市火鍋（包括美國精選牛肉、美國牛板腱、美國SRF極黑牛、日本黑毛和牛、西班牙栗豚及多款壽司任食😋）它是一人一鍋的，適合不同口味的朋友聚餐。它一共有八個湯底任君選擇，還有四種是香港限定的口味。這次選了壽喜燒鍋和香港限定的豚骨鍋。壽喜燒鍋不會過甜，把肉和海鮮的精華牛進去後，變得非常好吃。而豚骨鍋本身比較濃鬱，為食材增添了不少香氣，特別適合煮蔬菜。配料區有多達二十幾三十種，適合我這種貪心的胃🤭可以每款拿一件，樣樣吃一點🤭也有很多相對貴價的食材包括羽衣甘藍，辛辣麵等等，丸類也不是便宜貨。⭐️特別推介美國SRF極黑牛，相對脂肪較少，因此吃得到肉香。⭐️而日本和牛的脂肪當然相對較多，吃的是脂肪和肉配合的香氣。⭐️西班牙栗豚有驚喜，肉質柔軟，豬的香味，一湧而上！⭐️ 蜆蜆也推介，新鮮飽滿，有海水味也沒沙，吃了20隻😂⭐️壽司還好，畢竟不是專門做壽司的，建議把胃的空間都留給肉肉和配料。最重要是環境非常衛生，職員收碟很快，亦很有禮貌！

九龍灣MegaBox都有唔少餐廳選擇，呢日去shopping見到呢間日式火鍋店，裝修幾靚，空間感十足。餐廳主打日式火鍋放題，平日一人一爐價錢由$158起至$398，120分鐘任點任食。湯底選擇都好多，包括有壽喜、旨辛、昆布、飛魚湯、豚骨、豆乳、蕃茄及柚子貝柱湯。最重要係一人一鍋，可以按自己喜好揀選心儀嘅湯底。由於朋友係肉食愛好者，我哋點咗$398嘅餐，入面包括: 美國肥牛、西班牙栗豚、美國精選牛肉、美國牛板腱、日本黑毛和牛、美國SRF極黑牛。牛質素相當高，牛味濃郁，入口嫩滑。除咗牛之外，豚肉質素都好好，入口充滿濃烈嘅豬肉味。餐廳亦有自助區，提供有前菜、多種蔬菜、菇類、豆腐、丸類、小食等。麵食則有辛辣麵及出前一丁，簡直係打邊爐必食之選。自助區亦有飲品及甜品提供，包括果汁、汽水、茶飲等。甜品有沙冰同多款配料選擇，亦有雪糕、乳酪、豆腐花等，相當多元化。餐廳地方寬敞，環境舒適，晚餐放題呢個價錢已經有日本黑毛和牛同美國SRF極黑牛，其他食物質素亦相當不錯，抵食之選。

Megabox開咗間日本過江龍任食火鍋，dinner超多人食！🍲旬彩春夏限定 $398/位 放題晚市火鍋美國肥牛🌟西班牙栗豚美國精選牛肉🌟美國牛板腱日本黑毛和牛🌟美國SRF極黒牛一開頭每款會送上兩碟～黑毛和牛油脂多但口感會軟嫩啲。SRF極黒牛偏瘦，淥到啱啱熟就要起。相對地牛板腱就真係肥瘦有緻，嫩得嚟唔油膩，肉味仲好濃。掃QR code可以再落單嗌肉，仲有少量火鍋配料可以嗌。最特別係有壽司🍣任食，過下口癮都ok。自助區仲有蔬菜、麵、丸類。自助區有麥樂雞、墨魚春卷、燒賣。之後仲refill咗日式炸雞🍗。唔係講笑，我哋覺得啲來貨唔錯，忍唔住食咗唔少😂。甜品有乳酪、豆腐花、刨冰、雪糕、雪條～

📍Megabox新開日式火鍋店～晚市$158起就可以任食嘅火鍋放題，總共分咗ABCD四個set，set D $398仲可以任食埋日本黑毛和牛！套餐一上嚟會先上晒每款肉類，包括美國肥牛、西班牙栗豚、美國精選牛肉、美國牛板腱、美國SRF極黑牛同日本黑毛和牛。我哋都叫咗比較清味啲嘅湯底(柚子貝柱湯同蕃茄湯)，更加可以食到牛肉嘅甜味。和牛都幾薄切，淥2至3秒就食得，入口即化。嗰套餐仲可以任食壽司，叫咗幾舊試吓，就正正常常咁。出邊自助區就可以自己夾鍾意食嘅蔬菜、丸類、小食同甜品，菜嘅佢竟然仲會有花生苗同菜心揀。另外比較特別喺呢度會有自家製嘅竹蔗茅根、酸梅湯、花旗蔘蜜等等，都唔會好甜。食到最後除咗雪糕，仲可以DIY刨冰！

有一段時間都冇嚟MegaBox啦終於有時間過嚟試吓傳媒都有推介過嘅日本過江龍涮涮鍋放題😋 一人一鍋，大家都可以試到自己想要嘅匠人湯底。 湯底有分日本同香港限定兩個類別。晚市$398就可以食到日本黑毛和牛同埋美國S R F極黑牛，仲有壽司放題可以揀。火鍋自助餐嘅配料選擇豐富，仲有三文魚同埋雞肉，😍 好適合三心兩意嘅大家。特別要提嘅係佢嘅甜品同埋熟食區，有tart 又有豆腐花，仲可以自製沙冰🍧 超級多元化！茶水嘅供應亦都非常充足除咗雪櫃提供嘅罐裝嘢飲之外佢哋仲有竹蔗茅根、鴨舌香檸檬茶、酸梅湯俾大家選擇🥤簡單介紹吓D餐嘅肉啦🕊️ 🐮美國肥牛 & 🐷西班牙粟豚🐷粟豚口感較普通豬肉更加細緻！肉質更加柔軟，而且細嫩🐮美國精選牛肉口感偏瘦～🐮美國牛板腱肉質軟腍，而且有脆彈嘅口感🐮日本黑毛和牛有別於平時嘅西冷位，呢個用咗黑毛和牛嘅胸口位置。脂肪量低而且分散，所以口感比較彈牙有嚼勁🐮美國SRF極黑牛其實係日本和牛同美國頂級安格斯黑牛繁殖出嚟嘅品種😍 有日本和牛細緻嘅牛花，亦有安格斯牛嘅濃厚肉味，難怪口感咁豐富😋

食物質素是基本！對於我嚟講，最重要係同乜嘢人食、氣氛&舒適環境，仲有就係服務質素⋯今次去呢間就終於明白點解成日聽人講鍾意北上⋯⋯朋友話想試吓呢間，所以就即刻book枱試吓，裝修都好新，食物質素都唔算差，始終一人一鍋平民價錢，60分鐘午餐$108只有3片牛，雖然質素唔錯，但真係紙咁薄透光嘅，有菜有丸有出前一丁任食，汽水任飲，你仲想點吖⋯⋯呢間位於商業區嘅食店，午市繁忙時間都只係12:00-14:00，我哋book咗13:00，揀咗個60分鐘嘅午餐⋯好明顯我哋都係要返工唔可以坐大耐⋯14:00⋯帶位嘅長者女士就過嚟要求埋單同提我哋要離開，當時有兩位朋友唔想浪費，所以清緊啲尾水食物，亦都有朋友坐喺度食緊甜品⋯但係枱面已經無晒多餘食品，梗加已經冇再去攞任何食物或者飲品⋯當時已經半個場無客，梗加係無人等位啦⋯⋯不消2分鐘，佢又再過嚟叫我哋走，再不消2分鐘又再過嚟叫我哋走⋯我都有好好同佢講，朋友清埋窩𥚃面啲食物就會走⋯因為我哋都係要返工。我明白佢有佢嘅工作責任，亦都係講明60分鐘，自問都係好言雙向吖，但拜托注意一下態度同面口⋯餐廳選擇何其多，多謝你令我減少一個餐廳選擇嘅煩惱！！！最後必須澄清一點⋯

又到出糧既日子係時候同朋友豪食餐啦~~今次揀左係Megabox既旬彩火鍋食火鍋放題餐廳環境唔錯喎, 好大好光猛, 大大張枱座位好闊落晚市有四款120分鐘放題套餐~我地揀左日本黑毛和牛套餐$398/位~自助區有多款配料, 例如蔬菜, 雜菌, 麵食之類~~仲有唔少熟食添~包括燒賣, 春卷, 魚蛋, 炸薯條, 日式磨菇飯....每人一個湯底~ 可選:日本名物湯底: 壽喜, 旨辛, 昆布, 飛魚湯香港限定湯底: 豚骨, 豆乳, 蕃茄, 袖子貝柱湯壽喜湯底醬汁香醇, 甜度恰到好處~~旨辛湯底辣辣地非常惹味, 鍾意食辣既朋友可以一試套餐共有5款牛 & 1款豚肉~牛肉分別係: 日本黑毛和牛、美國精選牛肉、美國牛板腱、美國SRF極黑牛~豚肉就西班牙栗豚~~~日本黑毛和牛好正呀!! 雖然係薄薄切, 但口感不俗, 肉質非常柔軟其他牛都唔錯, 特別係美國SRF極黑牛, 牛味更濃郁及有咬口豚肉肉質柔軟, 又唔會好膩~~甜品就更加豐富, 有水果, 雪糕雪條, 又有yogurt, tart, 豆腐花...仲有韓國雪條添最特別係有刨冰丫!!仲可以加唔同既topping, 款式非常豐富!!!

MEGABOX地方大, 平時人流唔多都幾好行, 食野又唔太多人唔洗排隊等位今日食既呢間"旬彩火鍋"環境又係超大, 地方好闊落, 同屋企人一行四人食火鍋一大張枱都覺得坐得特別舒服晚市火鍋放題120分鐘有4個套餐, 價錢$158-$398~我地揀左$398套餐包日本黑毛和牛, 美國SFR極黑牛, 美國牛板腱, 美國精選牛肉, 美國肥牛 & 西班牙栗豚~~自助區有多款火鍋配料提供~包括蔬菜, 丸類, 菇類, 麵食等等.......仲有熟食同甜品區呢....飲品選擇亦好豐富~果汁汽水樣樣有.....不過啤酒就另收費喇~自助醬料區&自己Refill湯底~~每人一個月鍋湯底~一共有8款湯底, 包括壽喜, 旨辛, 昆布, 飛魚湯, 豚骨, 豆乳, 番茄, 柚子貝湯~番茄湯底味道濃郁, 每啖都食到鮮茄既香味豚骨湯底香濃順滑, 感覺滿滿骨膠原第一輪餐廳安排送上套餐既所有肉類~日本黑毛和牛、美國精選牛肉、美國牛板腱、美國SRF極黑牛、西班牙栗豚~~~~日本黑毛和牛薄薄的, 肉質細嫩, 口感輕盈, 多吃都唔會有負擔而我就最鍾意食美國SRF極黑牛喇, 鍾意佢有D口感, 牛味濃郁, 肉質軟腍其他肉類都唔錯, 無

好耐無行MegaBox🛍️原來開咗間新日式火鍋放題「旬彩火鍋」😲揀咗晚市120分鐘火鍋放題D餐(2位)✅.湯底🍲揀咗豆乳同柚子貝柱湯🍊2款湯底飲落都係微酸😉豆乳湯仲見到一粒粒豆腐😌柚子湯就比較清新💦.肉類🥩有日本黑毛和牛🐄美國SRF極黑牛🐂美國牛板腱、美國精選牛肉🐮美國肥牛同西班牙栗豚🐖黑毛和牛超香油脂又唔會太肥🤤SRF極黑牛肉味都重😋牛板腱油花分布平均😍精選牛肉同肥牛就比較普通🥺栗豚爽口👍🏻.壽司🍣有火炙三文魚壽司🐟腐皮壽司、熟帆立貝壽司、北寄貝壽司、熟蝦壽司🦐鰻魚壽司🐠八爪魚壽司🐙鱈場蟹棒壽司🦀意外地整得幾好味😱.火鍋配料🥢有蔬菜🥬🍅菇菌🍄丸類🍢麵食🍜另外，手機落單有蜆肉同鮮蝦小雲吞🐚🥟.熟食🥘有燒賣、春卷、日式蘑菇飯🍄‍🟫🍚.甜品🍮有自製沙冰🍧雪糕🍨雪條🍦忌廉撻🥧蛋糕🍰乳酪🥛水果🍉另外，手機落單有幾款特別雪條📱推介芒果雪條🥭.飲品🥤有汽水、茶飲🍵啤酒🍺水果類飲品🍎🍊🍇

日式火鍋放題 揀咗最高$398 120分鐘好夠我哋食，店員好有禮講解我哋可以揀一個人一鍋或者鴛鴦鍋，揀咗壽喜湯底同豬湯底😍先會放係枱上我揀套餐嘅幾款肉類美國肥牛好多脂肪好多油花唔係點豉油都好食西班牙栗豚豬肉薄片經過壽喜湯煮過好爽口美國精選牛肉牛肉嚟過啲種比較多脂肪，都好有牛香膻氣😋美國牛板腱好有口感牛肉味比較重，用日本芝麻醬點上更加提升香氣😋日本黑毛和牛一定要食啲碟日本黑毛和牛，超香牛肉油脂食一口唔會好油膩，不用點醬料都好豐富口感😆美國SRF極黑牛味道當然不及日本和牛，但美國黑牛特別重味，點上日本豉油都好好味😋放喺出面任食shabu shabu食材有牛丸、魚蛋、日本豆腐，仲有生菜、油麥菜、蕃茄，最特別就係日式蘑菇炊飯，啱晒我呢個飯桶唔夠飽可以食一碗飯🙈仲有好多唔同種類韓式雪條，仲有特別嘅日式蛋糕🍰😍而我一個套餐可以喺QR code數有特別嘅雪條，我就帶咗四款唔同嘅紅色薯條我就最鍾意芒果雪條同埋藍莓乳酸雪條，一條唔係一般嘅甜度係真係用咗嘅香味咬到芒果肉🥭真係好食🤤仲有藍莓乳酸味道好夾，忍唔住再encore多一條😆總結1️⃣覺得依間日式火鍋店時間啱啱好預算兩個鐘可以慢慢食，食到我停晒手都未夠鐘

啲丸食落去就好似一堆粉溝水猜埋一舊膠咁，係得一款牛肉叫做食得落。。。另一款係真肥牛。。好多肥膏嗰種嚟嘅嗰個細撻仔嘅甜品陣雪味同膠味好似擺咗喺雪櫃成個禮拜咁。。雖然我哋係晏晝3,4點呢啲鐘數嚟食，但唔係差到咁呀？晏晝無壽司食，其他嘢食嘅款式都好少。。。飲品選擇都係好少，就係3個好似家用嘅雪櫃再加職員倒入樽嘅鴻福堂飲品。。。食完嗰個撻仔而家成個口連胃都係一陣膠味。。。呢間嘢真係唔可能再嚟食到第二次

香港嘅食肆越嚟越少人，餐廳生意難做，食物嘅質素同數量亦都相應下降。第一次吃這間一人火鍋，越吃越唔對路，同網上嘅食評相差好遠。是日是星期六晚上，我們七點多入座，叫咗A餐試食最平嘅肥牛火鍋。肥牛真係好肥肉，肉小過肥膏。（一開始無影相，越食越嬲就過咗落單時間，影唔到肥牛有幾肥）出面自助夾菜、丸的款式種類亦都唔算多。（吉嘅盆係裝菜，長期吉）菜只有幾款，丸類嘅質感一啲都唔彈牙。有一兜雜丸，裏面不同種類的款式，每款都係得幾粒，相信係食淨咗之後放埋一堆，攞返出嚟擺，賣相非常之趕客，結哂冰，乾哂咁。熟食亦唔多選擇，只有薯條、蒸燒賣同一款唔知乜嘢。行過幾次出去都冇見到有refill。飲品款式比起其他嘅火鍋放題店少。餐廳自製飲品從來冇refill，長期都係吉嘅。甜品質素同款式都好差，只係牛奶公司、百福豆腐花、乳酪。點解我之前見到啲食評啲人係食韓國雪糕？係咪冇人食，所以即刻變曬啲平嘢？自製刨冰嘅樣貌亦都一啲都唔吸引仲有任食壽司，火灸三文魚壽司上面嗰舊都唔係三文魚，唔知係咩魚。仲要嚿飯超大，一定食到你飽。