旬彩火鍋

營業中

休息中

食物質素是基本！對於我嚟講，最重要係同乜嘢人食、氣氛&舒適環境，仲有就係服務質素⋯今次去呢間就終於明白點解成日聽人講鍾意北上⋯⋯朋友話想試吓呢間，所以就即刻book枱試吓，裝修都好新，食物質素都唔算差，始終一人一鍋平民價錢，60分鐘午餐$108只有3片牛，雖然質素唔錯，但真係紙咁薄透光嘅，有菜有丸有出前一丁任食，汽水任飲，你仲想點吖⋯⋯呢間位於商業區嘅食店，午市繁忙時間都只係12:00-14:00，我哋book咗13:00，揀咗個60分鐘嘅午餐⋯好明顯我哋都係要返工唔可以坐大耐⋯14:00⋯帶位嘅長者女士就過嚟要求埋單同提我哋要離開，當時有兩位朋友唔想浪費，所以清緊啲尾水食物，亦都有朋友坐喺度食緊甜品⋯但係枱面已經無晒多餘食品，梗加已經冇再去攞任何食物或者飲品⋯當時已經半個場無客，梗加係無人等位啦⋯⋯不消2分鐘，佢又再過嚟叫我哋走，再不消2分鐘又再過嚟叫我哋走⋯我都有好好同佢講，朋友清埋窩𥚃面啲食物就會走⋯因為我哋都係要返工。我明白佢有佢嘅工作責任，亦都係講明60分鐘，自問都係好言雙向吖，但拜托注意一下態度同面口⋯餐廳選擇何其多，多謝你令我減少一個餐廳選擇嘅煩惱！！！最後必須澄清一點⋯

又到出糧既日子係時候同朋友豪食餐啦~~今次揀左係Megabox既旬彩火鍋食火鍋放題餐廳環境唔錯喎, 好大好光猛, 大大張枱座位好闊落晚市有四款120分鐘放題套餐~我地揀左日本黑毛和牛套餐$398/位~自助區有多款配料, 例如蔬菜, 雜菌, 麵食之類~~仲有唔少熟食添~包括燒賣, 春卷, 魚蛋, 炸薯條, 日式磨菇飯....每人一個湯底~ 可選:日本名物湯底: 壽喜, 旨辛, 昆布, 飛魚湯香港限定湯底: 豚骨, 豆乳, 蕃茄, 袖子貝柱湯壽喜湯底醬汁香醇, 甜度恰到好處~~旨辛湯底辣辣地非常惹味, 鍾意食辣既朋友可以一試套餐共有5款牛 & 1款豚肉~牛肉分別係: 日本黑毛和牛、美國精選牛肉、美國牛板腱、美國SRF極黑牛~豚肉就西班牙栗豚~~~日本黑毛和牛好正呀!! 雖然係薄薄切, 但口感不俗, 肉質非常柔軟其他牛都唔錯, 特別係美國SRF極黑牛, 牛味更濃郁及有咬口豚肉肉質柔軟, 又唔會好膩~~甜品就更加豐富, 有水果, 雪糕雪條, 又有yogurt, tart, 豆腐花...仲有韓國雪條添最特別係有刨冰丫!!仲可以加唔同既topping, 款式非常豐富!!!

MEGABOX地方大, 平時人流唔多都幾好行, 食野又唔太多人唔洗排隊等位今日食既呢間"旬彩火鍋"環境又係超大, 地方好闊落, 同屋企人一行四人食火鍋一大張枱都覺得坐得特別舒服晚市火鍋放題120分鐘有4個套餐, 價錢$158-$398~我地揀左$398套餐包日本黑毛和牛, 美國SFR極黑牛, 美國牛板腱, 美國精選牛肉, 美國肥牛 & 西班牙栗豚~~自助區有多款火鍋配料提供~包括蔬菜, 丸類, 菇類, 麵食等等.......仲有熟食同甜品區呢....飲品選擇亦好豐富~果汁汽水樣樣有.....不過啤酒就另收費喇~自助醬料區&自己Refill湯底~~每人一個月鍋湯底~一共有8款湯底, 包括壽喜, 旨辛, 昆布, 飛魚湯, 豚骨, 豆乳, 番茄, 柚子貝湯~番茄湯底味道濃郁, 每啖都食到鮮茄既香味豚骨湯底香濃順滑, 感覺滿滿骨膠原第一輪餐廳安排送上套餐既所有肉類~日本黑毛和牛、美國精選牛肉、美國牛板腱、美國SRF極黑牛、西班牙栗豚~~~~日本黑毛和牛薄薄的, 肉質細嫩, 口感輕盈, 多吃都唔會有負擔而我就最鍾意食美國SRF極黑牛喇, 鍾意佢有D口感, 牛味濃郁, 肉質軟腍其他肉類都唔錯, 無

好耐無行MegaBox🛍️原來開咗間新日式火鍋放題「旬彩火鍋」😲揀咗晚市120分鐘火鍋放題D餐(2位)✅.湯底🍲揀咗豆乳同柚子貝柱湯🍊2款湯底飲落都係微酸😉豆乳湯仲見到一粒粒豆腐😌柚子湯就比較清新💦.肉類🥩有日本黑毛和牛🐄美國SRF極黑牛🐂美國牛板腱、美國精選牛肉🐮美國肥牛同西班牙栗豚🐖黑毛和牛超香油脂又唔會太肥🤤SRF極黑牛肉味都重😋牛板腱油花分布平均😍精選牛肉同肥牛就比較普通🥺栗豚爽口👍🏻.壽司🍣有火炙三文魚壽司🐟腐皮壽司、熟帆立貝壽司、北寄貝壽司、熟蝦壽司🦐鰻魚壽司🐠八爪魚壽司🐙鱈場蟹棒壽司🦀意外地整得幾好味😱.火鍋配料🥢有蔬菜🥬🍅菇菌🍄丸類🍢麵食🍜另外，手機落單有蜆肉同鮮蝦小雲吞🐚🥟.熟食🥘有燒賣、春卷、日式蘑菇飯🍄‍🟫🍚.甜品🍮有自製沙冰🍧雪糕🍨雪條🍦忌廉撻🥧蛋糕🍰乳酪🥛水果🍉另外，手機落單有幾款特別雪條📱推介芒果雪條🥭.飲品🥤有汽水、茶飲🍵啤酒🍺水果類飲品🍎🍊🍇

日式火鍋放題 揀咗最高$398 120分鐘好夠我哋食，店員好有禮講解我哋可以揀一個人一鍋或者鴛鴦鍋，揀咗壽喜湯底同豬湯底😍先會放係枱上我揀套餐嘅幾款肉類美國肥牛好多脂肪好多油花唔係點豉油都好食西班牙栗豚豬肉薄片經過壽喜湯煮過好爽口美國精選牛肉牛肉嚟過啲種比較多脂肪，都好有牛香膻氣😋美國牛板腱好有口感牛肉味比較重，用日本芝麻醬點上更加提升香氣😋日本黑毛和牛一定要食啲碟日本黑毛和牛，超香牛肉油脂食一口唔會好油膩，不用點醬料都好豐富口感😆美國SRF極黑牛味道當然不及日本和牛，但美國黑牛特別重味，點上日本豉油都好好味😋放喺出面任食shabu shabu食材有牛丸、魚蛋、日本豆腐，仲有生菜、油麥菜、蕃茄，最特別就係日式蘑菇炊飯，啱晒我呢個飯桶唔夠飽可以食一碗飯🙈仲有好多唔同種類韓式雪條，仲有特別嘅日式蛋糕🍰😍而我一個套餐可以喺QR code數有特別嘅雪條，我就帶咗四款唔同嘅紅色薯條我就最鍾意芒果雪條同埋藍莓乳酸雪條，一條唔係一般嘅甜度係真係用咗嘅香味咬到芒果肉🥭真係好食🤤仲有藍莓乳酸味道好夾，忍唔住再encore多一條😆總結1️⃣覺得依間日式火鍋店時間啱啱好預算兩個鐘可以慢慢食，食到我停晒手都未夠鐘

啲丸食落去就好似一堆粉溝水猜埋一舊膠咁，係得一款牛肉叫做食得落。。。另一款係真肥牛。。好多肥膏嗰種嚟嘅嗰個細撻仔嘅甜品陣雪味同膠味好似擺咗喺雪櫃成個禮拜咁。。雖然我哋係晏晝3,4點呢啲鐘數嚟食，但唔係差到咁呀？晏晝無壽司食，其他嘢食嘅款式都好少。。。飲品選擇都係好少，就係3個好似家用嘅雪櫃再加職員倒入樽嘅鴻福堂飲品。。。食完嗰個撻仔而家成個口連胃都係一陣膠味。。。呢間嘢真係唔可能再嚟食到第二次

香港嘅食肆越嚟越少人，餐廳生意難做，食物嘅質素同數量亦都相應下降。第一次吃這間一人火鍋，越吃越唔對路，同網上嘅食評相差好遠。是日是星期六晚上，我們七點多入座，叫咗A餐試食最平嘅肥牛火鍋。肥牛真係好肥肉，肉小過肥膏。（一開始無影相，越食越嬲就過咗落單時間，影唔到肥牛有幾肥）出面自助夾菜、丸的款式種類亦都唔算多。（吉嘅盆係裝菜，長期吉）菜只有幾款，丸類嘅質感一啲都唔彈牙。有一兜雜丸，裏面不同種類的款式，每款都係得幾粒，相信係食淨咗之後放埋一堆，攞返出嚟擺，賣相非常之趕客，結哂冰，乾哂咁。熟食亦唔多選擇，只有薯條、蒸燒賣同一款唔知乜嘢。行過幾次出去都冇見到有refill。飲品款式比起其他嘅火鍋放題店少。餐廳自製飲品從來冇refill，長期都係吉嘅。甜品質素同款式都好差，只係牛奶公司、百福豆腐花、乳酪。點解我之前見到啲食評啲人係食韓國雪糕？係咪冇人食，所以即刻變曬啲平嘢？自製刨冰嘅樣貌亦都一啲都唔吸引仲有任食壽司，火灸三文魚壽司上面嗰舊都唔係三文魚，唔知係咩魚。仲要嚿飯超大，一定食到你飽。

今日行行吓MegaBox，到左食飯時間就睇吓有啲咩啱食啦😆😆原來呢度開咗一間牛式邊爐店😝佢有四款套餐可以簡～最平有美國肥牛，都只係需要成人$158位🔥最貴嘅就係成人$398/位，有晒六款嘅肉俾你慢慢品嚐😗萬事火鍋放題 套餐D $398/位* 美國肥牛・西班牙栗豚* 美國精選牛肉* 美國牛板腱* 日本黑毛和牛* 美國SRF極黑牛坐定定之後，就出去出面拎嘢食啦 🤪🤪出面有唔同嘅蔬菜同埋丸類，仲有其他打邊爐嘅配料😍😍面仲有出前一丁同埋辛辣麵可以揀☺️自助櫃嘅飲品區同埋雪糕區都好多樣化，我哋揀完埋位之後已經見到六款嘅肉類已經上咗枱😌😌店員好貼心每一樣都order咗兩份比我地😍😍真係自己唔使再叫都可以食到好多款肉😗😗至於湯底方面就有八款嘅湯底可以揀啦～仲分咗喺日本同埋香港限定嘅湯底😙😙我同朋友就揀咗壽喜燒同埋柚子貝柱湯啦😙😙兩個湯底都好味道濃郁～壽喜燒甜甜地幾開胃😚😚一埋位已經聞到大大浸柚子嘅清香，估唔到呢個湯底都咁濃味😌😌食到咁上下，仲可以用QR code落單👻👻仲有多款嘅壽司放題可以任叫～～🤲🏻🤲🏻最後大家都真係捧住個肥肚腩咁走啦🤰🏻

同事話想食日式火鍋約我晚餐，餐廳裝修新簇又光猛，座位闊落舒服。一人一鍋湯底：蕃茄&柚子貝柱湯。我們選左$398/位，包美國精選牛肉、美國牛板腱、美國SRF極黑牛、日本黑毛和牛、西班牙栗豚及多款壽司和韓國雪糕。日本黑毛和牛：牛肉味香濃，薄切一淥轉色就熟，可惜肥多於瘦。美國SRF極黑牛：肉味都香濃。美國牛板腱：有牛味都不錯👍美國肥牛：色澤鮮紅明亮。西班牙栗豚：豚肉味甜好有肉香味。自助區：有多種蔬菜、各式丸類、韓國辛辣麵是我至愛。熟食區：炸雞、燒賣、魚條等⋯飲品區：樽裝、紙包、汽水、酸梅湯等⋯ 任選。雪糕：雪糕杯、雪條等⋯甜品區：有西瓜&迷你撻。掃QR code：壽司有雪場蟹腳、火炙三文魚、北寄貝、腐皮壽司等⋯海鮮：蜆、雲吞好味食左四粒。旬彩火鍋九龍灣宏照道38號企業廣場5期MegaBox 10樓5號舖

九龍灣MegaBox 行街完極肚餓， 當然想食放題， 我朋友說有間旬彩火鍋 🍲 最近做緊春夏優惠🥳：刺身拼盤 x 120分鐘晚市火鍋放題🤩一人一鍋，可先品嚐豐富刺身拼盤例如三文魚、帆立貝、鮑魚及赤蝦，新鮮質素不錯👍打邊爐湯底選擇都非常多, 肉類方面牛牛粉絲更一定喜歡💕美國🇺🇸精選牛肉, 美國🇺🇸牛板腱, 美國🇺🇸SRF極黑牛, 澳洲🦘種穀飼和牛, 西班牙🇪🇸栗豚等等選擇非常多！自助吧配料更有齊蔬菜丸類, 仲有烏冬任食喔！甜品🍮多選擇更有韓國🇰🇷雪糕呢！你

本身行過MegaBox諗住搵嘢食，去到門口有人Sell你去食宵夜放題，都冇預話有啲乜嘢好質素，只求舒舒服服食飽就算。點知入到去都冇提過60分鐘，一直都唔清楚有呢個時間限制。咁都唔緊要，如果你係咁緊張60分鐘應該45分鐘就嚟提醒你？一到60分鐘都未夠就叫你食快啲，之後就有唔同既人黎催你離開。其實講緊出面已經乜都收晒，佢啲員工叫我哋攞多啲返去食，點知根本就唔會食得切，唔通浪費食物就好應該？明明佢收10:30，但係就一路食一路有說話比你聽，開頭一個話等埋(其實佢都未收得工？)，之後食多兩啖就另一個人話黎罰錢。問佢幾時講過60分鐘，佢夠膽答依家講，真有趣。全場大拿拿4,5枱客禁多，一定好急交枱啦？咁咪多我一個唔多，下次唔食囉其實都係任食丸同菜姐，應該大把選擇？起碼唔使食到好似考試咁樣一夠鐘就要停筷子交枱？

旬彩春夏✨ 刺身拼盤 x 120分鐘晚市火鍋放題 ✨作為單身女漢子既我😂一人一鍋就啱哂我一入座就上超豐富嘅刺身拼盤有三文魚, 八瓜魚, 帆立貝, 鮑魚, 榮螺, 赤蝦😍真係塊塊都超新鮮🤤勁鮮甜, 前菜對我嚟講已經非常滿足🤣到打邊爐正題湯底可以自己任揀🤩湯底嘅選擇都非常多, 肉類方面牛粉絲既驚朋友就驚就啱晒啦🤗美國精選牛肉, 美國牛板腱, 美國SRF極黑牛, 澳洲種穀飼和牛, 仲有西班牙栗豚🫶🏻選擇非常多😝牛嘅質素都好好㗎, 片片都係鮮紅色, 牛味香濃有嚼口🤤自助吧配料都非常多蔬菜丸類, 唔夠飽都仲有主食有烏冬, 出前一丁公仔麵同辛辣麵🤤 甜品都有好多選擇🫠 多款必定食嘅雪糕之外, 仲有豆腐花啫喱等等🤗120分鐘真係食到飽住走都係每位HK$328咋😝

九龍灣MegaBox竟然有間日式火鍋火題🙈今晚決定一戰，正呀！店舖裝修光猛，座位闊落，坐得舒服🤗出面有個自助區，有齊蔬菜同唔同種類嘅丸👍🏻另一邊仲有個飲品同雪糕甜品區🎈生果仲有西瓜食添🥰重點黎啦，呢度上菜速度非常快，我哋個餐有美國肥牛・西班牙栗豚，美國精選牛肉，美國牛板腱，日本黑毛和牛同美國SRF極黑牛🫶🏻肉質鮮嫩，一睇就知好味😋果真淥熟之後依然嫩口🤩和牛同黑牛真係唔使講，，一定要encore😍餐廳仲有壽司🍣提供，例如火炙三文魚、北寄貝、雪場蟹腳、甜蛋、腐皮壽司等，真係好正呀😍真係食到飽一飽👍🏻

今次嚟到呢間旬彩火鍋,實在太正!佢哋提供咗好多新鮮嘅優質食材,令人垂涎三尺。120分鐘任食嘅SRF+牛板腱同精選牛肉,真係肉質嫩滑,彈牙爽口。加上可以任食嘅栗豚肉,既營養又好味,絕對係肉食控嘅最愛。入嚟個陣先聞到同飛魚湯味,味道清鮮濃郁,真係非常惹味!柚子貝柱湯底亦都果然唔錯,香甜可口。佢哋仲準備咗精選嘅刺身拼盤,新鮮度超高,各種海鮮味道極致鮮甜。最後,仲有其他特色嘅壽司,包括火灸三文魚壽司、鰻魚壽司同埋鱈場蟹棒壽司,實在係百味俱全。和牛牛味十足，雪花分佈均勻，入口即溶， 你想仲有好多唔同牛嘅部位， 牛嘅品種可以選擇， 款式應有盡有

如果你想搵一間可以滿足唔同口味、又有高質食材同好服務嘅放題餐廳，Megabox 嘅《旬彩》真係唔錯。前幾日我同幾個朋友去咗試佢哋嘅晚市放題套餐，真係抵食。一入到餐廳，就感受到一種雅緻同舒適嘅氛圍。餐廳裝修簡約，帶有和風味道，燈光柔和，座位間距適中，令人覺得好放鬆。服務人員態度親切，專業又有效率，無論係點餐定係補充食材，都好快手。「旬彩」嘅肉類選擇好豐富，我地揀咗最高級數嘅套餐：一至五$398/位、六日$418/位。特別係日本黑毛和牛同美國 SRF 極黑牛，質素真係幾好。黑毛和牛脂肪分佈均勻，入口即化，肉汁豐盈；SRF 極黑牛肉質緊實，牛味濃郁。仲有澳洲種穀飼和牛同西班牙栗豚，都各具特色。另外，壽司🍣都係任食。有玉子、鰻魚、北寄貝、鱈場蟹棒、腐皮、熟蝦、帆立貝、火炙三文魚、八爪魚🐙多樣化嘅壽司選擇。自助區嘅配料選擇多樣，無論係蔬菜、豆腐定係各種丸腸，都可以隨心搭配。熟食區嘅燒賣同薯條都係唔錯嘅小食選擇。最後，甜品區有雪糕、啫喱、豆腐花、水果等。飲品方面，從汽水到果汁，選擇多樣，任你暢飲。