旬彩火鍋

營業中

休息中

今日收工決定嚟食餐好嘢，見到MegaBox新開咗間日本過江龍「旬彩火鍋」，望落Menu都幾吸引，食落又唔錯，落單連上湯底5分鐘都唔使，地方夠晒闊落😍今日心思思一嚟就揀個最正嘅套餐$398/位，所有肉類同海鮮都cover晒😚 美國SRF極黑牛同埋美國牛板腱非常之有牛味，和牛方面雪花分明，而且切片夠晒薄身，淥幾秒就熟，湯底方面嗌咗佢嘅旨辛同豆乳都唔錯，味道突出，同啲肉都幾夾，平均一人都清咗四五碟，食到肚仔都好滿足🥰另外佢仲有一啲蝦、青口、蟹柳等等嘅海鮮拼盤，非常之唔錯，唔使淨係食牛或者豬肉😌另外自助區嘅選擇都好多，院裏、蔬菜等等選擇應有盡有，個人都幾鍾意佢個蜂巢豆腐同埋芝心丸，一咬就爆曬漿，簡直係滋味滿瀉🤩飲品方面都種類繁多，有茉莉綠茶、可樂、氣泡水等等，甜品方面雪糕、啫喱都有齊晒，正常發揮😚整體嚟講今日都食得好滋味，得閒經過可能會encore 🥰

食嘢都係求開心 想食得飽架姐..... 但係依間舖頭好攪笑架 一碟豬得4塊.... 都唔緊要佢可能想啲客人唔好放咁耐 怕唔新鮮啦(Mayme) 但我叫4碟嚟1碟就真係接受唔到 我試過用唔同方法等廚房可以出返個正常嘅數 但都係唔得 e.g (叫16碟嚟4碟, 叫8碟又係嚟4碟) 無論用咩方法叫都好 總之你叫四碟或以上嘅話 就會出四碟比你 完全唔知發生咩事 係廚房偷懶？ 定係樓面偷食？ 呢個真係一個謎。利申呢次係我第一次嚟食 認真講句唔會再俾機會

🍲120分鐘 晚市放題套餐(~$198-418)有8款湯底任你揀，仲分咗日本名物湯底&香港限定湯底，咁我就每邊個揀咗一個，分別揀左壽喜燒&蕃茄湯。每人有一個小鍋好獨立，鍾意健健康康啲嘅你就揀蕃茄湯🍅，蕃茄味十足，非常開胃，壽喜燒調味適中，冇得輸👍🏻🥩🐷今次我呢個套餐就包咗以下五款肉類：澳洲種穀飼和牛美國精選牛肉⭐️美國牛板腱 - 肉質嫩滑之選⭐️⭐️美國SRF極黑牛 - 牛味較重之選⭐️西班牙栗豚另外仲有個刺身拼盤🍣，一上枱真係嘩咗一聲，首先擺盤非常之靚，而且有好多款刺身，包括有鮑魚、非常厚嘅三文魚、食落鮮甜嘅帶子&甜蝦，同埋新鮮爽口嘅八爪魚片&螺片~全部都非常新鮮🍨🍹🍡場內仲有自助吧、飲品、甜品放題，普通丸類同埋菜類都可以喺自助吧自己夾，不得不提佢嘅甜品放題，因為呢間嘅甜品比較特別，尤其係雪條雪糕類，非常多選擇，啲雪糕雪條唔係一般喺出邊放題會食到嗰啲，佢有啲比較特別同埋價值高啲嘅雪條，呢度食都抵晒😆

一人一鍋可以叫返自己最鍾意嘅湯底啦～我就揀左壽喜燒湯底😆除了任食澳洲和牛、仲有美國SRF極黑牛、牛板腱、西班牙栗豚等都係任食每碟嘅色澤都好鮮紅色，厚薄適中放落去淥幾下就食得😚配料區仲有好多火鍋配料都係任食仲有稻庭烏冬、即食麵等，唔怕唔夠飽😂🤣·打邊爐之餘仲有刺身同壽司食😍刺身拼盤包括三文魚、八爪魚、帆立貝、鮑魚、榮螺同赤蝦🦐每款都好肥美好新鮮一份就係二人的份量💕·仲有多款飲品同甜品部分可以係手機落單蜜瓜雪糕幾香🍈出面自助吧都仲有其他雪糕雪條可以拎飲品選擇都算多兩個鐘真係食到勁飽～·💰$328/位

好久沒有吃火鍋了，今次來到了megabox的 旬彩火鍋，是日式的火鍋放題，有不同價錢的套餐，我們選了一個set C，平日成人$328一位再加一，鴛鴦鍋需要加$8。日式火鍋當然要選日式湯底，選了壽喜燒湯拼昆布湯，兩樣味道都很濃，平日吃火鍋最怕有一些昆布湯底味道很淡。加湯也有清湯跟壽喜燒湯可以選擇，而不是什麼湯底最後也只是加清湯，不錯。這次我們主攻肉類，set 內5種肉都點了，我個人比較喜歡澳洲和牛跟SRF黑牛，肉質會比較嫩，牛板腱則肉味濃一點跟比較低脂。整體肉的品質都不錯，全部色澤看起來都很漂亮。肉以外也有一些海鮮可以點，而且套餐還有一盤刺身，有磯燒鮑魚、三文魚、帶子、赤蝦、八爪魚跟螺，沒想到有那麼大一盤！大讚的是三文魚超級厚切，帶子也挺厚的，赤蝦也很大一隻！另外還有壽司可以點，而且種類也不少，很適合喜歡有很多種類食物的人。自助區則有各種蔬菜跟丸子，refill也挺快的，還有各種飲品、甜品雪糕等，比較特別的是有一個可以自製刨冰的凍櫃，但我就選擇了食雪糕，又是超級滿足 & 飽的一餐！

Megabox任食壽司打邊爐！行完aeon 去醫肚，見到新開左間任食火鍋，做緊期間限定promotion，$328唔止有四款牛同西班牙豬任食，仲有刺身拼盤同埋壽司任食，一於去試試！🍲首先一讚係個刺身拼盤，每件刺身大大塊仲好厚肉，三文魚魚油魚香味足、磯煮鮑魚鮮甜彈牙、赤蝦大大隻、榮螺有海水甜味，仲有厚肉的帶子同埋八爪魚！🍲任食牛方面有美國牛板腱、SRF極黑牛、澳洲種穀飼和牛等等，款式多而且牛肉的顏色紋路唔錯，食落有牛香味，唔錯，至於西班牙栗豬，味道都唔錯。🍲壽司方面就有六至八款，我地叫左生蝦壽司、熟帆立貝壽司、三文魚壽司、蟹棒壽司等等，舊飯都唔細，如果個飯可以細d會好d。🍲配料款式好多，特別係丸類，有十款八款，一定要拎係彈牙的豆腐，至於蔬菜有羽衣甘藍、生菜、秋葵等等。🍲飲品種類算多，除左紙包，同埋罐裝之外，仲有竹蔗茅根、雪梨茶同酸梅湯，甜品有西瓜、啫喱、雪糕、雪條等等。

午餐時間, 餐廳要求未滿2歲小朋友必需要點餐。店員指住把尺話高過把尺個高度就要點餐，我望把尺好似高過60CM(唔肯定)就要點。呢個規定就係唔歡迎親子客戶，選擇前請考慮。

今次我地過左黎megabox行街，呢度都好多野行，主要都係睇傢私，行曬去到10樓溜冰場hea陣坐下順便睇下有咩食，就揀左呢層既日式火鍋放題啦😆呢度同一般放題一樣有唔同級別既餐揀，而依家就做緊一個刺身拼盤x120分鐘晚市火鍋放題，我地就揀左呢個推廣餐啦✌🏻刺身拼盤 ×120分鐘晚市火鍋放題（$328）首先湯底可以揀一人一鍋，或者一個大鍋，咁我地就揀一大鍋，分別揀左壽喜燒湯同豬骨湯😋刺身拼盤就先上，包括有：三文魚4切，八瓜魚4切，帆立貝4切，磯煮鮑魚2隻，榮螺4隻，赤蝦4隻刺身整體新鮮，最好食我覺得係鮑魚，大大隻刺身鮑比較少食，而個拼盤只有一份，唔係放題任食既，不過都有各種壽司可以嗌，我都嗌左幾件試下，都係鐘意刺身多d😆肉類總共有5款：美國精選牛肉，西班牙栗豚，美國牛板腱，美國SRF極黑牛，澳洲種穀飼和牛5款肉類當然就係澳洲種穀飼和牛最靚，脂肪分佈均勻，少少肥，簿切一片，牛味都幾出🐮外面自助區仲有好多款火鍋配料，有丸，有菜，有菇，同埋包裝既出前一丁，辛辣麵等等🤩飲品都係雪櫃自己攞，汽水同埋茶類飲品都有，外面仲有酸梅湯同橙汁，另外雪糕雪條夾埋都有4款🧃🍦呢間火鍋放題都幾抵食，有刺身送，又有壽

剌身拼盤 x 120分鐘晚市火鍋放題 $328/1位🔶刺身排盤一客 (2位用)三文魚4切，八瓜魚4切，帆立貝4切，磯煮鮑魚2只，榮螺4只，赤蝦4只三文魚厚切新鮮肥美；八瓜魚爽口彈牙唔韌；鮑魚好入味味道清甜🌟 評分: 7/10🔶豚骨湯底+ 番茄湯底 (一人鍋)湯底一共有八款提供，提供日本名物湯底同香港限定🔶120分鐘無限量供應：肉類包括澳洲種穀飼和牛，美國牛板腱，美國SRF極黑牛，美國精選牛肉 ，西班牙栗豚。每一款牛肉既肉嘅紋理清𥇦，有雪花紋，去除咗多餘既油脂，全部都切到好大片，每一轉order既牛肉都保持到一樣既質素，個人比較推薦澳洲種穀飼和牛。西班牙栗豚香港火鍋放提店比較少有，比一般嘅豬肉肉質比較爽口，肉味比較濃。🌟 評分: 8/10🔶甜品除咗本地既雪糕品牌 仲有日韓唔同既雪糕甜品可以叫，同埋出面仲有啲自家製嘅撻類，同埋乳酪。🎖️整體評分🎖️❤️ 味道: 8/10🧡 環境: 8/10💛 服務: 8/10💙 性價比: 8/10 📍 旬彩火鍋 (九龍灣)九龍灣宏照道38號企業廣場5期MegaBox 10樓5號舖

今日來到九龍灣Megabox試下依間日本過江龍放題火鍋餐廳😍有好多不同湯底選擇 一人一鍋或者鴛鴦鍋都可以👏🏻我同朋友選了壽喜燒湯底和豆乳湯底，仲有任食2小時～好正✨依到仲有刺身拼盤，有三文魚、八爪魚、帆立貝、磯煮鮑魚、榮螺同赤蝦😋全部都好新鮮 份量好足!! 特別推介磯煮飽魚😋好好食👍🏻火鍋方面餐廳無限量供應不同類型牛肉同豚肉😋店員好有心介紹左不同牛肉分別比我地，大推SRF極黑牛同粟豚 又薄又好食!! 甜品方面除咗本地既雪糕品牌 仲有日韓唔同既雪糕甜品可以叫 以日本桃味牛奶同抹茶雪糕作結好滿足!!😋

過開嚟megabox做占先食埋晚飯 見溜冰場呢層有間日本邊爐放題 當然衰貪平食左佢個晚市半自助放題 半自助一碟肉幾塊薄薄地好正常 一開始見人d枱食曬海鮮刺身 裝修又幾光猛企理以為幾ok la 98$+1都無expect過自助區有咩攞 都係普通丸同菜熱熟食得少少廚餘咁款嘅葱炒牛肉？食到走都無refill過 醬料區配料可以清曬 聽到幾枱客問幾時有先refill 人客已經唔係多 幾部任斟嘅野飲全部吉嘅 又係有客吹先一支支500ml鴻福堂竹蔗茅根花心蜜開蓋倒落去倒到天光 最勁係一兜兜丸 本身都有好幾款 食食下個兜吉左 refill完變左得返兩三款 可以兩兜一樣嘅丸重覆擺出嚟 本身已經客人唔夠 一夠鐘就趕人走 咁嘅質素同服務叫人仲點夠膽幫襯

Megabox溜冰場旁邊新開了一家火鍋店上網一搜發現原來是日本過江龍佔地很廣 挑高樓底充滿空間感吃完火鍋也不會有股味道在身上 很棒我們選了正在做優惠的旬彩春夏放題有刺身盤 還有無限量肉品和自助區火鍋料等雖然是放題送的刺身拼盤 但份量十足 質素也很高磯煮鮑魚彈性十足 赤蝦好大好鮮甜三文魚也是油脂十足的魚腩位置還有帆立貝 榮螺 八爪魚 共六款刺身肉品方面 這個價位有六款肉可以選當中SRF極黑牛和西班牙栗豚我們吃了很多每一輪的肉質都一樣高品質 好嫩好好吃外面自助區有好多火鍋配料 QRcode掃碼下單還有些海鮮選擇也有不少涼菜熟食等等 不過因為肉品太高質我們吃肉吃到好飽 其他就淺嘗一下這個價位的放題能吃到多款高級雪糕雪條做甜品 好滿足呀

落雨涼涼哋想打下邊爐，有一段時間無食過日式火鍋放題，係時候要止下癮. 這間旬彩火鍋係日本嚟嘅過江龍，依家係試業中，裝修以木系為主，地方坐位好寬敞，唔怕張枱細，無位放火鍋料，我哋叫咗個期間限定嘅刺身拼盤配120分鐘火鍋放題，湯底選了旨辛同飛魚湯，旨辛即辣而好味，果然無改錯名，仲可以去自助bar加啲蕃茄、菇、洋蔥根據個人喜好提升個味道. 刺身拼盤好快上枱，擺盤貫徹日本人講求精緻美觀的作風，加咗啲竹、藤籃等去美化食物，好適合打卡，用料新鮮，拼盤上有兩隻磯煮鮑魚，味道不會死鹹，而係帶點淡淡的甜味，肉質彈牙，係不錯的下酒小食. 牛肉都有好幾款可以選，有澳洲和牛、美國黑牛、美國牛板腱，美國精選牛肉仲有健康價值較高的西班牙栗豚，牛板腱這個部位一隻牛大概只有2公斤的份量，所以都幾珍貴，平時都好少食這部位，今次可以試吓. 各款肉的肉質也新鮮，厚薄適中，油脂分布平均.除咗肉可以任叫之外，仲有壽司、日本韓國雪糕雪條可以任點，推介大家可以點抹茶味雪糕，濃厚的抹茶味，抹茶控必like.出面仲有好多飲品、配菜、甜品、醬料可以隨便拎，飲品個人鍾意花旗參蜜，醬料有個叫美味柚子醋幾適合點肉食，幾refresh同幾夾，配

📍旬彩火鍋黎到Mega box行街，見到有間新開食Shabu Shabu既日式餐廳～佢地最近推出一個期間限定✨既優惠套餐：刺身拼盤x120分鐘晩市火鍋放題🍲優惠價：每位$328‼️（原價：每位$388）🐠刺身拼盤一客（2位用）頭盤會包一客刺身拼盤：會有齊曬三文魚（4片）、八爪魚（4片）、帆立貝（4片）、磯煮鮑魚（2隻）、榮螺（4隻）同赤蝦（4隻）▶️刺身種類都幾豐富，食落都算新鮮！比較推薦既係磯煮鮑魚，好大隻～相當厚身而且食落好彈牙😋另外三文魚同帆立貝都好肥美，帆立貝會較鮮甜~🔆湯底一共有八款，提供日本名物湯底同香港限定湯底～當晚揀咗壽喜湯底同豚骨湯底！試完之後覺得壽喜湯底必點！！！另外，可選一人一鍋/鴛鴦湯底 （+$8）🐮🐷 120分鐘無限量供應可以任食美國精選牛肉、西班牙栗豚、美國牛板腱、美國SRF極黑牛同澳洲種穀飼和牛～▶️絕對啱曬食肉獸既我🤩一開始會將套餐包咗嘅肉類各上兩碟，職員仲會好細心咁逐碟介紹👍🏻最推薦既係美國SRF極黑牛，肉質紋理清晰，冇多餘嘅油脂，切到薄薄一大片，食得好滿足😋另外，澳洲種穀飼和牛既口感都唔錯，係優質嘅牛肉！淥兩下就食得，入口即溶，牛肉味濃！🍣壽司分別試左火炙

非常高質的Shabu Shabu放題！力推！呢個品牌來自日本，唯一海外分店位於MegaBox。個個都話呢度嘅「西班牙栗豚」同「日本黑毛和牛」一樣好食，今日食過，真係一啲都無誇張。「西班牙栗豚」切得很薄，所以和牛肉一樣，淥10秒8秒便可食用。粟豚有別於一般豬肉，非常爽口，比日本豚肉更有質感，亦非常有肉味。「日本黑毛和牛」如圖一樣，油花均勻，無可挑剔。此外，雞肉、蔬菜、雞肉、丸類、麵食... 飲品、甜品，在任食區任取，海量選擇。