日作食堂

營業中

休息中

自從跟朋友嚟食過一次之後一試難忘，一個月內連續食咗幾次，已經食到選定左心目中最正、次次都叫嘅set。吉列海鮮定食係我嘅最愛。 大海老、帶子同廣島蠔全部真材實料大大份，最難得係炸粉一啲都唔厚，所見即所得，咬開就係啖啖肉嘅海鮮。 原諒我影唔出佢嘅好味，大蝦大到好似兩隻手指咁粗，彈牙厚肉，幾款海鮮都鮮甜，有買靚料自家製嘅感覺。鹽燒安格斯牛小排定食對比之下細份啲，不過牛肉貴精不貴多，最緊要係真係有牛味，軟腍帶少少肥膏，配埋炸蒜好香。 要讚一讚配菜洋蔥、木耳同芽菜一啲都唔頹，真係炒到個蒜香出黎，惹味好餸飯。明太子蔥花玉子燒有好香嘅高湯味，唔會太甜，唔知點解片得好薄、切咗超級多塊，可能係好紮實嘅關係，食咗一半已經勁飽，好味又性價比好高。

放工和同事相約到觀塘「日作食堂」晚飯，未夠7時已經差不多坐滿座。日式懷舊校園佈置十分精緻，環境闊寬躺，觀塘區少有座得舒適餐廳。**鰻魚山藥燒 + 醬油糖心蛋帆立貝湯鳥冬($148)鰻魚經過精心燒烤後，表皮焦香，肉質嫩滑。山藥燒類似大阪燒，配上特製的醬汁，鹹甜適中，味道更加豐富。帆立貝好大粒，醬油糖心蛋的口感滑嫩，加上烏冬Q彈有咬勁，讓整體的味道更加圓滿。**日作極上丼($218)刺身丼超豐富，當中包括油甘魚、中拖羅、赤蝦、帶子等，每款刺身都非常新鮮。另外上面再鋪上香蔥吞拿魚蓉和濃郁的三文魚子，視覺、味道和口感都極其豐富。**麵豉湯/漬物每個套餐都包了麵豉湯和兩款漬物，麵豉湯裡面有滿滿湯料。豆腐十分軟滑，另外仲有兩隻蜆肉，湯咸度岩岩好。漬物有兩款，南瓜夠淋，甜而不膩。海蜇的口感則是爽脆適宜。

觀塘日式復古風｜Hibi Cafe｜日作食堂好耐冇去過環境咁寬敞舒適、食物質素又高嘅café啦☕️位於觀塘工廠區地下嘅日作食堂，門面別樹一格，獨特嘅日式裝潢，室內寬敞，座位與座位之間都有一定嘅距離，私隱度十足，傾偈都唔怕比隔離嘅人聽到👍🏻另外餐廳係行日式復古風格，燈光偏溫暖黃調，成個感覺好舒服☺️全日套餐🍽️人均：$150-$250🕰️時間：週末晚上🍱溫泉玉子伴燒M5和牛前胸肉丼 $238個丼好大碗，除咗好好味嘅燒M5和牛前胸肉，仲配埋椰菜絲、靈芝菇、同洋蔥絲，平衡返多啲fibre👍🏻仲要有隻溫泉蛋伴飯做TKG🤤套餐仲包麵豉湯同兩款潰物，今日漬物有毛豆同醃蘿蔔🤤佢個麵豉湯都好足料，有好多菇同埋有蜆‼️跟餐日式熱玉露茶，店員們好好，會不時主動幫食客加茶，凍同熱茶都會加👍🏻🍱日作極上丼 $218日作極上丼製作需時15-25分鐘。作為全場其中一個最貴嘅套餐，佢真係值👍🏻 事關佢有中拖羅、油甘魚、赤蝦、北海道帶子、香蔥吞拿魚蓉、三文魚🍣超級多貴價刺身，又夠哂新鮮😋同牛肉丼一樣，套餐仲包麵豉湯同兩款潰物。跟餐加$8轉凍咖啡，佢真係日本嘅咖啡嚟，好正。📍地址：Workshop A, G/F Lucky Fa

同朋友係觀塘行完街，見到間餐廳好靚，好日式感覺，而且入到去好闊落。呢到主打日式菜，有定食亦都有丼飯。同朋友一樣都叫左丼飯，一上台都見到好精緻，有好日式家庭餐廳既感覺！會有碗面豉湯，入面都幾足料，仲有蜆肉! 飲落唔會過咸，又有我鐘意既腐皮，係好飲既面豉湯! 另外仲有枝豆同漬物! 松葉貝丼好豐富，有帶子，北寄貝，松葉蟹肉，蟹膏等等。個飯量都好多! 刺身好新鮮。蟹肉，蟹膏都唔會有陣唔好既腥味，蟹膏仲有少少帶甜，撈埋成個飯食，好正! 灸燒丼就算唔太食魚生既我，都可以選擇丼飯。有三文魚，北海道帶子，左口魚裙邊同埋玉子! 三文魚超厚身! 油脂分布好正! 帶子都好厚肉，係真係食得出新鮮! 呢到真係會推介比朋友!

琴日係觀塘放工，經過餐廳門口，見到新開咗一間日式餐廳餐廳門口裝修別致，睇得岀餐廳用咗唔少心思係裝修到👍🏻餐廳入邊裝修係日本校園主題🏫用上課室枱櫈，體育課鞍馬，書櫃、雜誌架等佈置🇯🇵餐廳主打新鮮刺身丼和日式定食🇯🇵小食有各款串燒，天婦羅，玉子燒，炸物🍤我同朋友叫咗兩款定食🍱嘢飲係凍茶⭐️鹽燒安格斯牛小排定食⭐️牛小排係五成熟🤤色澤粉嫩，唔會有好多紅水👍🏻牛排有一定厚度，牛味濃郁😋配菜配上小炒蔬菜包括芽菜、洋蔥、木耳、秋葵飯係用上日本米餐湯係麵豉湯，入邊加入咗海蜆海蜆肥美，冇沙整個定食非常豐富☺️⭐雞肉親子丼⭐親子丼賣相吸引😍 雞肉肉質鮮嫩，分量都幾多炒蛋唔會過熟，食落好滑好味木魚絲增加左口感☺️整個飯好好美味😋

首先，讓我來談談溫泉蛋牛丼訂食。這道料理將軟嫩的牛肉片和鬆軟的溫泉蛋融合在一起，再加上一碗熱騰騰的白飯，簡直是美味的代表。牛肉經過適度的烹調，口感非常嫩滑，肉汁豐富而不膩口。溫泉蛋則提供了豐富的蛋香和濃郁的蛋黃醬汁，使整道菜更加豐富多樣。搭配上鬆軟的白飯，每一口都能感受到滿滿的滿足感。整體而言，溫泉蛋牛丼訂食是一道口感豐富、美味可口的料理，絕對值得一試。接下來，讓我們轉向比目魚訂食。這種料理通常使用新鮮的比目魚，經過精心處理和烹調，呈現出魚肉的鮮嫩和天然的甜味。我點的比目魚訂食非常精緻，每一片魚肉都切得均勻，色澤鮮亮。入口後，魚肉散發出清新的海洋香氣，質地鮮嫩多汁。搭配上配菜和白飯，讓整道菜更加平衡和美味。比目魚訂食給人一種純淨、清新的感覺，是一道非常適合喜愛海鮮的人品嚐的美食。最後，讓我來評論一下味噌湯。這碗味噌湯的湯底濃郁，充滿了豆醬的香氣，喝起來暖胃又開胃。湯中還加入了豆腐、蔥花和海帶等配料，增加了口感的層次和豐富度。這碗味噌湯清淡而不失味道，非常適合作為一餐的開胃菜或配菜。對於喜愛味噌湯的人來說，這碗味噌湯絕對能帶來滿滿的滿足感。

呢間日式餐廳以日本校園做主題除咗部分餐檯用咗課室枱櫈之外最誇張係擺咗體育堂用嘅鞍馬做佈置😱裝修走復古木系風加埋綠色植物擺設打卡一流👍🏻-每份定食都會配搭兩款漬物、麵豉湯同日式玉露茶🍱日作極上丼定食（$238）丼飯刺身多款式而且豐盛足料色澤鮮艷吸引，非常打卡呀😍刺身包括有...中拖羅、油甘魚、赤蝦、北海道帶子、香蔥吞拿魚魚同三文魚籽每款麵好新鮮鮮甜堅係高質好味💯特別鍾意北海道帶子厚身大粒，超正😋🍱溫泉玉子伴燒M5和牛前胸肉丼定食（$238）上台嗰陣牛肉香味四散燒得香噴噴聞到都流晒口水🤤牛肉大約有7-8塊大大塊，厚度適中好足料呀👍🏻入口軟嫩帶油脂香而油脂又未至於太勁唔會好膩呀💕而牛肉伴以溫泉蛋一齊入口香郁juicy呢！

今日嚟到呢間觀塘嘅日作食堂，我上網睇呢間店嘅評價都好高，今日一試名不虛傳，估唔到一間咁樸實嘅小店，食物竟然咁高質！🤩🤩🤩首先喺門口已經見唔到個裝修係好日式，已經好又去咗日本嘅感覺，入邊嘅裝修亦都係和風做主題，環境好闊落，無論係一大班朋友定同閨密黎都可以搵到個靚靚打卡位👍🏻👍🏻餐牌上雖然都有唔少選擇，不過我地兩個都係比呢個溫泉蛋配m5和牛丼飯吸引到🤤🤤🤤最後我哋都冇後悔都揀兩樣一樣，因為真係非常出色，淨係嗌一碗應該會搶着嚟食！和牛份量好多，而且件件都燒得岩岩好，入口即融🤤油脂分布平均，牛味都好濃，加上配埋燒汁嘅日本米，完全可以用「大滿足」嚟形容😋😋😋而且每個餐都會配有兩款小食同麵豉湯，所以都絕對夠飽👍🏻加上支日本嘅汽水，二百幾蚊當飛轉日本，抵啦！😆

鰻魚山藥燒配醬油糖心蛋帆立貝湯烏冬$148山藥燒，其實即係大阪燒。份量都幾大，大概一隻手掌。而且材料豐富，山藥燒裏邊有椰菜粒同章魚粒。食落去份山藥燒唔會有麵粉粒，同埋山藥融入咗麵醬入邊，意外地夾。鰻魚又肥美又嫩滑，同過山藥燒一齊食口感係一樣，完全唔會覺得奇怪。最尾有一碗烏冬，上邊有一隻醬油糖心蛋，一粒好大粒嘅帆立貝，同埋日式魚蛋。溫泉玉子伴燒M5和牛前胸肉丼$238 M5 黃牛好香牛味，食落去又嫩滑，冇筋。雪花紋理好平均咁樣分布喺肉片度，口感濃郁。肉質軟滑，多肉汁。食客可以揀自己想要嘅成熟度，有七成同全熟。加埋蘭王溫泉蛋食再好味啲，流心蛋黃冇腥味，而且食到蛋黃嘅蛋香。

新開嘅呢間日本食堂，面積寬敞，有好多座位，情侶拍拖同埋朋友聚會都好適合。環境佈置採用咗日本教室嘅設計，非常可愛青春☺️ Menu 精簡，但係種類都算唔錯，有定食，亦都有串燒。🥢厚切吉列北海道豚肉眼扒定食定今日食配嘅麵豉湯好足料，有埋蜆肉，令湯帶鮮甜。吉列豬扒絕對有驚喜，外皮炸得鬆脆，唔會好厚粉！加上舊豬扒肥瘦分明，冇雪味，油脂比例剛剛好（個人唔鍾意食太肥），所以比想像中滿意👍白飯有配埋飯素，有誠意！我俾9/10分👏🥢味噌慢煮和牛面頰定食本身自己唔算鍾意味噌，因為怕會好鹹，好彩呢個汁唔係好重味噌味，比較似西餐gracy汁☺️和牛面頰肉質好淋好滑，完全冇筋，配菜嘅薯仔同埋紅蘿蔔都好入味。唯一小小嘅建議就係個汁可以再熱少少（個人鍾意食偏熱嘅嘢）。不過整體都非常唔錯，我俾8.5分！🥢醬燒牛舌芯 （$48）雖然價錢唔算平，不過味道都算唔錯，值得一試。鹽燒得來都好夠味。肉質算厚（個人鍾意厚切多過薄切牛舌）。以後去開觀塘，就算駱駝漆少左堂食餐廳，都仲有其他選擇👍

🏫呢間hibi cafe擺設同枱櫈都好school feel，幾特別又坐得舒服，定食都唔錯，又靚又好食又大份量，大家可以去下打卡影相hea下，我自己呢下次一定會再去幫襯😋

嚟到一間門口已經好日系的餐廳，望到外圍的裝修，好似係滿滿的工廠大廈之間入左去另一個世界咁。行到入去，個裝修就更有驚喜，四周的座位擺設都係復古木色系，望落去成個感覺好舒服好和諧。日式西京燒比目魚定食 $168燒比目魚肉質嫩滑，每咬一啖都會有小小比目魚的油脂同香味伴隨住，食落好多汁，絕對唔會燒到乾哂！🤤西京燒的煮法一向帶有甜味，配搭魚味唔算太濃的比目魚非常夾！加上比目魚的皮燒成微焦，脆脆的皮連帶嫩滑魚肉，外脆內軟！非常好食！🤩定食包括2款前菜同麵豉湯，前菜係枝豆同涼拌牛蒡絲，味道係日式家常菜的感覺。麵豉湯內有蜆肉，豆卜同豆腐，蜆肉鮮甜但有小小沙，不過，唔知點解湯的味道偏甜，但佢唔係蜆肉帶出的鮮甜，所以有小小奇怪，唔太合口味。

今日放工嚟到位於觀塘嘅一間好chill嘅日系餐廳。裝修充滿住日式校園風，四周都係打卡位。雖然只係閒日，但晩市時段都好受打工仔歡迎。定食由$118起，包括白飯、麵豉湯、漬物兩款及茶，都好豐富。我就嗌咗鹽燒安格斯牛小排定食（$198）。牛小排好嫩滑，煮得不會過老或過生，加上蒜片更惹味。配菜有夾脆健康嘅炒芽菜、蓮藕同雲耳。今日嘅漬物係薯仔沙律同群邊，質素一啲都唔馬虎。麵豉湯都有驚喜，蜆肉帶岀鮮味，仲有入味嘅白蘿蔔。我就加咗錢轉熱咖啡（+$8），香濃好味👍

名字中的「日々」是日文「每日」的意思餐廳希望繁忙的觀塘提供一個每天可以休憩的空間整體裝潢以日式木系作主題店內擺放充滿回憶的黑板、課室桌椅、體育課鞍馬等佈置室內靠牆的一旁亦放置了雜誌架和書櫃古董打字機及復古相機等昭和懷舊收藏品讓食客彷似回到最簡單、純樸的學生時代一樣所有定食套餐均配味噌湯、兩款漬物及日式玉露茶☞ 鰻魚大阪燒配醬油溏心蛋叉燒湯烏冬 $148選用新紀元．曉味道不錯中規中矩，在觀塘來說價錢挺進取的☞ 日作精選魚生灸燒丼 $158三文魚．北海道帶子．左口魚裙邊．玉子✁┈┈┈┈┈┈┈┈┈┈┈┈┈┈┈┈┈┈┈✄𖤘 𝙎𝙖𝙫𝙚 𝘵𝘩𝘪𝘴 𝘱𝘰𝘴𝘵 𝘧𝘰𝘳 𝘺𝘰𝘶𝘳 𝘧𝘰𝘰𝘥 𝘫𝘰𝘶𝘳𝘯𝘦𝘺𖤘 𝙁𝙤𝙡𝙡𝙤𝙬 𝘵𝘰 𝘧𝘪𝘯𝘥 𝘺𝘰𝘶𝘳 𝘳𝘦𝘴𝘵𝘢𝘶𝘳𝘢𝘯𝘵 𝘪𝘯𝘴𝘱𝘪𝘳𝘢𝘵𝘪𝘰𝘯𖤘 𝙏𝙖𝙜 @lattemilkyway 𝘪𝘯 𝘺𝘰𝘶𝘳 𝘴𝘵𝘰𝘳𝘪𝘦𝘴/𝘧𝘦𝘦𝘥𝘴

觀塘新開的日系定食屋，成為個社交媒體的新寵。木色的裝修，懷舊的風格，都是一個打卡的好地方。除咗打卡之外，食物都令人驚喜。小店主打日式定食，家庭風的料理都幾精緻！今日我和男朋友收工後，到訪都決定每人叫左一份。日作吉列海鮮定食鹽燒安格斯牛小排定食每款有前菜、味噌湯，今個月的前菜有帶子裙邊和紫薯。每個月都唔同！而味噌湯材料到十足，有蜆和大根！吉列海鮮有野生虎蝦、廣島蠔和帆立貝。每件炸粉薄薄的，恰到好處，而且啖啖肉，海鮮好彈牙無雪味。能夠媲美日本吉列專門店。一點也不馬虎。鹽燒燒牛小排有淡淡的焦香，食落唔乾柴，配以牛扒汁簡直係送飯一流。旁邊的配菜，有芽菜、秋葵、木耳和洋蔥，夠晒健康。最後一定要試吓炭燒咖啡，夠哂香！下次提店員可以後上，咁就可以食完飯舒舒服服嘆番杯咖啡！