新貴香園 (荃昌中心)

營業中

休息中

連鎖米線🍜就食得多啦，呢間新貴香園小店係荃灣商場店內坐位20個左右，環境簡潔乾淨，個日去都好多人了店員服務好好啊👍🏻除咗小鍋米線外，仲可以揀米粉、薯粉配料選擇好多，最多人叫雞翼同豬扒🤪雲南小鍋酸辣米線 $28已經有幾款配料，炸醬、芽菜、酸菜、韮菜、莞茜、蔥花醒辣湯底好香，揀咗少少辣，湯底應該冇乜味精食完都唔會太過口乾另外加咗豬大腸、肥牛、魚皮餃肥牛份量好多，幾乎每一啖米線都會有肥牛豬扒腸好爽口，淡淡的滷水香味好好味啊清湯米粉$26都有唔少配料啊 肉碎、菲菜、芽菜、蔥花等另外加揀咗魚蛋同豬扒豬扒真係好出色，豬扒即叫即炸好香口雖然唔係厚切，但係肉質爽口，而且有少少脂肪，特別好味😋沙嗲炭燒雞串 HKS25超級多沙嗲醬😂😂可以用來撈米線香炸雞翼$17/ 3隻呢個價錢好抵呀！即叫即炸，非常香口新貴香園 荃灣西樓角路202-216號昌安大廈荃昌中心1樓53-54號舖

好彩有住喺荃灣嘅朋友介紹，搵到依個平靚正食米線/薯粉嘅地方😎多款湯底選擇，小窩酸辣米線，同小鍋麻辣米線等等，都係$28，超平👍🏼然後再喺下面揀自己想要嘅配菜唔一定要米線，可以要米粉，薯粉酸辣小窩米線我揀左小辣，豬扒，蘿蔔，芽菜味道微微酸酸地，個湯都幾好飲😋炸豬扒預先剪成幾份，方便食用，非常細心，外層幾香脆👍🏼 蘿蔔份量比想像中多！有三大舊，清甜🥰🥰芽菜嘅份量簡直係瘋狂！分分鐘多過啲薯粉，開心，好爽脆！我揀咗粗薯粉有煙韌口感，唔會太容易斷，唔錯唔錯川味黃金皮蛋呢個小食亦都非常推薦，如果兩個人分享，就更加好😁😁黃金皮蛋，口感比較爽口，佢哋嘅醬汁甜甜地，有蒜頭香味，仲可以選擇辣度，認真滋味！下晝兩點左右時間嚟到，小店都非常繁忙，睇嚟好受街坊歡迎，朋友果然冇介紹錯！

每次嚟都係食沙嗲湯底，今次就嚟試個酸辣小窩米線😋湯底好夠酸，辣度我揀咗小小辣，我覺得食落去真係冇乜辣味，啱晒唔食辣嘅人😊本來以為佢個炸豬扒另上，佢浸晒喺湯到，所以個炸豬扒變得唔脆，不過味道來講都好香☺️，食得出係有醃過魚蛋就一定要叫！炸到脹卜卜，好彈牙，又香口同行友人就叫咗個魚皮餃酸辣湯底米線，正正常常，冇乜特別啦，不過佢話佢唔係好夠飽，所以叫多咗個腐乳通菜（佢個面底係有啲少嘅，所以唔夠食嘅人記得要加底）

以前食過好幾間雲南米線（包括荃灣好出名嘅xx娘）都覺得冇咩特別。個湯底一係就得個死鹹，一係就淡而無味。就算個湯底俾佢煮到好濃郁，食幾啖就已經會好快厭。因為咁，所以我一直對雲南米線冇咩好感，直至住餐廳附近嘅朋友向我強烈推介呢間新貴香園。1️⃣ 雲南小鍋酸辣米線 （小辣）配料: 蘿蔔 豬紅 豬頸肉2️⃣ 雲南小鍋酸辣米線 （小辣）配料: 豬扒 雞翼🐱配料方面： 蘿蔔 豬紅 豬頸肉 豬扒 呢四款配料正常發揮。但個雞翼出乎意料地好食。食得出佢有用咖哩醃製過先至再炸，炸完出嚟啲肉仲好嫩滑多汁🤤 🐱米線方面：正常發揮，軟硬適中。🐱湯底方面：一開頭聞落去同埋擺落口嘅頭幾啖都似平時食嘅雲南小鍋米線。但愈食就愈發現個湯底除咗有酸酸辣辣嘅味道之外，仲好清甜😳 呢間對比起其他我食過嘅雲南小鍋米線湯底無咁單調。食完麵仲忍唔住飲咗啲湯😆 個朋友話之前偷睇到餐廳用好多絲瓜嚟煮個湯底，唔知係咪真😆

今日收工去荃灣剪完頭髮經過一間叫新貴香園鋪頭唔算話太大，不過就見幾多人排隊👫🏻👭🏻雖然鋪頭見好多人都食米線，不過外賣既話簡冇湯既野就好似隱陣dd，免得凍哂嘛又硬哂嘛見有時間就嗌咗個麻辣雞煲，估唔到搭完程巴士返到屋企仲熱辣辣🔥雞肉啖啖肉😘非常野味,自己加d菜落去再煮兩煮夠哂入味，份量都非常足夠，兩個人食有餘估唔到雞煲唻講都幾出色，難怪要排隊幫襯等我下次有時間經過一定要試下佢地既米線薯粉先

近排成日見到網上推介荃灣米線，呢間就係其中一間成日比人推介話要食既米線之一。地方位於小型商場內，門口成日有人等位或等外賣。當日我都等左差唔多10分鐘先入座。餐廳地方偏細，坐得有d窄。 我就試左酸辣米線加豬腸、腩肉小小辣及凍檸茶，湯底味道唔錯，我鐘意佢個湯底多酸菜又夠酸，唔會好咸同好口渴..米線唔會好淋又唔會好硬，不過米線既份量有點少。食完都仲覺得未夠飽…而且豬腸唔太入味，腩肉似普通豬肉片..不過佢個湯底我覺得係有驚喜！👍🏻

平時其實都好少行呢個商場，今日行過見到呢間米線舖都幾多人，入面坐滿，外面都仲有人排隊，應該都唔錯呱，所以就外賣返去試下除左米線之外仲有薯粉，薯粉仲有粗幼可以揀，小食既種類都幾多！我就叫左2個酸辣米線加一個清湯薯粉清湯薯粉我配左蘿蔔同豆卜，蘿蔔煮得好腍好入味！清湯湯底都好夠味！酸辣米線湯底都夠酸，仲有好多酸菜，味道都唔錯！比較驚喜既係佢既豬朳同埋雞翼，即叫即炸返到屋企仲熱辣辣，醃得幾好味！最後就係豬耳，麻辣醬汁加上蒜蓉，豬耳爽脆，味道好濃都幾正呀！

諗唔到食咩最好就係食米線！平時果d食到有d悶，今次就試下新貴香園小食既選擇都幾多最後叫左酸辣米線同埋紅薯粉，呢度既紅薯粉仲可以揀粗幼架！基本既配料選擇都有齊哂，今次試左既配料有蘿蔔、豬紅、腩肉、豬朳！ 蘿蔔煮得好腍好入味，豬朳係即炸，個人幾鍾意❤️小食就叫左個麻辣豬耳同雞翼！豬耳既醬汁有三款可以選擇，分別係滷水、麻辣同香辣！我揀左麻辣，估唔到幾有驚喜，醬汁好惹味，令人越食越想食！ 雞翼味道都唔錯，熱辣辣即叫即炸整體黎講質素都性價比高

下午茶一樣可以食得好豐富😍呢一間親民嘅米線店，原來仲有特色口味可以選擇！🍜叫咗沙嗲 米線，同埋佢哋嘅酸麻辣湯底🌶都好唔錯。香酥茄子，椒鹽腐皮角，小食叫咗哩兩款🍆都係即叫即炸🔥非常之香脆。而且20幾蚊，就有咁大份，其實真係好抵食😍酸麻辣紅薯粉，🥢配上炸醬，芽菜，酸菜，芫茜等香料，非常豐富。沙爹米線唔辣，搭配新鮮肉碎，🥬時菜，蔥花，更加有口感。配菜選咗豬頸肉，🐷同埋豬扒，肉質好好食，簡單有驚喜！👍

荃灣都算叫做米線集中地，呢日收工黎到荃昌買外賣番屋企，見呢間新貴香園都有D客人等外賣，就買呢間試試。兩碗米線連一個小食加埋外賣盒錢，岩岩好$100有找～外賣到家都算無走樣，包裝得幾好！熱拌紅薯粉 $28粗同幼選擇，幼係扭扭薯粉果種，我揀粗薯粉質地QQ,賣相靚仔，味道正常發揮。酸辣豬扒米線 $39 外賣加$1，湯另上再加$1～豬扒都另上搵紙袋裝好米線偏幼有彈性，酸辣湯底屬於清爽型果種！炸腐皮角$28以呢個價錢份量都幾多，有8件脆卜卜，內層似魚肉加豆腐口感，唔錯！

終於係荃灣食到一間入到「我最喜愛系列」嘅米線舖啦！荃灣其實超多米線選擇，但食過好幾間都未係好岩我口味，今次朋友介紹下我終於搵到一間岩我心水嘅米線佢餐牌上嘅米線湯底種類都有別於一般，例如有沙嗲雞絲湯底，麻酸辣湯底等等⋯我本身係想試吓沙嗲，但係第一次食，都係穩陣啲食咗麻酸辣先我叫咗豬膶/南肉/蘿蔔麻酸辣（中辣）。一嚟見到湯底嘅顏色較淺色，心諗會唔會好淡口你知米線最緊要係個湯！點知又唔會喎，佢一啲都唔油，味道好香，同埋我都幾肯定佢唔重味精，我無叫嘢飲都唔覺口渴 麻同辣嘅比例好平衡，唔會因為太麻或太辣而失去咗佢雞湯底（應該係）嘅味道。我最鍾意就係佢同出面食嘅麻酸辣係有分別，佢有自己嘅特色值得一試！米線爽口，粗幼適中，係我鐘意嘅口感而餸方面就不過不失，無特別驚喜但都唔難食。而小食我叫咗腐皮角⋯不過就麻麻地啦。太淋啦，食落有啲唔似係酥炸⋯不過我為咗個湯底，下次會再試架

閉關悶在家差不多一個月，超想念米線，所以今天約了同是米線腔的朋友來解解癮。荃昌中心向來是小店集中地，今次就試試這間新貴香園。雲南小鍋酸辣米線（加豬扒、腐竹、冬菇）米線有咬口不會太淋，湯底夠味又不致於過鹹，炸豬扒肥瘦適中，冬落肉厚。我自己很喜歡放一小撮米線在湯匙，連芫茜肉碎、芽菜、還有一小塊腐竹連少許湯整匙放進嘴裡，所有配料混和在一起，口感豐富，味道多層次，這樣吃米線最滿足🥰酸麻辣米線（加雞絲、腩肉、豬膶、蘿蔔）這個湯底更出色，更香更有層次更惹味。雞絲頗嫩滑，腩肉入味不肥膩，蘿蔔亦夠淋。椒鹽腐皮角、腐乳通菜 椒鹽腐皮角有驚喜！外層炸得酥脆，內裡質感有點像魚腐，外脆內軟加上椒鹽，叫人食完一件又一件😋看見不少食客都點沙嗲雞肉米線，下次要試試，還要再叫椒鹽腐皮角😁

執外賣執得勁整齊😭店員態度都好好，講下點咗咩：😼川味酸辣粉（單買$28）大碗到不得之了！可以叫米線／薯粉。薯粉好滑，煙韌口感，配酸辣嘅味道，真係好好味。佢有好多配菜、肉碎粒，口感更正，湯底好濃郁，都幾邪惡㗎🤣薯粉有得揀粗定幼，我兩個都有揀，外賣係分開裝嘅，所以拎返屋企食都同堂食冇咩分別😚😸香酥茄子（$24）、椒鹽腐皮角($28)小食先係新貴香園嘅靈魂！香酥茄子勁有天婦羅feel，好香脆！椒鹽腐皮角味道係鹽酥雞、口感勁似麥x雞，配撘腐皮角食酸辣粉……一個字：絕！推介大家去食，價錢又平，食過會想再食！

呢間新貴香園幫襯左好幾年，成日黎都好爆場，呢排疫情嚴重左周街人少左，晚市得返外賣，原來外賣返屋企都仲係咁好食（記得叫分湯）😆.🍴 麻辣小鍋米線$28必點佢既麻辣小鍋，我就食開中辣，鍾意佢啲餸好多又足料，我地擇左雞翼+9腩肉+9豬頸肉+11，雞翼同豬頸肉都係炸架，香脆juicy，腩肉唔係五花腩個種，但係入味同多舊，米線底有肉碎韭菜芽菜蔥花，湯底辣得黎唔油。.🍴水餃$38 (10隻)水餃有分韭菜或者粟米，亦可以選擇雙拼，水餃個湯底係精華所在，濃得黎無味精，次次都飲得晒個湯，但外賣浸得耐個餃會淋左啲，最好分湯穩陣啲。.🍴椒鹽腐皮角$28呢個係必點小食，$28有8大件，仲要舊舊都炸到岩岩好，最後先加啲椒鹽再調調味。小食真係大件夾抵食。.🍴家鄉春卷$26春卷裡面係少少菜同粉絲，其實堂食真係好食好多，但而家得返外賣無計啦，性價比都高既咁大件。