新貴香園 (荃昌中心)

夜晚諗唔到食咩就去咗荃昌中心搵嘢食好多平民小店 大部份質素都唔差🥰今次去咗食米線！叫咗一個沙嗲湯底配雞肉同豬紅沙嗲湯底濃郁得來又唔會太鹹 而且唔辣雞肉份量超多 食到最後嘅時候都仲有雞肉唔鍾意食辣嘅朋友仔一定要嗌沙嗲湯底😆另一碗嗌咗酸辣紅薯粉配蘿蔔同豬扒嗌咗BB辣 所以唔會好辣😂蘿蔔正正常常 都幾清甜 不過就有少少渣豬扒幾好味 因為煎過所以有啲香味加埋兩杯凍檸茶 正正常常冇乜特別買單嘅時候大約$100 超抵食！質素仲要唔錯添！大家去到荃灣嘅時候記得去試吓啦🩷…查看更多

幫襯新貴香園，冇10年都有8年。本身唔係住荃灣區，差唔多一個月都來幾次。每一次都係兩個人叫一碗米線幾個餸加小食野飲。價錢其實都係維持返平均一個人叫一碗米線價錢。其實一直都係甘叫，之前店面都有貼住繁忙時間最低消費幾錢（後來冇咗張紙）。當然我地張單價錢除返開2個人，消費都高過最低消費。早兩個月，入去坐低。如常咁落單，個男仔（唔知係咪老闆仔。平時戴眼鏡嘅女仔（應該係老闆新抱）又好笑容又好招呼，唔係舖可能去咗旅行）話一定要一人一碗。你做生意我明白，所以我地叫嘅價錢都係兩個人叫嘅價錢。唔係淨叫一碗兩個人食，係有叫其他野。同埋我地每次食完都好快走，等你地可以快手翻台。當下好唔開心，其實叫兩碗係食唔曬，又叫唔到小食。當下真系有d想起身走，不過坐低咗就算。本身唔係浪費嘅人，惜食。夾硬盡量食，帶來嘅結果就係對食咗咁多年嘅米線產生咗厭惡感。少咗我地呢兩個客，對你地來講係好小事。對我來講，都係少咗一個食野嘅選擇。總會有其他代替嘅餐廳。過咗兩個月，去荃灣打算食其他米線。突然諗返呢件事 ，就有小小唔開心，因為幫襯咗甘多年嘅米線，依家唔想再食嘅心情。唔係錢問題 ，係真系食唔曬唔想浪費食物。希望你地好似之前咁貼返張紙寫最小消費幾錢，唔好強逼個客一定要一人一碗。希望你地生意越來越好，分店都越開越多。…查看更多

荃灣出名係多米線舖，見米線關注組都關注佢，自然去開荃灣都要去試一試去到時間尚早未到黃金時間，入座好好招呼，專登比個鬆動啲嘅最佳位置。米線小店嚟講算坐得舒服，加上似家庭式經營，招呼真係特別細心有禮👍🏻👍🏻👍🏻。坐定定睇menu, 實在係選擇困難症發作嗌咗兩餸，粟米餃無貨，改咗牛柏葉。米線上檯，第一感觀係份量十足，難怪咁多地鐵車廠維修員都嚟食。大大碗實夠晒飽先試湯底，濃味但味精唔嚴重，唔錯粗薯粉煮得剛剛好、淋得嚟仲有𡁻頭。薯份夠粗有掛到湯，真係best choice!再試埋啲餸，牛柏葉夠爽唔韌。瘦腩肉就無味嘅，初初以為係鹵水，點知似白灼。仲要係唔熱，似係就咁一早灼熟擺係度有人叫就加落碗，確實有點失望😞Conclusion: 湯底好味無咩味精，份量足。但荃灣好多選擇，應該暫時短期內唔會再翻兜住…查看更多

一間食滿客的食店。店舖雖小，但米線勁大！！菜色選擇很多，落了單只需等待5-6分鐘就有得吃，店員超有禮。米線；彈牙，爽口，份量十足。湯底：可自選辣度，酸甜的湯汁令人一試難忘。吃後沒有口渴感。蘿蔔：清甜沒根，吸入湯汁，雙倍清甜瘦腩肉：真的很瘦，沒有半點肥肉豬腸 ：沒有污蔑和太多肥膏，入口沒有罪惡感。檸茶：茶味正常。有3片厚檸檬缺點：太多食客，食後未能再慢慢坐多一會。好味指數10／10分必食指數8／10分…查看更多

如題，真係唔係講笑，連一個唔中意食米線嘅人都想encore！！！佢個沙嗲底非常濃郁，花生醬嘅感覺gel住個口，咸香咸香，係揀左薯粉有小小敗筆，個湯太gel，薯粉又QQ口感，好難吞嚥，用多左一倍時間食午餐，2樣都好食，只係唔夾試埋朋友嘅酸辣湯配上海面，又係好正，個酸辣係bb辣，凡人食度嘅水平（唔食辣嘅朋友都可以一試），上海面就易咬好多啦睇人地食評話唔夠餸，食果陣有特別留意，攞米線大哥譚x比，2間價錢份量都差唔多，所以都講唔到叫多定少…查看更多

一心同朋友打算來荃昌中心食餃子，點知撞正餃子店休息一天，見到旁邊呢間米線小過都多人排隊，決定頹頹地食返餐米線就算數～招牌酸麻辣米線+雞絲+豬扒💰HK$52酸麻辣湯底惹味開胃！炸豬扒夠大塊，味道又辣辣地！而雞絲口感亦唔會好乾好柴，呢兩款自選餸都好有驚喜～招牌酸麻辣粗薯粉+炸醬+豬大腸💰HK$50粗薯粉係似土豆粉嗰種，麵質軟糯得來掛湯能力高！可惜另外呢兩款自選餸有啲失望，豬大腸份量較少，炸醬係另上，味道比較鹹～黃金墨魚丸(5粒)💰HK$24墨魚丸就比較遜色一啲，味道唔錯嘅，只係口感唔夠彈牙～可口可樂💰HK$5…查看更多

在這間店外賣了一碗沙嗲湯米粉，加了11元雞肉，沒想到好像在吃淨湯米粉，旁邊是我在碗裡夾起來的雞肉份量，連一條配菜都沒有，太離譜。這碗東西卻要收61元！真的沒有下次！！…查看更多

荃灣最多嘅就係米線，有日經過荃昌中心，見到呢間新貴香園都幾多人幫襯，要坐到鋪頭外邊嘅露天位置，應該有返咁上下水準，所以就決定試下🤓湯底除咗有基本嘅酸辣、麻辣、清湯，仲有香濃沙嗲，不過我都係鍾情於酸辣湯($33)，配料方面就叫咗蘿蔔($7)同埋滷水豬肚($9)😋因為客人眾多，所以等嘅時間比其他米線鋪會耐少少🤏🏻米線望落份量都幾足，但夾起就會發現係啲麵頂起咗，配料嘅量唔多，例如蘿蔔只有4小舊(好似好大塊但比較薄身)，食落中間仲有啲硬☹️豬肚就好爽口彈牙、煮得夠入味👍🏻…查看更多

11蚊豬頸肉得幾夠油，得5片 一上黎就咁少無食過同店員講 佢仲話有 12345 5片豬頸肉無錯一片肉都唔加咬開個肉薄過豬肉乾有一片只有油份量超少又難食呢間真心黑名單又貴……………………………………………………………….………………………………………………………………….………………………………………………………………….………………………………………………………………….………………………………………………………………….……查看更多

🙌🏻Despite its popularity, I have never had the chance to try their offerings due to the constant crowd. This eatery has also garnered numerous recommendations from various foodie pages, making it even more enticing.…查看更多

一個人到荃灣搵食，荃灣可以話係米線嘅聖地，難得黎到當然要試試呢度嘅米線👍🏻新貴香園係區內街坊一致推介嘅小店，今日終於有機會嘗試一下。我點了招牌酸麻辣湯底，小辣，配料選擇了招牌炸豬扒，豬潤及腐皮。炸豬扒炸得酥香，就算浸了湯汁亦都非常脆口，醃得夠入味，不愧係招牌之選。豬膶爽滑一吃便知係新鮮貨色，不像某連鎖米線店舖嘅來貨。腐皮較為遜色，因為我心目中係想食滑嫩嘅腐皮，新貴香園嘅係比較有咬口，但都充滿豆香，不過不失。…查看更多

我係第一次黎呢個小商場，第一印象係鋪面好細，坐就唔係幾舒適㗎喇，基本上一定要搭枱，但係夠local。重點係好大碗，食唔晒，好多餸，價錢好親民。亂填左炸豬頸肉、豬腸、腩肉，有驚喜湯底試左特別啲嘅沙爹汁，配米線食好有新鮮感（可能我大鄉里無試過）幾like呢個配搭，一定會再黎支持小店 諗唔明米線比拼點解會唔入圍㗎⋯⋯…查看更多

走過今次這家米線店真係有啲意外得意！首先啲酸辣米線，湯頭夠哂味，勁過癮，辣得嚟唔會燶，酸菜加埋就更加開胃😋。講到止，啲薯粉真係勁概念，揀咗粗啲條，質感QQ嘅，又吸滿晒湯汁味道，真係齊齊地！豬耳朵就更加出彩，嗰個脆啖啖，加埋麻辣醬同蒜蓉，味爆晒揚，真係攞嚟下酒正到喊！另外，哩間店啲小食都叫得出色，邊款炸物都係即叫即整，炸到外層香脆、內裏多汁，褒晒口！尤其是豬朳同雞翼，喺佢哋啲手藝下變得咁美味，一啖一啖嘅豐富口感同鮮香味道，真係嘆為觀止。總括來講，訪呢家米線店真係賺咗，食物風格獨特又有味，係屋企附近食到咁滿意，日後一定會再幫襯，食完再三讚，呢個地方真係非一般米線可比💫🍲👍。…查看更多

荃豐中心非常多小店今日想食吓川味粉麵類就揀咗新貴香園嗌咗佢哋出名嘅香濃沙嗲小鍋可以另外再tick番辣度湯底好香濃好夠味但又未去到話沾麵咁太稠嘅湯底不過食完就飲番多幾啖水啦配咗幼薯粉 薯粉煮得啱啱好好煙韌好有咬口配嘅餸揀咗蘿蔔食落好淋清甜仲有豬肚 都好入味好淋 如果啲豬肚可以多啲就好啦整體來講都唔錯~…查看更多

新貴香園的炸椒鹽腐皮角令人驚艷！外層炸得酥脆金黃，內裡的腐皮則保持了嫩滑的口感。椒鹽的香氣與微辣的味道完美融合，讓人回味無窮。每一口咬下去，都能感受到腐皮角內部的豐富餡料，口感豐富又有層次感。整體而言，這道菜色香味俱佳，是我在新貴香園最喜愛的美味之一。推薦給喜愛椒鹽風味的食客們！…查看更多