新記 (牛頭角道)

營業中

休息中

平時聽過新記嘅雞粥好出名，今次竟然係我屋企附近開分店😍未食過嘅我緊係要係嚟睇下有幾巴閉！點知一去到門口，已經有勁多人等緊，睇嚟真係幾受歡迎！😎🐔貴妃雞粥 ($59) 4.5/5其實佢係生滾煲仔粥❤️一上枱係熱辣辣，加哂分👍🏿貴妃雞肉係金黃色，肉質鮮嫩(仲要有脾食👅)仲滲入咗湯汁嘅香氣🫢粥底質感綿密，貴妃雞嘅雞油滲咗入去，味道鮮甜濃郁👍🏿兩者加埋係完美嘅融合，令滋味更加豐富！！🦑酥炸魷魚鬚 ($61) 4.5/5一上枱就聞到超～香魷魚味！應該係即炸上碟🤩食落去熱辣辣，新鮮炸到外脆內嫩，每條魷魚鬚都均勻搽麵粉漿，所以唔會覺得炸粉太厚，魷魚鬚肉質彈牙，鮮味突出😋另外餐廳會俾碟喼汁我哋調配，味道層次昇華✨🕊️紅燒元朗脆皮乳鴿 ($76) 4/5餐廳嘅乳鴿都係新鮮即整㗎，上枱散發住乳鴿香氣💦同埋都比想像中大隻👍🏿咬落去勁juicy，外皮好香脆，乳鴿肉味香濃，質感嫩滑💕點埋淮鹽絕配！🐔海蜇手撕雞 ($58) 4/5呢道菜色澤鮮豔，食落酸酸甜甜，微辣，好開胃！雞肉鮮嫩，每條手撕雞都有濃郁嘅雞香味🤤海蜇清脆爽口，撈埋少許榨菜絲，三者結合～味道層次豐富❤️🥪秘製咖央多士 ($27) 4.5/5一片片黄金酥脆嘅

沙田雞粥就成日聽，今次係觀塘見到有另一間雞粥老字號，當就要試吓佢😋紅燒元朗脆皮乳鴿 $76角落評分：🌕🌕🌕🌗🌑乳鴿Size都算OK，但個皮冇想像中咁脆🥲不過好彩咬落都算有肉感，如果鍾意食乳鴿都可以叫☺️但呢個價錢會期望更好質素😊貴妃雞粥 $59角落評分：🌕🌕🌕🌕🌗招牌雞粥係幾好食，啲粥食落都好香雞味😋雞嘅份量都幾多，而且幾嫩滑😍嚟到食可以值得叫！酥炸魷魚鬚 $61角落評分：🌕🌕🌕🌕🌑魷魚鬚炸得幾脆酥同唔會好厚皮，所以食落又脆又有咬口👍🏻估唔到呢個價錢份量都好多，大人小朋友都好啱食🥰香脆炸大腸 $58角落評分：🌕🌕🌕🌕🌑豬大腸都洗得幾乾淨，同都幾淋身！炸完好酥脆，配埋佢個秘制醬汁幾好食🤩份量都算好多，同魷魚鬚一樣都好值得叫🥰香脆炸兩腸粉$25角落評分：🌕🌕🌕🌕🌑炸兩整得唔錯，腸粉皮整得適中唔會厚，油炸鬼都仲好脆👍🏻食粥個陣叫就好啱☺️

🧡🧡🧡好耐無出觀塘食 今次試呢間新記雞粥😋餐廳裝修摩登時尚 座位係舒服多卡位👍🏼✨香脆炸大腸超級推薦炸大腸 🤩😍😍外面炸到脆卜卜又唔會太硬🙌🏻喺入口裏面軟綿綿 點埋酸辣醬食好好食🤤✨海蜇手撕雞另一個好開胃既前菜小食好似好彈牙有咬口 手撕雞好滑嫩😋其實仲有撈埋少少榨菜絲 有唔同口感🤩✨泰式鳳爪超級好食！酸酸辣辣泰式鳳爪佢既酸味同辣味完全配合得啱啱好啊唔會太辣 係高質既！😍✨貴妃雞粥🍲招牌菜之一呀 果然無令我失望！招牌粥煮得好軟綿綿 大大碗我都清得晒啊🤤🤤貴妃雞好滑 食得出雞味 而且份量好多 👍🏼👍🏼✨椒鹽豬扒飯原來呢間小菜都好出色😚 好鍾意佢嘅椒鹽豬扒 一d都唔會太乾淨係睇賣相已經好吸引咬落口豬扒好嫩又有肉汁 唔會鞋🤩正呀好滿意既一餐晚飯，觀塘搵到呢間高質餐廳好有驚喜🤩

黎牛頭角想搵野食就緊係黎宜安街&牛頭角道啦係牛頭角既食街🤩最近開左間新記雞粥 環境仲好大好多位呀~🔸貴妃雞粥以嫩滑的米粥為基礎 配上嫩滑的貴妃雞仲好好好香 味道更加鮮美粥的質地綿密 入口滑順😙搭配著鮮嫩多汁的雞肉散發出淡淡的雞湯香氣呢個係必點呀☺️🔸XO醬炒蘿蔔糕口感軟綿 搭配炒至香脆的XO醬 帶來了豐富的味道😎XO醬的辣味和香氣令到佢增加了一種風味蘿蔔糕和XO醬的結合 充滿左層次感既有蘿蔔糕的軟綿口感 又有XO醬的香辣風味🥰仲食左陣蘿蔔既鮮甜味🔸叉燒腸粉用米漿製成的薄薄一層皮搭配著鮮嫩多汁的叉燒肉口感極為綿滑，與叉燒肉的鮮嫩口感形成了完美的搭配😍叉燒的甜味和腸粉的淡雅口感相互融合下次一定要試埋佢蝦腸先得呀🤩🔸海蜇配燻蹄一味中式冷盤海蜇爽脆可口 帶有一絲的彈性配上香燻的豬蹄肉 味道豐富呢味冷盤好好食呀👍👍🔸揚州炒飯揚州炒飯好有獲氣仲加入各種配料好似雞蛋、火腿、蝦仁等等🤤口感豐富 仲炒到粒粒分明的口感不過咁岩我呢碟偏咸少少 份量如果再多d就好啦~📍新記雞粥 (牛頭角)📍牛頭角牛頭角道347-349號地舖

你以為自己係佐敦間外國牛奶公司咩，野食又貴又唔好食，服務態度差到離晒譜。事源係咁，入到去見到個menu覺得無咩特別，都係一般茶記d野食，見到隔離果碟好似幾好食，諗住問下個侍應隔離枱果碟係咩，唔問尤至可，一問把幾火，侍應即刻黑面唔耐煩，話”食得架囉！”，咁我都知食得，斷估你開餐廳唔會整d唔食得既野比人食掛，算數我大人有大量唔同你計較，最後就叫左一個麵一個河粉。到野食黎到，唔知你擺左係度幾耐，黎到完全唔熱，味道完全唔好食，無溫度無味道連一般茶記都差幾皮，請問你點開餐廳做生意呀?! 所以奉勸大家唔想受氣，唔想食劣食就千祈唔好幫襯呢間野，唔係就比錢買難受！

星期五放工梗係食餐好啦 女朋友最鍾意食乳鴿 去觀塘search到依間新開嘅 有乳鴿又雞粥 就行過去試吓 門面光猛 入面都好多人 新開好乾淨叫咗一隻紅燒乳鴿 熱辣辣 勁Juicy 調味剛剛好 仲有比華鹽 正食大排檔，一定要食呢啲小食 椒鹽炸魷魚鬚 俾埋喼汁 勁開胃估唔到有炸兩食 好開心 外軟內脆 落埋啲混醬 大滿足！牛肉炒菜心 有鑊氣 勁大碟貴妃雞粥 用左蒸好左既貴妃雞 帶有咸味咁煲粥 令到粥都有咸既底味 粥夠綿 有蔥花 有誠意幾鍾意呢類型嘅 又有茶餐廳嘅嘢食又有大排檔嘅乳鴿，繼續小炒小食 又有凍檸茶凍咖啡飲 又有粥又有炸兩 真係可以滿足唔同街坊三餐嘅需要！

諗住新開張同埋之前在筲箕灣幫襯過算唔錯便叫咗兩碗貴妃雞豬潤粥加一個酥炸魷魚鬚小食，從未食過一碗雞粥係咁差，本身粥底好希，雞得三舊仔而且仲係嚡熠熠，而豬潤入口似柴皮，成碗粥完全冇味，喂，大佬啊，夠膽收60幾蚊一碗你地自己話馳名嘅粥夠竟對唔對得住呢個價錢先？

妹妹轉到九龍灣返工，而我也因工作過了觀塘，所以便約她吃一個晚飯。由於想食粥，我們便去了新記吃馳名雞粥。新記雞粥一向有名，這次我加了蠔仔。即叫即煲，所以需要等待。粥香滑軟綿綿，雞肉易咬入味。我們加了蠔仔。蠔仔隻隻都飽卜卜，吃得很過癮。海蜇手撕雞，少少少辣，但令我驚喜。爽口，配合酸甜的配菜，太易入口，送粥都一流。酥炸魷魚鬚，熱呼呼上枱，即炸也太爽。香脆可口，大力推介！蝦米炸兩，因為其他都太出色，所以這個正常發揮都給比下去，但吃粥不可能不配炸兩吧！另外推薦兩款特飲，這麼熱的天氣，配合飲品也太爽。餐廳空間很大，晚市比較多人，但很有效率。坐得舒服也清潔，不錯不錯！

經過見到新開想試下環境好嘈吵升降機每次有餐上就不停響放污糟餐具嘅筒會放喺地下職員會好大力咁掉入去呢兩種聲音極度刺耳我現解但真係好煩擾嗌左個鹹魚雞粒炒飯得兩粒鹹魚價格比一般茶記偏貴 質素又五係好無下次🫥🫥🫥🫥

去左3次唔會再去, 第一次去因為純粹新開走去食,見到有又雞粥又有生腸覺得唔錯.第2次去開始feel到有個白頭佬好大隻負責收銀同入門口既唔係好掂, 因為有伙記叫我地用QR code可以落單,咁我地就試下,點知發覺APP入面無既,咁我地轉返人手落單, 咁岩隔離台又係想食果樣,同個白頭佬講話app無, 佢起晒槓咁喝人 : "點會無呀~~~"兇到人地都唔敢還口,好似想打人咁款.  咁當時我叫左個帶子炒米粉, 黎到既時候竟然係得堆米粉,因為覺得太離譜所以我拍左片既, 你間野都唔會有淨米粉叫,出餐時點會睇唔到? 咁我地又覺得佢新開可能唔熟都無話怪責,只係話佢聽無,佢再端入廚房加返,再上菜時又係個白頭佬一野放碟野黎話 : "加返帶子喇!"  大佬你唔好意思都無句仲要發火咁~我又無投訴,  覺得佢真係狂燥症.第3次去就真係火都黎, 入到去指我地去張台(其實仲好多位),咁我地想座卡位因為有d袋拎住驚迫,佢唔理我好似去左軍訓咁, 繼續喝令我"果張丫" !   我話想座呢度,佢話 : "呢度比4個人座,一陣你地都係搭台!"咁無奈地去左佢安排既位,而我地後面同樣有2個亞叔跟住入,佢地就座左張4人台,兩個仲要打

16/7 晚約10點幾經過，見到呢間舖都幾多人食，門口仲大大隻字要排隊，心諗應該靠得住掛，行入去有條白頭佬問佢坐邊度都唔係好想睬你，淨係手指指，我覺得都冇問題，因為我唔咩豪客亦唔需要你好招呼，坐低叫嘢食睇吓餐牌，真心多選擇，我只得一個人叫唔到多嘢，所以只係叫咗碗剩雲吞同埋一碟蝦米腸粉，過咗大約7,8分鐘先嚟雲吞，個樣真係麻麻地，食雲吞通常都會係一粒散開，我嗰碗係一嚿嚿好實淨，我當時都好擔心裏便會唔會凍啊，結果食第一粒冇事，個心都係熱嘅，食到第三粒真係唔掂……..臭嘅！同個白頭佬講，佢就問我你想取消定係點呀，我話取消算啦，我當時都冇話咁唔開心，廚房一時失手我可以理解。我得返蝦米腸粉，我覺得唔夠食，所以同佢講叫佢加多個豉油王炒麵。好啦，第二樣蝦米腸到，餐牌上話必食，所以我都滿心期待，嚟到腸粉外貌可以，但係只得微暖，我個心已經覺得我以後都唔會食呢間舖頭，好啦，到最後嘅餐牌所講，必食豉油王炒麵，第一啖食落去，我真係唔識形容嗰種乾同硬，我真係食咗兩啖就成碟放低埋單走人，好難頂！我都係做飲食行業嘅生意人，真係好明白處理控制食物質素真係好難，我亦都見到你哋好多間分店，明白管理嘅辛苦同難處，但係希望你

夜晚九點幾經過，諗住同老婆食D野先返屋企，入到去問個白頭佬幾點關門，佢D語氣，衰到無朋友，同我講差唔多嗱，係食就快D , 咁我諗住是但啦，我行去餐廳入面一張枱，因為入面靠後位置有2張枱無人坐， 點知佢叫我坐返出面搭枱，我話我唔想搭枱喎， 佢叫我返出門口等下先，明明門口無人排隊，又無人等枱，佢都識講差唔多關門啦，係都要迫人搭枱，根本就係唔想比人坐入面，阻住佢地吹水，好X野， 咁X串， 我情願行過D，食碗雲吞麵好過，咁既招呼，成條街我都食過，最差都算係哩間新記，我真係祝佢生意興隆呀

肚餓五點幾行過見到入去食個下午茶，入門口就見到個白頭佬，聽把聲個語氣已經麻麻哋，拎起個餐牌睇吓有咩食，款式都好多，粥品，有炒粉麵，有炸雞髀，有普通下午茶餐！食物味道合格。價錢公道！但落單落遲啲都驚，我又未背熟你個餐牌你咁心急我都冇辦法㗎！落單那位白頭髮男就好似澳洲牛奶公司過嚟做！西面到咁樣咪叫第二個伙記落單囉！做食肆就係咁樣！普通一個阿姐都做到嘅嘢，睇你個款都似話事嗰個，做成咁係咪真係唔優做啊？仲有就係5:55有個客入咗嚟，佢又走埋去諗住等人哋落單，點知佢未落佢即刻行開大聲叫同我收晒所有下午茶餐牌，幾有氣勢！