影片
更多
2023-07-17
75 瀏覽
16/7 晚約10點幾經過，見到呢間舖都幾多人食，門口仲大大隻字要排隊，心諗應該靠得住掛，行入去有條白頭佬問佢坐邊度都唔係好想睬你，淨係手指指，我覺得都冇問題，因為我唔咩豪客亦唔需要你好招呼，坐低叫嘢食睇吓餐牌，真心多選擇，我只得一個人叫唔到多嘢，所以只係叫咗碗剩雲吞同埋一碟蝦米腸粉，過咗大約7,8分鐘先嚟雲吞，個樣真係麻麻地，食雲吞通常都會係一粒散開，我嗰碗係一嚿嚿好實淨，我當時都好擔心裏便會唔會凍啊，結果食第一粒冇事，個心都係熱嘅，食到第三粒真係唔掂……..臭嘅！同個白頭佬講，佢就問我你想取消定係點呀，我話取消算啦，我當時都冇話咁唔開心，廚房一時失手我可以理解。我得返蝦米腸粉，我覺得唔夠食，所以同佢講叫佢加多個豉油王炒麵。好啦，第二樣蝦米腸到，餐牌上話必食，所以我都滿心期待，嚟到腸粉外貌可以，但係只得微暖，我個心已經覺得我以後都唔會食呢間舖頭，好啦，到最後嘅餐牌所講，必食豉油王炒麵，第一啖食落去，我真係唔識形容嗰種乾同硬，我真係食咗兩啖就成碟放低埋單走人，好難頂！我都係做飲食行業嘅生意人，真係好明白處理控制食物質素真係好難，我亦都見到你哋好多間分店，明白管理嘅辛苦同難處，但係希望你
我都係做飲食行業嘅生意人，真係好明白處理控制食物質素真係好難，我亦都見到你哋好多間分店，明白管理嘅辛苦同難處，但係希望你老闆可以見到我寫嘅嘢，老闆你哋投資咁多錢，無非都係想做好盤生意，講真員工冇必要為你擔憂，只有你哋自己可以緊張自己嘅生意，希望你哋繼續努力做好，因為而家生意真係好難做，有機會的話就俾心機努力。🙏🏻
張貼