新泰東南亞餐廳 (馬鞍山廣場)

營業中

休息中

色香味俱全泰國菜 舒適雅座今晚約了家人到馬鞍山新泰東南亞餐廳晚飯。餐廳門外環境位置很幽雅，微暗的燈光更顯出餐廳內寧靜舒適的感覺。最特別是門外有大營幕給食客可預先看到食材的種類，真是一目瞭然。我們一坐下，便點了 越南蔗蝦這道菜將炸漿包著蝦肉非常脆口，蝦肉新鮮爽滑，而竹庶汁也非常清甜。跟著便是我喜愛吃的麵包焗咖喱軟殼蟹，這道菜更好味，咖喱辣味適中，而軟殼蟹更軟得入口即溶的感覺。麵包鬆脆連咖喱汁一起吃更惹味十足。第三道菜是蜜糖燒肋骨，蜜糖清甜，而肋骨肉質肥厚，賣相也非常精緻。最後第四道菜是泰珍珠椰菜苗炒香菇，椰菜苗很爽嫩而香菇也很有菇味。最後一味菜是越式蟹內炒粉絲，這款菜也很有特色，將彈牙的蟹肉和清爽的粉絲炒起一碟，同是美味十足，真是色香味美。下次真是再要到此一遊。

今晚同屋企人去左 新泰東南亞餐廳 食我最愛嘅泰國菜，鍾意呢到嘅環境寬敞舒適，座位坐得舒服，裝修精緻富有東南亞風情，心情特別放鬆舒暢。 等位的時候店外有屏幕電子餐單供食客預覽，貼心方便。麵包焗咖哩軟殼蟹賣相非常吸引，軟殼蟹炸得香口鬆脆， 要沾滿咖哩汁一齊食。 咖哩不太辣，甜甜帶點椰香， 麵包烘得半脆， 索滿啖啖咖哩汁入口非常滿足。越南烤蔗蝦大大舊蝦球炸得金黃香脆熱辣辣 ，當然唔少得沾上甜酸汁大啖吃，蝦肉爽口彈牙，記得再咬蔗汁食，非常清甜，伴碟凍檬倒下剩下甜酸汁一齊食，十分醒胃又可以即時中和一下煎炸感。蜜糖燒肋骨必叫之選！豬肋骨燒得好香唔乾身，咬落去肉質肥美肉厚，鎖住嘅肉汁洋溢口中，一定要灑上醬汁食，醬汁甜甜地，帶出肉味更美味。越式蟹肉炒粉絲蟹肉厚厚的鋪滿面， 粉絲炒得軟硬剛好不會太乾，啖啖蟹肉配搭一齊食口感豐富不膩。椰菜苗炒香菇椰菜苖新鮮翠綠，配上紅蘿蔔和香菇， 灑上乾蒜，炒得非常惹味已經第二次黎食，鍾意呢到環境舒適，侍應服務都好有效率同有禮，食物又有水準，家人朋友都食過番尋味呀。

之前聽朋友介紹過呢間餐廳，環境舒適，菜式選擇多，價錢合理，咁啱今日同老公嚟馬鞍山呢邊，於是就嚟試一試。首先，我哋叫咗一碟泰式乾炒牛河，有豬肉、雞肉和牛肉可供選擇。 炒河好有鑊氣，水準拍得住我哋喺泰國食嘅炒河，豬肉是半肥瘦的，肉質鮮嫩，配上鮮紅蘿蔔絲、芥蘭等等，非常豐富!然後，我哋叫咗泰式烤豬手。平時我哋午餐都會食豬手飯，但原隻烤豬手上菜真係第一次，正呀！表皮烤得卜卜脆，帶點兒烤焦的味道，很香。味道沒有德國豬手這麼咸，更適合亞洲人口味。醬汁帶微辣，夠惹味。配菜也不錯，有鮮紅蘿蔔，椰菜花，西蘭花等等，賣相不錯。我們追加了一碗白飯，總括來講，非常滿足!下次一大班朋友嚟，可以試一試海鮮，相信質素也不錯！

之前筆者曾到訪新泰的灣仔分店，無奈假日實在超多人，等位區被食客逼爆，只好放棄。得知新泰在馬鞍山有分店，這天一放工就拉了男友來陪我試試。新泰在馬鞍山廣場內一條人流較少的通道的盡頭，走過Saizeriya和一堆髮型屋後才找到，筆者首次來這商場，還是要靠服務台的職員告知餐廳位置及前往方法。餐廳座位寬敞，有很多卡位，座位與座位之間距離頗遠，私隱度比一般泰國餐廳為高。餐廳另一側有圓形大枱，適合多人聚餐。餐牌有齊中英文，圖文並茂，然而食物種類繁多，翻了很多次才選定今晚要吃的食物😂餐碟美觀，拍下來留念一下～食物方面我們選了一客青咖喱、一客蝦餅及一客金邊粉，再加一杯泰式奶茶share。泰式蝦炒金邊粉 (8/10): 很喜歡廚師用蛋網包着金邊粉～鮮蝦彈牙、金邊粉比起其他餐廳帶嚼勁，加兩勺青咖喱一起吃更美味。青咖喱牛肉 (8/10): 筆者其實不太食得辣，這裡的青咖喱算是我的極限。牛肉軟稔，咖喱很香，南瓜片質地較實淨，下次可再試試其他款式的咖喱。泰式炸蝦餅 (9/10): 蝦餅很彈牙，外層炸得金黃，點上酸甜醬中和了炸物的油膩感，是今晚最正的一道菜。泰式奶茶 (7/10): 茶味香濃，偏甜的調味較解辣，怕甜

知道馬鞍山開咗間新泰國餐廳，所以特登嚟試下，我哋今次叫咗泰式海南雞飯，燒魷魚筒，同埋泰式炒金邊粉，個雞好滑，同埋個海南雞飯個油飯好正。而泰式炒金邊粉都好有泰國特色，好有泰國風味，多配料。 魷魚筒刀不過不失，不過稍嫌個魷魚筒細咗少少。 因為海南雞係去咗骨，所以啖啖肉，而且個雞皮唔肥同埋有油香關係，所以我會連雞皮都食埋。如果下次大家有機會黎新泰東南亞餐廳食飯，都建議叫返佢哋個海南雞飯。另外，去泰國餐廳就一定要叫椰青飲㗎啦！我覺得新泰東南亞餐廳嘅椰青好大個，同埋啲椰青水特別多，特別甜，因為好飲又甜嘅關係，我會刮 埋入面啲果肉嚟食。

坐落於馬鞍山某大商場嘅冷清角落頭。 本來係人煙罕至， 方便但係又冇乜人路過嘅地方。 竟然有一間咁出色嘅泰國菜餐廳。 今日就等我帶大家去試試啦!餐廳面積十分大 座位 簡潔 亦都非常舒服 menu上面嘅菜式都係精挑細選首先嘅係大K必食嘅 泰式前菜 - 米紙卷!同我去泰國食嘅， 簡直係一樣風味。再嚟 大k泰菜必食 - 菜肉包， 佢有豬肉同埋雞肉簡易大k最鍾意嘅就係豬肉先至食得出美味。將肉不入去蔬菜嘅 中間。 清爽又唔會比你 豬肉類香味又有生菜嘅 清新。呢個芒果沙冰簡直不得了! 三十幾度嘅夏天 飲咗佢 真係透心涼。 好過捐入去雪櫃雪三個鐘!南瓜飯- 起初點佢只係因為佢個樣好似好靚。一食更加不得了， 龍馬精神嘅香味食完又食都仲未飽。蔬菜提出嘅新鮮在家本地嘅火候。電泵永遠都係另外一個胃。 泰式甜品 仲有六款可以揀!

住在沙田咁耐，好少會特登入去馬𩣑山食飯。今日探朋友見到依間門面光鮮，坐位幾寛敞便入去試試！receptionist 係泰國人，態度親切友善。餐牌裏種類好多，有飲品，小食，炸物，咖喱，小菜，甜品。因為第一次食，當然試佢信心保證有手指公既菜式。我們兩個人合共叫左三道菜，每道菜都真心好味，正宗泰國囗味吾似得其他泰菜館為左迎合香港人口味將泰菜減辣或變種。1. 泰式燒春雞配香芧飯依個係成晩既靈魂！真係正一百分。因為即叫即燒關係，所以要等10分鐘，一上枱香噴噴熱騰騰的春雞一切開，香濃的雞油精華配埋個香茅飯真係一流。春雞葉得非常入味唔會過濃，side dish 有一小兜沙律菜，酸酸甜甜非常醒胃如果大家第一次來一定要食呢一道菜！2. 泰式柚子蝦沙律依度餸都係依間餐廳的名菜。用正宗泰國碌柚，出名清甜甘香，配埋特製沙律汁，香蝦，腰果，小小蒜片。成個菜真係好好味！ fresh ! 3. 燒鱔鱔燒得甘香爽口！特制泰式燒汁真係令普通的鱔魚變得不普通！今餐真係非常之滿足，我哋兩個捧住個肚走。

今日和老婆往馬鞍山新泰東南亞餐廳食晚餐, 我們點了燒朱頸肉, 越式燒春雞釀香茅黃飯、燒黃鱔、泰式炒椰菜仔和泰式凍奶茶。燒朱頸肉煎得香脆, 朱頸肉肉味軟腍, 口感十足；越式燒春雞釀香茅黃飯賣相吸引, 越式燒春雞肉質鮮嫩, 食落啖啖肉, 雞肉內釀上香茅黃飯, 黃飯飯粒軟綿, 食落有黃薑香味, 口感豐富, 配上新鮮沙律菜食落新鮮開胃；燒黃鱔共有四串, 鱔食落肉質鮮甜味美, 食落惹味；泰式炒椰菜仔炒得新鮮爽口而不膩；最後泰式凍奶茶飲落甜度適中, 奶味香滑。餐廳座位舒適, 食物美味, 份量十足, 我和太太食了一頓豐盛泰國菜。

曾經，馬鞍山被封為美食沙漠，但近呢幾年都換了好多店鋪大洗牌，開始有d市區嘅卧虎藏龍黎到插旗。今次在馬鞍山廣場的角落發現連鎖泰菜新泰，裝修仲要超靚，入到去好似渡緊假咁，馬鞍山終於打破悶局了！我早食飯，6點就入座，冇咩人，但坐左半個鍾左右就幾乎full house. 佢個裝修入到去好似去左泰國咁，感覺一流！有d大檯可以約埋成班friends黎食，做節都一流，好過次次去飲茶前菜：蝦米米紙卷，好清新，蝦米香脆惹味，配以泰式酸汁，令人食指大動！熱食：鴨肉生菜包，秘制醬汁和香草炒香鴨鬆，被清甜爽口的生菜包住黎食，口感過癮，味蕾感恩主食：招牌南瓜芝士焗海鮮飯，大大隻大蝦，香甜嘅南瓜，濃厚的芝士，這個組合有誰能招架？不愧是招牌菜，用心制作，美觀美味極了！份量頗大，3個人食都夠。炒菜：馬拉棧炒通菜，睇相就知，通菜好新鮮又乾净，炒得剛剛好，夠鑊氣而保持爽口咬勁，真係好正宗，好似去左泰國旅行咁呀！飲品：泰國椰青冇得輸，一定是世上最好飲的椰青，食泰菜點可以唔點？去到尾聲，好像欠了什麼。。。對了，是甜品！！menu見到個超吸引嘅甜品大拼盤，勁想叫，可惜我們只是兩人。。。退以求其次，叫份泰式甜品小拼盤啦！有4種泰

星期六日下午茶都有八折覺得好抵 而且好正宗嘅泰國菜 豬扒湯河嘅豬扒軟身易入口 還有蟹肉炒米粉我份量適中適合午餐和下午茶時段 還有那個海南雞飯 鍾意雞油飯也喜歡秘製嘅醬汁 加埋杯青檸梳打 真係一個唔錯嘅tea time

等到終於放假了，中秋前夕要食好泰我地之前食左灣仔果間了，但係今日就諗不到食邊間就去呢間啦。我地食既食物基本上跟上一次都是一樣但多了個幾好味既甜點，椰青大菜糕不過菜既份量可以再多點鹽焗烏頭都已不錯，豬頸肉都是汁醬勝整體好滿足開心過中秋

依晚放工去新泰食晚飯。依間店地點方便，由馬鞍山站行過去約3分鐘內分鐘就到。碟有微溫，好驚喜。環境裝修有舒適的感覺。難怪平日晚上七點幾都唔少人等位。健康的泰式炒雜菜，菜都好新鮮，菜菇瓜種類好多。兩個人都夠飽。睇餐牌嘅時候已被sharp sharp嘅橙色吸引！海鮮味香濃，加堆泰式醬汁去焗原個日本南瓜，又好味又有營養。我地食堆南瓜肉，好味！不過女士係有兩個胃的，所以都叫埋甜品。甜品小拼盤顏色配搭理想。每種款色有兩個，剛剛好我地兩個share.店員好細心再俾個靚靚碟我地食甜品。甜品味道主要係好濃嘅椰汁椰糖香，好鐘意😊整體嚟講新泰係較高質的泰國餐廳，價錢都好合理，服務都好ok. 下次可以同多d朋友一齊來，再試多d唔同嘅野食。

雖然商場人不多，這家新餐廳人流旺，店外有泰式風情擺設，即時勾起早前泰國旅遊回憶，這決定一試以解旅行癮餐牌設計簡約泰式蝦炒金邊粉 $85這是我每次泰菜必點的，外層有蛋皮，造型有新意，金邊粉甜，蝦煎香又爽，配搭花生醉和青檸，酸味令人更醒胃，吃著油膩感不多椒鹽軟殼蟹 $78軟殼蟹肉不算太多，但炸得酥香，無油味，椒鹽如避風塘般香，辣味少，鹹味重，椒鹽拌飯吃好送飯巴東牛𦟌 $88牛𦟌切件正方形，牛味重，入味又嫩滑，巴東醬少辣，香料味濃，好惹味三色冰 $38椰汁香濃，冰凍解渴

聽朋友介紹這家泰國餐廳新開不久，冬蔭公出色，但同行老人家不嗜辣，下次再試，今晚竟然快滿座，看來人氣不錯泰國青芒果沙津 $78青芒果酸酸甜甜，口感清爽，醬汁偏酸，配搭香蔥，香辣惹味又醒胃泰式蝦炒金邊粉 $85外面有蛋花包著，看似蛋包飯，造型不錯，金邊粉爽口，蝦就一般，落青檸汁更清新解膩泰式炸蝦餅 $88蝦餅炸得好香脆，蝦肉爽滑，熱氣都要食印度酥餅 $32酥餅香軟，有點酥脆，如果加咖哩一定好好食，下次要試試店內環境有泰國風情，環境乾淨，坐得舒適

約咗幾個朋友係馬鞍山泰星馬餐廳食晚飯，叫咗海南雞半隻，串燒半打，肉碎生菜包，豬頸肉，裝修真係幾好，但食物就麻麻，海南雞冇味，串燒肉又實，肉碎多生菜得幾片唔夠包肉碎，豬頸肉還好，價錢偏貴，服務一般。