新泰東南亞餐廳 (馬鞍山廣場)

營業中

休息中

見呢間餐廳新開，從外面睇環境唔錯，氣氛良好，卡位更有小靠枕，顯得溫馨且窩心。雖然菜價略高，但依然想一試，點知。。。😑首先座位，我一行5個大人，俾咗張縮埋一角嘅枱，位置勁窄，坐最入個個要屈埋個身去食，加上冷氣細，佢只serve熱水俾客人，全程大汗揼細汗咁食😥問可唔可以轉位，服務人員好惡話得呢張枱，唔要就算。最後有friend話算啦，張就一下。點知食物到時，我地大跌眼鏡。首先咖喱蝦，蝦嘅做法有啲似天婦羅，外面有層皮，但是浸咗咖喱汁，成個外皮淋哂。個咖喱汁唔辣，色澤同蛋黃差唔多，味道尚可，不過真係唔似咖喱。其次是去骨海南雞半隻，雞淡而無味，份量精緻，仲要冇任何配菜，得兩片生菜鋪底。跟住嚟咗既巴東牛展同薄餅跟蒜蓉包，牛肉唔錯，幾腍但是個汁根本就係沙嗲醬，我有個巴東牛肉迷朋友食到扁哂咀。唯一是個餅同包酥脆好食。重頭戲是個冬陰功（大份），勁咸我幾乎是一口湯一口水咁飲，除左咸味，完全食唔到冬陰功嘅香酸辣嘅爽快感覺，湯裡面嘅蝦有兩隻，蝦肉勁霉，完全是似雪咗勁耐嘅雪藏蝦。跟住嚟咗串燒，2豬2雞2牛，牛食落香口，但是有朋友表示雞有雞屎味，而且仲要俾咗4串雞，冇豬，唔知係咪豬太貴。不過呢度菜最差係個醬，勁甜

馬鞍山又多左間靚靚餐廳啦，同我可愛嘅媽媽黎享受一下先～餐廳光猛明麗，大部分侍應都係東南亞人，有d似去左泰國高級餐廳😆。🔆泰式燒春雞🐥釀香茅黃飯 $188 - 脹卜卜嘅春雞，賣相好吸引呀！黃薑飯好spicy，又有香茅同燒雞味道，味道好豐富呀😍！雞皮香口雞肉嫩滑，不愧為招牌菜👍🏻🔆串燒沙爹（豬、牛、雞）🐷🐮🐤$88 - 熱辣辣香噴噴😋，肉質鮮嫩唔會太乾，沙嗲汁好香花生味，正！🔆巴東牛展 $88🐮 - 咖哩好濃好香，厚切牛展大大舊。唔同平時切片嘅牛展，牙力夠嘅人好似我咁就會覺得比較有口感，好濃肉味添🤣。個蘇餅油香鬆軟，沾上咖哩汁勁滋味呀！🍽今日平日，時間去到7點門外已經好多人排隊。假期真係要早d攞位先得🤔。

貓貓今日想食泰國餐。所以就揀左一間貓貓鍾意既泰國餐廳，新泰。入去餐廳，貓貓覺得好舒服好靓。入邊好有泰國放鬆又高級既氣氛。而且座位有枕頭，十足十泰國悠閒既氣氛。貓貓肚餓啦，order左炸軟殼蟹芒果米紙捲。軟殼蟹啱啱炸出黎，熱辣辣。食一口，好脆又食到蟹肉既甜味。芒果又甜，口感真係好豐富。點一點酸辣醬，味道更加開胃。越食越覺得爽口喵！貓貓之後再order左個泰國豬手。呢個豬手好特別。炸得同德國豬手外表一樣。但口感完全唔同。好特別既泰國豬手。豬肉係完全鬆軟好多汁。但係豬皮超級脆又肥美。重點係點埋個黑汁，味道更加好食。少少辣少少甜，真係好開胃，貓貓濕左個嘴啦！貓貓想食甜品。椰青大菜糕。成個大椰青邊左啫喱。好得意呀喵。啫喱有好清甜既椰青水味。仲有啖啖椰肉食。呢個甜品真係好好味好清甜。貓貓食到好飽好開心喵！

成日聽到馬鞍山係一個美食沙漠。的確係既，但見到新泰係馬鞍山開左，就知道呢度唔再係沙漠，係綠洲。呢間餐廳之前係尖沙咀已經食過，好好味，所以先食返呢間餐廳。環境好之外，就係空間夠大。叫左個柚子蝦沙律。柚子獨特既香甜味，同埋沙律既醬好搭，醬料酸酸甜甜，加埋炸紅蔥頭，味道更加香。蝦大粒又新鮮，仲有魷魚。味道好夾好好食。之後叫埋個日本南瓜海鮮飯。用左日本既南瓜。所以南瓜味道特別甜。南瓜既甜味已經滲透入去飯度。粒粒飯都咁香甜。海鮮又係好新鮮。青口，蝦等等既海鮮。好捨得俾材料。整得好好味。味道，口感都豐富！南瓜飯既份量都多，食一個南瓜飯已經好飽。同埋呢個菜色既賣相真係好吸引。食食下已經好多人係出邊排隊。呢間餐廳真係好好食。每次食都覺得好滿足好飽。價錢同食物成正比。值得食！

試新開冇耐泰國餐廳，中午叫左個海南雞飯，味絕馬鞍山。油飯有淡淡黃薑味，胡椒冬瓜湯味濃又加埋西芹醉夠清香。無骨雞，啲肉夠香軟而啲肥膏冇乜。配菜係蒜蓉炒雜菜都見到有功夫，平時好少食菜嘅我都食埋！成個餐$75，但12:50前埋單有9折，跟餐茶。係馬鞍山來講，價錢唔算平，但味道肯定超哂班！有機會試埋其他菜式。

早兩晚收工接埋小朋友已經8點幾，四圍搵嘢食，隔離平民化間餐廳好多人仲等緊，行過隔離諗住睇吓嘢，侍應走出嚟話有位可即時入，仲有位可以擺到BB車，諗住唔駛等咪試吓囉，一入到去原來係圓枱仲係搭枱，俾人呃咁，好唔開心囉。望住個餐牌都係一般泰國餐廳價，唔平唔貴咁，嗌咗炒椰菜仔，菠蘿炒飯，老公見到隔離枱既炸魚好靚，份量多食唔哂，心郁郁都叫埋炸魚。落ORDER，侍應講明炸魚要等，椰菜仔幾好食，菠蘿炒飯，師傅唔記得落鹽，無味，但相對其他泰國餐廳就真係有良心，因為個菠蘿只係斬咗一少截，其他餐廳會斬開一半，可以分兩個，呢間真係無咁做囉。老公係椰子控，突然ORDER咗個椰子沙冰，上到枱，正，原個椰青上，沙冰混有椰青肉，好味。講返炸魚，真係等到食咗半個菠蘿飯先上菜，但炸魚真係炸得幾好，魚肉仲嫩，外面連條魚都係脆，美中不足係，有部份炸過龍，有少少燶味。埋單490蚊，但我覺得都物有所值既。題外話，成間店9成職員講泰文，得2至3個職員識講廣東話，但服務態度都尚好，值得再去。

昨天下午同家人行過，發現此食店，由好奇心驅使下，我們踏進此店環境： 以香港來說，食店環境舒適寬躺，枱與枱之間有一定距離，不會過分擠迫！格局充滿泰國風情，令人置身泰國👍🏻服務方面：侍應速度稍快，又有禮貌👍🏻食品質素方面：我們點了泰式海南雞飯及濕炒什菌肉片河下午茶。 前者由飯入味，雞肉亦十分嫩滑，好味👍🏻👍🏻👍🏻後者份量不太多，但以下午茶角度來說已足夠，肉片分量亦恰當，味道適中不太鹹！

今日和太太, 外父及外母往馬鞍山新泰東南亞餐廳食晚餐, 我們點了泰式菠蘿炒飯, 泰式炒椰菜仔、泰式燒雞、燒鱔、串燒沙爹、泰式生蝦、咖喱炒蟹、印度薄餅、馬拉盞通菜、龍眼冰、菠蘿沙冰、泰式奶茶、泰式炸蝦餅和蝦醬炒飯。泰式菠蘿炒飯菠蘿甜度適中, 炒飯炒得乾身；泰式炒椰菜仔炒得乾身椰菜仔炒得鮮甜, 配菜蘿蔔絲味道適中；泰式燒雞燒得金黃, 雞肉肉質鮮嫩, 雞皮香脆；燒鱔肉質鮮甜, 鱔食落肥美, 配上醬汁食落醒胃；串燒沙爹有雞肉和朱肉各3串, 雞肉串肉質鮮嫩, 朱肉串肉味香濃, 配上沙爹汁食落惹味有層次；泰式生蝦食落新鮮鮮甜彈牙, 醬汁略嫌比較辣；咖喱炒蟹共1.5公斤, 蟹炒得惹味甘香, 肉質鮮甜, 咖喱味辣度適中, 配上印度薄餅食落口感豐富有層次；馬拉盞通菜馬拉盞味道適中, 通菜食落爽口味道；泰式奶茶奶味香滑, 茶味香濃；泰式炸蝦餅炸得金黃, 蝦餅細細件, 賣相精緻, 食落不油膩, 口感香脆；最後蝦醬炒飯蝦醬味香濃, 肉鬆惹味, 腰果爽脆, 飯炒得乾身美味。餐廳座位闊落, 食物美味, 材料新鮮有質素, 我們食了一頓高質泰國菜。

一聽馬鞍山開咗新泰泰國菜，我就好想嚟試試，因為我一直都有食開灣仔果間，覺得幾高質。所以，搵咗個星期日下午茶時間嚟試試，點知換嚟嘅只有失望...係門口等咗15分鐘位，期間我屋企人問咗個姐姐幾次問題（等幾耐？有無tea menu？）個姐姐就好似好唔耐煩咁。佢答有tea食，我搵極都搵唔到本tea menu，後尾埋單先知原來係有折。答得咁模棱兩可，身為新客嘅我哋點知咁多，問幾句就唔耐煩，服務態度好差。之後入咗去，唔知係唔係因爲多人嘅緣故，啲侍應都好唔耐煩咁。好啦！態度差，諗住有嘢食搭救，點知嘢食仲差過服務態度。我同屋企人叫咗個海南雞飯同越式蟹肉炒粉絲。海南雞飯就一般般，個炒粉絲完全擺唔入口🤦🏼‍♀️ 粉絲好大陣油膱味，但完全唔似炒過，撈埋一齊就上碟，仲之就差啦！佢係用真蟹肉唔係蟹柳，但啲蟹肉係凍嘅... 食完之後有少少反胃嘅感覺，唔係講笑。總括而言，呢間嘢如果無改善，我真係唔會再幫襯，我會選擇去番灣仔嘅分店食。唔知係唔係開係美食沙漠，啲嘢食嘅質素就下降咁多...

老婆成日話: 食黎食去都係某幾間餐廳， 有d悶, 機緣路過海柏花園,  突然被新餐廳嘅裝修吸引住, 探頭一望, 我蠻喜歡, 因為裝修好有泰國色彩, 令我想試一試, 就帶老婆黎試新野先6:30 已見有人等位, 好彩好快入得, 見老婆雀躍反應就知, 合佢心水啦安心睇下有咩野食先~原本想叫菠蘿海鮮飯, 但此刻見隔離枱剛剛上左個飯, 好吸引, 就即時轉呔~叫左日本南瓜海鮮飯, 份量都幾多, 有多款海鮮, 口感豐富又特別, 幾有趣的配搭!另外，叫左蔗蝦, 軟熟唔會太粉, 非常滑溜。再叫左, 燒大蝦, 厚厚既蒜蓉, 份量十足既大蝦, 燒得恰到好處, 唔乾身, 肉質爽口，滿意。係炎炎夏日, 叫左杯薄荷梳打, 浸泡新鮮薄荷, 無甜到嘔既糖水, 反而感到清新味道, 健康 !老婆就叫左菠蘿沙冰, 只睇賣相，已覺透心涼，淡淡清新甜美的菠蘿味道，攪拌後味道平均, 真係好爽!最後, 當然唔少得泰式必食甜品, 芒果糯米飯啦, 芒果香甜, 糯米飯有2種, 有原味同紫糯米, 兩重感受, 再配上厚厚既椰醬, 非常有水準，回味無窮！總括: 服務非常有效率，再加上舒適的環境，值得推介

馬鞍山區, 食市雖然都算多, 但真係有水準令人有食完想再食既食市就真係唔多啦~而馬鞍山廣場, 近期不斷有新食市進駐, 日本野啦, 上海野啦, 一間長期排長龍但食物質數一般既西餐啦, 等了再等, 終於等到我最鐘意食既 ~ 泰國餐廳啦因為新開既關係, 當然好多人光顧啦, 未夠7點, 已聚集一班街坊啦好彩今日我早到, 好快就安排入座了, 環顧四周, 入面既裝修擺設都略花心思,  處處都充滿泰國色彩, 地方好大, 枱方面, 大致以2-4人檯為主, 夠闊, 空間感大, 真係好自在,舒服餐牌相片好吸引, 攪到我樣樣都想食, 真係多個胃都唔掂最後食左:**日本南瓜焗海鮮飯**上枱時, 不自覺又心心眼 因為賣相真係好吸引, 好彩都不忘影相分享, 內裡海鮮份量十足, 大蝦, 魷魚, 青口等等, 好香濃既咖哩椰香, 大大增加食慾~ ~ **燒西冷牛扒**燒得恰到好處, 肉質鮮嫩軟稔！夠juicy! 牛味香濃。**燒大蝦**蝦SIZE 真係好大隻, 絕不馬虎, 厚厚既蒜蓉, 加埋彈牙又大隻既大蝦, 咁完美既配搭, 大啖大啖咁食, 真係大滿足, 簡直係完美嘅結合。**菠蘿沙冰**最後, 飲返杯令我一見到就流哂

呢間餐廳啱啱開冇耐，夜晚經常要等位，所以今日去試下lunch set。餐廳嘅環境唔錯，枱同枱之間有距離，而且坐得好舒服👍🏻見倒menu有6款，係12:50前埋單仲可以有九折（即係免加一），今次揀左咖哩海鮮飯+海南雞飯，味道唔錯，而且份量都幾多，普通女仔應該都食唔唒成個餐。惟一有樣野唔係幾好嘅就係海南雞飯要等二十分鐘左右先有得食，侍應話油飯要等一陣，我地去嘅時間係11:45，所以間餐廳未準備好😂😂