新泰東南亞餐廳 (馬鞍山廣場)

營業中

休息中

今日和老婆往馬鞍山新泰東南亞餐廳食晚餐, 我們點了燒朱頸肉, 越式燒春雞釀香茅黃飯、燒黃鱔、泰式炒椰菜仔和泰式凍奶茶。燒朱頸肉煎得香脆, 朱頸肉肉味軟腍, 口感十足；越式燒春雞釀香茅黃飯賣相吸引, 越式燒春雞肉質鮮嫩, 食落啖啖肉, 雞肉內釀上香茅黃飯, 黃飯飯粒軟綿, 食落有黃薑香味, 口感豐富, 配上新鮮沙律菜食落新鮮開胃；燒黃鱔共有四串, 鱔食落肉質鮮甜味美, 食落惹味；泰式炒椰菜仔炒得新鮮爽口而不膩；最後泰式凍奶茶飲落甜度適中, 奶味香滑。餐廳座位舒適, 食物美味, 份量十足, 我和太太食了一頓豐盛泰國菜。