新泰東南亞餐廳 (雙子匯1期)

營業中

休息中

收工約咗男朋友嚟啟德食晚餐，等緊男友期間自己一條友去咗Airside同雙子匯行街睇吓有咩食，見到「新泰」新開咗分店，就提議食呢間。我哋叫咗個泰式柚子蝦沙律，真係好豐富，柚子多汁、仲有魷魚、蝦、炸椰子片碎、洋蔥、蔥花、腰果等等。食得出落咗青檸汁，酸酸甜甜咁好開胃。我哋仲叫咗個南瓜焗咖喱海鮮🎃，真係成個南瓜盅咁上，大南瓜入面裝滿咖喱醬同海鮮，有兩隻青口、兩隻大蝦；仲有魷魚、斑塊、南瓜、椰菜等等。賣相好特別，個咖喱醬都冇得頂，少少甜甜地咁，一啲都唔辣，用嚟點海鮮同粉絲好惹味。我哋仲叫咗個越式蟹肉炒粉絲，粉絲晶瑩剔透，咬落都幾彈牙。成碟粉絲上面鋪滿咗蟹肉、扎肉、芽菜、洋蔥、三色椒等等睇落好普通，食落幾清淡，我哋用南瓜盅嘅咖喱醬撈埋呢個粉絲嚟食又幾好味喎。🍹我地仲叫左芒果沙冰，啜落仲有淡淡嘅芒果蓉，真材實料唔係剩係得冰。餐廳裝修都幾華麗，有唔少卡位，坐得幾舒服。

今日帶朋友遊覽啟德，專登帶佢去Sogo雙子匯試吓依間新泰。我哋等到下午茶2:30入座，大約八成滿。下午茶嘅特色就係有八折，不過我哋最後揀咗lunch set，都有八折🤗我哋叫咗兩個lunch set，兩個小食同埋杯兩杯特飲：- 海南雞飯- 星洲喇沙米線- 無骨鳳爪沙律- 炒貴妃苗- 椰汁冰- 紅豆冰成個餐真係好豐富，食得好飽，最驚喜係埋單$195，即係每人$100有找，而且味道唔錯，下次有機會都會繼續帶朋友嚟試。

啟德SOGO開咗之後，終於有時間去行街！新商場零舍舒服，仲有新裝修嘅味道😂行完街就上咗樓上食新泰，裝修企理，地方闊落，餐牌選擇多，價錢合理！先食蒜蓉越南牛油雞翼，一客有六隻，份量唔少啊！雞翼外皮香脆，裡面肉質鮮嫩juicy，搭配蒜蓉同牛油嘅香氣，一人三隻真係冇難度😂燒豬頸肉都係必食推介！豬頸肉非常入味，肉質柔軟，燒完嘅外表帶有一點焦香，配上特製醬汁，惹味又好食😋越式蟹肉炒粉絲味道相對比較清淡，粉絲滑順唔油膩，鋪喺粉絲上面有好多蟹肉，仲有好多色彩繽紛嘅配菜，好足料👍最後仲食咗兩個甜品😂 芒果黑白糯米飯同埋椰汁千層糕～ 椰汁千層糕口感滑嫩，我鍾意分開逐層食，每一層都充滿椰香！芒果糯米飯真係一定要食，香甜軟糯嘅糯米搭配酸酸甜甜嘅芒果同椰漿，真係最好味嘅泰式甜品！食到好飽，買單都唔使$500，感覺性價比唔錯。

之前已經試過好多次尖沙咀嘅新泰泰國餐廳，今次喺啟德新商場裏面見到有開，就同屋企人過嚟試一試，比起尖沙咀分店呢度較為新淨，而且服務態度亦都係一樣咁好👍🏻👍🏻冬蔭功 🍲🍤泰國美食的經典之作，湯汁酸辣適中，帶有濃郁的香料味。湯底使用新鮮的檸檬草、香茅和南薑，讓整體味道層次分明。裡面的鮮蝦和蘑菇鮮嫩，吸收了湯底的精華鴨肉生菜包 🦆🥬肉質鮮嫩多汁，搭配香料調味，味道香濃。生菜的清脆口感與鴨肉的豐富風味形成絕佳對比，讓每一口都充滿層次感！豆腐酥沙律 🥗 非常特別嘅一道菜，你喺其他泰國餐廳見過，搭配酥脆的豆腐，口感十分有趣。校咗個比較甜啲嘅醬汁同埋有青木瓜絲。咖哩羊架 🍛🐑店員非常細心咁問羊要幾成熟，青咖哩醬香濃，椰奶味非常之足夠，如果可以再辣啲嘅話相信會更加好✅✅香辣海鮮炒河 🍝🌶️用咗較為煙靭嘅泰國河粉，選用的新鮮海鮮如蝦、魷魚等，麵條吸附了香辣的調味，口感滑順，鑊氣十足

由於之前去尖沙咀食過呢間嘅分店覺得非常好食，發現佢啟德雙子匯開咗間新分店，今晚就同朋友嚟試咗感覺好好。呢度環境寬敞，枱同枱之間間隔比較寬闊，私密度高，而且位於高層景觀非常開開闊！冬蔭功 🍲這道冬蔭功湯，充滿泰國風味，湯底係蝦湯，飲落微微酸辣好開胃，配料都幾豐富，而且帶有椰奶嘅香甜味道，鍾意飲冬陰功湯嘅朋友呢款值得一試👍🏻鴨肉生菜包 🦆🥬這份鴨肉生菜包，鴨肉鮮嫩多汁，包裹喺新鮮脆生菜中。搭配特製嘅香料醬汁炒得好香，檸檬葉嘅味道好清爽，配上濃厚鴨肉香氣，識落令人一口接一口😋豆腐酥沙律 🥗這盤豆腐酥沙律，豆腐炸得外酥內軟，搭配新鮮蔬菜、水果，配上特製甜酸沙律醬做底沾黏嚟食，口感層次豐富。結合了豆腐嘅脆爽和蔬菜嘅清爽，絕對係一道有驚喜嘅沙律🤩青咖哩羊架 🍛🐑這份青咖哩羊架，羊肉煎得外酥內軟，仍保持住肉汁，青咖哩濃郁香甜，而配料都相當豐富，有花椰菜、西蘭花、粟米芯同紅蘿蔔。充滿濃厚嘅泰國風味，令人回味無窮🤪香辣海鮮炒河 🦐🌶️這碟香辣海鮮炒河，海鮮新鮮，配上香辣嘅調味，炒得非常有鑊氣！而且選用咗泰國正宗嘅闊河粉，喺香港都唔係咁常見到餐廳會用，所以我十分滿意呢度有配合返當地泰國嘅餐飲傳統👍🏻

新泰系啟德雙子開左分店，就行過去試下啦。餐廳裝修原木主題，空間闊落且綠植錯落，環境非常一流。泰式無骨鳳爪率先喚醒味覺，Q彈酸爽，真系好開胃。飲品港式檸檬茶同奶茶，正常水準。下次可以試埋距地噶泰式奶茶，睇到隔離台都好吸引下。泰式春捲酥皮薄餡靚，咬落勁脆，搭配醬汁一流。海鮮鳳梨炒飯堪稱視覺盛宴，金黃飯粒間埋著蝦仁，烤過的鳳梨圈泛著焦糖光澤，差啲唔夠分。馬拉盞炒通菜鑊氣十足，蝦醬鹹香，通菜都夠嫩口。生菜包肉碎一直都是食泰國菜必點系列。生菜葉裹著辣炒肉碎，佐以炸紅蔥頭與薄荷葉，多重口感在口中迸發，真系勁正。美中不足就係生菜有啲少。肉骨茶藥香溫潤，排骨燉至骨肉分離卻不失嚼勁，飲完真系暖苙苙。串燒拼盤裡，因為食材保持了原味，配合沙爹醬最是驚豔。

餐廳裝修輝煌，出品正宗，價錢合理。啟德區現在餐飲業很興旺，競爭好激烈， 食物出品相對有競爭力，以後食好嘢，可以考慮呢一區。特別推介，軟殼蟹咖哩包，軟殼蟹炸得好酥脆，配搭黃咖哩和農夫包，好和味。豬頸肉 都好出色！甜品拼盤，形形式式，好睇又好食。用餐感覺好滿足！

今晚在啟德崇光這間泰國餐廳，吃到超好味的金邊粉和串燒😍-泰式炒金邊粉 $118金邊粉超大份😛配上蛋、豆腐乾和超級爽口的蝦肉，好足料，是我近來吃過最好味的金邊粉🫶🏻🫶🏻-沙嗲串燒 $108共有雞、牛、豬肉各三串，肉質全部都很肥美，時間掌握得很好，沙嗲醬香濃，超好味😋😋-青檸梳打 $42 吃得那麼飽，喝一杯青檸梳打解膩，就是圓滿的一餐🫶🏻-餐廳闊落環境十分chill😛啟德又多一個好飯堂啦😋

餐廳位於啟德SOGO，雖然是新開的分店，但已經累積了不少人氣。這裡的空間大，座位寬敞，還設有獨立房間，適合家庭聚餐或多人聚會。服務方面，部分侍應是泰國人，態度親切且專業，讓人感受到濃濃的泰國風情，整體氛圍非常舒適。木瓜沙律青木瓜非常新鮮，完全沒有腥味，口感爽脆。醬汁調配得恰到好處，酸辣平衡，既開胃又不會過於刺激，作為前菜非常適合。 泰式小食拼盤拼盤選擇豐富，包含了多款經典的泰國炸物，如春卷、魚餅、蝦餅等。每一款都炸得外脆內嫩，味道媲美泰國街頭小食的水準，非常適合多人分享。 雜錦串燒串燒有豬、牛、雞三種選擇，炭燒香氣撲鼻，肉質鮮嫩多汁。附上的沙嗲醬濃郁香滑，花生粒增添了口感的層次，與串燒搭配得天衣無縫。 豬肉碎生菜包豬肉碎炒得香氣四溢，香茅味突出，脂肪分布均勻，吃起來香口但不油膩。搭配新鮮生菜和芫荽，清爽又解膩，是一道非常地道的泰式風味菜。 冬陰功湯湯底酸辣適中，帶有淡淡的椰奶香氣，海鮮材料給得十分大方，包括鮮蝦、魷魚等，每一口都能吃到豐富的食材。湯的味道層次豐富，既開胃又暖身，絕對是必點之選。

朋友話唔好咁out去下新地方食野啟德新商場啟德地鐵站 B 出口已見到 2座 雙子匯超方便周圍環境舒服先去咗 1期 1-10 樓是Sogo行完街再上去14/F 食“新泰東南亞餐廳”之前在尖沙咀分店食過，室內座位勁闊又有卡座在高層好開揚特別設有室外露台位，可以欣賞美景，餐廳裝修豪華以泰國園林實木風格裝修令人好放鬆👍服務員大部份都是泰國人，有禮貌又有笑容識講中文👍先來串燒沙嗲(雞/牛/豬)$108🐷🐔🐗各2串大大串燒得好香配上香濃沙嗲醬停唔到口😋香芒軟殼蟹米紙卷$98🥭🦀米紙軟滑煙韌脆卜卜軟殼🦀爽口生菜加入甜甜酸酸醬汁清新又開胃😋😋肉碎生菜包$88肉碎炒得甜甜酸酸有小小微🌶️大大盤新鮮生菜包住肉碎入口大滿足😋甜品時間芒果雪糕配糯米飯$68有齊所想的一杯香甜芒果肉軟糯暖暖糯米飯上層加入香甜椰汁而下層有椰青肉食每一口又凍又暖真的好幸福😋😋椰汁西米糕$60好香椰汁西米芋頭唔會太甜👍

朋友帶我去食正宗泰國美食，“新泰東南亞餐廳”啟德雙子匯一期，餐廳裝飾融合了東南亞熱帶風情色彩鮮豔,讓人彷彿置身於熱帶渡假村,座位寬敞舒適,有室內同室外，非常適合家庭聚餐或朋友聚會。串燒沙嗲 (雞/牛/豬) - $108🐓🐂🐖沙嗲串燒選用新鮮的肉類，經過特製香料醃製，外焦內嫩，每一口都散發著誘人的燒烤香氣🥰，搭配濃郁的沙嗲醬，讓你體會到肉類的極致鮮美。😋肉碎生菜包 - $88🥬每一口肉碎生菜包都是清新的驚喜！鮮嫩的肉末與香脆的生菜完美結合，讓你在每一口中都感受到清新的口感，簡直是健康與美味的完美結合。👍冬陰功 - $98🥘這碗冬陰功湯散發著濃郁的香氣，酸辣適中，讓人一飲而盡。新鮮的海蝦、香茅和檸檬葉交織出豐富的層次感😍，無論是開胃還是暖胃，都是絕佳的選擇。原個椰青大菜糕 - $75🥥椰青的清甜與濃郁的香氣在這道大菜糕中完美融合🥰。每一口都是柔滑的口感，伴隨著椰子的天然香氣，讓人彷彿置身熱帶海島，享受著陽光與海風。芒果沙冰 - $55🍧消暑的芒果沙冰，新鮮的芒果果肉與冰沙相融合，口感順滑，甜而不膩，絕對是炎夏的一道清涼解暑良品。

之前曾經光顧尖沙咀總店，最近得知啟德開了新的分店，這裏裝修跟尖沙咀差不多，地方更大，坐得更加舒服。冬陰功海鮮金邊粉$75，冬陰功湯底海鮮味道十足，不過如果酸度可以減輕一點更好，因為搶了辣的味道。配菜有蟹柳、海蝦、魚片等等，金邊粉爽滑可口，煙煙韌韌。泰式炒雜菜另加$28，找雜菜有椰菜花、椰菜和青豆等等，現在這個年代非常注意健康，就算另加費用要炒雜菜，都是為了健康飲食。鹹檸檬七喜$8 ，酸酸甜甜的飲料是吃泰國菜的最佳伴侶。泰式凍咖啡少冰$48 ，由於今早沒有喝咖啡，所以另外再追加了一杯泰式凍咖啡，味道跟在泰國喝到的差不多，由於泰國人喜歡甜品，所以這個咖啡都帶點甜味。

呢間泰式餐廳比九龍城傳統泰國餐廳裝修更加精緻，充滿熱帶風情，光猛企理闊落，平日晚市嚟都好full！餐廳菜單由傳統到創意一應俱全，平時見開嘅PadThai、菠蘿炒飯一定會有，仲可以試吓佢哋嘅創意配搭，每一款網絡都好吸引！-——————————————🐟◖鹽焗烏頭◗ $208海鹽包裹住原條烏頭，掀開灑滿鹽嘅魚皮，即刻聞到香茅同檸檬葉嘅香氣🌿！烏頭魚肉嫩滑細嫩，魚肚塞滿香茅、南薑同檸檬葉，鹽焗手法完美鎖住鮮甜，魚肉蘸上特製青檸辣椒醬，酸辣將魚油嘅香氣帶得更出，唔錯！🥬◖豬肉肉碎生菜包◗ $88肥瘦相間嘅豬肉碎以魚露爆炒，混入切碎的檸檬葉同辣椒仔，肉碎酸爽鹹香！用爽脆嘅羅馬生菜包裹一齊食，啱啱好平衡肉碎嘅鹹香🥘◖泰式青咖喱牛◗ $108🫓◖印度薄餅◗ $42青咖喱嘅辣度溫和，加入椰漿燉煮，咖喱口感更絲滑，加入牛肉片🐂，牛味都幾濃郁！搭配現烤嘅印度薄餅，酥脆帶韌性嘅餅皮撕開，點上青咖喱汁，吸晒汁超好食！略嫌牛肉份量稍少，但濃郁嘅咖哩醬，絕對夠食多一碗白飯！🦐◖泰式蝦炒金邊粉◗ $118泰國菜必食PadThai！金邊粉炒出嚟色水好靚，加入彈牙嘅大尾蝦，舖上蛋皮，賣相💯分！加入豆乾碎同花生粉增添口感

呢排啟德好旺 自己又未去過所以就放工去附近行吓 順便搵吓嘢食😋除咗Airside 原來雙子匯都有餐廳架喎今日就揀咗呢間泰國嘢 試吓咩水準先😛🐑 青咖哩羊架坊間唔係成日有得食既青咖喱羊架一上枱賣相好靚仔 羊架非常大塊🤩羊架切得好厚肉 亦煎得夠香脆食落唔會太大臊味 非常之岩配飯食😋🐠 蕉葉烤鱸魚平時食明爐烤魚就食得多 呢道菜真係少見好奇想知道咩味道 決定嚟試吓🤪有一層薄薄嘅青醬醃成既烤鱸魚青醬味道好清新 鹹鮮鹹鮮 好惹味配埋鱸魚既啖啖肉 呢道菜好有驚喜🤩🥩 燒西冷牛扒每次食泰國嘢必嗌嘅燒西冷牛扒今次嗌咗五成熟 餐廳燒得啱啱好😋表面燒到脆脆地 裏面保留到粉紅色既肉旁邊嗰兩個醬汁 雖然兩個都係辣辣地但係完全兩個風格 間住黎點就唔怕悶🤣喜歡食辣嘅 千祈唔好錯過佢哋嘅醬汁😌🥬 鹹魚炒芥蘭有魚有肉 當然要嗌埋個菜呢度嘅炒野非常之熱辣辣🤪呢碟芥蘭炒得非常之有鑊氣 鹹魚蓉好多香 配埋芥蘭食好夠惹味🥰🐑 青咖哩羊架 $188🐠 蕉葉烤鱸魚 $188🥩 燒西冷牛扒 $138🥬 鹹魚炒芥蘭 $98

新泰東南亞餐廳 地址: 九龍城啟德協調道12號雙子匯1期崇光啟德店食匯堂14樓1404-1405號舖因為去健身，又要找地點多餐廳食d野先去做運動，近排成日去啓德個邊，因有幾個大商場醫肚方便。$88 肉碎生菜包（雞） 雞算是白肉相對健康，富香草味，粒粒肉碎用生菜葉包起$98 泰式炒雜菜，食齊五色蔬菜，抗氧又健康。$78 豆腐酥salad ，炸過架豆腐皮，個汁酸甜中帶點辣,幾開胃戶外位好靚新年祝大家恭喜發財，食極唔肥，身體健康