新泰東南亞餐廳 (雙子匯1期)

營業中

休息中

啟德雙子匯SOGO食匯堂14樓搭電梯上到去就見到，裝修充滿泰國風情，座位寬敞，適合多人聚餐！ 🍽️ 必食推薦✅ 日本南瓜焗海鮮飯「南瓜香甜軟糯，焗到微微焦香，海鮮（大蝦、帶子、魷魚）份量足，撈埋咖喱汁超惹味！」 ✅ 馬拉盞炒蒜心「鑊氣十足！蒜心爽脆，馬拉盞鹹香帶微辣，超級開胃，送飯一流～」 ✅ 燒豬頸肉「炭燒香氣突出，肉質彈牙唔乾柴，蘸埋泰式辣醬更滋味！」 ✅ 青檸梳打（泰國青檸水） 「用正宗泰國青檸水調製，酸爽夠氣，解膩首選！」 ⏳ 等位情況- 晚市：約排 **1小時**（建議6pm前到） - 午市：約排 **30-45分鐘**（避開12:30-1:30高峰） 雖然要等，但食物質素絕對對得住等待時間！份量足，味道正宗，性價比合理 📝 食後感 由舊店食到新店，水準依然keep到！ 南瓜焗飯同馬拉盞炒蒜心係必點， 如果唔想排太耐，建議 平日早少少去，或者預留時間慢慢等嚟咗幾次都係要排隊—— 證明真係有實力！

搵到間地方又大又靚嘅泰國餐廳食飯，裝修得好有泰式風情，坐得非常舒服。嘢食方面，整體都幾高質！首先，個炸蝦餅炸得金黃香脆，蝦肉彈牙爽口，用料新鮮。點埋佢哋特製嘅酸甜醬，更加係惹味！軟殼蟹米子卷一份都幾多。軟殼蟹炸得香脆，配上香脆嘅米紙同埋新鮮嘅蔬菜，口感豐富。炒金邊粉鑊氣十足，夠晒乾身，唔會太油膩。金邊粉炒得彈牙，配料豐富，有蝦、芽菜等等，味道調得啱啱好，酸酸甜甜，非常開胃。豬肉生菜包鹹香惹味，而且唔會太肥膩。生菜新鮮爽脆，包住豬肉餡一齊食，口感清新，非常解膩。最後，叫咗個椰青嚟飲。

今日天氣好，到啟德半天遊，順便歎番個美味午餐。第一次來啟德區，大鄉裡入城，毫無頭緒，幸有地膽好友帶路，橫穿直插，從地鐵站B出口，一路到雙子匯一期崇光啟德店食匯堂14樓，新泰東南亞餐廳，闊大開陽的餐廳，設計特別，用木欄柵隔開不同區域，令客人坐得舒服又有空間感，有闊大的卡位，也有大圓桌供多人聚餐。美味大餐開始✨️泰式柚子蝦沙律新鮮多汁的柚子清香酸甜，大蝦鮮魷鮮美爽脆，炸蒜蝦幹洋蔥香西，整個沙律是先拔頭籌，吃得開胃爽快。😋🎗燒大虎蝦🦐🦐用香茅穿起大虎蝦燒到斷生，點泰式萬用汁，鮮香美味，食到舔舔舔。😋😋😋🎊泰式沙爹串燒有6串，雞🐔牛🐮豬🐷各2大串，燒到外香內嫩，沙嗲汁濃郁，鋪滿在肉串上，勁正。👍👍🎀泰式炒椰菜仔新鮮嫩綠的椰菜仔，芥蘭，紅羅蔔，炒到香氣騰騰，引人垂涎。🥇印度烤餅烤得軟軟的，燙手不油，健康美食。🥤芒果沙冰超濃的芒果香味，沙冰配泰式烤肉最好。餐廳的落地大窗可望整個啟德體育館區，視頻開闊，綠植遍地，是最好的消遣區域。🥳🥳

餐廳位於Sogo頂層，裝潢富有熱帶風情，但不失典雅。⭐️泰式柚子蝦沙律這個沙律很推薦。柚子清甜多汁，大蝦和魷魚新鮮爽口，搭配脆脆的腰果和微辣的魚露醬汁，酸甜開胃⭐️冬陰功湯底酸辣度平衡得剛剛好，椰奶香濃但不會蓋過香茅和檸檬葉的香氣。大蝦爽口彈牙，配上新鮮草菇，每一口都充滿層次。⭐️原個菠蘿咖喱蝦咖喱汁搭配大蝦和蔬菜，味道鮮明而不膩。蝦肉有很多，適合3-4人分享。咖喱汁配印度薄餅一流，薄餅很香軟，蘸汁超滿足。⭐️肉碎生菜包豬豬肉碎炒得乾身香口，加入魚露、辣椒、九層塔等調味，鹹香帶微辣。用新鮮生菜包裹，增添清爽口感。檸檬茶

成日都係去九龍城食泰國嘢，今日試吓轉場去啟德，去SOGO樓上食新泰。今晚食咗好多嘢！蒜蓉越南牛油雞翼非常推介，新鮮熱辣辣，香脆好味。香蘭葉包雞都唔錯，香蘭葉包住嫩滑雞肉，雞肉充滿香料嘅味道，好食又唔會太重口味。燒豬頸肉都正，大大碟！越式蟹肉炒粉絲好足料，好多蔬菜同扎肉，味道清清地。食泰國嘢一定要食咖喱啦，紅咖喱雞味道濃郁、唔係好辣，個咖喱汁好好味，配香脆嘅蒜蓉包冇得頂！三個人食咗兩份蒜蓉包先夠🤣飛天通菜簡單但又幾好食，通菜炒到脆卜卜，搭配蒜蓉同麵醬，好味又健康。最後一人一杯芒果沙冰～*

如果去AIRside通常喺Airside 商量內食，但今日去咗SOGO嗰邊食，原來嗰邊都好多餐廳，而且景觀一流😙😙今日揀咗位於14樓嘅「新泰東南亞餐廳」😙😙環境一流，食物價錢都OK！午市套餐$75包飲品亦可以追加小食$28😙😙😙泰式海南雞飯，份量都不少，海南雞肉質鮮嫩，而且個炒雜菜不錯！冬陰功海鮮湯金邊粉，海鮮有蝦，魷魚等…金邊粉口感煙靭！追加小食春卷味道都不錯，個刺身蝦好新鮮味道鮮甜！

主打一系列正宗東南亞菜式的「新泰東南亞餐廳」於香港成立多年，最新分店選址啟德雙子匯，店內裝潢充滿渡假風情，座位寬敞舒適，設室外雅座可遠眺啟德景觀，夜景觀賞值高-泰式青咖喱雞 $108雞肉嫩滑有雞味，配菜有薯仔、泰國茄子、紅椒及豆角等，絕不馬虎，咖喱清香溫順，辣度不高，很惹味-印度薄餅 $42富牛油香的薄餅非常香脆，蘸上咖喱醬汁更美味-蒜蓉炒貴妃苗 $98份量充足，貴妃苗新鮮爽脆，翠綠可愛，蒜香十足，健康之選

去啟德行下新商場雙子匯, SOGO好靜…但逐層上行到最高好似入左結界😂 14樓既新泰突然勁旺, 好多家庭客店員著泰國服飾又好親切原來午市套餐只需$75, weekend都有供應, 12:50pm前離仲有九折!午餐 - 泰式鹵鴨湯河粉 $75鹵鴨唔算好嫩滑但緊緻鮮甜肥瘦適中, 大讚個湯飲落好清, 簡單用蒜粒就提到鮮, 飲多幾啖都唔頸渴午餐$25可加配小食, 揀左泰式炸蝦餅, 金黃脆卜卜, 蝦膠好彈牙; $8可轉配特飲, 龍眼冰清甜多果肉麵包焗咖哩軟殼蟹 $248軟殼蟹外脆內軟炸得好透, 個農夫包味道較plain, 蘸咖喱就岩晒, 質地亦好脆, 包連咖喱清碟🙂‍↕️泰式炒椰菜仔 $108每粒椰菜仔都切左一半, 軟硬適中, 保留蔬菜質感同水份同時又吸滿蒜香鑊氣原個椰青大菜糕 $75好清甜又夠冰凍, 刮出椰肉放入大菜糕, 無論味道同質地都有所提升, 爽過飲椰青😆

新泰向來出名，今次黎左呢間啟德嘅新泰試下，裝修份外新穎乾理，店員一部分都係泰國🇹🇭藉員工醃無骨鳳爪沙律🥗鳳爪爽口新鮮，酸酸地挺開胃，蕃茄🍅都好鮮甜馬沙文牛腩🐮 馬沙文咖喱🍛好有椰奶香味，牛腩好嫩滑淋甜仲有啲薯仔🥔作配菜～印度薄餅🍕香脆酥化，一定要蘸上馬沙文咖喱一起吃，吸收晒啲精華！雖然好邪惡😈但的確好好食～泰式蝦炒金邊粉金邊粉質感彈牙，配上原隻大蝦新鮮彈牙，非常爽甜！醬汁亦不會太辣，尤其好食！馬拉盞炒通菜🥬通菜呈翠綠色，咬落去好爽脆，而且有少少辣🤏要食返啲蔬菜中和一下飽膩感泰式奶茶🥤喝下去清甜涼快！在這個夏天喝一口非常鮮渴消暑！

⭐️上菜速度令人驚喜，幾乎唔需等待，讓人能迅速享受美食。食物嘅份量也相當充足，無論係主菜還是配菜，都能讓饕餮客滿足。更重要的是，價格合理，性價比極高，讓人感覺每一分錢都花得值得。⭐️餐廳提供的戶外用餐空間非常寬敞，讓人係享受美食嘅同時，也能呼吸新鮮空氣，享受周圍嘅環境。整體用餐體驗非常愉快，不僅適合家庭聚餐，也適合朋友聚會。總之，呢度嘅美食同服務讓人印象深刻，絕對值得再次光臨！

今日喺啟德同朋友去咗行下 順便搵食 行過睇到呢間泰國菜門面幾靚 就試一試 一入到去職員好有禮貌咁問我哋會唔會想坐outdoor 但因為今日比較大風 所以我哋冇揀到 不過都影咗幾張相(如果坐outdoor應該會好chill) indoor其實都好闊落 佢預既二人枱其實都夠四個人坐 食物方面😋我哋嗌咗細既冬陰功 二人份量啱啱好 可能為咗迎合香港人嘅口味 佢都係偏酸而冇咁辣 非常開胃 前菜叫咗芒果軟殼蟹籽米卷 芒果同軟殼蟹既份量比其他泰國餐廳多 口感好豐富 超級推介！ 另外嗌咗豬牛雞串燒 值得一提個沙嗲醬十分出色 沙茶醬同咖喱比例平衡到燒烤好既串燒 感覺毫不油膩主食叫左馬拉盞炒通菜同越式蟹肉炒粉絲 前者就係你想像到既味道🤓🤓後者蟹肉ok 鑊氣十足 同粉絲一齊食原來幾夾 而且整體份量都好多 兩個人食岩岩好

🔹燒牛柳沙律 $118材料豐富有沙葛、青瓜、車厘茄、大蒜、唐芹、蔥香、生菜及胡蘿蔔絲等；燒牛柳緊緻多汁，肉嫩鮮香；多種蔬菜新鮮爽甜，配搭酸辣平衡的汁醬，醒胃滋味-🔹冬蔭功 (細) $98除大蝦外，加入秀珍菇、草菇及芫茜等；大蝦鮮甜爽彈，湯品集鹹酸辣三種味道，層次分明-🔹日本南瓜焗海鮮飯 $158原個南瓜呈上，誠意十足芝士鋪面，海鮮有海蝦、魷魚及青口海鮮新鮮爽口，米飯加入三色豆及粉綿香甜的鮮南瓜肉，啖啖椰漿香氣滲到飯中，齒頰留香

多人推薦過新泰尖沙咀分店宜家新泰分店都進駐左啟德雙子匯新商場部分店員好似係泰國人 地道感覺座位舒適 另設卡位餐牌及餐具精美提供溫水 養生人加分冬蔭湯海鮮金邊粉 $88大大“窩” 連大湯匙羹材料豐富 多款海鮮 🦑🦪🦐橙黃色既冬蔭湯好吸晴湯頭唔太辣 酸甜開胃同幼身金邊粉好夾泰式燒春雞釀香茅黃飯 $228製作需時 值得等待見隔離2枱都有叫原隻燒春雞 唔算太大隻 2個人可以食得晒跟一碗惹味沙律 同埋醬汁燒春雞同埋釀係入面既香茅黃飯 都好入味雞肉嫰滑 一啖雞肉加一啖飯 好食鐵板蠔仔炒蛋 $118鐵板上枱 滋滋咋咋同餐牌相有d分別 似係炸多過炒？圖片真係只供參考鐵板底鋪左大量芽菜蛋餅厚實多料 每啖都有飽滿既蠔仔而冇腥味飛天通菜 $98惹味 新鮮翠綠通菜

今次去左啟德新地標雙子匯果邊行街，成棟大樓餐廳唔算多，我就簡左呢間位於14樓，裝修充滿泰國風情而且環境舒適既泰式餐廳。除左室內座位外都有設室外可以直接望到啟德既景色，食物同服務質素都非常唔錯。———————————————🌟 燒西冷牛扒 ($138)叫咗5成熟，牛扒煎得啱啱好，切開仲見到完美嘅粉紅色，肉質超級腍滑。佢比較特別係有泰式醬汁配襯，醬汁味道酸酸辣辣充滿泰式風味。🌟冬蔭功(小) ($98)湯底酸辣度平衡得好好，唔會太刺激，飲落好順喉。入面有兩隻大頭蝦，蝦肉爽口彈牙，仲有大量草菇同香茅，香料味好正宗，飲完成個人暖笠笠！🌟泰珍珠椰菜苗炒香菇 ($108)椰菜苗炒得翠綠爽脆，超級夠鑊氣，香菇吸晒醬汁精華。🌟泰式蝦炒金邊粉 ($118)金邊粉炒得乾身唔油膩，茄汁味偏濃但唔會太甜，蝦肉新鮮爽口。最吸睛係面頭個蛋網，一切開果下熱辣辣既煙同香味都溢出，打卡一流！🌟泰式凍奶茶 ($48)叫咗少甜，茶味香濃得嚟帶淡淡花香，甜度啱啱好，飲落順滑，完美中和泰菜嘅辛辣！

第一次過黎雙子匯食晚飯，平日晚市每間餐廳都有位，甚至可以包場真係生意麻麻......我地就揀咗呢間泰菜試下，知道佢喺其他地區有分店，甚至扎根咗好多年都無機會食過，就試下呢間新分店啦！呢間分店我諗應該係裝修最好、最新淨，而且空間感最充足既分店兩個人叫到既餸菜唔多，所以決定試d basic野，睇下佢既味道如何冬陰功湯味道唔錯，用料充足，兩隻蝦都鮮甜，成個湯底酸辣得黎有少少甜，好易入口飛天通菜略咸，不過用料都新鮮，蒜粒好香原本叫燒豬頸肉，點知落錯單，黎咗碟串燒，我地都唔想浪費食物，就將錯就錯食串燒啦牛豬雞各2串，個樣燒得好靚，不過醃肉略嫌太多鬆肉粉，所以肉質差d，不過個沙嗲醬係好味既，有花生香最後就係呢個泰式炒肉碎，味道都係好正常既，食到底就油膩少少。整體黎講，食物算唔錯，個人覺得稍為濃味咗d，價錢合理，環境舒適，仲有2小時免費泊車。有下次！