新泰東南亞餐廳 (雙子匯1期)

營業中

休息中

今天晚上，我和姊姊到九龍城啟德協調道12號雙子匯1期崇光啟德店食匯堂14樓1404-1405號舖，選擇了一間名叫新泰東南亞餐廳享用晚餐。這裡的氛圍非常舒適，服務也很貼心。我們點了串燒（6串），其中包括雞、牛和豬肉，味道鮮美。特別是香芒軟殼蟹米子卷，口感酥脆，讓人一試難忘。接著，我們還點了冬蔭功，湯底酸辣，非常開胃。此外，泰式濕炒海鮮河和泰式炒雜菜也令我們讚不絕口，海鮮鮮甜，雜菜新鮮，真是色香味俱全。最後，我們以泰國椰青作為飲品，還有甜品椰汁西米糕，完美地結束了這頓美味的晚餐。總體而言，這次的用餐經歷非常愉快，值得再來！

今天晚上，我到九龍城啟德協調道12號雙子匯1期崇光啟德店食匯堂14樓1404-1405號舖，去試下新泰東南亞餐廳。這間餐廳聽聞好評如潮，今晚終於有機會親自嚐嚐。我叫了串燒（6串），分別有雞、牛、豬，味道非常入味，外焦內嫩，令人食指大動！另外，我還點了泰式蝦炒金邊粉，蝦肉鮮甜，金邊粉吸收了醬汁的精華，真係好好味！最後，我決定試下泰式凍咖啡，咖啡香濃而不苦，十分清新，完美為這頓晚餐畫上句號。整體來講，這次的用餐體驗非常滿意，環境舒適，服務亦相當周到，下次一定會再來。

之前幫襯過呢間泰國菜已經覺得好好味拍得住九龍城嘅風味見佢新開咗喺啟德分店係Airside行到攰行埋過嚟呢到搵食～～～夜晚七點嚟到已經開始要等位😱座無虛席估唔到依家啟德發展到咁靚 多咗咁多新商場😍雙子匯13-15樓都係食肆！題外話 就算全場坐滿都好啲侍應態度都非常好而且加水加得好密 仲係加熱水加分👍🏽👍🏽👍🏽👍🏽👍🏽👍🏽叫咗個泰式柚子蝦沙律 $118小巧精緻 有好多隻大大隻嘅冰鮮蝦、魷魚、腰果、好甜好多汁嘅碌柚配埋又酸又辣鹹鹹地嘅汁好開胃！最欣賞係佢會加埋炸椰絲炸蒜配埋啲碌柚一齊食有畫龍點睛嘅效果😍又香又多咗一種椰子味泰式去骨海南雞 半隻 $138半隻雞有雞胸有雞髀啱晒減脂人士同食肉獸就算係雞胸嗰幾嚿都唔柴 加埋啲酸辣汁一齊食 又惹味又開胃雞髀個幾舊直頭正，又滑又多汁冬陰功海鮮炒飯海鮮好足料 有大蝦、青口、魷魚仲加咗啲香茅 草菇一齊炒個飯對我黎講冬陰功味唔係好勁，唔辣所以又係一道好惹味嘅炒飯

無泰菜不歡嘅我， 每次約人食飯一定選擇泰國餐廳🤪🤪🤪因為大部份人都好鍾意食泰菜而且酸酸辣辣又開胃☺️今次我哋叫咗我最鍾意嘅泰式火山排骨（佢哋呢到有火焰嘅真係好有儀式感）而且個底部仲keep住有火🔥所以一到食都仲係熱辣辣🥰，真係好貼心❤️之後有朋友仔極度推介嘅泰式燒春雞🐥釀黃薑飯， 燒春雞肉質好嫩滑，而且啲雞油索晒落啲黃薑飯度，呢個真係好邪惡但係又好好味😋佢哋個串燒羊肉串一啲都唔馬虎， 配上車厘茄三色椒同菠蘿， 肉類加配合埋蔬果真係又健康又好味， 顏色又靚😍仲有香芒軟殼蟹米紙卷，原來芒果同軟殼蟹係咁夾， 再加埋米紙嘅皮煙煙韌韌，我哋個個都好鍾意❤️同埋出面好少有嘅蒜蓉炒貴妃苗， 呢樣嘢我一個人食晒成碟我真係超級鍾意， 雖然係蔬菜但係都好惹味不得不叫佢哋嘅椰青🥥🌴沙冰， 佢哋仲係原個上， 奶味好重夠Creamy 啱晒我😋✌

間唔中同屋企人食下泰菜幾開心，今日入嚟啟德行下，順便試一試新泰第一道係生菜包，呢度幾特別，可以揀雞肉，但我哋都係揀返豬肉，辣辣地好惹味，份量又足，塊塊生菜都包滿肉餡蠔仔煎蛋，鐵板上熱辣辣，蠔仔又多又大隻，蛋煎到有微微嘅焦香，好有泰國風味軟殼蟹咖喱包係我嘅大愛，咖喱甜甜辣辣有椰香，軟殼蟹炸到脆卜卜，成個包都烘得好鬆脆，好有口感鹹魚炒芥蘭，鹹魚味香濃，鑊氣十足芒果糯米飯，椰汁加咗芝麻更加香，仲有一陣鹹香，芒果好新鮮，糯米飯煙靭得嚟唔黐牙呢間新泰好大，裝修同佈置都好有泰國嘅感覺，座位好闊落，室內同室外都好舒服，而且樓層好高，望出去個景好開陽好闊，坐得好舒服食物同飲品嘅選擇都好多，包羅萬有，侍應姐姐好多都係泰國人嚟，好親切，整體性價比高，好抵食

今晚行雙子滙發現佢哋樓上有間好有特色嘅泰國餐廳，裝修真系好吸引！餐廳寬敞又大間，牆身用咗好多泰式手工藝品點綴，金色大象仲好適合打卡，好多卡位非常好坐，仲要景觀開揚，好適合同朋友飯聚。泰式柚子蝦沙律好有驚喜！柚子果肉超級清新酸甜！大蝦口感彈牙鮮香，酸咪咪好開胃！南瓜海鮮焗飯原隻南瓜上，加入青口、魷魚等海鮮，裝到滿瀉，米飯入味！小拼盤（蝦餅、魚餅）可以同時食到蝦餅同魚餅，蝦餅彈牙，魚餅有特色，沾少少泰式辣醬，更提升咗佢個風味。泰式燒雞雞皮燒得香脆，肉質嫩滑，份量仲要好滿足。

今年做節特別啲，同屋企人嚟新泰食泰菜，又唔錯喎麵包焗咖喱軟殼蟹 - 份量十足，好多件酥脆嘅軟殼蟹，咖哩香氣撲鼻，配埋脆卜卜又鬆軟嘅麵包好滋味鐵板蠔仔煎蛋 - 啖啖大大粒蠔鮮味十足，蛋煎到脆邊好香口，墊底大量爽口芽菜，點辣醬食有層次豬肉生菜包 - 調味出色，辣度啱啱好，份量十足，啖啖肉，味道同口感一流鹹魚炒芥蘭 - 芥蘭新鮮嫩綠，用鹹肉、薑絲、蒜同椒炒已經好好食芒果糯米飯 - 芒果好香甜，黑白糯米都好軟糯，椰汁又香口，好圓滿餐牌提供嘅選擇好多，圖文並茂感勁吸引，好多款都想試環境好舒適，座位好闊落，坐窗邊望落去個景好靚，服務又貼心，食物份量十足，價格合理，食得開心

一家10人試食新泰麵包焗咖哩軟殼蟹泰式明爐烏頭泰式菠蘿炒飯泰珍珠椰菜苗炒香菇燒西冷牛扒泰式去骨海南雞鐵板蠔仔炒蛋鴨肉生菜包印度酥餅青咖啡羊架芒果糯米飯樣樣菜式都好出色，唯獨西冷牛扒有啲啲失望，可能喺其他餸菜太美味坐又坐得舒服服務態度好窩心

🖇️位於啟德嘅「新泰東南亞餐廳」，由泰國人主理，讓人一走進去便能感受到濃厚嘅泰國風情。餐廳裝修設計充滿異國情懷，座位寬敞舒適，還特設露台卡位，讓食客可以一邊享受美食，一邊欣賞整個啟德美景🌃▫️香芒軟殼蟹米紙卷🌯米紙卷嘅米紙柔滑而富有韌性，包裹著香脆嘅軟殼蟹，配上芒果的酸甜，讓整道菜嘅味道好fresh，十分開胃。每一啖都能感受到海鮮嘅鮮美與水果嘅清香，讓人忍唔住一啖接住一啖🤤▫️印度薄餅🫓薄餅外酥內軟，層次豐富帶有牛油香氣🧈▫️泰式甜品小拼盤好吸精，小拼盤有四款口味，共8件口感Q彈，椰汁味濃郁，每一款甜點都令人驚喜，無論是口感還是風味，都值得一試▫️凍綠茶🍵茶味香甜，甜而不膩，口感清爽「新泰東南亞餐廳」不僅提供美味的泰國菜，還有優雅嘅用餐環境，絕對係喜愛東南亞風味嘅食客不容錯過嘅好去處👏🏻

30年老牌泰國菜🇹🇭由泰籍廚師主理，不斷創新👨‍🍳務求炮製適合香港人口味的地道東南亞美食😃招牌必食南瓜焗咖喱海鮮，造型吸睛🤩原個南瓜釀進南瓜蓉🎃盲鰽魚肉、蝦、青口、魷魚🦑再配以甜辣又惹味的紅咖哩🤤炒金邊粉是泰國的街頭美食🥢金邊粉炒得乾身，口感煙韌😙蝦肉大大隻夠爽口🦐加點青檸汁，味道酸酸甜甜🍋再混合花生碎和辣椒碎🌶️味道層次變得更豐富😁蠔仔蛋以鐵板承載，味道香脆惹味，鑊氣十足🔥蛋香尚算濃郁，蠔仔煎得軟熟，彈牙飽滿砵酒配上羊架，不但令羊架帶點酒香🍷還有砵酒味道的香甜🍾羊架口感軟腍嫩滑，肉味濃郁😍豬肋骨經過慢烤後肉嫩多汁💦再刷上一層蜜糖烤製後🍯燒烤風味十足，肉質鬆軟，非常美味😋

今晚我同朋友去咗一間新開的泰國餐廳，裝修風格充滿泰式東南亞的感覺，實木間隔和熱帶植物讓人仿佛置身於泰國。店內的氛圍既溫馨又舒適，坐喺度感到好放鬆。店員服務態度不錯，真是一個值得再訪的好地方！我哋點了排骨山、印度酥餅、芒果沙冰、泰式凍奶茶和芒果糯米飯。排骨山用上豬肋骨條，肉質鮮嫩，酸酸辣辣清新醬汁，配合印度酥餅的外酥內軟，食落真係好滋味。芒果沙冰清新爽口，解辣一流。泰式凍奶茶，茶味香濃好解渴。最後的芒果糯米飯是我最鍾意嘅泰式甜品，香糯的黑白米飯，配上香甜椰漿及新鮮的芒果🥭口感美味。

今日同朋友去咗呢間係啟德sogo 既泰國菜餐廳，佢四周都好多分店，食過都好好味👍🏻我地叫左：沙嗲串燒有豬肉、雞肉同牛肉各兩串，串燒燒得幾香，肉質唔會太乾, 燒得岩岩好！沙嗲醬味道濃郁，帶少少花生香，同啲肉好夾😍青咖哩雞配薄餅青咖哩嘅味道好特別，椰奶味好香濃，帶少少辣，好開胃。雞肉煮得幾嫩滑，仲有啲茄子同豆角做配料，撈埋啲咖哩汁一齊食，真係好正！薄餅熱辣辣，外脆內軟，點埋咖哩汁食，簡直係絕配🥰燒牛仔骨呢個燒牛仔骨真係驚喜！肉質好嫩，燒得啱啱好，外層有少少焦香，入面仲保持到肉汁。醬汁帶少少甜味，同牛肉好夾，食落去好滿足👏🏻冬蔭公冬蔭公湯底好濃郁，酸辣度適中，飲落去好醒神。入面有蝦、菇類同香茅等配料，蝦肉幾新鮮，彈牙得嚟又入味😆總括嚟講，呢間泰國菜餐廳嘅水準唔錯，尤其係青咖哩同燒牛仔骨，真係值得一試！下次一定會再嚟食過😚

啟德終於有高質泰菜食啦🤩呢間新泰有好幾間分店，食過都讚好👍🏻我同兩個朋友仔7點到而差不多全院滿座，係餐廳好食嘅表現🤭👅燒牛仔骨燒牛仔骨外焦里嫩，香氣四溢。搭配特製醬汁，更是讓人齒頰留香。👅冬陰功泰國經典湯品！必點！以其濃郁的香茅、南薑和柚子葉香味著稱，口感酸辣鮮香。湯入面仲有好多蘑菇同兩隻大蝦。👅青咖喱雞充滿椰香和香料味道，而且雞肉嫩滑，加上脆口嘅豆角同鮮甜嘅南瓜，好好味🤤👅薄餅薄餅酥脆到不得之了，搭配青咖喱雞一齊食，絕配！👅辣椒膏炒蜆蜆肉鮮美多汁，搭配辣椒膏的香辣味道讓人胃口大開。👅串燒沙嗲豬牛雞各兩串，夠晒豐富，炭火燒完肉質都好鮮嫩，而且佢哋嘅花生沙嗲醬，完全將串燒嘅味道昇華💯

第一次去呢間位於啟德雙子匯的泰國餐廳 Sunthai 令人感覺耳目一生，有一種泰皇高尚的氣派！除了裝潢華麗之外，喜歡在室外飲嘢傾偈的朋友可以坐露台的卡位，飽覽整個啟德觀景！而我同老友當然就醫肚先！先叫一個前菜：蜜糖燒肋骨雖然係肋骨但係都好多肉，而且好趙口，燒得香香甜甜。跟一個辣汁，啱曬喜歡食辣的朋友😉第二味：鐵板蠔仔炒蛋本來我好怕食蠔，因為好怕佢嘅海水腥味。令我驚喜你廚師已經處理咗佢嘅海水腥味，同洗得好乾淨，食落去唔會有沙。用鐵板形式上菜，不單止香口仲可以令蠔仔炒蛋保温👍然後係：砵酒羊架平時都係去西餐廳同日本餐廳食羊架，今日第一次在泰國餐廳食羊架，真係好味到不得了！佢燒得甘香，醬汁係用砵酒煮加埋羊肉鮮味，有一種難以言喻的肉香味，羊架仲要大大塊好厚肉，羊架肉好嫩滑一啲都唔係口，呢個唔食一定會後悔👍然後係：日本南瓜焗海鮮飯淨係個賣相已經贏通街，廚師真係落足料：有鮮蝦，墨魚，魚柳蠔同青口，仲可以食埋個南瓜，南瓜汁一啲都唔笠口，撈飯食就最正👍👍食泰國嘢點可以唔食金邊粉呢！係泰國菜嘅 Signature！所以來多個泰式蝦炒金邊粉😂望落去好似一個雀巢蓋在上面，食落去好脆口，係用雞蛋同薯粉炸成的，而

較早前又去到了啟德那邊尋找美食，發現在SOGO那高層位置選擇不算太多，這間店的明亮度十分足夠，所以就走去一試。 服務和細心度，也對得住個服務費先，帶位，詢問，也故意一坐下就喝完水後，也是幾分鐘內幫你添滿。 環境大而明亮，空間感很足夠，也加入大量泰式建築的元素，最起碼，看上去眼睛不會痛。 價錢其實和之前去九龍城吃的泰式差不多，份量也合理，沒有因為你一個人就減少或不夠的情況出現。 豬頸肉即燒出來，不期待炭烤，電烤都有口感在，份量足。 泰式奶茶有點特別，把奶打成泡沫狀，口感不錯。 肉醉炒飯就現炒，火的味道不算有，不過不失，咸香和醬油式調味都可以。 另外，問了五六日，會開多一個小時，當然訂位時都最好都詢問一下。店名：新泰東南亞餐廳。地址：啟德SOGO。費用：中高位置，發現原來他們有PAYME支付。