新泰東南亞餐廳 (雙子匯1期)

啟德開左好多新商場, 係屋企附近搵食都方便得多, 早幾日係雙子匯行完街上左樓上食泰國菜, 之前食過灣仔分店, 相比下啟德新開店鋪新裝修, 餐廳都幾大間, 坐得舒服闊落泰式串燒有豬、牛、雞三款肉各兩串, 配左咖哩汁點黎食, 每串肉都醃得幾入味, 食落味道甜甜地, 肉質幾嫩滑, 估唔到份量都唔少, 點埋汁食更加惹味食泰國又點少得泰式生蝦, 好耐無食過, 生蝦爽滑可口, 連埋面頭塊蒜片同辣椒加泰式生蝦辣生一齊食, 超正, 酸辣兼備, 食完立即起返條癮想去個旅行!鐵板蠔仔蛋賣相好吸睛, 外層炸得酥脆可口, 蠔仔勁大粒肉之餘, 份量多到嚇一跳, 加上鴨蛋既香氣再點埋個甜辣醬一齊食, 完全係食唔停口可愛擺盤既日本南瓜海鮮飯, 本身以為係普通用白汁焗飯, 一食先知原來個飯底係冬陰公味炒勻, 酸酸辣辣好開胃, 而餡料分別有鮮魷, 大蝦, 青口等等, 食飯之餘仲可以食埋香甜既日本南瓜肉蓉, 整個口感都好豐富, 超好味最後叫左個椰汁沙冰, 完全唔係普通咁用椰汁沖成, 飲得到當中除左有椰奶, 仲有椰子肉碎, 除左飲之外仲可以食埋椰肉, 椰味更加濃厚, 叫一個已經夠哂兩個人飲…查看更多

今日去左啟德雙子匯行下商場，食個lunch.同朋友去左一期14樓嘅泰國菜新泰食午餐。餐廳裝修好有渡假風情，坐得好舒服，而且唔會噪。星期六午市都仲有set lunch, 我地叫左一個越式蟹肉炒粉絲 加配 燒豬頸肉沙律。餐飲跟配凍即磨咖啡越式蟹肉炒粉絲都幾大碟同足料， 蟹肉都足，食落香甜，粉絲炒得乾爽口，唔會太重口味，味道唔錯。加$25 配埋 燒豬頸肉沙律，酸辣開胃，豬頸肉爽口好食，沙律菜夠新鮮。串燒羊肉 賣相好靚，燒得啱啱好，配料蕃茄仔，洋蔥，菠蘿等等，色彩鮮艷。羊肉粒，肉質有咬口，帶少少筋，有香濃嘅羊肉味，配埋酸酸地嘅醬汁好夾。蔬果配料新鮮，食落好juicy, 風別係菠蘿超香甜多汁，必試羊肉串燒。原個菠蘿咖哩蝦充滿椰香嘅咖哩食落香甜順口，夠厚身，蝦數過有8隻左右，用咖哩煮完都有食到蝦嘅鮮味，肉質彈牙。放左陣都仲暖暖地嘅香脆印度酥餅配埋咖哩好好食，外脆內軟。泰式凍奶茶，叫左少冰少甜，奶茶味道夠香濃，幾好飲！餐廳都好多泰國人店員，服務有禮親切，環境都好好。…查看更多

餐廳真係好有特色，由門口一裝修佈置，到每一個侍應打招呼都真係好似去咗泰國睇得出餐廳都好注重每一個細節今日兩個人食飯揀咗一個湯，2個菜，一個主食1.肉碎生菜包-雞肉2.冬蔭功湯3.蒜蓉炒貴妃苗4.泰式菠蘿炒飯冬蔭功湯，湯頭酸辣開胃，喺口腔入面爆發出檸檬葉、香茅和辣椒嘅層次感，既有熱辣刺激又保留泰菜嘅香氣。海鮮份量十足，蝦肉鮮甜彈牙，湯底香濃但唔會過鹹，真係令人一啖接一啖，好適合開胃，細份量都好夠兩個人飲😋肉碎生菜包，可以揀雞肉或者豬肉平時成日都食豬肉，我哋今次就試吓雞肉肉碎味道濃郁，酸酸辣辣，完全足夠包曬每一塊生菜，口感清新又健康，味道同質感都極佳至於蒜蓉炒貴妃苗，青菜爽脆，蒜香濃郁，每口都帶住濃厚嘅蒜香同油潤感最後，泰式菠蘿炒飯帶出咗明顯嘅酸甜果香，米飯粒粒分明，好鬆散，完全唔會黏笠笠。菠蘿同炒飯混合得宜，以菠蘿上菜感覺又美觀飯粒又能夠吸咗菠蘿的香味，滿滿的炒飯整餐約兩人$464，食物質素、份量配合環境，都覺得不錯…查看更多

新泰啟德店必食！沙嗲串燒 x 冬蔭公 真係正到爆！喂，講起啟德搵食，想食正宗又高質嘅東南亞菜？「新泰」真係唔可以錯過！佢哋間啟德分店坐得舒服，重點係啲嘢食堅掂，尤其係佢哋嘅沙嗲串燒同冬蔭公湯，食過返尋味㗎！ 沙嗲串燒 - 食肉獸最愛！新泰嘅沙嗲串燒，真係鎮店之寶！佢哋啲串燒（雞牛豬都有，最推雞同牛！）燒得啱啱好，外皮帶少少焦香，咬落去啖啖肉都 超Juicy超嫩滑，一啲都唔「鞋」口！最靈魂梗係佢哋個秘製沙嗲醬啦！花生味超香濃，帶住啲微甜同香料味，仲有少少粒粒花生碎添，口感豐富到暈！點滿個醬，真係一串接一串，停唔到口㗎！同friend share叫半打/一打，係基本啦！冬蔭公湯 - 酸辣過癮！鍾意飲冬蔭公嘅朋友，呢度嘅版本真係 超！級！推！ 一上枱就聞到好香嘅香茅、南薑、檸檬葉味，勁開胃！湯底嘅 酸、辣、香 平衡得好好，唔會一味死辣或者得個酸字，而係好有層次！辣度算適中（如果怕辣可以叫少辣），飲落去個喉嚨會feel到少少刺激，但跟住係濃郁嘅海鮮甜味同香料香，好過癮！仲要 料超足，大大隻鮮蝦、爽口草菇，飲完個身暖粒粒，超滿足！點解特別推介啟德店？環境夠新淨寬敞，坐得舒服，好適合同班friend或者屋企人慢慢食、傾吓計。服務都幾好，上菜速度合理。價錢方面，呢個質素絕對合理，性價比高！想食地道又高質嘅泰式風味，沙嗲串燒配冬蔭公呢個組合，真係 必點！食完包你心思思想再encore…查看更多

今次嚟到位於啟德The Twins雙子匯泰國菜餐廳-新泰東南亞餐廳，餐廳主打泰國、越南、星馬菜式，廚師同埋侍應都係由泰國人主理，非常地道。裝潢充滿濃厚嘅東南亞風情，好有度假嘅感覺，而且環境舒適闊落，有落地玻，採光十足，此外設有戶外座位，可以飽覽到啟德景色，非常悠閒寫意。泰式海南雞飯海南雞飯以便當盒呈上，雞肉嫩滑可口，皮爽肉嫩，而且係無骨，食落好方便，配上酸辣醬同埋薑蓉，更添風味。雞油飯油香四溢，飯粒分明，配上嫩滑嘅海南雞肉，係完美嘅配搭。焗奶油大蝦伊麵即點即焗同埋製作需時，表面奶油焗至焦脆，溶化嘅奶油同埋芝士包住大蝦同伊麵，充滿奶油香氣，大蝦肉質爽彈，伊麵香糯可口。醃無骨鳳爪沙律無骨鳳鳴味道酸辣開胃，口感爽脆，帶有酸辣鹹唔同嘅風味，再配上酸辣嘅洋蔥同埋蕃茄沙律，非常爽口。芒果糯米飯芒果香甜多汁，配上口感軟糯嘅糯米飯，糯米飯加上椰奶充滿濃郁椰子香氣，加上糯米飯中微微嘅鹹味，口感同味道都非常豐富。龍眼冰龍眼冰味道清甜香醇，口感清爽，仲可以食到新鮮龍眼果肉，味道濃郁天然。綠豆沙冰綠豆沙綠豆香濃郁，口感細膩綿密，混合冰沙，冰涼又解渴，非常消暑。…查看更多

呢度既裝修非常華麗，好似置身於泰國咁，就餐體驗極好。😬中午有好抵食既二人餐，首先上嘅係越式蝦米紙卷，薄皮包住新鮮嘅蝦仁同脆口嘅蔬菜，搭配酸甜嘅沾醬。👍🏻👍🏻跟住上嘅馬沙文牛腩，肉質軟嫩，醬汁濃郁，帶椰甜。印度薄餅外脆內軟，搭配馬沙文牛腩一流！泰式炒雜菜好新鮮。😋😋泰式明爐魚（烏頭），魚肉鮮嫩，配合香草同檸檬調味，完美展現泰國風味。最後，泰式凍咖啡好香濃，為成餐午餐畫上完美句號。💓💓…查看更多

黎啟德行街除左好多新商場，仲開左好多新餐廳！今日就同朋友黎試呢一間泰國餐廳🥰🌟酥炸鮮蝦毛好熱氣但又好好食！好適合配酒飲既一個小食🤣 炸粉包裹住每隻小蝦毛，炸到脆卜卜之餘炸粉亦唔會厚😍🌟香芒軟殼蟹米紙卷米紙煙煙韌韌，包住炸到香脆既軟殼蟹同鮮甜嘅芒果，清新又開胃🥭🦀🌟燒豬頸肉份量好多！燒豬頸肉外脆內較，配上酸酸辣辣嘅醬汁，令人一嚿接一嚿咁食，完全停唔到口！🌟泰式蝦醬炒飯一上枱已經聞到好香嘅蝦醬味！炒飯粒粒分明，有原隻既蝦仁，仲有腰果同肉鬆！🌟星洲喇沙蝦米線湯底濃郁，米線係嗰種好滑身嘅米線！配料有豆卜蝦魚片同埋雞蛋，仲有好多嘅芽菜！🌟鹹檸檬七喜🌟綠豆沙冰好少見出面有綠豆沙冰，係一個好特別嘅嘢又好似綠豆沙嘅感覺，好清涼解暑。…查看更多

去啟德AIRSIDE行街，想去個環境又靚又chill嘅餐廳食個lunch，於是去咗位於雙子匯14樓嘅[新泰東南亞餐廳]。餐廳裝潢運用木材、室內植物，再加上燈飾，營造出一種接近大自然又充滿泰國風情嘅氛圍。餐廳範圍好大加上高樓底，空間感十足，坐位又闊落，感覺零舍舒服。食物選擇多，價錢合理，分時段仲有折扣優惠，感覺更加抵食。燒豬頸肉 $98.-豬頸肉質感軟滑juicy，帶陣陣油脂及焦香味。燒原隻魷魚 $128.-魷魚表面燒至香口乾身，口感爽滑彈牙，點埋秘製醬汁，零舍好味😋。串燒6串 $108.-肉串好大份量，雞、牛、豬各2，肉質軟滑多汁，食落啖啖肉。瑪莎拉咖哩 $108.-咖哩充滿香料味，味道微辣香濃，薯仔同牛肉煮得好入味。印度酥餅 $42.-酥餅切成小塊相對易食，香脆乾身唔油膩，點配瑪莎拉咖哩醬汁，微辣香口，更加惹味。紅豆冰 $55.-紅豆香甜粉糯，甜度啱啱好，冰涼解渴，最啱配泰菜😆。…查看更多

星期日約左朋友去啟德sogo行街，夜晚係雙子匯既餐廳食飯。餐廳主打泰國菜，6點幾已好多人等位，我哋叫左幾款食物，日本南瓜焗海鮮飯，用上原隻日本南瓜，加入魷魚，蝦和青口等海鮮，再鋪上芝士南瓜蓉焗，椰香味濃。辣椒膏炒大蜆，蜆肉新鮮，用辣椒膏炒，微辣惹味。鮮蝦米紙卷, 入面有蝦, 生菜和檬粉等材料, 配合特製醬汁, 味道好夾。另外，串燒叫左雞肉，豬肉和牛肉， 串燒燒得啱剛好, 有炒少焦香, 肉質鮮嫩, 配合香濃醬汁食, 十分香口。最後叫左芒果沙冰, 入面有芒果粒, 口感綿密, 甜度剛好。…查看更多

啟德雙子匯既「新泰東南亞餐廳✨」，食物夠晒地道正宗，餐廳環境舒適，裝修充滿泰國風情，而佢哋嘅午餐只係$75起，已經包咗主食及飲品，仲可以加購升級小食，抵食又好味。🍗泰式海南雞飯雞肉滑嫩，肥瘦適中，油飯香噴噴，配埋泰式醬汁，酸酸辣辣好開胃，仲加埋個湯同蔬菜，健康又好味。🦀越式蟹肉炒粉絲粉絲炒得乾身唔油膩，蟹肉份量唔手軟，啖啖鮮味，食過返尋味。🧈焗奶油大蝦伊麵大蝦新鮮又彈牙，啖啖香味，奶油醬濃郁得嚟唔膩，伊麵吸晒醬汁，滑溜又有口感。🦐💛🌶️冬陰功海鮮金邊粉冬陰功湯底酸辣夠味，海鮮新鮮彈牙，金邊粉吸晒湯汁，每啖都係泰式風味～🔥！「新泰東南亞餐廳✨」真係又抵又好味👍🍽️…查看更多

黎啟德呢邊SOGO比較好行同舒服，呢間幫襯開嘅分店個景都較新同靚，價位亦算抵食。串燒一客6串，都係一般咁可揀豬、牛、雞，炭燒味尚可，最出色係沙爹醬，花生夠香濃，所以黎親都必點。一般泰式生蝦我都只會去有信心嘅舖頭食，呢間每次上檯都仲夠凍，個汁亦夠蒜辣味唔錯嘅。巴東牛展，個汁好濃稠、好豐富香料味，配印度酥餅、飯、蒜蓉包都好正，牛展夠淋。辣椒膏炒大蜆係我第一次喺度食，驚喜地係全晚最好食嘅嘢，帶甜，香而不辣，蜆肉多、算多肉。除咗泰式奶茶，呢度一般茶餐廳嘅熱飲都有，岩哂少甜控。…查看更多

約咗朋友食飯，星期日夜晚都幾多人，要等位。但等位都快。食物選擇多，冬陰功湯好好飲，飲品都好好飲，泰式奶茶唔會太甜店員服務都好。有户外位置，但價錢都偏貴。上菜多人時都偏慢波蘿炒飯無左菠蘿🍍有啲差，但太多人叫呢個炒飯，所以都無哂菠蘿上菜。唔知係咪無哂菠蘿，飯有啲濕。食物大致上都ok…查看更多

終於約齊7位靚太補祝生日！今次揀咗啟德SOGO雙子匯新開嘅「新泰東南亞餐廳」，呢間30年老字號真係無得頂！新分店除咗有泰式涼亭設計、紗幔卡位，最正係有私人VIP房連露台，私隱度極高，我哋成班姊妹傾偈講笑都唔怕騷擾到人！🍹特色飲品椰青沙冰$78 - 清甜解渴青檸梳打$42 - 酸爽開胃芒果沙冰$55 - 香甜順滑🍱必點小食泰式大拼盤$268蝦餅彈牙、魚餅香辣、春卷脆口，香蘭葉包雞仲保持到肉汁，正宗泰國風味！🥗開胃沙律泰式柚子蝦沙律$118柚子清甜多汁，配大蝦同秘製醬汁，清新醒胃燒豬頸肉$98炭燒香氣撲鼻，外脆內嫩，油脂甘香🍲主菜精選椰青冬陰功$230傳統湯底加入椰青水，酸辣中帶清甜，層次豐富泰式去骨海南雞$138雞肉嫩滑，配三款特製醬汁，風味各異排骨山$248上桌即火焰表演，手抓食法特別過癮泰式燒春雞釀香茅黃飯$228每日限量，米飯吸收雞油與香茅精華，香氣四溢麵包焗咖喱軟殼蟹$248軟殼蟹酥脆，咖哩香濃，用麵包蘸汁食最正蒜蓉炒貴妃苗$98鑊氣十足，蔬菜新鮮爽脆🍨甜品拼盤泰式甜品大拼盤$188多款傳統泰式甜點一次過滿足（溫馨提示：VIP房同露台位好搶手，記得提早預訂！）…查看更多

雖然雙子滙人流唔多，但原來搭𨋢上黎有好多野食！上到14樓嘅食滙堂，人山人海，間間餐廳都坐爆哂，我地揀咗好多分店而且口碑唔錯嘅泰國餐廳新泰。入到去有種去到泰國住酒店，朝早食酒店早餐嘅感覺，好泰式！同其他分店好唔同！由於友人係魷魚愛好者，先叫個原隻魷魚筒比佢！隻魷魚相當大隻！汁燒味道好惹味，可以點少少泰式酸辣汁解膩，希望膽固醇唔會飆升啦～口感方面好軟滑彈牙，值得一試！今晚大家都唔太肚餓，以生菜肉碎包作為主食，雞肉碎帶微辣，用爽脆嘅生菜包住嚟食口感好清新！肉碎炒得好香！另外試咗個蒜蓉炒貴妃苗，賣相好翠綠，食落口感比較多纖維，要加多幾分牙力咬一咬，不過味道係唔錯嘅。最後唔少得食個泰式明爐烏頭魚，魚肉唔腥之餘仲好嫩滑，酸酸地咁好開胃！…查看更多

位於啟德 Twin Tower 高層嘅新泰東南亞餐廳，環境一流，落地玻璃望出去就見到成個啟德景，夜晚仲有靚靚夜景，相當有氣氛。餐廳主打泰、越、馬多國特色菜，用料新鮮，香料運用得恰到好處，味道層次豐富。 先講燒西冷牛扒，油脂分佈平均。外層香煎至金黃微焦，鎖實肉汁，切開仲見粉嫩肉芯，入口嫩但又有咬口。配返少少香茅黑椒汁，芳香帶微辣，好開胃。之後試泰式生蝦，蝦身晶瑩剔透，爽甜無腥味，配特製酸辣魚露醬汁、蒜蓉同辣椒，一入口酸、辣、鮮交錯，鮮味即刻爆出嚟。 馬拉盞通菜炒得火喉十足，通菜莖爽葉嫩，掛汁又唔油膩。馬拉盞嘅香氣勁濃，啲蝦米香令成碟菜味道更突出，簡單但好惹味。越式蟹肉炒粉絲，蟹肉份量充足，粉絲吸晒蟹膏同魚露香氣，口感滑順又入味。伴碟蔥蒜炒香後油香四溢，食到好滿足。 芒果沙冰香甜清爽，冰沙幼滑，啱啱好中和咗之前菜式嘅辛辣。值得encore!…查看更多