新景園咖喱小廚

營業中

休息中

新景園老闆有先見之明，自己一早全日禁堂食，所以即使武肺未出來開工都只能買外賣支持。各式午市特價飯盒外賣只係$45，豬扒份量應該比堂食少啲，但都非常抵食。早兩日我點咗招牌咖哩豬扒飯，豬扒炸過但不會乾爭爭，仍然夠香而鬆軟，咖哩汁好澎湃，每啖飯都撈到咖哩汁，雖然佢個咖哩汁對我呢個唔食得辣嘅人來講稍為辣咗少少，但配搭 #車麵館 嘅招牌 凍橙茶 就啱啱好！茶味夠之餘，仲食到啖啖橙肉，好正呀！😋順帶一提，新景園嘅店員哥哥姐姐態度非常好，又好笑容，多謝前多謝後，另外佢門口左右兩邊各放咗枝酒精搓手液俾客人使用，好貼心，令第一次幫襯嘅我印象深刻，可見黃店嘅普遍質素都係高啲嘅！💛

新景園咖喱小廚📍.疫情期間緊係乖乖地少堂食 多外賣算啦近日就試左灣仔既一間咖喱飯🍛呢間食店不嬲都排長龍 見疫情期間好似少左少少人 決定買黎試試😋.🐷咖喱豬扒飯（$45）豬扒外脆內軟🥩肉質腍而不散🍛咖喱汁味濃 偏印度式風味辣辣地 好惹味加埋咖喱汁都比得好足 岩岩夠送飯👍🏻.整體質素唔錯 難怪成日都排長龍啦👥如果有興趣人士記住早少少排隊啦.人均消費：$45美味指數：😋😋😋😋😋😋😋（8/10）抵食指數：💰💰💰💰💰💰💰（7.5/10）打卡指數：📷📷📷📷📷📷📷（7.5/10）.店名：新景園咖喱小廚 (灣仔)地址：灣仔春園街20號地舖.

平日大約晚上7:30去到，唔算好多人，唔使排隊就可以入座。咖喱豬扒飯，一如既往，都係大大碟，細食少少都一定食唔晒，就連隔離坐左兩個大男人都係2個人share一碟再另外加個餸。咖喱係另上的，撈飯又得，分開食又得，自己話事。通常咖喱汁入面會配有幾舊薯仔。我已經超過一年無黎過幫襯，印象之中，之前食過嘅薯仔係有炸/煎過嘅，薯仔係脆脆地的。但今次就應該無炸/煎過啦，仲要係生生地的。除此之外，豬扒同咖喱都係好好味嘅。加$10可以跟餐，有碟菜再加大枝裝汽水/靚湯。真係幾抵的，散叫汽水都要$15，所以現場見，大部分人都會跟餐。

成日經過這間店也好多人排隊，上網search灣仔美食，見到這間，原來是因為佢個咖喱豬扒飯好味，於是今日決定去排吓，可能因為疫情再度嚴重關係，好似少咗人排隊堂食，排了一會就到我，入到去，地方係比較狹窄，沿途行入去個位時，見基本上個個也食咖喱豬扒飯😂，咁當然也是叫招牌咖喱豬扒飯$85(單點）無得跟餐，雖然豬扒飯而言有啲貴，但點都要試吓，先上咖喱汁，咖喱汁上有一舊薯仔，個薯仔好硬下，可能剛放落去煮無耐，個咖喱對我而言偏辣，叫咗職員俾杯水我😂，豬扒飯上來了，應該是即叫即炸，所以要啲時間等候，但也不耐，豬扒入味，肉質好淋身，外層有啲酥脆，好味，有兩大塊，唔怪之得收$85，但我覺得多食可能會有啲漏，如果可以份量減半，價錢減半，嚟個輕量版就更正，適合女士或胃口唔太大的人食.

店舖須小，豬扒絕對不小，直情係巨型。😲《咖哩豬扒飯》 眼所見八成以上顧客之選； 亦係本座每次到訪必選。😜皮香脆且乾身，雖然明知係用油炸，但咬起上嚟唔會成口油的感覺，相反內層嘅嫩滑肉汁更顯juicy， 因為廚房需要分批炸豬扒，如果你叫豬扒飯是剛好用完，要等新鮮炸起就要等耐一點時間。港式咖哩汁， 再搭一嚿薯仔， 咖哩味算香不算濃，口感欠單調，但係有一份港式咖哩味獨有情懷。明顯即叫即炒，火侯十足牛肉份量亦不少，味略帶燶鑊香， 豉油加咗（師傅） 所以好好味。PS: 一般茶餐廳冰室來說，這個價錢豬扒飯，真係有點點兒貴， 但係份量絕對不少，可惜是餐廳規矩，不可以兩人分享，因每位客人最低消費$68食物賣相＝(滿分20) 17食物味道＝(滿分20) 19服務質素＝(滿分20) 15裝修整潔＝(滿分20) 14性價比率＝(滿分10) 6回頭指數＝(滿分10) 9總評分。（滿分100) 80分

係霸氣趕走譚伯之前已經相當有名氣，趕走譚伯後於黃店介當堂出左名。另外，價錢一樣驚人，堂食竟然係外賣價既一倍？！😮究竟係幾想客人叫外賣🤭？哈哈～可惜Bubu係特地黎潮勝，無地方比bubu買外賣享用，唯有$85一個咖哩豬扒飯都照食😗～💁🏻‍♀️咖哩豬扒飯 $85馳名既咖哩豬扒飯，貴一貴都要食☺️～豬扒即叫即炸，熱辣辣，㷫熻熻，外皮炸得好鬆脆，內裡肉仍然好軟，兼帶有肉汁，一D都唔油膩。好味道🥰～仲要兩大塊，每塊都大過我隻手呀，好厲害😈！至於咖哩係典型港式咖哩，質地較稀，唔算辣，濃厚咖哩味，唔係重椰汁味個種～用黎撈飯無得彈～但Bubu確係認為堂食$85都唔係化算呀～住附近／附近既話就一定會常黎叫外賣！不過bubu睇網上分享既圖，外賣既豬扒會得一舊哦😗

咖哩豬扒飯真係好好味， 我平均一個禮拜都會去食一次， 老闆娘同夥記又好好人。 非常值得推介！我通常下晝兩點幾先去到， 但係有時都要等位😞但值得嘅😊可惜佢星期日休息， 如果唔係我哋可以一家人去。

有罷市又有霸氣老闆娘嘅小黃店💛呢間經過長期都好多人 所以我都好耐冇食過啦😭今次見佢門口唔係太多人就排咗隊 佢都去得好快 因為啲嘢食上得超快 所以大家唔好俾佢條人龍嚇怕啊😍😍之後勁好笑 嗰侍應哥哥係對我勁有偏見 我嗌咗小飯 而我個飯係真係勁少 係人地既1/3😈不過佢個偏見係啱既 因為我哋最後都真係食唔晒 仲要兩個都食唔曬 超弱😂😂😂之後我哋走嘅時候有另一個姨姨問我唔食啦 之後我答佢我地真係食唔落啦 佢讚我都已經好努力啦 超可愛🥰·咖喱豬扒飯$85呢個超好食 佢係有兩塊豬扒 跟住塊豬扒肉質真係勁好 炸到勁香口而且完全唔會un 而且佢厚肉得黎仲係好嫩 咬落去好有肉汁 超正🤤🤤佢個咖喱都幾濃 個辣味都出既 但係唔會話超辣 剛剛好成件事勁夾😎佢外賣$45添咋 不過會少一塊豬扒 同埋我自己私心硬係覺得堂食會有風味啲🤭·乾炒牛河$78呢一個又係炒到勁靚 不過始終因為係炒河 真係有啲油🙊🙊但係都好有鑊氣 而且個調味都唔錯 最值得讚係佢個牛肉 勁嫩 而且勁有牛味 完全冇hea你 不過呢個一個人食就真係有啲Heavy啦 最好就好似我哋咁樣 可以嗌兩個一齊分😍😍·#rbyeat#rby港式#rby小黃店#r

位於灣仔春園街20號地舖，多年歷史懷舊小廚。新景園咖喱小廚，午餐主打咖喱豬扒飯，即落order即炸。每塊豬扒經師父親手淹制，一啲都冇坊間食肆既食粉味，做到香口鬆化，絕對不容易，（心機嘢）👍而咖喱汁都相當香濃且帶有小辣，入口絕對唔會覺得太甜，送飯就啱啦！

今日去到午飯時間堂食唔洗等位，不過就有好多人等外賣。因為中午外賣飯盒只需$45，而堂食就要$70以上。試左最出名既招牌咖喱豬扒飯 $85豬扒係即叫即炸，有兩大塊又好厚身，炸得好香脆鬆化，又唔油膩，食落鮮嫩多肉汁。咖哩汁係分開上，入面有一大舊薯仔，咖哩味香濃唔辣，質地較浠身，撈飯一流。總括堂食要$85性價比一般。中午好多單好忙，但店員都好有禮貌，值得一讚。呢到既乾炒牛河都好出名，下次要再來一試。

前陣子灣仔新景園咖喱，因各種事項登上報紙惹來爭議，本人尊重餐廳的各項措施，同時亦想起原來從未來過此餐廳進食，便趁週六經過灣仔嚐嚐。一看招牌門面，便知道此餐廳有相當的歷史。在門外等候時，已發現他有招牌著名咖喱豬扒飯和乾炒牛河，二人便立即下單。新景園的咖喱豬扒飯果然名不虛傳，他是港式咖喱，並不會太辣而且味道豐富有層次感，豬扒分開碎上，所以不會因醬汁而令其浸軟，能保持爽脆炸皮。乾炒牛河亦非常有火候，看到基本上每條河粉亦充滿啡色醬油的均勻染色，芽菜亦能保持香脆可口，牛肉分量亦相當豐富。唯一美中不足是食油過多，吃完後滿嘴是油。理解餐廳規模較小，租金成本可能較高，所以理解設有每位堂食$68 ，如對吃量較細的朋友來說可能有點貴。

It’s the first time I came to this restaurant. My bf brought me here. We ordered two pork chop curry rice dinner sets. Each set came with a soup/ coke and veggies.The pork chop was very flavorful, crunchy on the outside and juicy on the inside. The portion was so generous that we had to ask for less rice. Great customer service. Their menu has a great selection of rice dishes. I’ll definitely come back again.

ordered curry beef with rice and fried noodles. curry average with very few beef, the worst curry beef and even CDC serves much better curry. the beef noodle was over cooked so there was a burn taste which was the only taste. Service was non existent, asked for the hot sauce but was ignored despite asked for a few times. Hygiene was questionable, price on the high side so there are many better alternatives choices with this price range. will definitely not coming back but I don't think this

每次想食此店都長長人龍，見今日唔算太多人排隊就食吓。餐牌上都有好多款式，但我哋點咗兩個招牌菜。咖哩豬扒飯咖哩汁同豬扒係分開上，個汁都幾有誠意， 嘢味，辣辣地好開胃！重點係豬扒大塊又炸得香脆，果然係招牌菜干炒牛河河粉好滑，炒得惹味，唔油，好多牛肉片又入味，仲加入芽菜、韮黃增加口感，令人想再encore

平時少黎港島區食嘢，今日天朗氣清就同朋友係灣仔出發行山。行山前要醫醫肚。呢間望落平平冇奇嘅茶記都幾多人，好彩剛剛好有位。店舖名以咖哩為名，可見係招牌。位於灣仔，都有心理準備嘢食係貴d，但估唔到一般茶記碟頭飯、炒飯都$70起跳。咖喱系列仲係$85！！原本打算食咖喱牛腩飯，但冇晒牛腩，店員就話黎到就試招牌咖喱豬扒飯。豬扒即叫即炸，所以要等一陣。咖喱汁有不少香料，同時亦唔會太濃，拌飯食一流。咖喱汁有一舊薯仔但係薯仔太粉。豬扒似上海排骨，冇落炸粉去炸。豬扒食落好鬆化，本身有調味，但點咖哩汁都好選擇，唔會太咸。豬扒有兩大片，係身為食肉獸嘅最愛，但我都係食唔曬。好彩朋友仗義出口，佢自己碗乾炒牛河都好多肉，有一半係牛肉。雖然味道唔錯，但未出色到令我再想朝聖，同時對於港式食物黎講太貴喇，性價比一般。