影片
更多
2020-07-10
777 瀏覽
成日經過這間店也好多人排隊，上網search灣仔美食，見到這間，原來是因為佢個咖喱豬扒飯好味，於是今日決定去排吓，可能因為疫情再度嚴重關係，好似少咗人排隊堂食，排了一會就到我，入到去，地方係比較狹窄，沿途行入去個位時，見基本上個個也食咖喱豬扒飯😂，咁當然也是叫招牌咖喱豬扒飯$85(單點）無得跟餐，雖然豬扒飯而言有啲貴，但點都要試吓，先上咖喱汁，咖喱汁上有一舊薯仔，個薯仔好硬下，可能剛放落去煮無耐，個咖喱對我而言偏辣，叫咗職員俾杯水我😂，豬扒飯上來了，應該是即叫即炸，所以要啲時間等候，但也不耐，豬扒入味，肉質好淋身，外層有啲酥脆，好味，有兩大塊，唔怪之得收$85，但我覺得多食可能會有啲漏，如果可以份量減半，價錢減半，嚟個輕量版就更正，適合女士或胃口唔太大的人食.
張貼
