新景園咖喱小廚

營業中

休息中

對於唔食得咖喱既人, 可以選擇粟米豬扒. 因為無論係粟米豬扒或者係咖喱豬扒, 大大塊豬扒真係酥脆無比,  真係值很推介! 不過真係好多人. 而且唔平, 不過食落肚緊係要好既食物, D服務員都好好口, 會係我既食堂.

讚1. 生意咁好既鋪，但笑容仍然好好，真係少見2. 豬扒好味道，即叫即煎，外層香噴噴又有肉汁，份量大，係就係貴，但幾抵，番茄亦係有酸味而唔係開醬果種，好過唔少茶餐廳彈1. 飯實在要改進下，夾生噃，仲有杯奶茶亦未免鞋口啦卦

咖哩汗味道適中，牛腩彈牙唔記得幫乾炒牛河影相，不過好夠鑊氣，好香，牛肉片好多，豉油王靚，炒得每條河粉好平均，不過怕油的人就可能唔鍾意。食物份量好大，適合大胃王，好多食客食唔晒，要打包走，不過現在已提價不少，價錢適當地反映了份量和品質。

今日本著要懲罰小店嘅心，當然有行動力，但知道lunch hour唔太樂觀，因為聽講有三十，四十人係好基本，點知搞下搞下成一點半先到，得四，五個，我估等左5-10 mins就有位。入到去，當然一定要嗌咖哩豬扒飯同乾炒手河。wow，個豬扒飯一黎到，個賣相已經好正，好香。一食落去，果然無令我失望，炸到好脆，好香口，但d豬肉仲好嫩，perfect, 無得輸，其他地方一定食唔到。之後黎個牛河，有d油，食到一半就頂唔順。但出奇嘅係個到d waiter 好好好好有禮貌，短期一定會再食。

自從譚伯企圖打尖被驅逐之後，新景園人流就多到做唔到生意，想食返啖黃到傷眼既咖喱都唔易。作為熟客仔，不得不讚招牌咖喱豬扒飯($85)兩大塊豬扒足料厚實、軟腍甘香，新鮮炸起都好乾爽唔油膩，次次分左一細碗俾同事都仲係啖啖肉食極唔完。咖喱係典型港式椰漿香辣型，臨尾會係脷底辣返出黎，唔食得辣既朋友都表示好過癮，如果可以俾多舊薯仔撈汁就完美喇。雖然最近都大排長龍，良心黃店就算排幾耐都係值得大大力用金錢懲罰既!

雖然咖喱豬扒飯是鎮店名物，但是今次試試其他！晚餐時段基本上都是大排長龍的，所以為了不用排隊，特別在晚飯前的時間去試食。原本以為是咖喱專門店，其實除了咖哩豬扒，還有一般茶餐廳菜式。也有著香港茶餐廳效率超快的特色！老闆娘和伙記都是走本地親切風格。辣蝦茄子煲辣味較輕，少少辣味已經可以令整個茄子煲更滋味。煲裡還有肉碎、蝦碌、茄子，十分豐富！味道也是不錯，而且配白飯一流。咖喱是必試的菜餚！！！這一次試試咖哩魚塊，看看是不是向豬扒一樣出色？魚塊和豬扒質素差不多，一樣脆身，但確實不夠嫩滑。只是搭配上咖喱就不會覺得乾身。咖喱的質素和味道保持一貫水準～可以不停點頭再試！

昨日我在銅鑼灣光顧泰國奶茶飲品店「CXXTraMue」之前，其實本來是想光顧位於灣仔內街「春園街」裡面，近期在香港政治運動裡面大出風頭，以咖喱飯為招牌食品的食店「新景園咖喱小廚」。「新景園咖喱小廚」之所以近期大出風頭，主要原因在於一單未經證實，道聽途說的江湖傳聞，消息甚至在大型視頻頻道和社交網站裡面廣泛流傳，因而備受注目。我都是在視頻網站裡面，知道這單傳聞事件之後，才對「新景園咖喱小廚」跟廚房製作的招牌「咖喱豬扒飯」食品產生興趣。至於「新景園咖喱小廚」裡面的招牌食品「咖喱豬扒飯」，除了可以令到某位著名的公眾人物，就算近期的環境緊張，仍然要堅持幫襯之外，還有大量食客慕名在「新景園咖喱小廚」店外排隊輪候入座。我在昨日因為「咖喱豬扒飯」售罄，而未能食到「咖喱豬扒飯」之後，翌日選擇再提早一點時間，坐車來到灣仔，來到「春園街」「新景園咖喱小廚」。當時我還未知道需要在店外排隊，以為直接向店員取籌等候就行。結果「新景園咖喱小廚」店員此時提醒我要在站外排隊輪候，我才發現店外的排隊人龍比我想像為之多。我立刻明白，明白為什麼那位知名人物在這樣情況下，仍然堅持要購買「咖喱豬扒飯」了。因為「新景園咖喱小廚」裡

今日終於有機會去幫襯新景園，因為冇食到早餐，不如提早食午飯，決定去一轉，因知呢間深受歡迎，一定好多人，早點11:30即去，如我所料去到果陣堂食已滿座，呢個時候當然買外賣，等大約10分鐘到有，比想像中快，其後就好多人，因差不多食飯時段。 餐牌，外賣平好多，份量少點。 咖喱豬扒飯，$45，滿滿的咖喱汁，濃郁惹味，每啖飯都撈到汁，好滿足，炸豬扒好大件，入口香脆，肉質夠鬆化，好味。果然名不虛傳，食物好味，良心小店，必支持呢。

以前係灣仔返工時已經周不時幫襯新景園，最近佢玩走左倫伯，搞到好多人去瘋狂懲罰佢，lunch time就算12點去到都已經大排長龍😂😂去到當然食佢既招牌咖哩豬扒飯，豬扒肉質好嫰又鬆化，炸漿好薄，炸得香脆又唔油膩🤤🤤佢既咖哩汁係另上，唔驚倒上豬扒面會淋晒，咖哩帶點辣同香甜😋 送豬扒食真係好惹味👍🏻👍🏻就連咖哩汁中既薯仔都唔可以放過😆 吸晒咖哩汁既精華，送飯一流👍🏻價錢有少少貴，但份量勁多，一個人其實食唔晒，建議同朋友單叫多另一個餸，開心share就岩岩好😃 🔸咖哩豬扒飯 (單點$85，套餐$92 )P.S: 店內有最低消費$68, 最近去真係可能排到天荒地老😂唔想排太耐可以考慮叫外賣嫁，少一塊豬扒，但平成$40😳 絕對可以一戰🤤🤤

馳名小店，一向lunch hour都超多人排隊，依家更創高峰，條隊起碼長多2個舖位，連外賣都要等差不多半粒鐘。堂食大概$80，外賣$45，平一半。大大盒，咖哩汁多到不得了，味道甜甜辣辣豬扒份量好多，切好哂，炸得香脆，但又唔會乾韌，非常鬆軟。必定會再幫襯

呢間店常常排長龍今天辦事後忽然想嚟吃過咖哩豬扒飯幸好一個人比較容易入座點了一個咖哩豬扒飯加一杯熱奶茶奶茶很快便送來了 可能他每天的客戶流量都比較快所以奶茶喝下去很香也感覺很新鮮 大約等十分鐘服務員先送嚟一碗咖哩汁裏面有一嚿薯仔之後再送上一碟豬扒和飯已切好的豬扒舖在飯上面差不多都遮蓋了可想而知它有多大馬上試一口豬扒 肉質果然酥軟 皮脆肉軟不油膩 咖哩汁比想像中調教得比較稀不過吃下去又覺得香濃把飯和豬扒吃完之後 還剩下一些咖哩汁雖然這餐的味道算是不錯但價錢略貴沒有套餐價所以咖哩豬扒飯加熱奶茶就剛好100元

作為離開灣仔區返工既打工仔，得閒既時候都會特登去灣仔買個靚外賣而新景園就係我返去灣仔區既原因新景園最出名既係咖哩豬扒飯呢樣野我由十幾年前讀中學時，聽個食家同學講就已經知道堂食＄８５有野飲，但外賣只係賣＄４５相對之下，平成＄４０真係幾抵下有豬扒、雞扒、魚柳食，配以咖哩、粟米、鮮茄汁好多時食客都會食咖哩汁，但我個人鍾愛食鮮茄汁鮮茄汁好開胃，淋上豬扒飯亦都好夾又或者咖哩對我黎講真係有少少辣平民價食到高質炸豬扒，冇咩邊度搵到以前食雞扒會搵榮式食豬扒就應該係黎新景園另外，寫單哥哥好好禮貌，唔似平時茶記咁會對你笑笑口，幫襯過好多次都覺得服務態度良好等候時間方面，試過一黎一分鐘就拎到但最近可能人氣再急升要等成２０分鐘先有不過食高質野，等下都好有人排隊係一個好好既指標

先小人後君子 95蚊跟餐有汽水 有菜85 例炸豬排等左半個鐘 比曬啲頭頭尾尾黎 其他人就2件大大塊完完整整個魚柳4塊 我見其他人食淨都唔止4塊唔知係我唔好彩定間野keep唔到水平 豬排就多汁 炸得岩岩好 堅好食 魚就普通如果唔係出黎啲野好似比人食淨 都會再幫襯嘅

Today I visited a famous restaurant in wan chai. It’s been a big hit recently because of their food. They have the best pork chop in the business , they fried their pork chop fresh, so when you receive it , it is hot and crispy . Although the price is a bit on the high side but it definitely worth it , the service is quite decent as well when you consider the long queue that they are having .Highly recommend you guys to have a try, and support these kind of small shop .

🇭🇰#香港捐窿捐罅記 ig:foodkiller_dk我原本都冇諗住去食 但見到好多冇腦嘅人惡意比負評🤦🏻‍♂️咁我有能力嘅就自然要出一出聲🤫 特意早少少起身去食🌝 俾返個公道佢🤷🏻‍♂️我去到發現佢未開門已經有十幾人排緊隊🤫 入到去之後發現其實老闆娘都唔係脾氣好差 只係一個比較心急嘅人 EQ都高😛大家如果唔想等咁耐嘅話 仲可以外賣 外賣仲要平好多添☺️佢呢間野有兩個出位菜 分別係🐷咖喱豬扒飯🐷同🐮乾炒牛河🐮 今日就試住一款先☺️Btw記得黃籃是政見 黑白是良知🤞🏻-🐷咖喱豬扒飯🐷（$85）個飯份量好大 起碼有兩大塊炸豬扒🐷豬扒炸得十分鬆軟 厚得來肉質又淋 最重要係即炸🥳外表仲十分香脆🙋🏻‍♂️應該係我食過最好食嘅炸豬扒🙂咖喱一入口又勁重嘅椰香同香料味 食落勁開胃惹味🥰辣道就算係微辣 不過要配合香港人口味 所以唔可以太辣🌝總結來說 真香港人必試 食物物超所值🍍-🎈灣仔春園街20號地舖平均傷害：$85好味值：7.5/10...