最近因為有海港城coupon，令海港城到處都係人～今次黎到自稱係台灣珍珠奶茶創始店既翰林茶館，點知質素好普通😭！絕對係台灣普通街邊檔40蚊台紙就食到既質素，但過左個海就貴左唔止一倍，好令人失望😐，如bubu想思鄉（其中一個鄉下），絕對唔會再去呢間😔！ 🙆🏻‍♀️焢肉配白飯 $88 焢肉係半肥瘦，食落肥膏位置唔係好肥，近皮位置都煙韌，味道偏咸，瘦肉既位置仍然好柴😶～總共5舊肥肉只食得下3舊就膩了！加上白飯真係白飯～汁一滴都無，如果無咩配菜真係好難送飯😵 🙆🏻‍♀️脆脆雞扒配白飯 ＋ 冬瓜茶套餐 $108 雞扒好大塊😯每一舊都好厚肉，炸衣確實如名係炸到脆卜卜既☺️入味但唔juicy，又未去到好柴好難吞，但是否值呢個價錢，確係見人見智🤨 🙅🏻‍♀️國宴珍奶$58 話說打開menu就見到一杯$58既珍奶，仲要話係每日限量，就忍唔住叫左一杯黎試試🧐！點知好失望☹️！Google search下呢杯被台灣政府選為招待世界各地外賓既指定珍珠奶茶，真係好普通😩！唔通bubu飲得太多珍奶，所以覺得珍奶已經變得好普通？OMG！唯一可取既係珍珠確係軟糯，即使係凍既野飲都可以保持住咁軟既質感無變硬，確係厲害既珍珠！但bubu仍然諗唔透點解會值$58？ 🥺 另外仲要吐嘈既地方就係支飲筒😐 店員上飲品既時候有叮囑話唔好太大力使用飲管，開初都唔太聽明，到拆開包裝既時候就明，bubu係喜歡單手督開飲管包裝，點知就包裝未爛，飲管就爛左😶😶 開初朋友都笑bubu 咁大力？然後問店員再拎一枝新既飲管，今次bubu小心翼翼既拆開包裝，拎出嚟飲管再插去飲品，再飲一啖，嘩，好普通既珍奶，當bubu以為已經唔需要理飲管既時候，同友人開心地傾偈，再拎枝飲管想飲形奶既時候，"卡差"，又爛左？ 😂 今次 bubu 真係認真研究一下為何又爛？ 原來飲管既設計內籠係一條條直紋（抱歉bubu忘記影相）， 外在壓力更生大既時候就會爛，而且同平時既飲管不一樣，係番唔到轉頭🙈🙈好好奇究竟點解老闆會入手呢款飲管？ 😂對於bubu呢d唔小心又用盲力既顧客，真係會變得好唔環保🙈 但為左要飲珍奶，又無可奈何地叫店員再拎多一支飲管😵😵 小食 💁🏻‍♀️- 脆脆杏鮑菇 $38 粒粒杏鮑菇都好大粒，同雞扒炸衣一樣係好脆，外脆內裡就菇既韌，唔錯！ 🙅🏻‍♀️- 椒鹽花枝丸 $38 - 普通花枝丸 💁🏻‍♀️滷味- 豆腐 $18 整餐飯最值得讚揚就係滷豆腐 ，滷得好入味，同時豆腐好滑🙂！

💁🏻‍♀️芒果班戟 $19 黎到紅磡呢間遠近馳名既雞蛋仔，今日Bubu就無叫雞蛋仔，反而叫左性價比超高既芒果班戟👏～黎到有一個手掌大🖐️既班戟，但包滿大大粒既芒果🤤咬一啖😲，熱辣辣既班戟充滿蛋香，配上凍既芒果～冷熱既感覺同時刺激住味蕾🤭～其實芒果有D係酸既，但加上班戟既甜同埋沙律醬既咸香，3種味道交雜，反而唔會覺得淨食甜品咁漏既🙂～總括黎講呢個價錢呢個質素，已經無得輸呀👍！ 題外話，等緊同係附近食緊期間，可斷係好多人買，兩個老闆真係做到手都無停過，黎幫襯既老中細既顧客都有👍👍但咁既人流老闆出貨速度都好快，值得一讚呀😁

💁🏻‍♀️脆炸軟殻蟹滑蛋吐司 套餐 $60 （＋$10 咸檸梳打） 原隻軟殻蟹再配搭厚厚既滑蛋，外表已經相當吸引😍！不過油應該好耐之前換，每到軟殻蟹既炸出黎好深色😔櫻桃小咀既Bubu實在係一啖咬唔晒蟹、蛋同包🤣～先食蟹腳都食到啖啖既蟹肉😜，不過隻蟹有少少重油膉味，同食到蟹身有少少咸😮，建議都係儘量連包同蛋一齊食。滑蛋唔會過熟，做到滑蛋既要求，亦有蛋味。由於都好足料，食到底都唔怕得番包既皮無晒餡呀👍～ 咸檸梳打 - 普通，咸檸原粒，自己督爛控制味道 另外仲有牛油果拼蝦仁，同埋洋蔥牛肉滑蛋個樣都相當吸引❤️ 有下次😍😘

中環既Glasshouse名符其實係一間"玻璃屋"，玻璃外牆直望維港景，個view食野都覺得正❤️！成間餐廳唔止係西餐，仲有東南菜、fusion 菜、甜品都出色嫁！ 💁🏻‍♀️香辣龍蝦意粉 $188 黎到既時候已經聞到濃濃既香味！意粉入口只係有少少辣，同時有少少辣既aftertaste，十分惹味😁，會想一啖一啖咁食～龍蝦肉好彈牙，啖啖肉🥰，同時意粉好有彈性，整個意粉係煮到無晒水湯汁，但唔會太乾，整體配搭得好好，最可惜係成碟意粉份量唔算好多😂！ 👌黑胡椒醬烤雞炒意粉 Stir Fried Roasted Chicken Spaghetti $148 成個用鐵板上，呢個意粉炒得都係出色，同樣係乾身，意粉炒得有少少鑊氣，烤雞其實係雞扒，煮得就有D柴，意粉下面有一層薄薄既雞蛋，因為鐵板既熱力所以雞蛋煎到好香，但略厭有D太薄了，整體無龍蝦意粉咁出色，有D普通～

💁🏻‍♀️蔥油豬扒飯 $62 上到枱比大大塊既豬扒同豬扒上滿滿蔥油而感到震憾😍！然後除底口罩就聞到香氣四溢既蔥油味🤤，bubu先試左一啖蔥油，蔥味係好濃郁，有少少薑味，唔係好咸，比起平時食蔥油雞沾既蔥油咸度減一半左右🤔～相信係想食既人可以蔥油配晒成碗飯黎食❤️！試完放係最上既蔥油，再夾一塊豬扒黎試，嘩！好厚呀❤️；咬一啖，嘩！好軟呀😜～豬扒炸得好鬆軟！炸衣卻有少少硬，但唔阻礙bubu享受嫩滑既豬扒～同時飲有淋到甜豉油，配合蔥油！係絕配呀！ 👌肉燥豬扒飯 $58 豬扒同樣係好出色，但肉燥對比蔥油就變得好普通😯，肉燥都係偏甜，肉燥量都好少，汁就好多，都係建議試埋蔥油🤫～

💁🏻‍♀️椰子雞湯米線 $58 椰子雞湯好好飲❤️好清甜，濃濃既椰子味，可以連湯飲🤭，飲完仲要唔會覺得好味精👍～配米線同雞都係好好既配搭，唔會好油膩，同時米線又好掛到湯，一啖湯一湯雞，Bubu最後湯同米線都飲晒食晒🤭好滿足～雞亦都大大件，都幾嫩滑🤗！另外仲有配一D油豆腐、木耳、冬菇同蔥，呢D配菜就真係成個米線既敗筆😕😩，油豆腐好硬，完全吸唔到D湯，冬菇應該都係滷得唔入味，感覺似白灼，如果店鋪改善下D配菜就更好啦~

瘋狂牛肉面 （紅湯少辣）+ 羅漢果冬瓜茶 +成都老冰粉 $88 👌瘋狂牛肉面 有少少失望，少辣對bubu黎講唔辣唔麻，一D都唔重口味，成碗牛肉面以川菜角度黎講都算淡味，牛肉係一粒粒正方體，有咬口得黎又唔會咬到有根，滷得好入味。下次嘗試下中辣希望夠重口味啦～ 💁🏻‍♀️ 羅漢果冬瓜茶 只能叫熱飲，但好有驚喜！整杯唔算好甜，有冬瓜茶甜甜既味道，唔會死甜同過份甜， 亦飲到羅漢果獨有既甘甜味。川菜通常會比較油膩，食完面再飲佢，成個油膩感即刻消除晒～

位於荃灣Aeon入面，唔知係味個位有d偏，你唔兜過去用自助機都唔會發現呢間店，所以平時行過都無咩人。今次係Aeon買完野，可以用折扣換細細杯雪糕就順便買杯野飲。 😩🙅🏻‍♀️黑白珍珠奶茶 少甜 $34 奶茶無茶味，奶味都唔重，整杯野飲好水☹️。主打係黑白珍珠，但純粹視覺有享受，黑白色既珍珠味道一樣，但珍珠好硬😵，一D都唔係軟糯，感覺凍左多耐，好fail。台式飲料店理應珍珠奶茶係基本，但軟雪糕都做得比珍珠奶茶好食，真係無野好講～😩

日式店但店內裝修好西式格調，店內以黑色為主，燈光偏暗，仲有一個似酒吧既廚房，好chill～ 👌Soy Sauce Ramen $138 上枱見到雞髀經已流晒口水🤤～大大隻～賣相一流！仲有燒到香噴噴😳聽聞係慢煮過後再塗上醬油炙燒！不過慢煮雞髀黎講，咬落都算係鞋口🤔而湯底係以雞白湯為主再加醬油同黑蒜味，但雞白湯同醬油味唔重，黑蒜味反而突出，但係拉面林立既中環黎講，呢碗拉面有D失色😕！ 💁🏻‍♀️Sakura Shrimp & Corn Tempura $88 成個天婦羅炸得好鬆脆，驚喜度十足😍食落就有少少咸味同粟米既甜味，簡單既小食，但係會想食完又食～嘻😊

坐低就已經到last order😂招牌既梳乎厘pancake已經賣晒，咁唯有叫佢排行第2（應該係，除非唔係）既Premium Smile Pancake trytry～ 店內每人最少點一樣食物～ 👌Premium Smile Pancake $138 3️⃣層pancake，店員建議3層分開食～Bubu由最低層開始食，由咸到甜，最低層為半熟流心蛋，配少少甜既soufle pancake，切開一半既時候，蛋漿流晒出黎黎，好鬼吸引😍食落去又咸又甜，但又幾夾嫁波～中間個層係朱古力，朱古力唔算太甜，因為對比下，個pancake仲甜，但overall 甜度係可以接受👌最上個層就係平時食開既cream加生果。其實成個pancake食落甜度係可以接受，但口感就偏實，空氣感唔夠，少左梳乎厘應有既動L動L感，所以愈食愈濟，重點係已經同友人分享。日本正店Bubu未食過，但如果香港係呢個質素，Bubu 應該唔會想幫襯第2次～ 💁🏻‍♀️山梨縣產白桃果汁酒 $39 上枱既時候唔係跟冰上，Bubu同友人第一下就覺得一定要有冰先得！叫左服務員提供冰😁果然！有冰既酒係唔同D～ 3%既果汁酒唔重酒味，好易入口，同時又每啖都有淡淡既白桃味，有驚喜！好岩女仔飲～