新景園咖喱小廚

營業中

休息中

成日行過都見到好多人排隊，好奇想知究竟係唔係咁好食。襯平日放假，所以突登中午11:30左右去食，好彩只需等幾個位。等位途中已經見到好多人買外賣，先知原來外賣平一半，但係份量亦少一半。坐低左就叫左咖哩魚柳飯同咖哩豬扒飯，就算人多但上菜都唔算慢。咖哩係分開上，每碗咖哩汁都有一舊薯仔，而豬扒同魚柳好新鮮。試左一啖咖哩汁，個咖哩辣味係慢慢出黎，愈食愈辣，有點似印度咖哩味。而個豬扒一試好surprise，好juicy，好香個魚柳亦唔差，但因為豬扒太出色，所以魚柳反而冇咁凸出。雖然堂食價錢相比外賣貴一半，但係份量絕對唔可以睇少，我同朋友兩個人都食唔哂碟飯。眼見好多客都係食唔哂要打包。總之非常推薦比其他人食👍🏻👍🏻

Lunch hour去食一定排晒長龍，不過坐低後好快有得食咖哩熱辣辣，仲有煮到好入味嘅薯仔👍🏻我地叫咗豬扒，魚柳同咖喱雞，份量都幾多吓個人最surprise豬扒大大塊，切咗俾你咁大塊都唔韌，食落仲好香好酥脆總之咖喱味都唔會冚晒豬扒嘅好味💯伙計都爽手，但又無俾壓力要快啲交枱Lunch 嚟講唔平，不過聽講外賣會平啲買返去食都好

新景園咖喱小廚, 灣仔🍛其實呢間係灣仔都相當出名咖喇，相信好多朋友仔都已經食過。呢晚(仲未禁堂食)特登黎食佢好出名既#咖哩豬扒飯 🐖佢唔係午市套餐既話呢其實都要$85，但佢塊豬扒係真係好大塊，我就算自問好大食，但一個人都食唔哂塊#豬扒 。食物方面呢，塊豬扒就真係炸得好正好好味，主要應該係佢無用好多麵糰去塊豬扒到炸，所以咬落去啖啖肉，好滿足！🥰.🐖午市#咖哩 #豬扒飯 $45.📍# 灣仔 #春園街 20號地舖 #HappiMuffinHongKong🌟#HappiMuffin Rating: 8/10💰Price: $90-150 pp

一直好想試一次呢度嘅咖喱，知道外賣比堂食平一半，所以外賣咗一個咖喱豬扒飯。外賣比起堂食平咁多，當然好多人買，午飯時間等咗成半個鐘先拎到個飯盒。問過店員可唔可以咖喱汁另上，但店員話另外裝起咖喱汁就會收返堂食正價，即係$80幾。豬扒好大塊，炸得非常酥香，粉漿好薄，仲會幫你剪開一塊塊。豬扒一啲都唔會乾，真係非常非常好食。咖喱汁比我想像中辣，食下食下都出汗，雖然比得唔係特別多，但係都足夠撈飯。值得再encore！

幫襯了多年，每一次都同自己講要試下其他野食，但無奈每次都係忍唔住叫番咖喱豬扒飯。先講豬扒，基本上唔會係一早炸定，每次上菜塊豬扒都熱辣辣。豬扒肉質肥瘦比例均勻，口感一流。再加上執豬扒大塊到係食唔晒，冇投訴。咖喱汁方面，唔好用大家食開既印度或泰式咖喱比較，佢哋應該算係港式咖喱，香帶辣，唔食得辣既可以叫小辣。唯一美中不足係咖喱中既薯仔可以淋多小小就perfect!價錢是否合理，我就覺得我行入求其一間茶仔叫個咖喱豬扒飯，塊豬扒細塊過張十蚊紙，埋單都要60以上，值唔值就真係見人見智。近年好多餐廳都有意冇意參考新景園既喱豬飯（例如XX地）,但始終都冇新景園果份味道，所以我多年排隊排餐死都冇投訴。

呢間新景園唔洗我多講，應該好多識。日日都好多人幫襯，無論外賣、堂食一樣咁多人。左邊條隊係外賣，右邊條隊就係堂食。店舖開11:30am，唔洗5分鐘店舖已經坐滿人。▫️咖喱豬扒飯(HKD85)全間餐廳最多人叫嘅應該係呢碟豬扒飯。見到店員好忙碌咁出餐，大部分都係呢碟豬扒飯😝咖喱汁跟飯分開上，唔會整到塊豬扒淋晒👍同埋味道係夠辣㗎。我食嗰日天氣都幾凍，食完之後成個胃暖晒。▫️咖喱魚柳飯(HKD85)一碟有5大塊炸魚柳，同豬扒一樣即時炸起，熱辣辣好正呀。不過我都係鍾意炸豬扒多啲😆咖喱豬扒/魚柳飯都有做外賣，價錢$45平過堂食呀。不過豬扒就冇咁大塊喇。

At Sun King Yuen, you don’t need to frustrate yourself on what to order. “咖喱豬扒 乾炒牛河” were the 8 words that explain everything! A huge deep fried pork chop served with a creamy and local-styled curry sauce. The pork chop crust was so crispy that it reminds me of schnitzels in Austria. Tenderness in the middle showcased the quality of produce used here. Apart from curry, the HK Classic “Beef Chow Fun” - made with stir-fried sliced beef, flat noodles and bean sprouts, the noodles were so smooth and

俗語說：「眼見未為真，耳聽未為實。」所以小妹我從來不信人們說好好味的食物，我要親身試過才會相信到底是真的那麼好味定還是名大於實。這間店相信大家絕不陌生，門外人流永遠絡繹不絕，但在灣仔工作已有一段日子的我卻是第一次買外賣，那次我和同事去買外賣， 食物的味道果然不俗，而且價錢大眾化，可惜的是等待的時間就等到天荒地老，就連一起的男同事對我都略有微言，說以後不要預他。說到食物， 這間餐廳的咖哩吉列豬扒飯和干炒牛河可謂遠近馳名，它的咖哩豬扒飯的確是價廉物美，豬扒的份量十足，咖哩汁夠香辣惹味，咖哩中帶有微甜，而且豬扒外脆內軟，豬扒炸得恰到好處，鬆軟得來唔會鞋口，而且食起來沒有油膩感，是我食過的豬扒之中數一數二的好味，再配上咖哩汁和白飯，十分夾，而且很飽肚。整體而言，咖哩豬扒飯的質素和傳聞一樣很好味，名不虛傳，難怪平日人山人海，至於價錢方面，如果唔配飲品，比起堂食算是十分抵食。

聽個同事講過呢間既咖喱幾好食事關今日咁啱路過呢頭咪入去試下味囉, 點知結論係試過就算！一定無下次！午飯時間啱啱間野開門唔洗排隊一入就有位、望一望墻身既餐牌就叫左個「咖喱豬扒飯」得呢樣啱食其他興趣不大 +「凍奶茶」好快就拎嚟（應該係已經整定好既）豬扒炸得幾好！大大件腌得入味,但咖喱汁完全無咖喱既香味得辣味同完全無其他味道凍奶茶又係無茶味咖喱汁果舊薯仔硬既未淋個心實既比個同事呃鬼左完全係中🚁🚁🚁價錢唔平味道一般！都係果句試過就算！唔好信人地把口！自己個嘴D味蕾先係最信得過！

呢間嘅咖喱豬扒飯聽講好好味，但一直好少過海，冇機會試。今日有機會過海，靈機一觸，決定去試。 大概星期六下午1:30去到，前面已經有六個人排緊隊，因為防疫條例，所以等得比較耐，等咗大概15至20分鐘左右先可以入座。 乾炒牛河 ($78)乾炒牛河好夠鑊氣，超多超多超多牛肉。牛肉好稔、好滑，一啲都唔"鞋"。咖喱豬扒飯 ($85)重頭戲就係咖喱豬扒飯，豬扒嘅份量係多得驚人，應該有成隻碟咁大塊。新鮮炸起，粉漿好薄，肉嫩多汁。佢既咖喱唔係杰身，比較"水"狀，味道都好濃，微辣，好好味！ 兩個人係飽到上心口...🤣溫提：呢間餐廳設有最低消費$68(如沒記錯）所以唔洗諗住可以兩個人share 一碟，最多食唔曬take away 唔好浪費。 😀

好耐冇黎新景園啦，今日同好友趁happy friday 嚟食個晏晝。12點半門口已經人頭湧湧，大多數人都係買外賣，排隊堂食反而冇咁多人，但由於限聚令只可以坐兩人，所以都等咗頗耐才可入坐。由於好友呢排唔食得咖喱，所以嗌咗鮮茄豬扒飯。新鮮豬扒仍然咁大大件，炸得仍然香口，肉質嫩滑依然，又唔肥膩，可謂啖啖肉，乾炒牛河，依然夠晒鑊氣，牛肉同配料又多，但今次炒得好似比較多油。加埋一支大樽裝可樂，豬扒、牛河、配可樂真係冇得輸。

喺灣仔返工的人，冇人會唔識新景園呢間老字號茶餐廳新景園的咖喱豬扒飯可以話系遠近馳名，平時食飯時間條隊長到霸住人地鋪頭條路，出名程度真系唔系講笑平時想食已經咁難，何況系疫情下仲要有限聚令，晏就想系餐廳裏面搵個位更加系唔駛諗，好彩新景園出左個抗疫餐單俾一班打工仔買番公司慢慢食平時坐低食成$90個餐，抗疫外賣平成一半真系抵食到爛，雞扒、豬扒，魚柳勁多選擇<粟米雞扒飯$45>之前次次都食咖哩豬扒，今次轉下口味試下佢個雞扒粟米汁系白汁個種，偏傑少少，個汁都幾多撈飯食無得輸雞扒層炸粉似系魚柳個隻粉，唔系平時麵包糠個種炸粉夠薄，炸得夠脆，份量仲要唔野少真心好食

Looking for somewhere to have causal bomb lunch with good price-quality ratio? Sun King Yuen got you bomb curry in town. The tradition cha chaan teng interior is relatively tight, ideal for a casual lunch or dinner. But believe me you won’t be free to talk with their gravy-filled pork chop curry.-久仰這家屢被報道的港式咖喱老店大名🍛 終於來朝聖啦！一份超入味軟嫩牛腩、一份薄粉多汁黃金豬扒，話不多説唏哩速嚕把飯吃光光🦦 少飯在這裡完全不成立，應該要加底⛽️-話説上菜靚姐徐徐放下一碗咖喱汁，我跟朋友兩個大眼瞪小眼，心想這是一道菜？靚姐立馬笑說豬扒是跟飯上碟，不要緊張，大家都笑到岔氣🤣店員超級熱情，禮貌300分💯💯💯 難怪無論是堂食還是外賣人龍都一直落落長，香港人果然識貨🫕

估唔到平日7點前去食都要等位😝不過好彩都快👍🏼·•咖哩豬扒飯($85)。真係好出色，豬扒超大份，咖哩汁又正🤤🤤撈飯一流豬扒外脆內軟，超級好食，呀媽都話正，但真係好大份！•籠仔蒸滑雞。加咗$10變咗做餐，有飯例湯同菜，其實好抵不過真係好飽🙈d雞好滑，冬菇吸晒d味仲正🤤例湯好好味，媽媽話應該無味精，正👍🏼·下次都係唔好貪心變餐，2條友飽到咩咁🙈不過真係好好食，一般咖哩既我都真係撈飯撈唔停🤤

疫情下，都係外賣自取同㨂返啲乾淨衛生嘅餐廳🍴。今日去咗灣仔揾食，試下新景園買外賣，見人龍都唔係太長，所以都想試下。咖哩豬排飯都係$45 😆😆😆，我諗住等一陣，原來好多人有打電話買，嚟到俾錢，原來可以打電話預約🧐🧐🧐 下次會醒目少少。大約等咗10幾分鐘 ⌛⏳，終於有啦 😙😬😛 Lalamove 返公司開餐 🍛🍴，一打開嗰飯盒，真心好香，有少少驚其他同事嚟搶食🤭😝。原來午飯比晚巿平咗但係少咗一塊豬排🥩 ，講真，晚餐嘅咖哩豬排飯係二人份量，午餐呢個先係正常餐 😃，豬排好厚又好味😙😛🤤 咖哩唔辣啱晒我。今餐好滿足，好驚下晏會眼瞓😪😪😪