新景園咖喱小廚

營業中

休息中

首推咖哩吉列豬扒飯豬扒大大兩塊 好厚肉 而且外層脆皮好脆 唔會皮肉分離咖哩送飯一流 仲有兩大舊薯仔係有少少貴 但夠兩個女仔食 我一個男人都食唔晒成碟 飽到嘔因為有最低消費所以另外叫左碟乾炒牛河佢嘅乾炒牛河都唔差 好夠鑊氣 仲有勁多牛肉唔會太油 牛肉唔會好硬 好食另外叫左兩杯飲品凍奶茶叫左少甜 點知完全唔甜 茶味好重 奶偏少而且飲品無跟餐價 單叫$1x有啲貴 建議食完去其他地方買野飲埋單人均差唔多$100 茶餐廳黎講都算偏貴 但食物質素好掂 推介👍🏻

咖哩豬扒飯好好食！咖哩豬扒飯好好食！咖哩豬扒飯好好食！重要嘅事要講三次💛炸豬扒外脆內軟，肉質厚身。咖哩另上，辣味亦都夠出（唔食得辣嘅朋友記得嗌嘢飲，我就叫咗枝可樂😆）見其他枱嘅打工仔，枱枱都係叫咖哩豬，果然係最受歡迎嘅菜式！其實仲有叫咖喱牛腩飯，牛腩同牛筋都好淋身，其實都唔錯，不過第一次去食嘅話建議都係叫咖喱豬扒飯😂值得一讚嘅係，入面啲姐姐個個都好好態度，服務好好，唔會因為係茶餐廳就求求其其好惡另外，留意返平工上班時間排隊等候時間約10至20分鐘。

老闆娘卻說：「我們這裏吃咖喱，也是黃色的。我們都是站年輕人的一邊。」#譚詠麟 原來呢個茶記一路都係馳名老店💛 因為譚詠麟事件 比我留意到佢🥰 打包返office 食！ 返到office重係熱辣辣！ 完全爆汁既咖喱汁🥰 好邪惡 但就算咁多汁都唔會覺得太過咸！ 味道岩岩好！ 個豬扒簡直一流！ 通常豬扒都好容易overcook左變得好老都好「銀」 但佢係好鬆軟同juicy !!! 完完全全係香港本地味道🥰 雖然無任何配菜 但都食得好滿足 係灣仔返工真係好幸福呀😍🥰 有咁多黃店可以食💛💛大家可以打定去叫外賣自取💛

相信大部份灣仔區返工既人都聽過新景園呢間食店既大名，每日LUNCH時候都人山人海，如果想堂食真係要有心理準備要排一段長時間，唔好以為外賣會好快有，因為買外賣既打工仔都係打哂蛇餅。咁多人排隊除左係佢味道出眾之餘，仲係一間本土既店鋪😌 由於真係太多人堂食既關係，我每次都只可以食外賣，俾個TIPS大家，大家可以提早打電話叫定外賣，咁樣會比你即場叫節省好多等候時間。外賣飯盒比起堂食平得多，新景園最出名就係咖喱豬扒飯，咁當然要叫呢樣招牌飯食啦😌 咖喱豬扒飯 雖然公司同鋪頭路程都有10-15分鐘步行距離，但返到公司打開飯盒既時候，飯，咖哩汁，豬扒依然好熱，相信係因為即叫即整既關係，可想而知堂食既話會更加吸引。咖喱香得黎帶有小辣，係港式咖喱味，而豬扒則大大塊切上，咬落脆口鬆軟，配合埋濃郁咖哩汁無得彈，仲有佢例湯（需加錢）都唔錯架，雪耳雞湯飲落清清地，又唔會好淡，食完咖哩飲返啖湯潤一潤喉的確唔錯😋

星期六OT👨🏻‍💻系列:新景園咖喱小廚🍛暫時左堂食,只得外賣🥡傳統小店,幾位伙記一腳踢,唔會好似西餐級服務🍷但會有濃濃既香港式人情味🌝 ——————————————名物:咖喱豬扒飯🐷(外賣$45)(堂食$85)咖喱香濃,帶微微辣味🌶豬扒香,脆,軟,唔會有乾身既感覺小編有啲想買盒豬拉瘋狂食👅 ——————————————環境: 5/10食物: 8.5/10服務: 6/10人均消費: $50-$100

依間咖喱果然名不虛傳，我放工去過兩次，兩次都賣曬無咖喱，第三次先食到，其實我係低碳人士，平時都好節制唔算好鍾意食白飯，但係依個咖喱真係好好味，搞到我破戒😂我地叫左咖喱豬扒飯同咖喱牛腩飯，我以下是一句廢話，但係真係....豬扒同牛腩都好林😂原先我仲諗緊係咪有好多foodie盲撐，但係一試就知唔係，依間野係值得專登去食，我會再黎食，但帶望唔洗再白行幾次先食到啦🤣我有d唔開心既係 我太遲認識依間餐廳，因為餐廳的裝潢都好舊式，我好鐘意，因為我去到的時間已經好夜，就唔好意思周圍影無影得好多😅

疾情好轉，平日晚上已經好多人，7:00去到仲好多人，排左一陣隊就可以入座。餐廳都係小店老字號，sell人情味，又sell好味，所以咁多年長期在灣仔生存到，以前放假會去下，呢一年就lunch都去支持良心小店！佢的咖喱豬扒飯，始終都係大大碟，女仔唔一定食得晒。咖喱係另上的，撈飯或者分開食都得，咖喱汁入面嘅薯仔係有煎過，脆脆地几香口的。豬扒同咖喱都係好好味嘅。豬扒好有口感好味，一定要趁熱食 ...... 特別推介汽水配豬扒，特別爽，一流！！！

豬扒整得好食其實真係好難，因為豬扒本身肉質偏硬，變相食上口成日都覺得鞋颯颯。如果加咗鬆肉粉，味道又會好明顯有唔同。所以，食咗豬扒咁多年，我都好接受佢呢一種嘅口感。新景園最最最最最犀利嘅地方係佢嘅豬扒整出嚟真係又香又脆又鬆軟又有肉汁！係我食過最好食嘅豬扒！真係冇誇張！至於個咖喱飯呢，都唔係Hea嘅。個人認為佢食出嚟嘅味道層次比較豐富，屬於野味嗰種。都係有啲辣嘅(我食開譚仔二小辣)，因為佢嘅辣有層次，所以係好吸引，食完會想再食。價錢來講呢，都坦白講，因為出邊食豬扒飯實在太平，所以差唔多$100就會覺得有啲貴啦。但佢位於銅鑼灣，個飯同豬扒又大碟，又係我食過最好食嘅炸豬扒飯。所以，我係會再返嚟食㗎！佢都係一間難得有d貴，而我都會想返嚟食嘅！終於食黃店唔係比黃店懲罰返

灣仔區返工的大家有福了！新景園咖喱小廚飯盒外賣只係$45，仲有招牌的咖喱豬扒飯可以買，12:00放午飯的時候立即提早下去購買，到達時已經人山人海，十分多人，但站在外面處理外賣的哥哥禮貌萬分。然後發現可以先打電話叫定再來到自取，下次想吃的時候一定會先訂。豬扒很大塊，回到Office時依然很脆很熱，咖喱是微辣的港式咖喱，沒有其他額外的送菜，只有最精髓的咖喱跟豬扒。豬扒是有骨的，連住骨頭的地方更好吃。飯也很多，連著一起吃竟然可以全個吃完。

平日OT 後總是無力😣，又未到weekend,心情真係好down 👉🏻👈🏻, 宜家又唔會去旅行charge 電，唯有食好啲儲肥自己🤪。做到7點到，去咗新景園，發現今晚條隊比較短，又一個人，所以就去排下，都算好彩，排咗2張枱就到我。一個人點了一碟咖哩豬扒飯$85，其實加$10就會有菜同可樂，但一個人真係食唔哂😌😏，所以都唔好亂叫浪費。先嚟一碗咖哩汁同薯仔🥔，🤔 就係一舊薯仔都大半個權頭咁大😂😅，跟住再上豬扒飯...... 😆😆😆 有2塊大豬扒🐷。諗住咁大塊扒，應該無咩驚喜。點知！豬扒真係好好好味，好香又juicy 🙈🙈🙈🙈 其實加唔加咖哩都好好味，我努力食食食，但係碟飯真係有點over,最尾，我食淨少少飯🍚。其實lunch 係$4X ,未食過，但如果都係咁嘅份量真係爆抵食🥰😍。

而家冇堂食得外賣咖哩豬扒真係名不虛傳, 食左咁多年都係一個味Keep 到E個水準先至犀利乾炒牛河本人覺得就差D鑊氣, 5夠香,夜晚D小菜都幾好味!!服務態度始終如一, 好好禮貌咖哩豬扒飯, 一個人吃5哂....中午吃左, 夜晚嗰餐都5駃吃...一餐頂兩餐..

💛 新景園咖喱小廚 💛..............................👧🏻一早已經bookmark咗新景園茶記嚟講價位真係有啲高 所以一直無去試😖但有一晚👦🏻👧🏻想食嘅黃店突然只提供外賣😩之後見到新景園原來都幾近 咁就咗衝去食啦😈佢地有遵守一半入座率變咗得4張枱用 建議大家外賣🥰.🔅想知黃店原因請Pm💛.題外話：佢地服務真係好好係好豪爽嗰種好 今餐食得好開心💛..............................🍽咖哩豬扒飯 $85 （👏🏻9.5/10）。加$10 配 油菜一碟 + 例湯/汽水.咖哩汁好好好好濃郁好正 有好重嘅香料味絕對唔係普通茶記嘅熒光咖喱汁質素 勁高質！哇個炸豬扒好食到簡直要拍手 啪啪啪啪啪👏🏻炸豬扒個皮脆得嚟又唔會𠝹口 炸粉厚薄啱啱好豬扒好厚肉 好多肉汁 鹹鹹香香調味啱啱好仲要好多豬扒囉 數過有10嚿呀😳本身覺得成百蚊食個茶記咖喱豬扒好似好誇但食完嘅感想係 值呀 真係值95蚊😍😍仲有佢個油菜都唔係hea 條條都好靚嘅成碟菜都係綠油油 賣相好好 仲好腍好甜🥬🤣.👏🏻靚蝦醬蒸豬肉 $80（👏🏻7/10）。加$10 配 油菜一碟 + 例湯/汽水.蝦醬味

岩岩遇著晚市開門唔洗等位，我地二人即刻衝入去本來想叫乾炒牛河，但店員話下午生意太好，賣晒，咁試晚餐咕嚕肉＄90同馳名咖哩豬排飯＄88啦先黎跟晚餐的雪耳豬骨湯，油菜及跟豬排飯既可樂。可能非常多人叫外賣，上面既餸菜到左半個鐘先有主菜。雪耳夠晒淋，個湯好潤。另外豬骨靚，有肉香，豬骨既肉唔柴。主角炸豬排，點解可以咁好食,驚為天人! 非常有肉汁，調味有少少甜，講唔出係咩味，好似五香粉咁。肉質剛好，位置有少少脂肪紋理，所以咬落真係好juicy!其中一塊好厚另一塊超薄。 不過我鐘意薄呢塊既口感， 友人就鐘意厚既。其實都幾好，因為厚薄口感真係會有 d 分別，而且兩塊厚真係食唔晒，我已經叫少飯。咖哩汁非常香濃，只係我同友人都覺得太辣，食到少少咋。晚餐咕嚕肉友人話非常有獲氣，我自己食都覺得同出面唔同，無出面果種鮮紅色，反而有黑醋既味。同樣，調味都好正。而咕嚕肉既肉位置真係正宗位置，中間有層筋位既部分，煮出傳統水準！店內裝修傳統，但充滿街坊人情味。我地第一次幫襯，已經見有好多熟客，店員會問佢今晚食咩呀，又會有食客送餅比 d 店員打氣。而煮好既菜式又會由師父專承拎出黎放係客人枱面，講唔該既話，所有店員都一定會

相信呢間老字號都無人唔識，一碟咖喱豬扒飯賣到$85但依然大排長龍。豬扒表面酥脆，炸衣夠薄又不油膩，肉質鬆軟，而且份量十足，配上微辣港式咖喱汁，撈飯一流👍🏻————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣ 咖喱豬扒飯 $85💡味道：🌕🌕🌕🌕🌑⁣⁣⁣⁣💡環境：🌕🌕🌕🌑🌑⁣⁣⁣⁣⁣⁣💡服務：🌕🌕🌕🌗🌑⁣⁣⁣⁣⁣⁣⁣💡性價比：🌕🌕🌕🌑🌑⁣⁣⁣⁣⁣⁣⁣

話說，個日要去攞月餅劵，咁當然順便去食埋啦，攞劵個時，阿哥哥仔都吹左幾句，而入面既姐姐仔同我後面個兩位都好好傾XD 個日佢見我有個背囊，仲主動俾多張凳我，我話ok啦，唔好阻人行，佢話點會唔重啊，放低同我好好地咁慢慢食!係既係既...都唔洗點介紹啦，佢咁多年歷史，咁多新聞~但係咁易啦，咖哩豬，咖哩好味，唔會太稀~ 豬扒炸出黎都好香好脆~男人話次次去親都只係食咖哩，今次同我去食可以試埋佢另一樣出名既乾炒牛河!老實講夠色，但可以咸少少，當然加左辣椒油就perfect啦！